ҚЎЛЛАШ БЎЙИЧА ЙЎРИҚНОМА

КАЛЬЦИЙ ГЛЮКОНАТ

CALCII GLUCONATUM

Препаратнинг савдо номи: Кальций глюконат

Таъсир этувчи модда (ХПН): глюкон кислотасининг кальцийли тузи

Дори шакли: таблеткалар

Таркиби:

1 таблетка қуйидагиларни сақлайди:

фаол модда: кальций глюконати – 0,5 г;

ёрдамчи моддалар: картошка ёки маккажўхори крахмали, кальций стеарати.

Таърифи: юзаси силлик, оқ рангли, рискали ва фаскали таблеткалар.

Фармакотерапевтик гуруҳи: Минерал препаратлар.

АТХ коди: A12AA03

Фармакологик хусусиятлари

Фармакодинамикаси.

Кальций препарати нерв импульсларини ўтказиш жараёнларини амалга ошириш, скелет ва силлиқ мушакларнинг қисқариши, миокард фаолияти, суяк тўқималарининг шаклланиши, қон ивиши учун зарур бўлганкальций ионлари танқислигини тўлдиради. Кальций Глюконат қон томирлар ўтказувчанлигини камайтиради, яллиғланиш реакцияларнинг ривожланишини олдини олади, организмни инфекцияларга чидамлилигини оширади, аллергияга қарши ва гемостатик таъсир кўрсатади.

Қўлланилиши

Кальций Глюконат қалқонсимон олди бези функциясининг тетания ёки спазмофилия билан бирга бўлган етишмовчилиги, аллергик касалликлар (қон зардоб касаллиги, эшакеми, ангионевротик шиш, тошмали иситма) ва дори қабул қилиш билан боғлиқ аллергик асоратлар, паренхиматоз гепатит, жигарнинг заҳарли шикастланишлари, эклампсия, яллиғаниш ва экссудатив жараёнлар (пневмония, плеврит, аднексит, эндометрит), тери касалликлари (қичиш, экзема, псориаз), гипокальциемияни даволаш, магний тузлари, шовул кислотаси ва унинг тузлари билан заҳарланишда, заҳарланишга қарши восита сифатида ўпка, меъда-ичак, бурун, бачадондан қон кетишида қўшимча қон тўхтатувчи восита сифатида қўлланилади.

Қўллаш усули ва дозалари

Ичга, овқатдан олдин катталарга – кунда 2-3 марта 1-3 г дан, 1 ёшга етмаган болаларга – 0,5 г дан; 2-4 ёшларга – 1 г дан, 5-6 ёшларга – 1,5 г дан, 7-9 ёшларга 1,5-2 г дан, 10 ёшдан 14 ёшгача – 2-3 г дан кунда 2-3 марта буюрилади. Кекса ёшдаги шахслар учун препаратнинг дозасини  кунда 2 г дан ошириш мумкин эмас.

Дорилар билан ўзаро таъсири

Юрак гликозидларининг таъсирини кучайтиради. Юракка таъсирига кўра калий ионларининг антагонистидир.

Махсус кўрсатмалар

Унча кучли бўлмаган гиперкальциурия, буйрак функциясининг озгина бузилишлари, анамнездаги сийдик-тош касаллигида препарат эҳтиёткорлик билан буюрилади ва бунда кальцийнинг сийдик билан ажралиб чиқиш миқдори назорат қилинади. Сийдикда конкрементлар ҳосил бўлишига мойиллик бўлганда истеъмол қилинадиган суюқлик ҳажмини ошириш лозим.

Кальций препаратлари юрак ва саркоидоз касалликларида эҳтиётлик билан тавсия этилади. Юқори дозалари буюрилганида, айникса ёш болаларда қон ва сийдикдаги  кальций микдорини синчков  назоратга олиш керак.

Ҳомиладор  ва эмизикли аёлларда

Ҳомиладор аёлларда кальций препаратини витамин Д билан бирга қабул қилинганда, гиперкальциемия ҳолатига тушиши эҳтимоли юқори бўлиб, тавсия этилган миқдоридан оширилмаслик тавсия этилади. Эмизикли аёллар учун ножўя таъсири йўқ.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Доришакли

500 мг ли таблеткалар.

Сақлаш шароити

Қуруқ, салқин, ёруғликдан ҳимояланган жойда сақлансин.

Яроқлилик муддати

5йил.

Дорихоналардан бериш тартиби

Рецептсиз.