ҚЎЛЛАШ БЎЙИЧА ЙЎРИҚНОМА
ПЛЕНМОКСИ
PLENMOXI
Препаратнинг савдо номи: Пленмокси
Таъсир этувчи модда (ХПН): моксифлоксацин
Дори шакли: таблеткалар
Таркиби:
Бир таблетка қуйидагиларни сақлайди:
фаол модда: 400 мг моксифлоксацин гидрохлориди;
ёрдамчи моддалар:
маккажўхори крахмали 126,0 мг
микрокристалл целлюлоза 74,04 мг
повидон (К-30) 12,0 мг
изопропил спирти 350,0 мг
натрий кроскармеллоза 14,50 мг
натрий крахмал гликоляти 14,50 мг
тозаланган тальк 14,30 мг
сувсиз коллоид кремний диоксиди 3,60 мг
магний стеарати 7,20 мг
Таърифи: жигарранг рангли, овал, икки томони қавариқ, плёнка қобиқ билан қопланган, бир томонида рискали ва бошқа томони силлиқ таблеткалар.
Фармакотерапевтик гуруҳи: антибактериал синтетик восита (фторхинолонлар гуруҳи).
АТХ коди: J01MA14
Фармакологик хусусиятлари
Моксифлоксацин ДНК-гиразага (топоизомераза 2) ва топоизомераза 4 га ингибиция қилувчи таъсир кўрсатади, улар бактерияларнинг ДНК нитранскрипцияси, репликацияси, рекомбинацияси ва репарацияси учун керак. Моксифлоксацин микроороганизм ДНК ҳосил бўлишини бузади, бактерицид таъсир кўрсатади. 8 ҳолатида метокси-гуруҳни мавжудлиги фаоллигини ошиши ва граммусбат бактерияларнинг мутант резистент штаммлари пайдо бўлишини камайишига ёрдам беради. 7 ҳолатидаги қўшимча ҳалқа хужайрадан фтрохинолонларнинг фаол чиқариб ташланишини олдини олади, у айрим граммусбат бактерияларда кузатиладиган pmrA ёки NorA генлари билан боғлиқ.
Моксифлоксацин қуйидаги микроорганизмларнинг кўпчилик штаммларига қарши фаол: аэроб граммусбат – Staphylococcus aureus (фақат метициллинга сезгир штаммлари), Enterococcus faecalis (фақат гентамицин ва ванкомицинга сезгир штаммлари), Streptococcus anginisus, Streptococcus pneumoniae (шу жумладан мультирезистент штаммлари хам), Streptococcus constellatus, Streptococcus pyogenes; аэроб грамманфийлар – Enterobacter cloacae, Hemophilus influenzae, Escherichia coli, Hemophilus parainfluenzae, Moraxella catarrhalis, Klebsiella pneumoniae, Proteus mirabilis, анаэроб – Bacteroides fragilis, Clostridium perfringens, Bacteroides thetaiotaomicron, Peptostreptococcus spp., шунингдек бошқа – Mycoplasma pneumoniae, Chlamydia pneumoniae. In vitro текширишларнинг натижалари бўйича моксифлоксацин қуйидаги микроорганизмларнинг кўпчилик штаммларига қарши фаол: аэроб граммусбатлар – Streptococcus agalactiae, Staphylococcus epidermidis (фақат метиуиллинга сезгир штаммлари), Streptococcus viridans; аэроб грамманфий – Citrobacter freundii, Legionella pneumophyla, Klebsiella oxytoca; анаэроб – Provotella spp., Fusobacterium spp. In vitro шароитида олинган бу маълумотларнинг клиник аҳамияти аниқланмаган, бу қўзғатувчилар чақирган инфекцияларни даволашда моксифлоксацинни ишлатишнинг самарадорлиги ва хавфсизлиги яхши назоратланган ва адекват синовларда аниқланмаган. Моксифлоксацин ва бошқа микробларга қарши воситалар орасида кесишган резистентлик номаълум. In vitro шароитида моксифлоксацинга чидамлилик секин шакилланади, кўппоғонали мутациялар натижасида ривожланади ва 1,8∙10-9 дан 1∙10-1 ва камроқ тез-тезликда учрайди. Моксифлоксацин ва бошқа фторхинолонлар орасида кесишган резистентлик грамманфий бактерияларда мавжуд.
Фармакокинетикаси
Ичга қабул қилинганидан кейин моксифлоксацин меъда-ичак йўлларидан яхши сўрилади. Моксифлоксациннинг мутлақ биокираолишлиги 90% га тенг. Ичга 400 мг қабул қилинганидан кейин моксифлоксациннинг максимал концентрацияси 3,1±1,0 мг/л ни ташкил қилади, кўп марта қабул қилинганда 4,5±0,5 мг/л га тенг. Плазмадан моксифлоксациннинг ярим чиқарилиш даври 12±1,3 соатни ташкил қилади. Плазма оқсиллари билан 50% га боғланади. Моксифлоксациннинг тақсимланиш хажми
1,7-2,7 л/кг ни ташкил қилади. Моксифлоксацин организмнинг суюқликлари ва тўқималарида яхши тақсимланади (сўлак, бурун, бурун бўшлиқлари, бронхларнинг шиллиқ қавати, тери ости тўқималари, скелет мушаклари ва бошқалар).
Моксифлоксацин жигарда цитохром Р450 тизимини иштирокисиз фаол бўлмаган сульфат ва глюкуронид метаболитларини хосил бўлиши билан конъюгация йўли орқали метаболизмга учрайди. Сульфат дозанинг тахминан 38% ни ташкил қилади ва асосан аҳлат билан чиқарилади, глюкуронид – дозанинг 14% ни ташкил қилади ва фақат сийдик билан чиқарилади. Препаратнинг тахминан 45% ўзгармаган ҳолда чиқарилади (20% сийдик билан, 25% аҳлат билан). Моксифлоксациннинг умумий тахмин қилинган клиренси соатига 12±2,0 л ни ташкил қилади, буйрак клиренси соатига 2,6±0,5 л га тенг. Моксифлоксациннинг фармакокинетик кўрсаткичлари пациентнинг жинси, ёши, ирқига боғлиқ эмас. Буйракларнинг функционал холатини бузилишида (шу жумладан минутига 30 мл кам креатинин клиренси), шунингдек жигар ишини оғирлиги енгил ва ўртача даражали бузилишида фармакокинетик кўрсаткичларини аҳамиятли ўзгаришлари аниқланмаган. Оғир буйрак етишмовчилиги бўлган пациентларда, шунингдек болаларда моксифлоксациннинг фармакокинетикаси ўрганилмаган.
Қўлланилиши
Сезгир микроорганизмлар чақирган инфекцион-яллиғланиш касалликлари: юқори ва қуйи нафас йўлларининг инфекциялари: ўткир синусит, сурункали бронхитни зўрайиши, шифохонадан ташқари пневмония; юмшоқ тўқималар ва тери инфекциялари, интраабдоминал инфекцияларда қўлланади.
Қўллаш усули ва дозалари
Моксифлоксацин ичга қабул қилинади (овқат қабул қилишдан қатъий назар, катта миқдордаги сув билан бирга), вена ичига юборилади (1 соат давомида), 400 мг суткада 1 марта. Даволаш давомийлиги кўрсатмаларга боғлиқ. Кекса пациентларда, енгил ва ўртача жигар етишмовчилиги бўлган беморларда, шунингдек буйрак етишмовчилиги бўлган беморларда (шу жумладан креатинин клиренси 30 мл/мин/1,73 м2 камлиги), шу жумладан давомли амбулатор перитонеал диализда ва узлуксиз гемодиализда дозага тузатиш киритиш талаб этилмайди.
Даволашни бошлашдан олдин касалликни чақирган микроорганизмларни аниқлаш учун мувофиқ тестларни бажариш ва моксифлоксацинга уларнинг сезувчанлигини баҳолаш керак. Моксифлоксацин билан даволашни бу тестларнинг натижаларини олгунча ҳам бошлаш мумкин. Тестларнинг натижалари олинганидан кейин даволашга (агар талаб этилса) тузатиш киритиш керак. Моксифлоксацинни қабул қилишда QT интервалини узайиши мумкин, шунинг учун уни, айниқса бир вақтда QT интервалини узайтирувчи бошқа дори воситаларини (эритромицин, цизаприд, трициклик антидепрессантлар, нейролептиклар) қабул қилаётган пациентларга эҳтиёткорлик билан буюриш керак. 1А синфи (прокаинамид, хинидин) ёки 3 синф антаритмик воситаларни қабул қилишда моксифлоксацинни эхтиёткорлик билан буюриш керак. Моксифлоксацин брадикардияси ва миокарднинг ўткир ишемиясини белгилари бўлган пациентларга эҳтиёткорлик билан буюрилади. Хинолонларни ишлатиш тиришиш хуружлари, шунингдек марказий нерв тизими томонидан бошқа бузилишларни ривожланиши эҳтимоли билан боғлиқ.
Бу реакциялар препарат биринчи марта қабул қилинганидан кейин ривожланиши мумкин. Бу реакциялар ривожланганида моксифлоксацинни бекор қилиш керак. Моксифлоксацин қабул қилганда жиддий анафилактик реакцияларни ривожланиш ҳоллари бор. Бу реакциялар онгни йўқотилиши, юрак коллапси, хушдан кетиш, юз ёки томоқнинг шиши, диспноэ, қичишиши, эшакеми билан бирга кечган. Анафилактик реакциялар ривожланганида дархол эпинефринни юбориш керак. Тери тошмаси ёки ўта юқори сезувчанлик реакцияларнинг симптомлари пайдо бўлганида моксифлоксацин билан даволашни бекор қилиш ва тегишли реанимацион тадбирлар (агар зарурати бўлса) ўтказиш керак. Моксифлоксацин билан даволашда сохтамембраноз колит ривожланиши мумкин, бу мувофиқ даволашни талаб қилади. Моксифлоксацин билан даволаш фонида, тендинит ва пайларни узилиши ривожланиши мумкин. Яллиғланиш, оғриқлар ёки пайларни узилиши пайдо бўлганида, моксифлоксацинни қабул қилишни тўхтатиш керак. Моксифлоксацин билан даволаш тўхтатилганидан кейин ҳам пайларни узилиши юз бериши мумкинлигини ёдда тутиш керак.
Ножўя таъсирлари
Нерв тизими ва сезги аъзолари: бош оғриғи, лоҳаслик, астения, инсомния, асабийлик, уйқучанлик, хавотирлик, вертиго, тремор, таъмни бузилиши, кўришни бузилиши, одатдаги бўлмаган туш кўришлар, ажитация, амнезия, амблиопия, афазия, онгни чалкашиши, тиришишлар, деперсонализация, эмоционал беқарорлик, депрессия, галлюцинациялар, парестезия, координацияланмаган харакат, паросмия, нутқни бузилиши, уйқуни бузилиши, фикрлаш жараёнларини бузилиши, таъмни йўқолиши, тиннит; қон ва қон айланиш тизими: тахикардия, вазодилатация, юрак уришини хис қилиш, QT интервалини узайиши, протромбинни пасайиши, лейкопения, эозинофилия, анемия, тромбоцитемия, бўлмачалар фибрилляцияси, гипертензия, ЭКГ да ўзгаришлар, гипотензия, протромбинни ошиши, периферик шишлар, тромбоцитопения, тромбопластинни пасайиши, суправентрикуляр тахикардия, вентрикуляр тахикардия; овқат ҳазм қилиш тизими: қусиш, диспептик кўринишлар, оғизни қуриши, метеоризм, оғиз бўшлиғини кандидози, қабзият, иштахани йўқлиги, глоссит, стоматит, гамма-глутамилтранспептидаза даражасини ошиши, жигар тестлари кўрсатгичларини бузилиши, сохтамембраноз колит, гастрит, дисфагия, гастроинтестинал бузилишлар, тил рангини ўзгариши, сариқлик; сийдик-жинсий тизими: вагинит, вагинал кандидоз, гиперурикемия, буйракларнинг функционал холитини бузилиши; тери қопламалари: қичишиш, тошма (пустулёз, макулопапулёз, пурпура); бошқалар: қорин оғриғи, аллергик реакциялар, инъекция жойида реакциялар (шу жумладан флебит), миалгия, артралгия, лаборатория кўрсатгичларини ўзгариши, қонда амилазани ошиши, диспноэ, лактатдегидрогеназа даражасини ошиши, эшакеми, терлаш, артрит, кандидоз, оғриқ синдроми, шу жумладан кўкракда, оёқларда, белдаги оғриқлар, чаноқ сохасида оғриқ, юзни шиши, астма, гипергликемия, гипертония, гиперлипидемия, гипестезия, синкопе, ёруғликка сезувчанлик ва фототоксиклик реакциялари, тендопатиялар, психотик реакциялар, пайларни узилиши, Стивенс-Джонсон синдроми, токсик эпидермал некролиз, жигар етишмовчилиги, гепатит, ангионевротик шиш, анафилактик реакциялар, вентрикуляр тахиаритмия.
Қўллаш мумкин бўлмаган холатлар
Ўта юқори сезувчанлик (шу жумладан бошқа хинолонларни), 18 ёшгача бўлганлар (ишлатишдаги самарадорлиги ва хавфсизлиги аниқланмаган; ёш ўсувчи хайвонларда моксифлоксацин артропатия чақиришини назарда тутиш керак).
Дориларнинг ўзаро таъсири
Темир сақловчи воситалар, сукральфат, металларнинг катионлари ва антацидлар моксифлоксациннинг биокираолишлигини аҳамиятли камайтиради (шунинг учун моксифлоксацинни бу препаратларни қабул қилишдан 4 соат олдин ёки 8 соат кейин қабул қилиш керак). Варфарин (ёки унинг ҳосилалари) ва моксифлоксацинни бир вақтда қабул қилаётган пациентларда, протромбин вақтини ва коагуляциянинг бошқа кўрсатгичларини назорат қилиш керак. Моксифлоксацин кортикостероидлар билан бирга ишлатилганида пайларни узилиши ёки тендовагинитни ривожланишининг эҳтимоли ошади. Вена ичига юбориш учун эритма кўринишидаги моксифлоксацинни вена ичига юбориш учун бошқа препаратлар билан мутаносиблиги бўйича маълумотларнинг чекланганлиги туфайли, бир вақтда инфузия ўтказиш тавсия этилмайди. Моксифлоксациннинг эритмаси қуйдаги эритмалар билан мутаносиб: 0,9% ли натрий хлориди, 5% ли декстроза, 1М натрий хлориди, 10% ли декстроза, инъекция учун сув, Рингер-лактат эритмаси.
Махсус кўрсатмалар
Тўғрилаб бўлмайдиган гипокалиемия, QT интервалини узайиш синдроми, 1А синфи (прокаинамид, хинидин) ёки 3 синф (соталол, амиодарон) антиаритмик препаратларни бирга ишлатиш, тутқаноқ, тиришиш хуружларини ривожланишига мойиллик қилувчи марказий нерв тизимининг касалликлари, яққол жигар етишмовчилиги.
Ҳомиладорлик ва эмизишда қўлланиши
Агар даволашдан кутилаётган самара хомила учун мумкин бўлган хавфдан юқори бўлса, моксифлоксацинни ҳомиладорликда ишлатиш мумкин (ҳомиладор аёлларда моксифлоксацинни ишлатишни хавфсизлигини қатъий назорат қилинган ва адекват тадқиқотлари мавжуд эмас). Моксифлоксацин каламушлардаги, қуёнлардаги, маймунлардаги тажрибаларда тератоген таъсир кўрсатмаган, лекин қуйидаги самаралар аниқланган: бола ташлашни ошиши, хомилаларнинг тана ва йўлдош вазнини камайиши, скелетнинг шаклланишини кечикиши, йўлдошнинг ташқи кўринишини ўзгариши, неонатал яшаб қолишни пасайиши, пренатал йўқотишлар, ҳомиладорлик давомийлигини ошиши, урғочилар учун токсиклик. Моксифлоксацин эмизикли аёлларнинг кўкрак сутига тушиши ва эмизикли болаларда жиддий ножўя реакцияларнинг сабаби бўлиши мумкинлиги туфайли, эмизувчи аёллар (она учун препаратни ишлатишни аҳамиятини ҳисобга олиб) эмизикли тўхтатишлари ёки моксифлоксацинни қабул қилишни тўхтатишлари керак.
Препарат болалар ололмайдиган жойда сақлансин ва яроқлилик муддати ўтгач ишлатилмасин.
Дозани ошириб юборилиши
Моксифлоксациннинг дозаси ошириб юборилганида ножўя кўринишлари кучаяди. Меъдани ювиш ва фаоллаштирилган кўмир қабул қилиш (агар ичга қабул қилинганида доза ошириб юборилган бўлса), адекват гидратация, ЭКГ назорати (QT интервалини узайиши мумкинлиги туфайли), симптоматик даволдаш ўтказиш керак. Давомли амбулатор перитонеал диализ ва гемодиализда организмдан мувофиқ моксифлоксациннинг тахминан 3 ва 9% ва унинг глюкуронидини 2 ва 4,5% чиқарилади.
Чиқарилиш шакли
1х10 таблеткалар блистер ўрамда аннотацияси билан картон қутига жойланади.
Сақлаш шароити
Салқин, ёруғликдан ҳимояланган жойда, 30оС дан юқори бўлмаган ҳароратда сақлансин.
Яроқлилик муддати
24 ой.
Дорихоналардан бериш тартиби
Рецепт бўйича.