ҚЎЛЛАШ БЎЙИЧА ЙЎРИҚНОМА

ОФРАМАКС

OFRAMAX

Препаратнинг савдо номи: Офрамакс

Таъсир қилувчи модда (ХПН): цефтриаксон

Дори шакли: инъекция учун эритма тайёрлаш учун 1 г кукун

Таркиби:

Бир флакон қуйидагиларни сақлайди

Фаол модда: 1197,153 мг цефтриаксон натрий 1000 мг цефтриаксонга эквивалент.

Таърифи: оқдан сарғиш-зарғалдоқ ранглигача бўлган кристалл кукун.

Фармакотерапевтик гуруҳи: Тизимли қўллаш учун антибактериал препаратлар. Бошқа бета-лактам антибактериал препаратлар. Учинчи авлод цефалоспоринлари.

АТХ коди: J01DD04

Фармакологик хусусиятлари

Офрамакс^® – парентерал юборишга мўлжалланган кенг таъсир доирасига III авлод цефалоспорин антибиотигидир. Бактериал хужайра деворининг синтезини ингибирлаш, ва охир оқибат уни нобуд бўлишига олиб келиши ҳисобига бактерицид таъсир қилади. Кўпгина бактериал бета-лактамазаларга нисбатан чидамли ва бактериал патогенларнинг жуда кўп турлари, шу жумладан граммусбат ва грамманфий бактерияларга қарши фаолдир.

Микробиологияси

Препарат граммусбат ва грамманфий микроорганизмларнинг бета-лактамазалари (пенициллиназалар ва цефалоспориназаларнинг) таъсирига чидамлилиги билан фарқ қилади.

In vitro тадқиқотларда хлорамфениколнинг цефтриаксон билан антагонистик самаралари кузатилган.

Ҳам in vitro шароитларда, ҳам клиник ҳолатларда цефтриаксон қуйидаги микроорганизмларнинг кўпчилик штаммларига қарши ўз фаоллигини кўрсатди.

Аэроб грамманфий микроорганизмлар: Acinetobacter calcoaceticus, Enterobacter aerogenes, Enterobacter cloacae, Escherichia coli, Haemophilus influenzae (шу жумладан ампициллинга резистент ва бета-лактамазаларни ишлаб чиқарувчи штаммлари), Haemophilus parainfluenzae, Klebsiella oxytoca, Klebsiella pneumoniae, Moraxella catarrhalis (шу жумладан бета-лактамазаларни ишлаб чиқарувчи штаммлари), Morganella morganii, Neisseria gonorrhoeae (шу жумладан пенициллиназани ишлаб чиқарувчи ва ишлаб чиқармайдиган штаммлари), Neisseria meningitidis, Proteus mirabilis, Proteus vulgaris, Serratia marcescens.

Цефтриаксон Pseudomonas aeruginosa нинг кўпчилик штаммларига нисбатан фаолликни намоён этади.

ИЗОҲ: Пенициллинлар, цефалоспоринлар, аминогликозидлар каби бошқа антибиотикларга нисбатан чидамлиликни намоён этувчи юқорида санаб ўтилган микроорганизмларнинг қатор штаммлари цефтриаксонга сезгирдирлар

Аэроб граммубат микроорганизмлар: Staphylococcus aureus (шу жумладан пенициллиназани ишлаб чиқарувчи штаммлари), Staphylococcus epidermidis, Streptococcus pneumoniae, Streptococcus pyogenes, Streptococci Viridans гуруҳи

ИЗОҲ: Метициллинга чидамли стафилококклар цефалоспоринларга, шу жумладан цефтриаксонга хам чидамлидир. Стрептококклар ва энтерококкларнинг D гуруҳининг, масалан. Enterococcus (Streptococcus) faecalis  чидамлидир.

Анаэроб микроорганизмлар: Bacteroides fragilis, Clostridium species, Peptostreptococcus species.

ИЗОҲ: C. difficile нинг кўпчилик штаммлари чидамлидир.

In vitro шароитида олинган маълумотлар мавжуд, лекин уларнинг клиник аҳамияти номаълум.

Цефтриаксоннинг фаоллиги in vitro шароитида ≤8 мкг/мл ёки ундан камроқ минимал ингибирловчи концентрацияларда (MICs) қуйидаги микроорганизмларнинг кўпчилик штаммларига қарши намоён бўлади; бироқ ушбу микроорганизмлар томонидан чақирилган клиник инфекцияларни даволашда цефтриаксоннинг хавфсизлиги ва самарадорлиги сифатли ва яхши назорат қилинган клиник синовлар вақтида аниқланмаган.

Аэроб грамманфий микроорганизмлар: Citrobacter diversus, Citrobacter freundii, Providencia species (шу жумладан Providencia rettgeri), Salmonella species (шу жумладан S. typhi), Shigella species.

Аэроб граммусбат микроорганизмлар: Streptococcus agalactiae

Анаэроб микроорганизмлар: Prevotella (Bacteroides) bivius, Porphyromonas (Bacteroides) melaninogenicus

Резистентликни ривожланиш механизми

Цефтриаксон кўпчилик граммусбат ва грамманфий микроорганизмларнинг бета-лактамазаларига, шу жумладан пенициллиннинг янги авлод ҳосилаларини ва бошқа цефалоспоринларни гидролизлаш хусусиятига эга бўлган бета-лактамазаларга нисбатан чидамли. Цефтриаксонга чидамлилик асосан айрим бета-лактамларни гидролизловчи ферментларни, айниқса граммусбат микроорганизмлардаги ферментларни (шу жумладан карбапенемазалар ва айрим ESBLs (кенг таъсир доирасига эга бета-лактамазалар)) индукцияланиши орқали шаклланади. S. aureus ва S. pneumoniae каби граммусбат микроорганизмлар учун орттирилган резистентлик нишон бактерияларнинг хужайра деворидаги ўзгаришларига боғлиқ. Бошқа синф препаратларига кесишган резистентлик аниқланмаган.

Фармакокинетикаси

Соғлом шахсларга 0.5, 1.0 ёки 2.0 г дозаларни 30 минут давомида вена ичига (в/и) бир марта қуйилгандан кейин ва мушак ичига (м/и) бир марталик 0.5 г (250 мг/мл ёки
350 мг/мл концентрацияларда) ёки 1.0 г дозалар юборилгандан кейин цефтриаксоннинг плазмадаги ўртача концентрациялари қуйида жадвалда келтирилган.

Жадвал. Бир марталик доза юборилгандан кейин цефтриаксоннинг плазмадаги концентрациялари.

 ٭ в/и  дозалар доимий 30 минутдан ортиқ тезликда қуйилган.

ND = аниқланмаган

Мушак ичига юборилганда цефтриаксон юборилган жойдан яхши сўрилади ва зардобда юқори концентрацияларига етади.

Плазмадаги ўртача максимал концентрациясига инъекциядан кейин 2-3 соатдан сўнг эришилади. 0,5-2,0 г дозаларда 12-24 соатлик интервал билан м/и ёки в/и такрор юборилганда, цефтриаксоннинг, уни бир марта юборилган эришиладиган концентрациясидан 15-36% юқори концентрациялари тўпланади.

Цефтриаксоннинг сийдикдаги концентрациялари юқори бўлиб, улар қуйида жадвалда келтирилган.

Жадвал. Бир марталик дозалар юборилгандан кейин цефтриаксоннинг сийдикдаги концентрациялари.

ND = Аниқланмаган

Препаратнинг 33% дан 67% гача қисми ўзгармаган ҳолда буйрак орқали чиқарилади, қолган қисми эса сафро билан ичакка чиқарилиб, у ерда биотрансформацияга учрайди ва нофаол метаболит ҳосил бўлади.

1 г доза в/и юборилгандан кейин, юборилгандан кейин 1-3 соат давомида аниқланган цефтриаксоннинг ўртача концентрациялари – ўт пуфагида 581 мкг/мл ни, умумий ўт йўлида 788 мкг/мл ни, ўт пуфагидаги ўт йўлида 898 мкг/мл ни, ўт пуфаги деворида
78.2 мкг/г ни ва плазмада 62,1 мкг/мл ни ташкил қилди.

Соғлом шахсларда доза 0,15–3,0 г ни ташкил қилади, ярим чиқарилиш даври 5,8–8,7 соатни ташкил қилади; тақсимланиш ҳажми 5,78–13,5 л ни ташкил қилади; плазма клиренси – соатига 0,58–1,45 л ни; ва буйрак клиренси – соатини 0,32–0,73 л ни ташкил қилади. Цефтриаксон қон плазмаси оқсиллари билан қайтувчан боғланади ва ушбу боғланиш плазмадаги концентрацияси <25 мкг/мл бўлганида 95% дан, плазмадаги концентрацияси 300 мкг/мл бўлганида 85% га пасаяди. Цефтриаксон йўлдош тўсиғи орқали ўтади.

Бактериал менингит билан хасталанган педиатрик пациентларда 50 мг/кг дозани ва
75 мг/кг дозани вена ичига юборилгандан кейин цефтриаксоннинг плазмадаги максимал концентрацияси, ярим чиқарилиши даври, плазма клиренси ва тақсимланиш ҳажмининг ўртача кўрсаткичлари қуйида жадвалда келтирилган Цефтриаксон яллиғланган бош мия пардалари орқали ўтади, 50 мг/кг дозани ва 75 мг/кг дозани вена ичига юборилгандан кейин орқа мия суюқлиги (ОМС) даги концентрацияси қуйида жадвалда келтирилган.

Жадвал. Бактериал менингит билан хасталанган педиатрик пациентларда цефтриаксоннинг ўртача фармакокинетик параметрлари.

Цефтриаксоннинг фармакокинетикаси катта ёшдаги соғлом шахсларга қараганда, кекса ёшдаги пациентларда ва буйрак ёки жигар етишмовчилиги бўлган пациентларда бироз ўзгаради (қуйида жадвалга қаранг); шунинг учун кунига 2 г гача цефтриаксон олаётган пациентларда дозани тўғрилаш талаб этилмайди. Цефтриаксон плазмадан гемодиализ ёрдамида чиқарилмайди.

Жадвал. Цефтриаксоннинг ўртача фармакокинетик параметрлари.

∗ Креатинин клиренси

Пробенецид билан бирга қўлланганда цефтриаксонни чиқарилиши ўзгармайди.

Ўрта қулоқ суюқлигидаги фармакокинетикаси: Тадқиқотларнинг бирида ўрта отити бўлган 42 педиатрик пациентларда ўрта қулоқ суюлигига цефтриаксоннинг умумий концентрациялари (боғланган ва боғланмаган) аниқланган. Синамаларни олиш вақти
50 мг/кг дозадаги цефтриаксон мушак ичига бир марта юборилгандан кейин 1-50 соатни ташкил этади. Цефтриаксоннинг ўрта қулоқдаги ўртача миқдори (±SD) 24 соатдан кейин ўзининг чўққисига 35 (±12) мкг/мл га етди ва 48 соатдан кейин 19(±7) мкг/мл қийматни сақлаб қолди. Цефтриаксоннинг ўрта қулоқ суюқлигидаги 23-25 соат ичидаги концентрациясини ва синамаларни 46-50 соатлик вақт интервалида олишни эътиборга олиб, 25 соатга тенг бўлган ярим чиқарилиш даври ҳисоблаб чиқилди. Цефтриаксон қон плазмаси оқсиллари билан яхши боғланади. Ўрта қулоқ суюқлиги оқсиллари билан боғланиш даражаси номаълум.

Кальций билан ўзаро таъсири: Цефтриаксон ва кальцийнинг ўзаро таъсирини баҳолаш учун in vitro шароитида иккита тадқиқот ўтказилган: бирида катта одам қонининг плазмаси, иккинчисида – янги туғилган чақалоқнинг киндик қони плазмаси ишлатилган. Цефтриаксоннинг 1 мМ гача бўлган дастлабки концентрацияси (камида 30 минут давомида 2 г препаратни in vivo шароитда инфузия йўли билан юборилганда эришиладиган максимал концентрацияси) ва кальцийнинг 12 мМ (48 мг/дл) гача бўлган дастлабки концентрациясининг турли мажмуалари таҳлил қилиб чиқилган. Цефтриаксоннинг плазмадаги концентрациясини пасайиши кальций ишлатилганда катта ёшдаги одамнинг плазмаси учун 6 мМ (24 мг/дл) ва ундан юқори концентрацияда хамда янги туғилган чақалоқнинг плзамаси учун 4 мМ (16 мг/дл) ундан юқори концентрацияда кузатилди, бу янги туғилган чақалоқларда кальций тузларини ҳосил бўлишининг юқори хавфидан далолат беради.

Қўлланилиши

Сезгир микроорганизмлар томонидан чақирилган қуйидаги инфекцияларни даволаш учун қўлланади:

– Streptococcus pneumoniae, Staphylococcus aureus, Haemophilus influenzae, Haemophilus parainfluenzae, Klebsiella pneumoniae, Escherichia coli, Enterobacter aerogenes, Proteus mirabilis ёки Serratia marcescens томонидан чақирилган қуйи нафас йўлларининг инфекциялари,

– Streptococcus pneumoniae, Haemophilus influenzae (шу жумладан бета-лактамазаларни ишлаб чиқарувчи штаммлари) или Moraxella catarrhalis (шу жумладан бета-лактамазаларни ишлаб чиқарувчи штаммлари) томонидан чақирилган ўткир бактериал ўрта отит,

– Staphylococcus aureus, Staphylococcus epidermidis, Streptococcus pyogenes, Viridans group streptоcocci, Escherichia coli, Enterobacter cloacae, Klebsiella oxytoca, Klebsiella pneumoniae, Proteus mirabilis, Morganella morganii*, Pseudomonas aeruginosa, Serratia marcescens, Acinetobacter calcoaceticus, Bacteroides fragilis* ёки Peptostreptococcus species томонидан чақирилган тери ва тери ости клетчаткасининг инфекциялари,

– Escherichia coli, Proteus mirabilis, Proteus vulgaris, Morganella morganii или Klebsiella pneumoniae томонидан чақирилган сийдик чиқариш йўлларининг (асоратли ва асоратсиз), инфекциялари,

– Neisseria gonorrhoeae, шу жумладан пенициллиназани ишлаб чиқарувчи штаммлари томонидан чақирилган асоратланмаган гонорея (цервикал/уретрал ва ректал), шунингдек пенициллиназани ишлаб чиқармайдиган Neisseria gonorrhoeae томонидан чақирилган фарингеал гонорея,

– Neisseria gonorrhoeae томонидан чақирилган чаноқ аъзолари яллиғланиши,

Бошқа цефлоспоринлар каби, цефтриаксон хам Chlamydia trachomatis га нисбатан фаолликни намоён этмайди. Шунинг учун C. trachomatis шубҳа қилинган патогенларнинг бири бўлган чаноқ аъзолари яллиғланиши бўлган беморларни даволашда цефалоспоринлар қўлланганда, даволашга яхши антихламидий воситаларни қўшиш лозим.

– Staphylococcus aureus, Streptococcus pneumoniae, Escherichia coli, Haemophilus influenzae ёки Klebsiella pneumoniae томонидан чақирилган бактериал септицемия,

– Staphylococcus aureus, Streptococcus pneumoniae, Escherichia coli, Proteus mirabilis, Klebsiella pneumoniae ёки Enterobacter species томонидан чақирилган суяк ва бўғимларнинг инфекциялари,

– Escherichia coli, Klebsiella pneumoniae, Bacteroides fragilis, Clostridium species (Изоҳ: C. difficile нинг кўпчилик штаммлари чидамлидир) ёки Peptostreptococcus species томонидан чақирилган интраабдоминал инфекцилар,

– Haemophilus influenzae, Neisseria meningitidis ёки Streptococcus pneumoniae томонидан чақирилган менингит. Цефтриаксон шунингдек менингит ва Staphylococcus epidermidis* ва Escherichia coli* томонидан чақирилган анастомозларнинг инфекция ҳолларининг чекланган сонида муваффақиятли қўлланиган (* – ушбу организм учун препаратнинг самарадорлиги инфекцияларнинг 10 дан кам ҳолларида текширилган)

– иммунитети сусайган нейтропеник беморлардаги инфекциялар,

– инфекцийларни операциядан олдинги профилактикаси

Қўллаш усули ва дозалар

Офрамакс^® мушак ичига ва вена ичига юборилади.

Юбориш олдидан препаратни ўзлаштирилишига ва лидокаинни (мушак ичига юборишда), тери ички синамасини ўтказишга қарши кўрсатмалар бўлмаган ҳолларда уни ўтказиш керак.

Эритмани бевосита уларни қўллаш олдидан тайёрлаш керак.

Мушак ичига юбориш учун инъекция жойидаги оғриқни йўқотиш мақсадида препарат 1% лидокаин эритмасида қуйидаги нисбатда эритилади: 0,5 г флакон ичидагиси 2 мл 1% лидокаин эритмасида, 1 г – 3-5 мл 1% лидокаин эритмасида эритилади. Думба мушагига чуқур қилиб юборилади. Битта думбага 1 г дан кўп бўлмаганни юбориш тавсия қилинади.

Лидокаин сақловчи эритмани вена ичига юбориш мумкин эмас!

Вена ичига оқим билан юбориш учун препарат стерил инъекция учун сувда қуйидаги нисбатда эритилади: 0,5 г флакон ичидагиси 5 мл эритувчида, 1 г флакон ичидагиси: 10 мл да эритилади. Аста-секин 2-4 минут давомида юборилади.

Вена ичига инфузия учун эритма тайёрлаш учун 2 г Офрамакс^® кальций ионлардан ҳоли бўлган 40 мл эритувчилардан бирида эритилади: 0,9% натрий хлоридининг эритмаси, 0,45% натрий хлориди эритмаси + 2,5% глюкоза эритмаси, 5% глюкоза эритмаси, 10% глюкоза эритмаси,  глюкоза эритмасидаги 6% декстран эритмаси, стерил инъекция учун сув.

³ 50 мг/кг дозадаги инфузиянинг давомийлиги камида 30 минут.

Катталар ва 12 ёшдан ошган болаларга 1-2 г суткалик дозада буюрилади (суткада 1 марта ёки ярим дозада суткада 2 марта юборилади). Оғир ҳолларда суткалик дозани 4 г гача ошириш мумкин ва бу доза 2 қабулда 12 соатлик интервал билан юборилади.

Болалар.

• Янги туғилган чақалоқлар (14 кунликкача бўлган ёшдаги) ва чала туғилган чақалоқлар (тўғриланган ёшдан бошлаб 41 ҳафталик) Офрамакс^® нинг суткалик дозаси 20-50 мг/кг тана вазнигани ташкил қилади, суткада 1 марта камида 60 минут, билирубинни қон альбуминлари боғидан суриб чиқарилишини олдини олиш ва билирубинли энцефалдопотиянинг потенциал хавфини камайтириш учун юборилади.
• 15 кундан 12 ёшдагача бўлган ёшдаги боллалар учун – 20-80 мг/кг суткада 1 марта.

80 мг/кг дан юқори дозаларидан, ўт-сафро преципитатлирининг юқори ривожланиши ҳавфи туфайли (менингитдан ташқари) сақланиш лозим.

• Тана вазни 50 кг дан кўпроқ бўлган болаларга худди катталарники каби дозаларда буюрилади.

Кекса ёшли пациентлар учун дозалари жигар ва буйракларнинг фаолияти қониқарли бўлган шароитдаги катталар учун дозалар мос тушади.

Буйраклар фаолиятини бузилишлари бўлган пациентларга – агарда жигар фаолияти меъёрда қолса дозани камайтиришнинг зарурати йўқ. Фақат буйраклар фаолиятининг етишмовчилиги ҳолларида (креатинин клиренси 10 мл/мин камроқ) цефтриаксоннинг суткалик дозаси 2 г дан ошмаслиги керак.

Жигар фаолиятини бузилишлари бўлган пациентларга – агарда буйраклар фаолияти меъёрида қолса дозани камайтиришнинг ҳожати йўқ.

Бир вақтда оғир буйрак ва жигар етишмовчилигида цефтриаксонни қон плазмасидаги концентрациясини мунтазам аниқлаш лозим.

Гемодиализда бўлган пациентларга диализдан кейин препаратни қўшимча юборишни зарурати йўқ. Цефтриаксоннинг қон зардобидаги концентрациясини, дозаларни мумкин бўлган тўғрилаш учун назорат қилиш лозим, чунки бу пациентларда унинг чиқарилиш тезлиги пасайиши мумкин.

Алоҳида ҳолларда дозалаш

Операциядан кейинги асоратларни олдини олиш учун бир марта 1-2 г дан (юқиш ҳавфи даражасига қараб) операцияни бошлашдан 30-90 минут олдин юборилади.

Асоратланмаган гонореяда 0,25 г препарат бир марта вена ичига/мушак ичига юборилади.

Эмизикли болалар ва 15 кунликдан 12 ёшгача бўлган болалардаги бактериал менингитда даволаш суткада 1 марта 100 мг/кг дозадан (аммо 4 г дан кўп эмас) бошланади. Қўзғатувчи ажратиб олинганидан ва унинг сезгирли аниқланганидан кейин дозани мувофиқ равишда камайтириш мумкин. 2 ҳафталиккача бўлган чақалоқлар учун доза суткада 50 мг/кг дан ошмаслиги керак.

Энг яхши натижаларга даволашни бундай давомийлигида эришилган.

Цефтриаксон билан даволашнинг давомийлиги патологик жараённинг характери ва оғирлик даражасига, бактериологик текширишнинг маълумотларига боғлиқ ва у одатда 4-14 суткани ташкил қилади, аммо оғир инфекцион касалларда янада узоқроқ даволаш талаб қилиниши мумкин. Препаратни қўллаш касаллик белгилари йўқолганидан ва бактериологик таҳлил натижалари билан самаралар тасдиқлангандан кейин яна камида 48-72 соат (ҳар қандай антибиотикотерапия) давом эттирилиши керак.

Инъекция учун эритмаларни тайёрлаш

Мушак ичига юбориш. Флаконни ичидагисини (1 г) тўғри келадиган эритувчи (инъекция учун стерил сув, 1% ли лидокаин гидрохлориди эритмаси; қуйида «Мутаносиблик ва барқарорлик» кичик бўлимида янада батафсилроқ таъриф берилган) ёрдамида эритилади. Эритувчини флаконга юбориб, эритма ҳосил бўлгунича яхшилаб чайқатиш керак. Тайёрланганидан кейин эритманинг ҳар 1 мл қуйида кўрсатилган эритувчининг миқдорига қараб, тахминан 250 мг ёки 350 мг цефтриаксон сақлайди. Зарурати бўлганида янада суюлтирилган эритмани ишлатиш мумкин. Бошқа м/и инъекцияларда бўлгани каби, цефтриаксон нисбатан йирик мушакка (думба мушагига) юборилади; синовчи аспирация (шприцнинг поршенини тортиб кўриш) беҳосдан қон томирига юборилишидан сақланишга ёрдам беради.

Офрамакс^® ни 1% ли лидокаин гидрохлориди эритмаси билан мушак ичига юбориш: 1 г Офрамакс^® 3,5 мл 1% ли лидокаин гидрохлориди эритмасида эритилади. Эритма мушак ичига юборилади. Бир мушакка препаратнинг кўпи билан 1 г юбориш тавсия қилинади. 1 г дан ортиқ дозалар бўлинади ва турли соҳаларга юборилади.

Лидокаин сақловчи эритмани вена ичига юбориш мумкин эмас.

Вена ичига секин инъекция: 1 г Офрамакс^® 10 мл инъекция учун сувда эритилади. Инъекция учун эритма 2-4 минут давомида, тўғридан-тўри венага ёки вена ичига инфузия қилиш найи орқали секин юборилади.

Вена ичига инфузия: Oфрамакс^® ни вена ичига камида 30 минут давомида томчилаб юбориш керак. Янги туғилган чақалоқларда, билирубинни альбумин билан боғидан сиқиб чиқарилишини камайтириш ва шу йўл билан билирубинли энцефалопатияни ривожланишининг потенциал хавфини камайтириш учун 60 минутдан ортиқ вақт давомида томчилаб юбориш керак.

10 мг/мл – 40 мг/мл концентрациялар тавсия қилинади; бироқ янада кичик концентрациялар ишлатилиши мумкин. Флаконни ичидагисини тўғри келадиган эритувчи (қуйида «Мутаносиблик ва барқарорлик» кичик бўлимига қаранг) ёрдамида эритииш лозим..

Тайёрланганидан кейин эритманинг ҳар 1 мл тахминан 100 мг цефтриаксон сақлайди. Эритмани 50 мл ёки 100 мл ҳажмгача кейинги суюлтирилиши в/и юбориладиган тўғри келадиган эритувчи (инъекция учун стерил сув, 0.9% ли натрий хлориди эритмаси, 5% ли декстроза эритмаси; «Мутаносиблик ва барқарорлик» бўлимига қаранг) ёрдамида амалга оширилади.

Мутаносиблик ва барқарорлик

Ванкомицин, амсакрин, аминогликозиды ва флуконазол цефтриаксон билан физик жиҳатдан номутаносибдир. Ушбу препаратлардан биронтаси цефтриаксон билан бир вақтда интермиттирловчи вена ичига инфузия кўринишида юбориладиган бўлса, уни томчилатгич орқали (мутаносиб суюқликлардан бири билан) инфузиялар орасида кетма-кет юбориш тавсия қилинади.

Офрамакс^® нинг эритмасини тайёрлаш учун кальций сақловчи эритувчиларни, масалан Рингер эритмаси ёки Хартман эритмасини ишлатиш мумкин эмас. Бу эримайдиган заррачаларни ҳосил бўлишига олиб келади.

Офрамакс^® нинг инъекцион эритмаларини, юқорида санаб ўтилганларидан ташқари, бошқа антибиотикларни ёки бошқа эритувчиларни сақловчи эритмаларни қўшиш ёки аралаштириш, Офрамакс^® билан ўзаро номутаносиблик бўлиши мумкинлиги туфайли мумкин эмас. Офрамакс^® хона ҳароратида 77°F (25°C) ёки ундан паст ҳароратда, ёруғликдан ҳимояланган жойда сақланиши керак.

ИЗОҲ: Парентерал препаратлар қўлланишидан олдин ЯХШИ ЧАЙҚАТИЛИШИ ва юборилишидан олдин қаттиқ заррачаларни борлигини билиш учун визуал текширилиши лозим. Агар тайёрларган эритмаларда қаттиқ заррачалар борлиги аниқланса, препаратни йўқ қилиш керак.

Ножўя таъсирлари

Тез-тез

– кўнгил айниши, қусиш, диарея, шу жумладан псевдомембраноз колит

– чидамли микроорганизмлар чақирган иккиламчи замбуруғли инфекциялар ва инфекциялар

– эозинофилия, лейкопения, тромбоцитоз

Кам

– бош оғриғи, бош айланиши

– терлаш, гиперемия, қоринда оғриқ, метеоризм

– лейкоцитоз, моноцитоз, агранулоцитоз

– нефролитиаз, билиар литиаз, бронхоспазм, бурундан қон кетиши

– замбуруғли суперинфекциялар, кандидоз ёки вагинит

– стоматит, глоссит

– ўта юқори сезувчанлик реакциялари, аллергик дерматит, эшакеми, қичишиш, шиш, макулопапулёз тошма, анафилактик реакциялар, аллергик пневмонит

– анемия, лимфопения, нейтропения, тромбоцитопения, протомбин вақтини ошиши ёки камайиши

– ишқорий фосфатазани ва билирубинни ошиши

Жуда кам

– панкреатит

– креатининни ошиши, цилиндрурия

– олигурия, глюкозурия, гематурия, анурия, буйрак етишмовчилиги

– тиришиш, зардоб касаллиги

– полиморф эритема, Стивенс–Джонсон синдроми, токсик эпидермал некролиз

– ичга қабул қилинганидан кейинги флебит. Мушак ичига лидокаинсиз қўлланилиши оғриқли.

Қўллаш мумкин бўлмаган ҳолатлар

• Анамнездаги цефалоспоринлар қатори антибиотикларига ва бошқа бета-лактам антибиотикларига, лидокаинга (мушак ичига юбориш) ўта юқори сезувчанлик.
• 41 ҳафталикка етказилган чала туғилган чақалоқлар (ҳомиладорлик даври + ҳаётининг 1 ҳафтаси).
• Муддатида туғилган чақалоқлар (ҳаётининг 28 кунигача):
• сариқлик билан ёки гипоальбуминемия, ацидоз билан туғилганларда (бундай ҳолатларда билирубинни қон плазмаси оқсиллари билан боғланиши пасаяди) билирубинли энцефалопотиянинг ҳавфи ошади;
• кальций препаратлари ёки кальций сақловчи эритмаларни вена ичига юборишни зарурати бўлганида ўпка ва буйракларда кальций приципитларни ҳосил бўлишини хавфи туфайли.
• Ҳамма пациентлар учун кальций сақловчи препаратлар ва эритмалар билан (Рингер эритмаси ва шунга ўхшашлар), ҳатто турли инфузион йўллар орқали қўллаш. Кальций сақловчи эритмаларни цефтраксон охирги юборилганидан кейин 48 соат давомида буюриш мумкин эмас.

Дориларнинг ўзаро таъсири

Цефтриаксонинг кальцийли тузларининг преципитатларини пайдо бўлиш ҳавфи туфайли, цефтриаксонни ҳеч қачон кальций сақловчи эритмалар (Рингер, Гартман ва шунга ўхшашлар) билан қўллаш мумкин эмас.

Кальций сақловчи эритмаларни цефтриаксонни охири юборишдан кейин 48 соат давомида буюриш мумкин эмас.

Янги туғилган чақалоқлар ва чала туғилган болаларда цефтриаксон ва кальций сақловчи препаратлар бир вақтда юборилганида ўпка ва буйракларда ўлим билан якунланган преципитатларни пайдо бўлиш ҳоллари таърифланган.

Аминогликозидлар: Синергизм оқибатида грамманфий микроорганизмларга нисбатан самарадорлиги ошди, аммо ото – ва нефротоксиклиги ҳам ошади. Препаратларнинг дозасини бошқариш керак ва мажмуавий даволашнинг зарурати бўлганида, уларнинг турли жойларга алоҳида юбориш ва бир шприцда ёки инфузия учун эритмада физик-кимёвий номутаносиблиги сабабли аралаштирмаслик керак.

Ностероид яллиғланишга қарши воситалар, антиагрегантлар, К витамини антиангонистлари (варфарин каби): қон кетиши эҳтимолини ошиши.

Ҳалқали диуретиклар ва нефротоксик препаратлар – нефротоксиклик хавфи ошади.

Бактериостатик антибиотиклар (хлорамфеникол, тетрациклинлар): Цефтриаксоннинг бактерицид самарасини пасайтиради.

Гормонал контрацептивлар: Гормонал контрацептивларнинг самарадорлиги пасаяди, шунинг учун даволаниш вақтида ва у тугагандан кейин 1 ой давомида қўшимча (ногормонал) контрацепция усулларини ишлатиш тавсия қилинади.

Бошқа бета-лактам антибиотиклар: қарама-қарши аллергик реакциялар ривожланиши мумкин.

Цефтриаксонни қабул қилинганидан кейин дарҳол этанол қўлланганидан кейин дисульфирамнинг таъсирига ўхшаш самаралар кузатилмаган.

Цефтриаксон N-метилтиотетразол гуруҳини сақламайди, у этанолни ўзлаштираолмасликни ёки қон кетишни чақириши мумкин, бу айрим бошқа цефалоспоринларга хос.

Пробеницид: цефтриаксоннинг найчалар секрециясига (бошқа цефалоспоринлардан фарқли равшда) таъсир қилмайди.

Бошқа антибиотикларга ўхшаб цефтриаксон тифга қарши вакциналарнинг терапевтик самараси пасайтириши мумкин, аммо бундай самара фақат кучсизланган Ту21 штаммларига тегишли.

Цефтриаксон БХФЗ эритмасини бошқа микробларга қарши препаратлар билан фармацевтик номутаносиблиги сабабли аралаштириш ёки бир вақтда юбориш мумкин эмас.

Амзакрин, ванкомицин, ва аминогликозидлар билан цефтриаксон номутаносиб ва уни аралаштириш мумкин эмас.

Махсус кўрсатмалар

Ўта юқори сезувчанлик

Цефтриаксон билан ҳар бир янги даволаш курсини бошлашдан аввал пациентдан  цефалоспоринларга, пенициллинларга, бошқа бета-лактам антибиотикларига, дори воситаларига олдинги реакциялар тўғрисида сўраш лозим. Анамнезида аллергиянинг ҳар қандай шакли бўлган, айниқса IgE- орқали, пенициллинларга ёки бошқа бета-лактам антибиотикларига ўта юқори сезувчанликнинг ҳар қандай тури бўлган пациентларга эҳтиёткорлик билан буюрилади. Бошқа цефалоспоринлар қўллангандаги каби анафилактик шок эҳтимолини, ҳатто агарда тўлиқ анамнезида мувофиқ кўрсатмалар бўлмаса ҳам, истисно қилиш мумкин эмас. Анафилактик шок ривожланганида адреналин (эпинефрин) ва глюкокортикоидларни вена ичига юбориш керак.

Бугунги кунда пациентларда (чақалоқлардан ташқари) цефтриаксон ва кальций сақловчи препаратлар бир вақтда қўлланганида томир ичида преципитатларини пайдо бўлиши тўғрисида ишончли илмий маълумотлар йўқ. Аммо кальций сақловчи эритувчиларни (масалан, Рингер ёки Гартман эритмаси) қўллаш, аралаштириш ёки бир вақтда цефтриаксон ва кальций сақловчи препаратларни ҳамма тоифадаги пациентларга юбориш мумкин эмас. Кальций сақловчи эритмани цефтриаксон охирги юборилганидан кейин 48 соат давомида буюриш мумкин эмас.

Антибактериал препаратлар билан кекса ёшли одамларда, ҳамда ҳолсизланган пациентларда, айниқса оғир касалликларни даволаш, антибиотик билан ассоциацияланган диареяларни, колитларни, шу жумладан сохтамембраноз колитни пайдо бўлишга олиб келиши мумкин. Шунинг учун диарея пайдо бўлганида цефтриаксон билан даволаш вақтида ёки ундан кейин бу ташхисларни, шу жумладан сохтамембраноз колитини истисно қилиш керак. Цефтриаксонни қўллашни оғир ва/ёки қон билан ич кетган ҳолларда тўхтатиш ва мувофиқ даволашни ўтказиш керак. Керакли даволаш бўлмаганида токсик мегаколон, перитонит, шок ривожланиши мумкин.

Клостридиум диффициле–ассоциацияланган диарея: сlostridium difficile-ассоциацияланган диарея (CDAD) деярли барча антибактериал препаратлар, шу жумладан цефтриаксонни ишлатилганда хам аниқланган ва оғирлик даражаси бўйича ўртача диареядан то фатал колитгача ривожланиши мумкин. Антибактериал воситалар билан даволаш йўғон ичакнинг нормал флорасини ўзгаришига олиб келади ва клостридийларни ўсишини кучайишига олиб келиши мумкин. Касалликнинг анамнезини синчиклаб йиғиш лозим, чунки CDAD, маълумки, антибактериал препаратлар қўлланганидан кейин икки ой ўтгач юз бериши мумкин.

Антибиотик билан индукцияланган иммун гемалитик анемияни, (шу жумладан ўлим билан якунланган) цефалоспоринларни, шу жумладан цефтриаксонни олган пациентларда ривожланиши тўғрисида ҳабар қилинган.

Цефтриаксон билан даволаш вақтида анемия ривожланганида, анемияни келиб чиқиши сабаби аниқланмагунича антибиотикни бекор қилиш керак.

Препарат билан узоқ вақт даволашда қон манзарасини, жигар ва буйракларнинг функционал ҳолатининг кўрсаткичларини мунтазам назорат қилиш тавсия қилинади.

Қўллашнинг ўзига хослиги

Катта думба мушагининг юқори ташқи квадрантига мушак ичига инъекциялар чуқур бўлиши керак. Препарат эритмасини юборишдан олдин игна томирдан ташқарида эканлигига ишонч ҳосил қилиш керак.

Антибактериал препаратларни қўллаш сезгир бўлмаган микроорганизмларни, шу жумладан замбуруғларни ҳаддан зиёд ўсишига ва суперинфекцияни ривожланишига олиб келиши мумкин, бу мувофиқ чораларни кўришни талаб қилади.

Буйрак етишмовчилиги бўлган пациентлар учун одатда дозани тўғрилашнинг ҳожати йўқ – цефтриаксонни иккиёқлама чиқарилиш йўли ҳисобига (буйраклар ва жигар орқали). Креатинин клиренси 10 мл/мин лигида антибиотикнинг суткалик дозаси 2 г дан ошмаслиги керак.

Гемодиализда бўлган беморларга препаратни диализдан кейин қўшимча юборишнинг зарурати йўқ. Аммо цефтриаксоннинг қон зардобидаги концентрациясини дозани тўғрилаш мумкинлиги бўлиши учун назорат қилиш лозим, чунки бу беморларда чиқарилиш тезлиги пасайиши мумкин.

Бу аъзоларнинг фаолиятини оғир бузилишлари билан бўлган, бир вақтда жигар ва буйрак етишмовчилигида, препаратнинг дозаси цефтриаксоннинг қон плазмасидаги концентрациясини мунтазам назоратисиз 2 г дан ошмаслиги керак.

Якка ҳолларда одатда цефтриаксон тавсия қилинганидан юқори дозаларда қўлланганидан кейин, ўт пуфагининг эхограммасида қоронғилашув кузатилиши мумкин (цефтриаксоннинг кальций тузларини препципитатлари, улар даволаш бекор қилинганидан/тугаганидан кейин йўқолади). Агарда бу ҳолатлар клиник белгилар билан кечса, препаратни бекор қилиш тўғрисида қарор қабул қилинади.

Цефтриаксон ўт йўлларида димланиш ҳавфи омиллари бўлган беморларда қўлланганида панкреатитнинг якка ҳоллари таърифланган, бу эхтимол ўт-сафро йўлларининг обструкциясини оқибатида бўлиши мумкин (бунда цефтриаксоннинг таъсири остида ҳосил бўлган преципитатларнинг ролини истисно қилиш мумкин эмас).

К витаминининг синтезини бузилиши ёки етишмовчилиги бўлган пациентларда (масалан, жигарнинг сурункали касалликлари, кекса ёшли шахслар, етарли овқатланмаслик) протромбин вақтини назорат қилиш ва у ошганида цефтриаксон билан даволашни бошлашдан олдин ва даволаш вақтида К витаминини (ҳафтада 10 мг) буюриш лозим.

Анамнездаги қон кетишлар ва овқат ҳазм қилиш йўлларининг касалликлари, айниқса ярали носпецифик колит ёки энтеритда эҳтиёткорлик билан буюрилиши керак.

Цефтриаксон бошқа айрим цефалоспоринлар каби зардобдаги альбумин боғидан билирубинни суриб чиқариши мумкин, шунинг учун препаратни гипебилирубинемияли янги туғилган чақалоқларга эҳтиёткорлик билан буюриш керак. Цефтраксонни янги туғилган чақалоқларда, айниқса билирубинли энцефалопотия ривожланиши хавфи бўлган чала туғилганларда қўллаш мумкин эмас.

Артериал гипертензия ва сув-электролит мувозанатини бузилишларида қон плазмасида натрийнинг даражасини назорат қилиш лозим.

Цефтриаксон билан даволаш ўтаётган пациентларда Кумбс реакциясининг сохта мусбат натижаларини якка ҳоллари қайд қилинган. Цефтриаксон бошқа антибиотикларга ўхшаб сийдикда глюкоза ноферментатив усуллар билан аниқланганида, галактоземияга синамаларда сохта мусбат натижаларни чиқариши мумкин. Шунинг учун цефтриаксон билан даволаш вақтида глюкозурияни фақат ферментатив усул билан аниқлаш лозим.

Бошқалар

Офрамакс^® 1 г цефтриаксонда тахминан 83 мг (3.6 ммоль ) натрий сақлайди, буни кам тузли парҳездаги пациентлар ҳисобга олишлари керак. Цефтриаксонни бактериал инфекция тасдиқланмаган ёки шубҳа қилинган ҳолларда ёки профилактик кўрсатмалар бўйича буюрилиши пациентга хеч қандай фойда келтирмайди, лекин дорига чидамли бактерияларни ривожланиш хавфини оширади. Қонда азот мочевинани (ҚАМ) ва зардобда креатинин миқдорини транзитор ошишига қарамасдан, тавсия қилинган дозаларда цефтриаксоннинг нефротоксик потенциали бошқа цефалоспоринларнинг потенциали билан бир хил.

Ҳомиладорлик ва лактация

Цефтриаксон йўлдош тўсиғи орқали ўтади. Ҳомиладорликда қўллаш хавфсизлиги аниқланмаган. Ҳайвонларда репродуктивликка таъсири юзасидан ўтказилган тадқиқотларда препаратнинг эмбриотоксик, фетотоксик, тератоген таъсирларини ёки эркак ва урғочи ҳайвонларнинг пушдорлигига, туғруқ жараёнларига, авлодни перинатал ва постнатал ривожланишига бошқа салбий таъсирлар аниқланмади Приматларда эмбриотоксиклик ёки тератогенлик ҳолатлари кузатилмаган. Ҳомиладорлик даврида цефтриаксон билан даволаш хавфсизлиги исботланмаганлиги туфайли, препаратни ҳомиладорларда фақат ҳаётий кўрсатмалар юзасидан қўллаш тавсия қилинади. Цефтриаксон кичик концентрацияларда кўкрак сутига ўтади. Уни эмизикли онага буюришда эҳтиёткорликка риоя қилиш лозим.

Дори воситасини транспорт воситасини ёки потенциал хавфли механизмларни бошқариш қобилиятига таъсирини ўзига хос хусусияти

Аниқланмаган.

Препарат болалар олаолмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши

Ножўя самаралари кучайиши мумкин.

Симптомлари: иситма, лейкопения, тромбоцитопения, ўткир гемолитик анемия, тери, меъда-ичак реакциялари ва жигар реакциялари, ҳансираш, буйрак етишмовчилиги, стоматит, анорексия, эшитишни вақтинчалик пасайиши, фазода ориентацияни йўқотиш.

Даволаш: Симптоматик ва тутиб турувчи даволаш ўтказилади. Гемодиализ ва перитонеал диализ самарасиз. Махсус антидоти йўқ.

Чиқарилиш шакли

Препарат 15 мл сиғимли тиниқ шиша флаконга жойланган. Флакон бутил резина тиқин билан беркитилган ва мовий рангли пластик ҳимоя қопқоқчали алюмин қалпоқча билан сиқилган.

1 флакондан тиббиётда қўллаш бўйича йўриқномаси билан бирга қартон қутига жойланган.

Сақлаш шароити

Қуруқ, ёруғликдан ҳимояланган жойда, 25°С дан юқори бўлмаган ҳароратда сақлансин. Музлатилмасин!

Яроқлилик муддати

3 йил.

Дорихоналардан бериш тартиби

Рецепт бўйича.