ҚЎЛЛАШ БЎЙИЧА ЙЎРИҚНОМА

БРИЛЛИАНТ КЎКИ 1% СПИРТЛИ ЭРИТМАСИ

SOLUTIO VIRIDIS NITENTIS SPIRITUOSA 1%

Препаратнинг савдо номи: Бриллиант кўки 1% спиртли эритмаси.

Таъсир этувчи моддалар (ХПН): бриллиант кўки, этанол.

Дори шакли: 1% спиртли эритма

Таркиби:

бриллиант кўки – 1 г, 60% этил спирти – 100 мл гача.

Таърифи: ёрқин-яшил рангли, спирт ҳидига эга тиниқ эритма.

Фармакотерапевтик гуруҳи: Антисептик ва дезинфекцияловчи восита.

АТХ коди: D08AX

Фармакологик хусусиятлари

Сиртга ва маҳаллий қўллаш учун антисептик восита. Препарат граммусбат бактерияларига нисбатан фаол.

Қўлланилиши

Операциядан кейинги янги ва посттравматик чандиқлар, шилинган жойлар; пиодермиялар; блефаритлар, мейбоми безларини яллиғланишида ишлатилади.

Қўллаш усули ва дозаси

Бевосита шикастланган юзаларга суртилади.

Ножўя таъсирлари

Препарат компонентларига аллергик реакциялар бўлиши мумкин. Кўзнинг шиллиқ қаватига  текканда кўзни ачишиш ҳисси ва ёшланиши кузатилади.

Бундай ҳолларда совутилган қайнаган сув билан тезда кўзни ювиш лозим.

Қўллаш мумкин бўлмаган ҳолатлар

Препаратнинг компонентларига юқори сезувчанликда қўллаш мумкин эмас.

Махсус кўрсатмалар

Қон зардоби аралашганда препаратнинг фаоллигини сезиларли пасайишини ҳисобга олиш лозим.

Препарат болалар олаолмайдиган жойда сақлансин ва яроқлилик муддати ўтганидан кейин ишлатилмасин.

Чиқарилиш шакли

Спиртли эритма 1% 10 мл, 15 мл ва 20 мл дан флаконларда.

Сақлаш шароити

Ёруғликдан ҳимояланган жойда, 25ºС дан юқори бўлмаган ҳароратда сақлансин.

Яроқлилик муддати

2 йил.

 Дорихоналардан бериш тартиби

Рецептсиз.