📜 Инструкция по применению Периндоприл-МИК
💊 Состав препарата Периндоприл-МИК
✅ Применение препарата Периндоприл-МИК
📅 Условия хранения Периндоприл-МИК
⏳ Срок годности Периндоприл-МИК

ҚЎЛЛАШ БЎЙИЧА ЙЎРИҚНОМА

ПЕРИНДОПРИЛ-МИК

 

Препаратнинг савдо номи: Периндоприл-МИК

ХПН: периндоприл, Perindopril

Кимёвий номи: 2-мтилпропан-2-амино(2S, 2aS, 7aS)-1-[(2S)-2-[[(1S)-1-(этоксикарбонил)бутил]амино]пропаноил]октагидро-1Н-индол-2-карбоксилат.

Дори шакли: капсулалар 8 мг.

Таркиби: бир капсула қуйидагиларни сақлайди: 8 мг периндоприлнинг третбутиламинли тузи (бу 6,676 мг периндоприлга тўғри келади).

Ёрдамчи моддалар: магний стеарати, картошка крахмали, лактоза моногидрати.

Капсула қобиғининг таркиби: желатин, глицерин, натрий лаурилсульфати, тозаланган сув, титан диоксиди.

Таърифи: Цилиндрик шаклли, оқ рангли яримсферик охирлари билан, қаттиқ желатин капсулалар №0.

Фармакотерапевтик гуруҳи:         ААФ ингибиторлари.

АТХ коди С09АА04.

 

Фармакологик хусусиятлари

Периндоприл-МИК нинг фармакологик таъсирини таъминловчи фаол модда периндоприлдир.

Периндоприл ангиотензинга айлантирувчи фермент (ААФ) ингибиторилари гуруҳига мансуб бўлиб, гипотензив, қон томирларни кенгайтирувчи, кардиопротектив, натрийуретик таъсир кўрсатади.

Организмда фаол метаболити – периндоприлатга (карбоксил гуруҳини сақлайди) айланади, у ААФ таркибидаги рух атоми билан ўзаро таъсир қилади. Плазмада, томирлар деворини эндотелийсида, эҳтимол буйрак калавалари ва найчаларининг хужайраларида, ўпкалар, юрак, буйрак усти безлари ва бош миянинг тўқималаридаги ААФни фаолсизлантиради. Қонда ва тўқималарда ангиотензин II нинг даражасини пасайтиради, буйрак усти безлари томонидан альдостеронни ишлаб чиқарилиши ва ажралиб чиқишини камайтиради, симпатик нерв толаларининг охирларидан норадреналиннинг либерациясини ва қон томирлар деворида эндотелинни ҳосил бўлишини бостиради, брадикинин, вазодилататор простагландинларнинг концентрациясини оширади (ААФ фаол бўлмаган ангиотензин I ни қон томирларни торайтирувчи таъсир кўрсатувчи ангиотензин II га айлантиради, шунингдек қон томирларни кенгайтирувчи фаолликка эга бўлган брадикинин ва простагландинларнинг деградациясини чақиради). Калликреин-кинин тизимининг фаоллигини оширади, юрак бўлмачаларидаги эндотелинга боғлиқ релаксация қилувчи омил – натрийуретик пептиднинг даражасини барқарорлаштиради.

Ангиотензин II ни ҳосил бўлишини пасайиши қон плазмасида рениннинг фаоллигини ошиши билан кечади (манфий тескари алоқани сусайиши оқибатида).

УПТҚ, АБ ни (тахикардияни ривожланишисиз), чап қоринчанинг тўлиш босимини пасайтиради (унинг диастолик бўшашишини яхшилайди). Артериал ва вена қон томирларининг кенгайиши миокардга кейинги ва олд юкламани сусайиши, юракнинг қоринчаларида якуний диастолик босимни камайиши, юракдан отилиб чиқаётган қон ҳажмини ошиши билан кечади. Регионар (коронар, церебрал, буйрак, мушак) қон айланишини яхшилайди, ЮИКда миокарднинг кислородга бўлган эҳтиёжини камайтиради. Тўқималарнинг ренин-ангиотензин тизимларини ингибиция қилиб, кардиопротектив (чап қоринчанинг гипертрофиясини камайтиради) ва ангиопротектив таъсир кўрсатади (қон томирларнинг силлиқ мушак хужайраларининг гиперплазияси ва пролиферациясини олдини олади, қон томирлар деворининг гипертрофиясини ортга ривожланишини индукция қилади, йирик қон томирларнинг эластиклигини ва эндотелийнинг фаолиятини, шу жумладан азот оксидини, эндотелиал релаксация қилувчи омилни ажратиб чиқариш қобилиятини тиклайди).

Периндоприл миокарнинг субэндокардиал қаватларида коллагеннинг ортиқча тўпланишини камайтиради, миозиннинг изофермент профилини нормаллаштиради, қоринчалар ва реперфузион аритмияларнинг пайдо бўлиш тез-тезлигини камайтиради. Қон томирларга прессор, шу жумладан адренергик таъсирларни минималлаштиради, организмда натрийни тутилишини олдини олади, натрийурез ва диурезни кучайтиради.

Ацетилсалицил кислотасини ҳар кунги қабул қилиш фонида гемостаз кўрсаткичларига таъсир кўрсатади (фибриноген даражасини ва VII ва X омилларининг фаоллигини ошиши АТ III истеъмол қилиниши фонида фибринолизнинг кучайиши билан компенсация қилинади).

Периферик тўқималарни инсулиннинг таъсирига сезувчанлигини оширади ва глюкозанинг метаболизмини яхшилайди.

Нитратларга толерантликнинг ривожланишини тормозлайди ва уларнинг вазидилататор таъсирини кучайтиради.

Бир марталик 4-8 мг доза бир марта қабул қилинганидан кейин АБ 4-6 соат ўтгач пасаяди. Препарат ҳар кунги такрорий қабул қилинганида 24 соат давомида давом этадиган узайган гипотензив таъсир кўрсатади.

Антигипертензив самара дозага (2-8 мг диапазонда) боғлиқ. 2 мг дозада таъсир чўққисида ААФ ни 80% га ингибиция қилади ва 24 соат ўтгач 60% га ингибиция қилади, доза 8 мг гача оширилганида ингибиция қилувчи фаоллиги мувофиқ 95% ва 75% га ошади. Даволашга ижобий жавоби бўлган беморларда АБ 1 ой давомида нормаллашади ва даволаш вақтида норма чегарасида сақланади.

Даволаш вақтида юрак етишмовчилигининг клиник белгиларини ишончли яхшиланиши, жисмоний юкламага (валоэргометрик синаманинг маълумотлари бўйича) толерантликни ошиши кузатилади.

Сурункали юрак етишмовчилиги бўлган беморларда клиник симптомларнинг яққоллигини статистик ишончли камайтиради ва жисмоний юкламага толерантликни оширади. Биринчи қабулдан кейин ва давомли даволаш давомида АБ ни ўзгаришларини чақирмайди.

Сурункали юрак етишмовчилиги бўлган беморларда олти ой давомида қабул қилинганида периндоприл йирик, ўрта ва майда бронхларнинг ўтказувчанлигини яхшилайди (майда бронхларда ўтказувчанликни ошиши чекувчи пациентларда яққолроқ намоён бўлади).

Портал гастропатия фонида меъда шиллиқ қаватининг эрозиялари ва яраларини йўқотиш билан яраланиши ва қонашини камайтиради.

ЮЗЛП даражасини оширади; гиперурикемияси бўлган беморларда сийдик кислотасининг концентрациясини камайтиради.

Антиоксидант хусусиятларни намоён этади.

Периндоприл билан узоқ муддат даволаш буйрак фаолиятининг бузилишига олиб келмайди ва қондаги калийнинг даражасига таъсир қилмайди. Буйрак босими, одатда ошади, айни пайтда гломеруляр фильтрация эса ўзгаришсиз қолади.

Даволашни тўхтатишни бекор қилиш синдромининг ривожланиши билан кечмайди.

In vitro ва in vivo шароитдаги текширишларда мутагенлик белгилари, каламуш ва сичқонларда узоқ вақт қўлланганида – канцероген хусусиятлари, шунингдек каламушлар, сичқонлар, қуёнлар ва маймунларда эмбриотоксиклик белгилари ва тератоген таъсири аниқланмаган. Юқори дозаларда кемирувчилар ва қуёнларнинг она организми ва ҳомила организмига токсик таъсир қилади, каламушларнинг кўкрак сутига ўтади.

Фармакокинетикаси. Периндоприл ичга қабул қилинганида меъда-ичак йўлларида (МИЙ) дан тез сўрилади. Метаболизми жараёнида периндоприлнинг фаол метаболити – периндоприлат (тахминан 20%) ва 5 фаол бўлмаган бирикмаларни ҳосил бўлиши билан биотранформацияга учрайди. Биокираолишлиги 65-95% ни ташкил қилади, бир вақтда овқат билан қабул қилинганида 35% га камаяди. Сmax га 1 соатдан кейин (периндоприлат – 3-4 соатдан кейин) эришилади ва сутканинг охирида 33-44% гача пасаяди. Плазма оқсиллари билан боғланиши аҳамиятсиз, 30% дан камни ташкил қилади ва препаратнинг концентрациясига боғлиқ бўлади. Эркин периндоприлатнинг тақсимланиш ҳажми – 0,2 л/кг.

Периндоприлат буйраклар орқали чиқарилади. Метаболитининг эркин фракциясини Т1/2 3-5 соатни ташкил қилади. ААФ билан боғдан аста-секин диссоцияцияга учрайди, бунинг оқибатида “самара”ли Т1/2 25-30 соатни ташкил қилади.

Периндоприлни такрорий буюриш унинг тўпланишга олиб келмайди ва такрорий қабул қилиш периндоприлнинг Т1/2 унинг фаоллик даврига мувофиқ келади. Такрорий қўлланганида периндоприлнинг мувозанатли концентрацияларига 4 кундан кейин эришилади.

Кекса пациентларда, шунингдек буйрак ва юрак етишмовчилиги бўлган беморларда периндоприлнинг чиқарилиши секинлашади (дозалаш тартибига тузатиш киритиш керак). Периндоприлнинг диализ клиренси минутига 70 мл ни ташкил қилади.

Жигар циррози бўлган беморларда периндоприлнинг жигар клиренси 2 марта камаяди, бунда ҳосил бўладиган периндоприлатнинг умумий миқдори ўзгармайди ва дозалаш тартибига тузатиш киритиш талаб этилмайди.

Қўлланилиши

Периндоприл-МИК қуйидагиларда қўллаш учун кўрсатилган:

  • артериал гипертензия:

Артериал гипертензияни даволаш

  • Юрак етишмовчилиги:

Симптоматик юрак етишмовчилигини даволаш

  • Юракнинг стабил ишемик касаллиги:

Анамнезида миокард инфаркти ва/ёки реваскуляризацияси бўлган пациентларда юрак-қон томир ходисаларининг хавфини камайтиришда қўлланади.

Қўллаш усули ва дозалари

Периндоприл трет-бутиламиннинг тавсия этилган дозаси кунина бир марта, эрталаб етарли миқдордаги суюқлик (масалан сув) билан қабул қилинади.

Доза пациентнинг профили ва қон босимининг даражасини ўзгаришига қараб шахсий равишда танланиши керак.

Артериал гипертензия:

Периндоприл трет-бутиламин монотерапия сифатида ёки антигипертензив воситаларнинг бошқа синфлари билан мажмуада қўлланиши мумкин.

Тавсия этилган бонланғич дозаси кунига бир марта эрталаб 4 мг ни ташкил қилади.

Ренин-ангиотензин-альдостерон тизимининг яққол фаоллашуви (айниқса реноваскуляр гипертензия, айланиб юрувчи қон хажмини камайиши, юрак фаолиятини декомпенсацияси ёки оғир гипертензияси) бўлган пациентларда препаратнинг бошланғич дозаси юборилгандан кейин артериал босимни ортиқча пасайиши кузатилиши мумкин.

Бундай пациентларга 2 мг бошланғич доза тавсия этилади, даволашни шифокор назорати остида бошлаш керак.

Бир ой даволангандан кейин доза кунига бир марта 8 мг гача оширилиши мумкин.

Периндоприл билан даволаш бошланганидан кейин клиник жаҳатдан яққол намоён бўлган гипотензия ривожланиши мумкин, диуретиклар билан ёндош даволанаётган пациентларда унинг эҳтимоли юқори. Бундай пациентларга айланиб юраётган қон хажмини камайиши ва/ёки электролитлар танқислиги эҳтимоли туфайли препаратни эҳтиёткорлик билан қабул қилишлари керак.

Имконияти бўлганида периндоприл билан даволашни бошлашдан 2-3 кун олдин диуретикларни бекор қилиш керак.

Диуретикларни бекор қилиш мумкин бўлмаган АГ ли пациентларда периндоприл билан даволашни 2 мг дозадан бошлаш керак. Буйрак фаолияти ва қонда калий даражасини назорат қилиш керак. Периндоприлнинг кейинги дозаларини артериал босим томонидан жавобга қараб мувофиқлаштириш керак. Зарурати бўлганида диуретиклар билан даволаш тиклаш мумкин.

Кекса ёшдаги пациентларда даволашни 2 мг дозадан бошлаш керак, бир ойдан кейин 4 мг гача, сўнгра зарурати бўлса буйрак фаолиятига қараб 8 мг гача ошириш мумкин (қуйидаги жадвалга қаранг).

Симптоматик юрак етишмовчилиги:

Периндоприл кўпинча калийни сақлаб қолмайдиган диуретиклар ва/ёки дигоксин ва/ёки бета-блокаторлар билан бирга қўлланади; бундай ҳолларда препаратни 2 мг тавсия этилган бошланғич дозадан бошлаб, синчковлик билан шифокор назорати остида қабул қилиш керак. Нормал ўзлаштирилганида камида 2 хафтадан кейин бу дозани суткада бир марта 4 мг гача 2 мг га ошириш мумкин. Дозани танлаш пациентнинг клиник жавобига асосланиши керак.

Клиник жиҳатдан яққол намоён бўлган гипотензияси бўлган пациентларда (яъни гипонатриемия билан/ёки усиз, гиповолемия билан кечувчи электролитларни йўқотилиши бўлган пациентларда ёки ёндош диуретиклар билан фаол даволашда бўлган пациентларда) периндоприл билан даволашни бошлашдан олдин иложи борича бу холатларни мувофиқлаштириш керак. Периндоприл билан даволашдан олдин ва даволаш вақтида артериал босим, буйрак фаолияти ва зардобдаги калийнинг даражасини назорат қилиш керак.

Юракнинг стабил ишемик касаллиги:

Препаратни икки хафта давомида суткада бир марта 4 мг дозада буюриш керак, кейинчалик дозани суткада бир марта 8 мг гача (буйрак фаолиятига қараб ва 4 мг доза яхши ўзлаштирилганда) ошириш керак.

Дозани суткада бир марта 8 мг гача оширишдан олдин кекса ёшдаги пациентларда буйрак фаолиятига қараб препаратни бир хафта давомида суткада бир марта 2 мг буюриш, кейинчалик кейинги хафта давомида суткада бир марта 4 мг га ошириш керак (Буйрак фаолиятини бузилишида дозага тузатиш киритиш жадвалига қаранг). Дозани фақат агар аввалги пастроқ доза яхши ўзлаштирилган бўлсагина ошириш мумкин.

Буйрак етишмовчилигида дозага тузатиш киритиш:

Буйрак етишмовчилиги бўлган пациентларда дозалаш қуйидаги 1 жадвалда кўрсатилган креатинин клиренсига асосланиши керак:

1 жадвал: буйрак етишмовчилигида доза тузатиш киритиш

Креатинин клиренси (мл/мин) (Clcr) Рекомендуемая доза
Cl cr ≥ 60 Кунига 4 мг
30<Cl cr < 60 Кунига 2 мг
15<Cl cr < 30 Кунора 2 мг
Cl cr < 15 гемодиализдаги пациентлар Гемодиализ куни 2 мг

* диализда периндоприлатнинг клиренси минутига 70 мл ни ташкил қилади. Гемодиализда бўлган пациентлар юу дозани гемодиализ сеансидан кейин қабул қилишлари керак.

Жигар етишмовчилигида дозага тузатиш киритиш:

Жигар етишмовчилиги бўлган пациентларда доза тузатиш киритиш талаб этилмайди.

Болалар ва ўсмирлар:

Хавфсизлик ва самарадорлик бўйича маълумотлар етарли бўлмаганлиги туфайли, Периндоприл трет-бутиламинни болалар ва ўсмирларда қўллаш тавсия этилмайди.

Махсус кўрсатмалар

Юракнинг стабил ишемик касаллиги

Агар ностабил стенокардия (яққол ёки яққол бўлмаган) эпизоди периндоприл билан даволашнинг биринчи ойи давомида ривожланса, даволашни давом эттиришдан олдин фойда ва хавф орасидаги нисбатни синчковлик билан баҳолаш керак.

Артериал гипотензия

ААФ ингибиторлари артериал босимни пасайишини чақириши мумкин. Асоратланмаган АГ бўлган пациентларда яққол гипотензия кам ҳолларда учрайди; у кўпинча гиповолемияси бўлган пациентларда, яъни диуретикларни қабул қилаётган, овқат билан тузни истеъмол қилишни чеклаган, гемодиализда бўлган, шунингдек диарея ёки қусиш кузатилган пациентларда ва оғир даражадаги ренинга боғлиқ гипертензияси бўлган пациентларда учрайди. Ёндош буйрак етишмовчилиги билан кечувчи/кечмайдиган клиник жаҳатдан яққол бўлган юрак етишмовчилиги бўлган пациентларда клиник жиҳатдан яққол бўлган гипотензия қайд этилган. У яққолроқ юрак етишмовчилиги бўлган пациентларда эҳтимоли юқори, ҳалқали диуретикларни юқори дозаларини қўллаш, гипонатриемия ёки буйракни функционал шикастланиши билан намоён бўлади. Клиник жиҳатдан яққол бўлган артериал пипотензия ривожланиши хавфи юқори бўлган пациентлар даволашни бошида ва дозага тузатиш киритишда синчковлик билан кузатувга муҳтожлар. Шундай талаблар АБ ни пасайиши миокард инфаркти ёки бош мияда қон айланишини ўткир бузилишига олиб келиши мумкин бўлган ЮИК ёки цереброваскуляр касалликлари бўлган пациентларга ҳам тааллуқли.

Артериал гипотензия ривожланганда пациентни горизонтал ҳолатга ётқизиш керак ва зарурати бўлганида вена ичига физиологик эритма буюрилиши керак. Тез кечувчи гипотензив жавоб даволашни давом эттиришга қарши кўрсатма ҳисобланмайди, уни айланиб юрувчи қон хажми ошиши билан боғлиқ артериал босим ошганидан кейин асоратсиз такроран бошлаш мумкин. Димланган юрак етишмовчилиги ва артериал босими нормал ёки пасайган айрим пациентларда периндоприл билан даволаш тизимли артериал босимни қўшимча пасайишига олиб келиши мумкин. Бу самара кутилган ҳисобланади ва даволашни тўхтатиш учун сабаб бўлмайди. Клиник жиҳатдан яққол артериал гипотензия ҳолатларида периндоприлнинг дозасини камайтириш ёки даволашни тўхтатиш талаб этилиши мумкин.

Аортал ва митрал клапан стенози/гипертрофик кардиомиопатия

Бошқа ААФ ингибиторлари каби периндоприлни митрал клапан стенози ва чап қоринчадан чиқиш йўлининг стенози, хусусан аортал стеноз ёки гипертрофик кардиомиопатияси бўлган пациентларда эҳтиёткорлик билан қўллаш керак.

Буйрак фаолиятини бузилиши

Буйрак фаолиятини бузилиши (креатинин клиренси <60 мл/мин) бўлган ҳолларда периндоприлнинг дозасига пациентнинг креатинин клиренси ва даволашша пациентнинг жавобига қараб тузатиш киритиш керак. Одатда бундай пациентларда режали равишда калий ва креатинин даражасини назорати ўтказилади.

Клиник жиҳатдан яққол намоён бўлган юрак етишмовчилиги бўлган пациентларда ААФ ингибиторлари билан даволаш бошланганидан кейин гипотензияни ривожланиши буйрак фаолиятини бироз бузилишига олиб келиши мумкин. Бундай ҳолларда одатда қайтмас характерга эга ЎБЕ таърифланган.

ААФ ингибитори билан даволанган буйрак артериясининг икки томонлама стенози ёки ягона буйрак артериясининг стенози бўлган айрим пациентларда, одатда даволаш тўхтатилгандан кейин қайтувчан характерга эга бўлган зардобда мочевина ва креатинин даражасини ошиши аниқланган. Бу айниқса буйрак фаолиятини бузилиши бўлган пациентларда эҳтимоли юқори. Реноваскуляр гипертензия ҳолатларида оғир гипотензия ва буйрак етишмовчилигининг юқори хавфи мавжуд. Бундай пациентларда даволашни шифокорнинг синчков назорати остида кейинчалик дозани эҳтиёткорлик билан танлаш билан паст дозалардан бошлаш керак.

Диуретиклар билан даволаш юқорида кўрсатилган кўринишларни ривожланишига олиб келувчи омил бўлиши мумкин, периндоприл билан даволашнинг биринчи хафтасида диуретикларни бекор қилиш керак, бунда буйрак фаолиятини назорат қилиш керак.

АГ ва буйракнинг аввалги қон томирли шикастланишининг яққол белгилари бўлмаган айрим пациентларда зардобда мочевина ва креатинин даражасини ошиши кузатилган, улар одатда енгил ва тез кечувчан характерга эга бўлган, айниқса периндоприлни диуретиклар билан бир вақтда қўллаганда. Бу кўринишлар кўпроқ аввал буйрак шикастланиши бўлган пациентларда эҳтимоли юқори. Диуретик ва/ёки периндоприлнинг дозасини камайтириш ва/ёки даволашни тўхтатиш талаб этилиши мумкин.

Гемодиализдаги пациентлар

Юқори ўтказувчан мембранали диализ олаётган ва ААФ ингибиторлари билан ёндош даволанаётган пациентларда анафилактик реакциялар ривожланиши аниқланган. Пациентлар учун бошқа типдаги диализ мембраналари ёки гипотензив препаратнинг бошқа синфини қўллаш масаласини кўриб чиқиш керак.

Буйрак трансплантацияси

Яқинда буйрак трансплантацияси ўтказилган пациентларда периндоприлни қўллаш тажрибаси йўқ.

Ўта юқори сезувчанлик/ангионевротик шиш

ААФ ингибиторлари, шу жумладан периндоприл билан даволанаётган пациентларда юз, қўл-оёқ, лаблар, шиллиқ қаватлар, овоз бойламлари ва/ёки ҳиқилдоқни ангионевротик шиши ривожланиши мумкин. Бу кўриниш даволашнинг ҳар қандай вақтида ривожланиши мумкин. Бундай ҳолларда периндоприл билан даволашни дарҳол тўхтатиш ва симптомлар тўлиқ ўтиб кетмагунча давом этувчи ҳолатни тегишли мониторингини бошлаш керак. Фақат юз ёки лаблар шишган ҳолатларда, улар одатда даволашсиз ўтиб кетган, гарчи симптомларни енгиллаштириш учун антигистамин воситалари қўлланилган.

Ҳиқилдоқ шиши билан кечувчи ангионевротик шиш ўлимга олиб келиши мумкин. Тил, овоз бойламлари ва нафас йўлларининг обструкцияси билан кечувчи ҳиқилдоқ шиши ҳолатларида дарҳол шошилинч даволашни бошлаш керак. Пациент симптомларни тўлиқ ва барқарор бартараф этилгунигача синчковлик шифокор назоратида бўлиши керак.

ААФ ингибиторлари билан боғлиқ бўлмаган ангионевротик шиш ҳақидаги анамнезига эга пациентлар ААФ ингибиторлари билан даволаганда бундай шишнинг юқори хавфига эгалар.

Паст зичликдаги липопротеидлар (ПЗЛП) аферези вақтидаги анафилактоид реакциялар

ААФ ингибиторларини қабул қилаётган пациентларда дестран-сульфат билан паст зичликдаги липопротеидлар аферези вақтида кам ҳолларда ҳаёт учун хавф солувчи анафилактоид реакциялар ривожланган. Ҳар бир аферездан олдин ААФ ингибиторлари билан даволашни вақтинча тўхтатиш йўли орқали бундай реакциялардан сақланиш керак.

Десенсибилизация вақтидаги анафилактик реакциялар

Десенсибилизация вақтида (масалан пардақанотлилар: ари, асалари ва бошқа ҳашаротларга) ААФ ингибиторларини қабул қилган пациентларда анафилактоид реакциялар ривожланган. ААФ ингибиторларини вақтинча бекор қилиш йўли орқали бу пациентларда бундай реакциялардан сақланиш мумкин, лекин такроран тўсатдан юборилганда юу реакциялар такроран пайдо бўлади.

Жигар етишмовчилиги

ААФ ингибиторлари билан даволаш кам ҳолларда холестатик сариқлик билан бошланадиган ва жигарнинг фульминант некрози ривожланишигача авж оладиган, баъзида ўлимга олиб келадиган синдром билан кечади. Бу синдромни ривожланиш механизми номаълум. Агар ААФ ингибиторлари билан даволаш вақтида сариқлик ривожланса ёки жигар ферментлари даражаси аҳамиятли ошса, ААФ ингибиторларини бекор қилиш ва кейинчалик тегишли шифокор кузатувини буюриш керак.

Нейтропения/агранулоцитоз/тромбоцитопения/анемия

ААФ ингибиторларини қабул қилаётган пациентларда нейтропения/агранулоцитоз, тромбоцитопения ва анемия ривожланиши кузатилади. Буйрак фаолияти нормал бўлган ва бошқа асоратланган омиллари бўлмаган пациентларда нейтропения кам ҳолларда ривожланади. Коллагенозлар, иммунодепрессант даволашда, аллопуринол ёки прокаинамид ёки бу асоратланган омилларнинг мажмуаси бўлган пациентларда, айниқса аввал буйрак фаолиятини бузилиши бўлган пациентларда периндоприлни жуда эҳтиёткорлик билан қўллаш керак. Бу пациентларнинг айримларида кўп ҳолатларда фаол антибактериал даволашга жавоб бермайдиган жиддий инфекциялар ривожланади. Бундай пациентларга периндоприл буюрилганда лейкоцитларнинг сонини мунтазам мониторинги тавсия этилади. Пациентларни инфекциянинг ҳар қандай белгиларида шифокорга хабар бериш кераклиги ҳақида огоҳлантириш керак.

Ирқий мансублик

ААФ ингибиторлари бошқа ирққа мансуб пациентларга нисбатан кўпинча негроид ирқ вакилларида шиш чақиради.

Бошқа ААФ ингибиторлари каби периндоприл бошқа ирққа мансуб пациентларга нисбатан негроид ирқ вакилларида артериал босимни пастроқ даражада камайтиради; буни негроид ирқ вакилларида рениннинг даражаси пастлиги билан тушунтириш мумкин.

Йўтал

ААФ ингибиторлари билан даволаганда йўтал ривожланиши мумкин. Даволаш бекор қилингандан кейин тўхтайдиган балғамсиз турғун йўтал характерли. Йўталнинг дифференциал ташҳисида ААФ ингибиторлари чақирган йўтални эътиборга олиш керак.

Жаррохлик аралашуви/анестезия

Катта жаррохлик операцияси вақтида ёки гипотензия ривожланишига олиб келувчи препаратларни қўллаш билан кечувчи анестезия вақтида периндоприл ренинни компенсатор ажралиб чиқиши оқибатида ангиотензин II ҳосил бўлишини блоклаши мумкин. Операциядан бир кун олдин даволашни тўхтатиш керак. Бу механизм билан боғлиқ бўлган гипотензия ривожланганда инфузион даволаш орқали уни мувофиқлаштириш мумкин.

Гиперкалиемия

ААФ ингибиторлари, шу жумладан периндоприл билан даволаш вақтида айрим пациентларда калийнинг даражасини ошиши кузатилган. Гиперкалиемия ривожланиши хавфи бўлган пациентларга буйрак етишмовчилиги, назорат қилиб бўлмайдиган қандли диабети бўлган пациентлар, калий тежовчи диуретикларни, калий препаратлари ёки калий сақловчи туз ўрнини босувчи воситаларни, шунингдек калийнинг даражасини ошишига олиб келувчи бошқа препаратларни (масалан гепарин) қабул қилаётган пациентлар киради. Бу препаратларни ёндош қабул қилиш зарурати бўлганида калийнинг даражасини мунтазам мониторинг қилиш тавсия этилади.

Қандли диабети бўлган пациентлар

Перорал антидиабетик препаратлар ёки инсулин қабул қилаётган қандли диабети бўлган пациентларда ААФ ингибиторлари билан даволашнинг биринчи ойи давомида гликемия даражасини синчковлик билан назорат қилиш керак.

Литий препаратлари

Одатда литий ва периндоприл мажмуаси тавсия этилмайди.

Калий тежовчи диуретикларни, калий препаратлари ёки калий сақловчи туз ўрнини босувчи воситалар

Одатда периндоприл ва калий тежовчи диуретикларни, калий препаратлари ёки калий сақловчи туз ўрнини босувчи воситалар мажмуаси тавсия этилмайди.

ААФ ингибиторлари, АТII (БРА II) рецепторлари блокаторлари, рениннинг бевосита ингибиторларини бир вақтда қўллаганда гиперкалиемия, буйракни шикастланиши, гипотония ривожланиши хавфи ошади.

Ренин-ангиотензин-альдостерон тизимининг икки томонлама блокадаси

Монотерапияга нисбатан ренин-ангиотензин-альдостерон тизимининг икки томонлама блокадаси гипотония, гиперкалиемия ва буйрак фаолиятини бузилиши (шу жумладан ўткир буйрак етишмовчилиги) билан ассоциацияланади. РААТ ни ААФ, БРА II ингибитори ёки Алискирен томонидан икки томонлама блокадаси ҳар қандай пациентга, айниқса диабетик нефропатияси бўлган пациентларга тавсия этиш мумкин.

ААФ ва БРА II ингибиторларини бирга қўллаш кўрсатилган айрим ҳолатларда мутахассиснинг синчковлик билан кузатуви ва буйрак фаолияти, сув-электролит мувозанати, артериал босимни мониторинги зарур. Бу сурункали юрак етишмовчилиги бўлган пациентларда ААФ ингибиторлари билан даволашга қўшимча сифатида кандесартан ёки валсартанни буюришга тааллуқли. РААТ икки томонлама блокадасини бошқа адекват даволашни ўтказишга қарамасдан сурункали юрак етишмовчилиги симптомларини доимий давом этиши кузатилаётган сурункали юрак етишмовчилиги бўлган пациентларда альдостерон антагонистларини (спиронолактон) ўзлаштираолмасликда мутахассиснинг синчков назорати ва буйрак фаолияти, сув-электролит мувозанати ва артериал босимни мониторинги остида амалга ошириш керак.

Ҳомиладорлик

Ҳомиладорлик вақтида ААФ ингибиторлари билан даволашни бошлаш мумкин эмас. Агар гипертоник касалликни даволашни давом эттириш зарур деб ҳисобланса, ҳомиладорликни режалаштирган пациентларга ҳомиладорлик вақтида қўллаш учун хавфсизлик профили аниқланган препаратлар билан муқобил гипертензив даволашни буюриш керак. Агар ҳомиладорлик аниқланган бўлса, ААФ ингибиторлари билан даволаш дарҳол тўхтатилиши ва зарурати бўлганида муқобил даволаш буюрилиши керак.

Бошқа дори воситалари билан ўзаро таъсири

Диуретиклар

Диуретиклар билан даволаш вақтида, айниқса электролитларни йўқотилиши ва/ёки гиповолемияси бўлган пациентларда ААФ ингибиторлари билан даволаш бошланганидан кейин артериал босимни ҳаддан ташқари пасайиши ривожланиши мумкин. Кейинчалик дозасини аста-секин ошириш билан периндоприлнинг паст дозалари билан даволашни бошлашдан олдин диуректиклар билан даволашни тўхтатиш, АЮҚХ ёки тузни истеъмол қилишни ошириш йўли орқали гипотензив самараларнинг эҳтимолини камайтириш мумкин.

Калий тежовчи диуретиклар, калий препаратлари ва калий сақловчи туз ўрнини босувчи воситалар

Гарчи зардобдаги калийнинг даражаси норма чегарасида сақланиб қолсада, периндоприл билан даволаш вақтида айрим пациентларда гиперкалиемия ривожланиши мумкин.

Калий тежовчи диуретиклар (масалан спиронолактон, триамтерен ёки амилорид), калий препаратлари ёки калий сақловчи туз ўрнини босувчи воситалар калийнинг даражасини аҳамиятли ошишига олиб келиши мумкин. Шунинг учун периндоприлни юқорида кўрсатилган препаратлар билан бирга қўллаш тавсия этилмайди. Агар бу препаратларни бирга қўллаш гипокалиемия билан боғлиқ бўлса, уларни калийнинг даражасини мунтазам назорат қилиб эҳтиёткорлик билан қабул қилиш керак.

Литий препаратлари

Литий препаратларини ААФ ингибиторлари билан бир вақтда қўллаганда литийнинг зардобдаги концентрациясини ва токсиклигини қайтувчан ошиши аниқланган. Тиазид диуретикларини бир вақтда қўллаш литий препаратларининг токсилиги хавфини ошириши ва ААФ ингибиторларини ёндош қабул қилиш вақтида литийнинг токсиклигини юқори хавфини ошириши мумкин. Периндприлни литий препаратлари билан бирга қўллаш тавсия этилмайди, лекин бундай мажмуани қўллаш зарурати бўлганида литийнинг зардобдаги даражасини синчковлик билан мониторингини олиб бориш керак.

Ностероид яллиғланишга қарши препаратлар (НЯҚП), шу жумладан суткада ˃3 г дозадаги ацетилсалицил кислотаси

Ностероид яллиғланишга қарши препаратларни буюриш ААФ ингибиторларининг гипотензив самарасини камайтириши мумкин. Бундан ташқари, НЯҚП ва ААФ ингибиторлари калийнинг даражасини ошиши юзасидан аддитив самарага эга ва буйрак фаолиятини ёмонлашишига олиб келиши мумкин. Одатда бу самаралар қайтувчан характерга эга. Кам ҳолларда, айниқса буйрак фаолиятини сусайиши бўлган пациентларда (кекса ёшдаги ёки дегидратацияси бўлган шахсларда) ўткир буйрак етишмовчилиги ривожланиши мумкин.

Гипотензив препаратлар ва вазодилататорлар

Бу препаратларни бир вақтда қўллаш периндоприлнинг гипотензив таъсирини кучайтириши мумкин. Нитроглицерин ва бошқа нитратларни ёки бошқа вазодилататорларни бир вақтда қабул қилиш артериал босимни қўшимча пасайишига олиб келиши мумкин.

Антидиабетик препаратлар

Эпидемиологик тадқиқотлар ААФ ингибиторлари ва диабетга қарши препаратларни (инсулинлар, перорал гипогликемик воситалар) мажмуавий қўлаш гипогликемия хавфи билан кечувчи гипогликемик самарани кучайишини чақириши мумкинлигини кўрсатди. Буйрак фаолиятини бузилиш бўлган пациентларда мажмуавий даволашнинг биринчи хафтасида давомида ривожланиш эҳтимоли юқорилиги аниқланган.

Ацетилсалицил кислотаси, тромболитиклар, бета-блокаторлар, нитратлар

Периндоприлни ацетилсалицил кислатаси (тромболитик сифатида қўлланилганда), тромболитик воситалар, бета-блокаторлар ва/ёки нитратлар билан бир вақтда буюриш мумкин.

Трициклик антидепрессантлар/антипсихотик воситалар/анестетиклар

Айрим анестетиклар, трициклик антидепрессантлар ва антипсихотик воситаларни ААФ ингибиторлари билан бир вақтда қўллаш АБ ни қўшимча пасайишига олиб келиши мумкин.

Симпатомиметиклар

Симпатомиметиклар ААФ ингибиторларининг гипотензив самарасини камайтириши мумкин.

Олтин препаратлари

Инъекцион олтин препаратлари (натрий ауротиомалати) ва ААФ ингибиторлари, шу жумладан периндоприл билан ёндош даволаш буюрилган пациентларда нитроид реакциялар (юзни қизариши, кўнгил айниши, қусиш ва гипотензияни ўз ичига олувчи симптомлар) қайд этилган.

Антацидлар периндприлнинг биокираолишлигини камайтириши мумкин.

ААФ ингибиторлари, ATII (БРАII) рецепторлари блокаторлари, рениннинг бевосита ингибиторларини бир вақтда қўллаганда гиперкалиемия, буйракни шикастланиши, гипотония ривожланиши хавфи ошади.

Ренин-ангиотензин-альдостерон тизимини икки томонлама блокадаси

РААТ ни ААФ, БРА II ингибитори ёки Алискирен томонидан икки томонлама блокадаси ҳар қандай пациентга, айниқса диабетик нефропатияси бўлган пациентларга тавсия этиш мумкин.

Қандли диабети ёки ўртача/оғир буйрак етишмовчилиги (КФТ˂60 мл/мин/1,73 м2) бўлган пациентларда Алискиренни ААФ ёки БРА II ингибиторлари билан бир вақтда қўллаш мумкин эмас.

ААФ ва БРА II ингибиторларини бирга қўллаш кўрсатилган айрим ҳолатларда мутахассиснинг синчковлик билан кузатуви ва буйрак фаолияти, сув-электролит мувозанати, артериал босимни мониторинги зарур.

Ҳомиладорлик ва лактация

Ҳомиладорликнинг биринчи уч ойлиги вақтида ААФ ингибиторларини қўллаш тавсия этилмайди. Ҳомиладорликнинг иккинчи ва учинчи уч ойликларида ААФ ингибиторларини қўллаш мумкин эмас.

Ҳомиладорликнинг биринчи уч ойлигида ААФ ингибиторларининг тератоген таъсири хавфидан далолат берувчи эпидемиологик маълумотлар ишончли бўлмаган, лекин хавфи бироз ошишини инкор этиб бўлмайди. Агар артериал гипертензияни даволашни давом эттириш зарур деб ҳисобланса, ҳомиладорликни режалаштирган пациентларни ҳомиладорлик вақтида хавфсизлик профили аниқланган муқобил антигипертензив воситаларга ўтказиш керак. Агар ҳомиладорлик аниқланса, ААФ ингибиторлари билан даволаш дарҳол тўхтатилиши ва зарури бўлса муқобил даволашни бошлаш керак.

Ҳомиладорликнинг иккинчи ва учинчи уч ойликларида ААФ ингибиторлари билан даволаш ҳомиладор аёл учун фетотоксиклик (буйрак фаолиятини сусайиши, кам сувлик, бош суяга оссификациясини кечикиши), шунингдек янги туғилган чақалоқ учун токсиклик (буйрак етишмовчилиги, артериал гипотензия, гиперкалиемия) билан кечиши маълум. Агар ААФ ингибиторларининг таъсири ҳомиладорликнинг иккинчи уч ойлигидан бошланган бўлса, буйрак фаолияти ва бош суягини ультратовуш текшируви тавсия этилади. Оналари ААФ ингибиторларини қабул қилган чақалоқлар гипотония юзасидан синчковлик билан текширилишлари керак.

Эмизиш:

Периндоприлни эмизиш даврида қўллаш юзасидан ҳеч қандай маълумотлар йўқ, лактация вақтида периндоприлни қабул қилиш тавсия этилмайди ва эмизиш, айниқса янги туғилган ёки чала туғилган чақалоқни эмизиш даврида хавфсизлик профили яхши бўлган муқобил даволаш усуллари тавсия этилади.

Ножўя таъсири

Периндоприл билан даволаш вақтида қуйидаги ножўя самаралар кузатилган, улар тез-тезлиги бўйича қуйидагича тақсимланган:

Жуда тез-тез (˃1/10); тез-тез (˃1/100, ˂1/10); тез-тез эмас (˃1/1000, ˂1/100); кам ҳолларда (˃1/10000, ˂1/1000); жуда кам ҳолларда (˂1/10000); номаълум (мавжуд маълумотлар асосида тез-тезлигини баҳолаш мумкин эмас).

  Тез-тез Тез-тез эмас Жуда кам ҳолларда Номаълум
Қон ва лимфатик тизим     Г-6ФДГ танқислиги бўлган пациентларда гемоглобин ва  гематокритни пасайиши, тромбоцитопения, лейкопения/нейтро-пения, агранулоцитоз ёки панцитопения, гемолитик анемия ҳақида хабар берилган  
Метаболизм ва озиқланишни бузилиши       гипогликемия
Руҳий бузилишлар   Уйқу ёки кайфиятни бузилиши    
Нерв тизими томонидан бузилишлар Бош оғриғи, бош айланиши, парестезия      
Кўз касалликлари Кўришни бузилиши      
Эшитиш аъзолари томонидан Қулоқларда шанғиллаш      
Юрак томонидан бузилишлар     Аритмия, стенокардия, миокард инфаркти, эҳтимол, юқори хавф гуруҳида ҳаддан ташқари гипотензияга нисбатан  
Қон томир бузилишлари Гипотония ва гипотония билан боғлиқ самаралар   Инсульт, эҳтимол, юқори хавф гуруҳида ҳаддан ташқари гипотензияга нисбатан васкулит
Нафас, кўкрак қафаси ва кўкс оралиғи аъзолари Йўтал, ҳансираш Бронхоспазм Эозинофил пневмония, ринит  
Меъда-ичак йўллари томонидан бузилишлар Кўнгил айниши, қусиш, қоринда оғриқ, таъмни бузилиши, диспепсия, диарея, қабзият Оғизни қуриши Панкреатит  
Жигар ва ўт чиқариш йўллари     Цитологик ёки холестатик гепатитлар  
Тери ва тери ости клетчаткачи касалликлари Тошма, қичишиш Юз, қўл-оёқ, лаблар, шиллиқ қаватлар, тил, овоз ёриғи ва /ёки ҳиқилдоқни ангионевротик шиши, эшакеми Эритема  
Суяк-мушак, бириктирувчи тўқима ва суяк томонидан бузилишлар   Мушак спазмлари    
Буйрак ва сийдик чиқариш йўллари касалликлари   Буйрак етишмовчилиги Ўткир буйрак етишмовчилиги  
Репродуктив тизим томонидан бузилишлар   Импотенция    
Умумий бузилишлар Астения Терлаш    

Тадқиқотлар:

Плазмада мочевина ва креатинин даражаси ошиши, гиперкалиемия кузатилиши мумкин, у даволаш тўхтатилгандан кейин ўтиб кетган, айниқса буйрак етишмовчилиги, оғир юрак етишмовчилиги ва реноваскуляр гипертензияси бўлган пациентларда.

Қон зардобида жигар ферментлари ва билирубин даражасини ошиши кам ҳолатлари кузатилган.

Клиник тадқиқотлар:

EUROPA рандомизацияланган тадқиқот даврида фақат жиддий нохуш кўринишлар тўпланган. Кам сондаги пациентларда жиддий ножўя самаралар кузатилган: периндоприл қабул қилган 6122 нафар пациентдан 16 (0,3%) ва плацебо қабул қилган 6107 нафар пациентдан 12 (0,2%). Периндоприл қабул қилган пациентларда артериал гипотензия 6 нафар беморда, Квинке шиши 3 нафар беморда ва юракни тўсатдан тўхташи 1 нафар пациентда кузатилган. Кўпчилик пациентларда йўтал, гипотензия ёки периндоприлни бошқа ўзлаштираолмаслик мувофиқ равишда плацебо гуруҳида 2,1% (n=129) га нисбатан 6,0 % (n=129).

Дозани ошириб юборилиши

Одамларда дозани ошириб юборилиши ҳақидаги маълумотлар чекланган.

ААФ ингибиторлари дозасини ошириб юборилиши билан боғлиқ симптомлар циркулятор шок, электролит бузилишлари, буйрак етишмовчилиги, гипервентиляция, тахикардия, юрак уриб кетиши, брадикардия, бош айланиши, безовталик ва йўтални ўз ичига олади.

Дозани ошириб юборилишида тавсия этилган даволаш вена ичига физиологик эритмани юборишни ўз ичига олади. Агар артериал гипотензия ривожланса, пациентни горизонтал ҳолатга ўтказиш, оёқларни юқорига кўтариш керак. Имконияти бўлганида ангиотензин II инфузияси ва/ёки катехоламинларни юбориш кўринишида даволашни ўтказиш масаласини ҳал қилиш керак. Агар консерватив даволашга чидамли брадикардия ривожланса, ритмни юргазувчини ўтказиш кўрсатилган. Ҳаёт учун зарур фаолият кўрсаткичларини, зардобдаги электролитлар ва креатинин даражасини узлуксиз назорат қилиш керак.

Қўллаш мумкин бўлмаган ҳолатлар

  • периндоприлга, ёрдамчи моддалардан биронтасига ёки бошқа ҳар қандай ААФ ингибиторларига юқори сезувчанлик;
  • аввалги ААФ ингибиторлари билан даволаш билан боғлиқ анамнезидаги ангионевротик шиш;
  • наслий ёки идиопатик ангионевротик шиш;
  • қандли диабет ёки ўртача/оғир буйрак етишмовчилиги (КФТ<60 мл/мин/1,73 м2) бўлган пациентларда ААФ ёки БРА II ингибиторларини бир вақтда қўллаш;
  • ҳомиладорликнинг иккинчи ва учинчи уч ойлиги;
  • лактация даври (эмизиш);
  • болалар ва 18 ёшгача бўлган ўсмирларда қўллаш мумкин эмас.

Автомобилни бошқариш, техника билан ишлаш қобилиятига таъсири

Автомобилни бошқариш ва механизмлар билан ишлаш қобилиятига таъсири юзасидан ҳеч қандай тадқиқотлар ўтказилмаган.

Шунга қарамасдан, транспорт воситаларини бошқарганда ёки машиналар билан ишлаганда айрим ҳолларда бош айланиши ёки толиқиш юзага келиши мумкинлигини эътиборга олиш керак.

Чиқарилиш шакли

Оқ рангли қаттиқ желатин капсулалар №0, 10 капсуладан контур уяли ўрамда, 3 контур уялши ўрамдан қутида.

Сақлаш шароити

Намликдан ва ёруғликдан ҳимояланган жойда, 15°С дан 25°С гача ҳароратда сақланади.

Болалар ололмайдиган жойда сақланади.

Яроқлилик муддати

2 йил. Ўрамида кўрсатилган яроқлилик муддати ўтгач ишлатилмасин.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.