ҚЎЛЛАШ БЎЙИЧА ЙЎРИҚНОМА

ТИОГАММА®

THIOGAMMA®

Бу дорини қабул қилишдан олдин ушбу йўриқномани диққат билан ўқиб чиқинг.

• Йўриқномани сақлаб қўйинг, у яна талаб қилиниши мумкин.
• Агарда Сизда саволлар туғилса, шифокорга мурожаат қилинг.
• Бу дори шахсан Сизга буюрилган ва уни бошқа шахсларга бериш мумкин эмас, чунки у ҳатто уларда Сиздагига ўхшаш симптомлар бўлса ҳам уларга зарар етказиши мумкин.

Препаратнинг савдо номи:  Тиогамма®

Таъсир қилувчи модда (ХПН): тиоктат кислотаси

Дори шакли: инфузия учун эритма.

Таркиби:

1 флакон 50 мл 12/мг/мл инфузия учун эритма сақлайди:

Фаол модда: тиоктат кислотасининг меглуминли тузи – 1167,70 мг (бу 600 мг тиоктат кислотасига эквивалент);

Ёрдамчи моддалар: макрогол 300 – 4000,00 мг, меглумин, инъекция учун сув 50 мл гача.

Таърифи: оч-сариқ ёки сарғиш-яшил рангли тиниқ эритма.

Фармакотерапевтик гуруҳи: метаболик жараёнларни тўғрилаш учун восита.

АТХ коди: А16АХ01

Фармакологик хусусиятлари

Тиоктат кислотаси–эндоген антиоксидант (эркин радикалларни боғлаб олади).

Организмда альфа-кетокислоталарнинг оксидланишли декарбоксилланишида ҳосил бўлади. Митохондриал мультиферментли комплексларнинг коэнзими сифатида пироузум кислотаси ва альфа-кетокислоталарни оксидланиш декарбоксилланиш жараёнларида иштирок этади. Қонда глюкозанинг концентрациясини пасайишига ва жигарда гликогенни ошишига, шунингдек инсулинга резистентликни пасайишига ёрдам беради. Липид ва углеводлар алмашинувини бошқарилишида иштирок этади, холестерин алмашинувига таъсир қилади, жигар фаолиятини яхшилайди, оғир металлар тузлари билан заҳарланишда ва бошқа интоксикацияларда дезинтоксикацион таъсир кўрсатади.

Нейронларнинг трофикасини яхшилайди. Қандли диабетда тиоктат кислотаси гликирланишнинг якуний маҳсулотларини ҳосил бўлишини камайтиради, эндоневрал қон оқимини яхшилайди, глютатионнинг миқдорини физиолиогик қийматлар даражасигача оширади, бу натижада диабетик полинейропатияда периферик нерв толаларининг функционал ҳолатини яхшиланишига олиб келади.

Фармакокинетикаси

Вена ичига юборилганида максимал концентрациясига эришиш вақти – 10-11 мин., максимал концентрацияси тахминан 20 мкг/мл ни ташкил қилади. Жигар орқали «биринчи ўтиш» самарасига эга.

Метаболитларини ҳосил бўлиши ён занжирини оксидланиши ва конъюгацияланиши натижасида юз беради. Умумий плазма клиренси – 10-15 мл/мин. Тиоктат кислотаси ва унинг метаболитлари буйрак орқали (80-90%), катта бўлмаган миқдори – ўзгармаган ҳолда чиқарилади. Ярим чиқарилиш даври 25 минутни ташкил қилади.

Қўлланилиши

Диабетик полинейропатия, алкоголли полинейропатия.

Қўллаш усули ва дозалари

Даволашни бошида Тиогамма® инфузия учун эритма препарати вена ичига суткада       600 мг дозада (1 флакон) 2-4 ҳафта давомида юборилади. Препаратли флакон қутидан чиқарилади ва дарҳол берилган ёруғликдан ҳимоя қилувчи ғилоф билан ёпилади, чунки тиоктат кислотаси ёруғликка сезгир. Инфузия бевосита флакондан қилинади. Аста-секин юборилади, тахминан 1,7 мл/мин тезликда, 30 минут давомида юборилади.

Сўнгра тиоктат кислотасини перорал шаклини (Тиогамма®, қобиқ билан қопланган таблеткалар) қабул қилишни давом эттириш мумкин.

Ножўя таъсирлари

Нохуш ножўя реакцияларни пайдо бўлишини тез-тезлиги ЖССТ таснифига мувофиқ келтирилган:

Қон яратиш тизими ва лимфатик тизими томонидан:

Жуда кам: шиллиқ қаватлар ва терига нуқтали қон қуйилишлар, тромбоцитопения, геморрагик тошма (пурпура), тромбофлебит;

Иммун тизими томонидан:

Алоҳида ҳолларда: тизимли аллергик реакциялар (ҳатто анафилактик шок ривожланишигача) бўлиши мумкин;

Марказий нерв тизими томонидан:

Жуда кам ҳолларда: таъм сезишни ўзгариши ёки бузилиши; жуда кам: тиришишлар;

Кўриш аъзоси томонидан:

Жуда кам ҳолларда: диплопия;

Тери ва тери ости клетчаткаси томонидан:

Алоҳида ҳолларда: аллергик реакциялар – эшакеми, қичишиш, экзема, тошма.

Бошқа ножўя реакциялар:

Алоҳида ҳолларда: глюкозани ўзлаштирилишини яхшиланиши туфайли, қонда глюкозанинг концентрацияси пасайиши мумкин. Бунда гипогликемия симптомлари: бош айланиши, кўп терлаш, бош оғриғи, кўришни бузилиши; алоҳида ҳолларда: юбориш жойида аллергик реакциялар – таъсирланиш, гиперемия ёки шиш пайдо бўлиши мумкин;

Жуда кам ҳолларда: препарат тез юборилган ҳолларда бош мия ички босимини ошиши (бошда оғирлик ҳисси пайдо бўлади), нафасни қийинлашиши кузатилиши мумкин. Бу реакциялар мустақил ўтиб кетади.

Агарда йўриқномада кўрсатилган ножўя самаралар биронтаси ёмонлашса, ёки Сиз йўриқномада кўрсатилмаган бошқа ножўя самараларни сезсангиз, бу ҳақида шифокорга хабар беринг.

Қўллаш мумкин бўлмаган ҳолатлар

Тиоктат кислотаси ва препаратнинг бошқа компонентларига юқори сезувчанлик.

18 ёшгача бўлган болалар.

Ҳомиладорлик ва эмизиш даври.

Препаратни қабул қилишдан олдин албатта шифокор билан маслаҳатлашинг.

Дориларнинг ўзаро таъсири

Тиоктат кислотаси бир вақтда қабул қилинганида цисплатиннинг самарадорлигини пасайтиради, шунингдек темир, магний препаратлари каби металларни сақловчи препаратлар билан реакцияга киришади. Тиоктат кислотаси қандларнинг молекулалари билан, масалан левулёза (фруктоза) эритмаси билан реакцияга киришиб, қийин эрувчи молекулаларни ҳосил қилади. Глюкокортикоидли воситаларнинг яллиғланишга қарши таъсирини кучайтиради.

Тиоктат кислотасининг инфузион эритмаси декстроза эритмаси, Рингер эритмаси ва дисульфидли ва SH-гуруҳлари билан реакцияга киришувчи эритмалар билан номутаносиб.

Тиоктат кислотаси инсулин ёки перорал гипогликемик препаратлар билан бир вақтда қўлланганида, уларнинг таъсири кучайиши мумкин.

Агарда Сиз бошқа препаратларни қабул қилаётган ёки қабул қилмоқчи бўлсангиз, Тиогамма® препаратини қабул қилишдан олдин албатта шифокор билан маслаҳатлашинг.

Махсус кўрсатмалар

Қандли диабети бўлган пациентларда, айниқса даволашнинг бошланғич босқичида, қонда глюкозанинг концентрациясини доимий назорати зарур. Айрим ҳолларда гипогликемияни ривожланишидан сақланиш учун, инсулин ёки перорал гипогликемик препаратнинг дозасини пасайтириш керак. Гипогликемия симптомлари (бош айланиши, кўп терлаш, бош оғриғи, кўришни бузилиши, кўнгил айниши) пайдо бўлганида даволашни дарҳол тўхтатиш керак. Якка ҳолларда Тиогамма® қўлланганида гликемик назорат бўлмаган ва умумий ҳолати оғир бўлган пациентларда жиддий анафилактик реакциялар ривожланиши мумкин. Тиогамма® препарати билан даволаниш вақтида алкоголни истеъмол қилиш даволовчи самарани пасайтиради ва нейропатияни ривожланиши ва кучайишига ёрдам берувчи хавф омили ҳисобланади. Тиогамма® препаратини қабул қилаётган пациентлар алкоголни истеъмол қилишдан сақланишлари керак.

Ҳомиладорлик ва эмизиш даврида қўлланиши

Ҳомиладорлик ва лактация даврида қўллаш мумкин эмас.

Автотранспортни бошқариш ва механизмлар билан ишлаш қобилиятига таъсири

Автотранспорт воситасини бошқариш ва бошқа механизмлар билан ишлаш қобилиятига таъсир қилмайди.

Препарат болалар олаолмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши

Симптомлари: кўнгил айниши, қусиш, бош оғриғи.

Тиоктат кислотаси 10 г дан 40 г гача дозаларда алкогол билан бирга қабул қилинган ҳолда, ҳатто ўлим билан якунланган интоксикация ҳоллари кузатилган. Дозани ўткир ошириб юборилишининг симптомлари: одатда кейинчалик ёйилган тиришишларни ривожланиши ва лактоацидозни ривожланиши билан бирга кечувчи психомотор қўзғалиш ёки онгни бузилиши. Шунингдек гипогликемия, шок, рабдомиолиз, гемолиз, диссеминацияланган томир ички қон ивиши, суяк кўмигининг депрессияси ва кўп аъзоларда етишмовчилик ҳоллари таърифланган.

Даволаш симптоматик. Специфик антидоти йўқ.

Чиқарилиш шакли

Инфузия учун эритма 12 мг/мл.

50 мл дан II тур жигарранг шишадан тайёрланган, резина тиқин билан беркитилган флаконда. Тиқин алюмин қалпоқча ёрдамида мустаҳкамланади, унинг юқори қисмида полипропилен таглик бор. 1 флакондан ёки 10 флакондан флаконларнинг миқдори бўйича қора рангли полиэтилендан тайёрланган ёруғликдан ҳимоя қилувчи осма ғилофлар билан, картон тўсиқлар ва қўллаш бўйича йўриқномаси билан бирга картон қутида жойланган.

Сақлаш шароити

Ёруғликдан ҳимояланган жойда, +25°С дан юқори бўлмаган ҳароратда.

Яроқлилик муддати

5 йил.

Дорихоналардан бериш тартиби

Рецепт бўйича.