📜 Инструкция по применению Артихол
💊 Состав препарата Артихол
✅ Применение препарата Артихол
📅 Условия хранения Артихол
⏳ Срок годности Артихол

ҚЎЛЛАШ БЎЙИЧА ЙЎРИҚНОМА

АРТИХОЛ

ARTIHOL

 

Препаратнинг савдо номи: Артихол

Дори шакли: плёнка қобиқ билан қопланган таблеткалар.

Таркиби:

1 таблетка қуйидагиларни сақлайди:

фаол модда: 200 мг ёки 400 мг артишок қуруқ экстракти (Cynara scolymus);

ёрдамчи моддалар: магний оксиди, сувсиз коллоид кремний диоксиди, маккажўхори крахмали, тальк, магний стеарати; қобиғи: плёнка қобиғи учун Opadry 200 Brown аралашмаси (поливинил спирти, тальк, титан диоксиди (Е 171), полиэтиленгликоль, темир (II) оксиди (Е 172), темир (III) оксиди (Е 172), темир (II,III) оксиди (Е 172), метакрил сополимери (С тип), натрий гидрокарбонати).

Таърифи: думалоқ шаклли, икки томонлама қавариқ, оч-жигарранг плёнка қобиқ билан қопланган таблеткалар.

Фармакотерапевтик гуруҳи: жигар ва ўт чиқариш йўллари касалликларида қўлланадиган воситалар.

АТХ коди: А05АХ.

Фармакологик хусусиятлари

Фармакологик хусусиятлари дала артишокини (Cynara scolymus) баргларининг таркибига кирувчи биологик фаол моддалар комплексининг таъсири билан боғлиқ. Сафро ҳайдовчи, гепатопротектор ва сийдик ҳайдовчи таъсир кўрсатади, шунингдек қонда мочевина даражасини камайтиради. Артишокнинг таркибидаги инсулин ва бошқа моддалар организмда алмашинув жараёнларини яхшилайди.

Қўлланилиши

Сурункали гепатит, жигар циррози, сурункали тошсиз холецистит, гипокинетик типдаги ўт чиқариш йўллари дискинезияси, сурункали нефрит, сурункали буйрак етишмовчилигида қўлланади.

 

Қўллаш усули ва дозалари

Катталарга ва 12 ёшдан ошган болаларга 200-400 мг дан суткада 3 марта овқатдан олдин ичга буюрилади.

6 ёшдан 12 ёшгача бўлган болаларга 200 мг дан суткада 3 марта.

Даволаш курси – 2-3 ҳафта. Зарурати бўлганида шифокор билан маслаҳатлашгандан кейин такрорий курсларни ўтказиш мумкин.

 

Ножўя таъсирлари

Препарат юқори дозаларда узоқ вақт қўлланганида диарея, қориннинг юқори соҳасида оғриқ, кўнгил айниши ва жиғилдон қайнаши, аллергик реакциялар бўлиши мумкин.

Қўллаш мумкин бўлмаган ҳолатлар

Артишок ва мураккабгулдошлар оиласига мансуб бош ўсимликларга маълум юқори сезувчанлик, ўт чиқариш ва сийдик чиқариш йўлларини ўтказмаслиги, ўт-тош касаллиги, оғир жигар етишмовчилигида қўллаш мумкин эмас.

Дориларнинг ўзаро таъсири

Кумарин қатори антикоагулянтларнинг (масалан, фенпрокумон, варфарин) терапевтик самараси сусайиши мумкин, бу бундай препаратларнинг дозасига тузатиш киритишни талаб этади.

Махсус кўрсатмалар

Препаратни ўт чиқариш йўлларини ўтказмаслигига олиб келувчи касалликларда ва жигарнинг оғир касалликларида эҳтиёткорлик билан қўлланади. Агар касаллик симптомлари йўқолмаса ёки доимо қайталанса ёки диарея, қоринда оғриқ пайдо бўлган ҳолларда препарат билан даволашни тўхтатиш ва шифокор билан маслаҳатлашиш керак. Препаратни буйракнинг ўткир касалликларида қўллаш мумкин эмас.

Ҳомиладорлик ва эмизиш даврида қўлланиши. Ҳомиладорлик ва эмизиш даврида препаратни фақат шифокор кўрсатмаси бўйича, агар она учун кутилаётган фойда ҳомила ёки бола учун потенциал хавфдан юқори бўлгандагина қўллаш мумкин.

Болалар. 6 ёшгача бўлган болаларда препарат қўлланилмайди.

Автотранспортни бошқарганда ёки бошқа механизмлар билан ишлаганда реакция тезлигига таъсир қилиш қобилияти. Таъсир қилмайди.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Дозани ошириб юборилиши

Ножўя самаралар кучайиши мумкин.

Даволаш: Препаратни бекор қилиш. Симптоматик даволаш.

Чиқарилиш шакли

200 мг: 10 таблеткадан блистерда; 3 блистердан қутида.

400 мг: 10 таблеткадан блистерда; 4 блистердан қутида.

Сақлаш шароити

Оригинал ўрамида, 25°С дан юқори бўлмаган ҳароратда.

 

Яроқлилик муддати

2 йил.

Дорихоналардан бериш тартиби

Рецептсиз.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.