ҚЎЛЛАШ БЎЙИЧА ЙЎРИҚНОМА
МУКАЛТИН
MUCALTIN
Препаратнинг савдо номи: Мукалтин
Таъсир этувчи модда (ХПН): мукалтин
Дори шакли: таблеткалар
Таркиби:
1 таблетка қуйидагиларни сақлайди:
фаол модда: қуруқ моддага қайта ҳисоблаганда 50 мг мукалтин;
ёрдамчи моддалар: натрий гидрокарбонати, лимон кислотаси моногидрати, кальций стеарати, қанд.
Таърифи: кулранг ёки қўнғир тусли кулранг рангли, доғлари бўлган, икки томони қавариқ юзали таблеткалар.
Фармакотерапевтик гуруҳи: балғам кўчирувчи воситалар.
АТХ коди: R06CA
Фармакологик хусусиятлари
Фармакодинамикаси
Мукалтин – таъсири секротолитик ва бронхолитик хусусиятлари билан таъминланган, самарали балғам кўчирувчи воситадир. Препарат кучсиз йўталга қарши таъсир кўрсатади, йўтал хуружлари сонини ва уларнинг жадаллигини камайтиради. Юмшатувчи, яллиғланишга қарши ва ўраб олувчи хусусиятларга эга.
Ўзгарган бронх-ўпка секрециясини нормаллаштиради, балғамни ажралишини яхшилайди: унинг қовушқоқлигини ва адгезив хусусиятини камайтиради, қуйи нафас йўлларидан юқори қисмларига балғам харакатини ва кўчишини енгиллаштиради.
Фармакокинетикаси
Аниқланмаган.
Қўлланилиши
Нафас йўлларининг ўткир ва сурункали касалликлари: бронхитлар, пневмониялар, бронхоэктатик касалликлар, бронхиал астма, носпецифик бронхит кўринишлари билан ўпка туберкулёзидаги йўталда қўлланилади.
Қўллаш усули ва дозалари
Катталарга ва болаларга 12 ёшдан бошлаб, 1-2 таблеткадан суткада 3-4 марта овқатдан олдин буюрилади. Болалар учун бир марталик дозаси ёшга қараб танланади: 1-3 ёш – 1 таблетка, 3-12 ёшга – 1-2 таблеткадан буюрилади. Болаларда қўлланганда препаратни 1/3 стакан илиқ сувда эритиш мумкин, ҳохишга қараб қандли ёки мевали сироп қўшиш мумкин.
Даволаш курси – касалликнинг турига қараб, 7 кундан 1-2 ойгача буюрилади.
Ножўя таъсирлари
Айрим ҳолларда аллергик реакциялар, шу жумладан эшакеми, қичишиш келиб чиқиши мумкин.
Қўллаш мумкин бўлмаган ҳолатлар
Мукалтинга ёки препаратнинг бошқа компонентларига юқори сезувчанликда қўллаш мумкин эмас.
Дориларнинг ўзаро таъсири
Ҳозирги вақтдагача Мукалтинни дорилар билан ўзаро таъсири ҳақида маълумотлар йўқ.
Йўтални сусайтирувчи препаратлар (кодеин) билан бир вақтда буюриш мумкин эмас.
Мукалтинни йўталга қарши ва балғам кўчирувчи бошқа воситалар билан бир вақтда қабул қилиш мумкин.
Махсус кўрсатмалар
Баъзи ҳолларда ўпканинг сурункали яллиғланиш касалликлари бўлган пациентларда Мукалтин билан даволашни бошида бронхиал дарахтда йиғилиб қолган ва кўп миқдорда детрит, оқсиллар ва яллиғланиш элементларини сақловчи балғамни ажралиши ҳисобига, балғамни ёпишқоқлиги ошиши мумкин. Шунинг учун бронхларни диффуз шикастланишида, балғамнинг физик-кимёвий хусусиятларини аҳамиятли ўзгаришларида ва мукоцилиар транспортни пасайишида Мукалтин билан даволашда муколитик препаратларни (бромкегсин ва бошқ.) биргаликда буюриш лозим.
Препаратнинг бир марталик дозасини ҳар 4 соатда қабул қилиш мақсадга мувофиқдир.
Препарат қанд сақлайди, буни қандли диабети бўлган беморлар ҳисобга олишлари лозим.
Ҳомиладорлик ёки эмизиш даврида қўлланилиши.
Ҳомиладорлик ёки эмизиш даврида препаратни қўллаш тажрибаси йўқ.
Болалар.
Препаратни 1 ёшдан ошган болаларда қўлланади.
Автотранспортни бошқариш ва бошқа механизмлар билан ишлашда реакция тезлигига таъсир қилиш хусусияти.
Таъсир қилмайди.
Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.
Дозани ошириб юборилиши
Препаратни кўрсатилган терапевтик дозаларда қўлланганда дозани ошириб юборилиши кузатилмайди.
Узоқ муддат қўлланганда ёки кўрсатилган дозалардан оширилганда кўнгил айниши ва қусиш келиб чиқиши мумкин.
Даволаш – симптоматик.
Чиқарилиш шакли
30 таблеткадан банкаларда ёки контейнерда; 10 таблеткадан контур-уясиз ўрамларда.
Сақлаш шароити
8ºС дан 15ºС гача ҳароратда, оригинал ўрамда сақлансин.
Яроқлилик муддати
3 йил.
Дорихоналардан бериш тартиби
Рецептсиз.