БИПРОЛ
дори препаратини тиббиётда қўллаш бўйича
ЙЎРИҚНОМА
Қайд этиш рақами:
Препаратнинг савдо номи: Бипрол
Халқаро патентланмаган номи: бисопролол
Дори шакли: қобиқ билан қопланган таблеткалар
1 таблетканинг таркиби:
Таъсир этувчи модда: 5,000 мг/10,000 мг бисопролол фумарати;
ёрдамчи моддалар: 44,500 мг/62,400 мг микрокристалл целлюлоза; 40,000 мг/38,500 мг лудипресс ЛЦЕ (94,7-98,3% лактоза моногидрати, 3-4% повидон); 8,000 мг/11,000 мг маккажўхори крахмали; 0,500 мг/0,600 мг коллоид кремний диоксиди (аэросил);
1,000 мг/1,250 мг кросповидон (коллидон CL); 1,000 мг/1,250 мг магний стеарати;
қобиғи: 0,287 мг/0,430 мг титан диоксиди; 0,287 мг/0,430 мг макрогол (полиэтиленгликоль 4000); 1,320 мг/1,968 мг гипромеллоза; 0,106 мг/0,172 мг тальк.
Таърифи
Думалоқ, икки томони қавариқ, қобиқ билан қопланган оқ ёки деярли оқ рангли таблеткалар. Кўндаланг кесимда ядроси оқ ёки аранг билинадиган оч сариқ тусли оқ рангда бўлади.
Фармакотерапевтик гуруҳи: бета1-селектив адреноблокатор.
АТХ коди: C07AВ07.
Фармакологик хусусиятлари
Фармакодинамикаси
Хусусий симпатомиметик фаолликка эга бўлмаган, мембраналарни барқарорлаштирувчи таъсир кўрсатмайдиган селектив бета1-адреноблокатордир. Антигипертензив, антиаритмик ва антиангиал таъсир кўрсатади.
Юқори бўлмаган дозаларда юракнинг бета1-адренорецепторларини блоклаб, катехоламинлар билан рағбатлантирилган аденозинтрифосфатдан циклик аденозинмонофосфатни ҳосил бўлишини камайтиради, ҳужайра ичида кальций ионлари оқимини пасайтиради, манфий хроно-, дромо-, батмо- ва инотроп таъсир кўрсатади, атриовентрикуляр (AV) ўтказувчанликни ва қўзғалувчанликни сусайтиради, миокарднинг қисқарувчанлигини пасайтиради. Препаратни терапевтик дозаси оширилганида бета2-адреноблокловчи таъсир кўрсатади. Умумий периферик қон томирларнинг қаршилиги препаратни қўлланишини бошида, биринчи 24 соатда (альфа-адренорецепторлар фаоллигини реципрок ошиши ва бета2-адренорецепторларни рағбатлантирилишини йўқотилиши натижасида) ошади, 1-3 кундан кейин дастлабки ҳолатига қайтади, давомли буюрилганида эса қон томирларни қаршилиги пасаяди.
Антигипертензив таъсири қоннинг минутлик ҳажмини камайиши, периферик қон томирларни симпатик рағбатлантирилиши, ренин-ангиотензин тизими фаоллигини пасайиши (рениннинг дастлабки гиперсекрецияси бўлган беморлар учун катта аҳамиятга эга) аорта равоғи барорецепторларининг сезувчанлигини тикланиши билан (артериал босимни (АБ) пасайишига жавобан уларнинг фаоллигини кучайиши юз бермайди) ва марказий нерв тизимига таъсири билан боғлиқ. Артериал гипертензияда самараси 2-5 кундан кейин, барқарор таъсири – 1-2 ойдан кейин юз беради.
Антиангинал таъсири юрак қисқаришлари сонини камайиши ва миокардни қисқарувчанлигини пасайиши, диастолани узайиши, миокард перфузиясини яхшиланиши натижасида миокарднинг кислородга бўлган эҳтиёжини камайиши билан боғлиқ. Юракнинг чап қоринчасида охирги диастолик босимни ошиши ва қоринчаларнинг мушак толаларини чўзилиши ҳисобига, айниқса сурункали юрак етишмовчилиги (СЮЕ) бўлган пациентларда, кислородга бўлган эҳтиёжни ошириши мумкин.
Антиаритмик таъсири аритмоген омилларни (тахикардия, симпатик нерв тизими фаоллигини ошиши, циклик аденозинмонофосфатни ошган миқдори, артериал гипертензия) йўқотилиши, ритмни синус ва эктопик юргизувчиларининг ўз-ўзидан қўзғалиши тезлигини камайиши ва AV ўтказувчанликни (асосан антеград ва, кам даражада ретроград йўналишларда) секинлашиши билан боғлиқ.
Ўртача терапевтик дозаларда қўлланганида селектив бўлмаган бета-адреноблокаторлардан фарқли равишда, бета2-адренорецепторларни сақлайдиган аъзоларга (меъда ости бези, скелет мушаклари, периферик артериялар, бронхлар ва бачадоннинг силлиқ мушаклари) ва углевод алмашинувига кам даражада таъсир қилади, организмда натрий ионларини тутилиб қолишини чақирмайди.
Фармакокинетикаси
Сўрилиши. Сўрилиши – 80-90% ни ташкил қилади, овқат қабул қилиш препаратни сўрилишига таъсир қилмайди. Қон плазмасидаги максимал концентрацияси 1-3 соатдан кейин кузатилади. Биокираолишлиги – тахминан 90%. Қон плазмаси оқсиллари билан боғланиши тахминан 30%.
Тақсимланиши. Тақсимланиш ҳажми 3,5 л/кг ни ташкил қилади. Гематоэнцефалик тўсиқ ва йўлдош тўсиғи орқали ўтувчанлиги – паст.
Метаболизми. CYP3A4 (95% гача) ва CYP2D6 изоферментлари иштирокида жигарда метаболизмга учрайди. Жигар орқали «бошланғич ўтиш» самараси кам (тахминан 10%). Бисопрололнинг биотрансформацияси қалқонсимон безнинг гиперфункцияси бўлган пациентларда тезлашмайди.
Чиқарилиши. Умумий клиренси соатига 15,6±3,2 л ни, буйрак клиренси – соатига 9,6±1,6 л ни ташкил қилади. Бисопрололнинг мувозанатланган клиренси, уни буйраклар орқали ўзгармаган ҳолда (тахминан 50%) чиқарилиши ва кейинчалик шунингдек буйраклар орқали; ичак орақали 2% дан камроқ (сафро билан) чиқариладиган, жигарда нофаол метаболитларгача оксидланиши (тахминан 50%) орасида мувозанат билан белгиланади. Организмда тўпланмайди. Ярим чиқарилиш даври 9-12 соат.
Бисопрололнинг фармакокинетикасини дозага боғлиқлиги бир хил характерга эга. Бисопрололнинг фармакокинетикаси барқарор бўлиб, пациентнинг ёши ва жинсига боғлиқ эмас.
Ўзига хос клиник ҳолатларда фармакокинетикаси
Буйрак етишмовчилиги. Буйрак фаолиятини яққол бузилишларида (креатинин клиренси минутига 20 мл дан кам) ва анурияси бўлган пациентларда ярим чиқарилиш даври 2 мартадан ортиққа ошиши мумкин.
Жигар етишмовчилиги. Оғир жигар етишмовчилигида ярим чиқарилиш даврини 13-15 соатгача ошиши аниқланади.
Сурункали юрак етишмовчилиги. Сурункали юрак етишмовчилиги (NYHA таснифи бўйича III функционал синф) бўлган пациентларда бисопрололнинг қон плазмасидаги концентрацияси, соғлом кўнгиллилардагига нисбатан юқорироқ, ярим чиқарилиш даври эса 17 соатгача ошади.
Қўлланилиши
- Артериал гипертензия;
- Юракнинг ишемик касаллиги: стенокардия хуружларини олдини олишда қўлланилади.
Қўллаш мумкин бўлмаган ҳолатлар
Бисопролол, препаратнинг бошқа компонентларига ва бошқа бета-адреноблокаторларга юқори сезувчанлик; шок (шу жумладан кардиоген шок); ўпка шиши; ўткир юрак етишмовчилиги ёки инотроп терапияни ўтказишни талаб этувчи декомпенсация босқичидаги СЮЕ, электрокардиостимуляторсиз II-III даражали AV блокада; синоатриал блокада; синус тугунини кучсизлиги синдроми; яққол брадикардия (юрак қисқаришлари сони минутига 60 зарбдан кам); Принцметалл стенокардияси, кардиомегалия (юрак етишмовчилигининг белгиларисиз); оғир артериал гипотензия (систолик АБ 100 мм сим. уст. дан кам), айниқса миокард инфарктида; оғир бронхиал астма ва анамнезидаги ўпканинг сурункали обструктив касаллиги (ЎСОК); флоктафенинни, сультопиридни, моноаминооксидаза (МАО) ингибиторларини (МАО-В дан ташқари) бир вақтда қабул қилиш, верапамил ёки дилтиаземни бир вақтда вена ичига юбориш; периферик қон айланишини оғир бузилишлари, Рейно синдроми; феохромоцитома (альфа-адреноблокаторларини бир вақтда ишлатмасдан); метаболик ацидоз; 18 ёшгача бўлган пациентларда (самарадорлиги ва хавфсизлиги аниқланмаган) қўллаш мумкин эмас.
Лактаза танқислиги, лактозани ўзлаштира олмаслик, лактоза/изомальтозани кам сўрилиш синдромида (препаратнинг таркибига лактоза киради) қўллаш мумкин эмас.
Эҳтиёткорлик билан
Оғир жигар етишмовчилиги, оғир буйрак етишмовчилиги (креатинин клиренси минутига 20 мл дан кам), миастения, тиреотоксикоз, қандли диабет (гипогликемия симптомларини ниқоблаши мумкин), анамнезида илгари аллергик реакциялар бўлганига кўрсатма, I даражали AV блокада, депрессия (шу жумладан анамнездаги), псориаз, бронхиал астма, ЎСОК, периферик қон айланишини бузилиши, қатъий парҳезда эҳтиёткорлик билан қўллаш керак.
Ҳомиладорлик ва эмизиш даврида қўлланиши
Бисопролол бевосита цитотоксик, мутаген ва тератоген таъсир кўрсатмайди, лекин ҳомиладорликни кечишига ва/ёки ҳомилага ёки янги туғилган чақалоққа зарарли таъсир кўрсатиши мумкин бўлган фармакологик самараларга эга.
Одатда бета-адреноблокаторлар йўлдошда қон оқимини (перфузияни) камайтиради, бу ҳомилани ўсишини секинлашишига, ҳомилани она қорнида нобуд бўлишига, ҳомилани тушиб қолишига ёки муддатидан олдин туғруққа олиб келади. Ҳомилада ва янги туғилган болада она қорнидаги ривожланишини секинлашиши, гипогликемия, брадикардия каби патологик реакциялар пайдо бўлиши мумкин.
Бипролни ҳомиладорликда қўллаш мумкин эмас. Фақат, агар она учун фойда ҳомила ва/ёки болага бўлган ножўя самараларини ривожланишининг потенциал хавфидан устун бўлган ҳоллардагина қўлланиши мумкин. Бипрол препарати билан даволаш зарур ҳолат сифатида қаралган ҳолларда йўлдошда ва бачадонда қон оқимини текшириш, шунингдек ҳомилани ўсиши ва ривожланишини кузатиш керак. Ҳомиладорлик ва/ёки ҳомилага нисбатан нохуш ҳолатлар пайдо бўлганида, муқобил даволаш усулларини қўллаш керак.
Туғруқдан кейин янги туғилган чақалоқни синчиклаб текшириш керак. Гипогликемия ва брадикардия симптомлари, одатда ҳаётининг биринчи 3 кунида пайдо бўлиши мумкин.
Бисопрололни она сутига ўтиши тўғрисида маълумотлар йўқ. Шунинг учун аёллар Бипрол препаратини эмизиш даврида қабул қилишлари тавсия қилинмайди.
Препаратни лактация даврида қўллаш зарурати туғилганда, эмизишни тўхтатиш лозим.
Қўллаш усули ва дозалари
Бипрол препарати суткада 1 марта эрталаб, нонуштагача, нонушта вақтида ёки ундан кейин оз миқдордаги сув билан ичга қабул қилинади. Таблеткаларни чайнаш ёки майдалаш мумкин эмас. Барча ҳолларда қабул қилиш тартиби ва дозани ҳар бир пациентга шахсий равишда, юрак қисқаришлари сони ва пациентнинг ҳолатини ҳисобга олган ҳолда, шифокор танлайди.
Артериал гипертензия ва юрак ишемик касаллигида препарат суткада 1 марта 5 мг дан буюрилади. Зарурати бўлганида доза суткада 1 марта 10 мг гача оширилади. Артериал гипертензия ва стенокардияда максимал суткалик доза суткада 1 марта 20 мг ни ташкил қилади.
Буйрак фаолиятини оғир бузилиши (креатинин клиренси (КК) минутига 20 мл дан кам) ёки жигар фаолиятини яққол бузилишлари бўлган пациентлар учун максимал суткалик доза суткада 1 марта 10 мг ни ташкил қилади. Бундай пациентларда дозани оширишни махсус эҳтиёткорлик билан ўтказиш лозим.
Кекса ёшдаги пациентларда дозага тузатиш киритиш талаб қилинмайди.
Ножўя таъсири
Қуйида келтирилган ножўя самарларнинг тез-тезлиги Жаҳон соғлиқни сақлаш Ташкилотининг (ЖССТ) таснифига мувофиқ кўрсатилган: жуда тез-тез – 10% дан ортиқ; тез-тез – 1% дан ортиқ ва 10% дан кам; тез-тез эмас – 0,1% дан ортиқ ва 1% дан кам; кам ҳолларда – 0,01% дан ортиқ ва 0,1% дан кам; жуда кам ҳолларда – 0,01% дан кам, шу жумладан алоҳида ҳолатлар.
Марказий нерв тизими томонидан: тез-тез – кучли толиқиш, астения, бош айланиши, бош оғриғи. Одатда бу ҳолатлар даволашнинг бошида ривожланади, ва одатда сезиларли намоён бўлмайди ва 1-2 ҳафта давомида ўтиб кетади; тез-тез эмас – уйқуни бузилиши, депрессия; кам ҳолларда – тунги даҳшатлар, галлюцинациялар, ҳушдан кетиш.
Юрак-қон томир тизими томонидан: жуда тез-тез – брадикардия, юракни тез уриб кетиш ҳисси; тез-тез – артериал босимни яққол пасайиши (айниқса СЮЕ бўлган пациентларда), ангиоспазм кўринишлари (периферик қон айланиши бузилишини кучайиши, қўл-оёқларни совиб кетиш ҳисси (парестезиялар)); тез-тез эмас – AV ўтказувчанликни бузилиши (ҳатто тўлиқ кўндаланг блокада ва юракни тўхтаб қолиши ривожлангунича), аритмиялар, периферик шишлар (тўпиқлар, оёқ панжасини шиши) ва ҳансирашни ривожланиши билан кечувчи СЮЕ ни оғирлашиши, ортостатик гипотензия, кўкракда оғриқ.
Овқат-ҳазм қилиш тизими томонидан: тез-тез – кўнгил айниши, қусиш, диарея, қоринда оғриқ, қабзият, оғиз бўшлиғи шиллиқ қаватининг қуриши; кам ҳолларда – гепатит, “жигар” трансаминазалари (аланинаминотрансфераза, аспартатаминотрансфераза) фаоллигини ошиши, билирубин концентрациясини ошиши.
Нафас тизими томонидан: тез-тез эмас – бронхиал астмаси ва нафас йўлларининг обструктив касалликлари бўлган пациентларда ларинго- ва бронхоспазм; кам ҳолларда – аллергик ринит, бурунни битиши.
Таянч-ҳаракат аппарати томонидан: тез-тез эмас – мушак кучсизлиги, болдир мушакларида тиришишлар, артралгия.
Сезги аъзолари томонидан: кам ҳолларда – кўришни бузилиши, кўз ёши суюқлиги ажралишини камайиши (контакт линзаларни таққанда ҳисобга олиш лозим), эшитишни бузилиши, таъм сезишни ўзгариши; жуда кам ҳолларда – кўзни қуриши ва оғриши, конъюнктивит.
Тери қопламалари томонидан: кам ҳолларда – тер ажралишини кучайиши, псориазсимон тери реакциялари, жуда кам ҳолларда – алопеция, псориазни кечишини зўрайиши.
Эндокрин тизими томонидан: кам ҳолларда – гипогликемия.
Сийдик-таносил тизими томонидан: кам ҳолларда – потенцияни бузилиши, либидони заифлашиши,
Иммун тизими томонидан: кам ҳолларда – даволаш тугаганидан кейин йўқолувчи югуриксимон синдромнинг ғайри-табиий клиник симптоматикаси билан кечувчи анинуклеар антителаларни пайдо бўлиши.
Аллергик реакциялар: кам ҳолларда – тери гиперемияси, терини қичишиш, тери тошмаси, эшакеми.
Лаборатория кўрсаткичлари: кам ҳолларда – гипертриглицеридемия; жуда кам ҳолларда – тромбоцитопения, агранулоцитоз, лейкопения.
Бошқалар: кам ҳолларда – «бекор» қилиш синдроми (стенокардия хуружларини кучайиши, артериал босимни ошиши).
Дозани ошириб юборилиши
Симптомлари: аритмия, юрак қоринчалари экстрасистолияси, яққол брадикардия, AV блокада, артериал босимни яққол пасайиши, ўткир юрак етишмовчилиги, гипогликемия, акроцианоз, нафасни қийинлашиши, бронхоспазм, бош айланиши, ҳушдан кетиш ҳолати, тиришишлар.
Даволаш: меъдани ювиш ва адсорбция қилувчи дори воситаларини буюриш, симптоматик даволаш ни ўтказиш. Яққол брадикардияда – атропинни вена ичига юбориш. Агар етарли самара кузатилмаса, мусбат хронотроп таъсирга эга воситаларни эҳтиёткорлик билан юбориш керак. Баъзида юрак ритмини сунъий бошқарувчисини вақтинчалик қўйиш талаб этилиши мумкин.
AV блокада ривожланганида – вена ичига (в/и) 1-2 мг атропин, эпинефрин ёки вақтинчалик кардиостимулятор ўрнатиш керак.
Юрак қоринчалари экстрасистолиясида – лидокаин (Iа синфи препаратлари қўлланмайди); Артериал босимни яққол пасайишида – пациентни Тренделенбург ҳолатига ўтказиш керак; агар ўпка шиши белгилари бўлмаса – плазма ўрнини босувчи эритмаларни вена ичига юбориш, уларнинг самараси бўлмаганида – эпинефрин, допамин, добутаминни (хронотроп ва инотрон таъсирини тутиб туриш учун ва артериал босимни яққол пасайишини бартараф этиш учун) юбориш.
Гипогликемияда декстроза (глюкоза) эритмасини вена ичига юбориш лозим бўлиши мумкин. Юрак етишмовчилигида – юрак гликозидлари, диуретиклар буюриш лозим. Тиришишларда – вена ичига диазепам юборилади. Бронхоспазмда – бета2-адреномиметиклар ингаляцияси буюрилади.
Бошқа дори воситалари билан ўзаро таъсири
Флоктафенин. Флоктафенинни қўллаш оқибатидаги шок ёки артериал гипотензия ҳолатларида, бета-адреноблокаторлар компенсатор юрак-қон томир реакцияларини сусайишини чақиради (бирга қўллаш мумкин эмас).
Сультоприд. Аддитив самара юз бериши туфайли, яққол брадикардия ривожланиши мумкин (бирга қўллаш мумкин эмас).
МАО ингибиторлари. Бир вақтда қўллаш (МАО-В дан ташқари) тавсия қилинмайди, чунки антигипертензив таъсирини сезиларли кучайиш эҳтимоли юқори бўлади. МАО ингибиторлари ва бисопрололни қабул қилиш орасидаги даволашдаги танаффус камида 14 кунни ташкил қилиши керак.
«Секин» кальций каналларининг блокаторлари (верапамил ва дилтиазем). Бипрол препарати билан даволаниш вақтида верапамил ёки дилтиаземни, бошқа антиаритмик препаратларни вена ичига юбориш мумкин эмас.
Таъсир синергизми туфайли артериал босим кескин пасайиши, юрак автоматизмини бузилиши (яққол брадикардия, синус тугунини тўхтаб қолиши), AV ўтказувчанликни бузилиши, юрак етишмовчилиги) юз бериши мумкин. Бундай мажмуани буюриш зарурати туғилганда, пациентларни, айниқса кекса ёшдаги пациентларни ва даволашнинг бошида синчков клиник ва электрокардиографик кузатуви талаб этилади.
I синф антиаритмик воситалари (масалан, хинидин, дизопирамид, лидокаин фенитоин; флекаинид, пропафенон) – бир вақтда қўлланганда AV ўтказувчанлик ва миокарднинг қисқарувчанлик қобилияти пасайиши мумкин (бисопролол билан мажмуада қўллашга йўл қўймаслик керак).
III синф антиаритмик воситалари (масалан, амиодарон). Бисопролол билан бирга қўлланганда симпатик компенсатор механизмларни сусайиши туфайли, юрак қисқарувчанлиги, автоматизми ва ўтказувчанлиги бузилиши мумкин (бундай мажмуага йўл қўймаслик керак).
Марказий таъсирга эга антигипертензив воситалар (клонидин, апраклонидин, альфа-метилдопа, гуанфанцин, моксонидин, рилменидин). Бирга қўлланганда яққол брадикардияни, синус тугунини тўхтаб қолиши, AV ўтказувчанликни бузилиши, артериал босимни кескин пасайиши, юрак етишмовчилигини ривожланиш хавфи ошиши мумкин (синергик таъсир). Бундай мажмуага йўл қўймаслик керак. Бундай мажмуани қўллаш зарурати туғилганда, пациентларни, айниқса кекса ёшдаги пациентларни ва даволашнинг бошида синчков клиник ва электрокардиографик назорати талаб этилади. Марказий таъсирга эга антигипертензив воситани кескин бекор қилинганда артериал босим кескин ошиб кетиши мумкин.
Юрак гликозидлари. Юрак қисқаришлари сони камаяди, ўтказувчанлиги бузилади.
Маҳаллий қўлланадиган бета-адреноблокаторлар (масалан, глаукомани даволаш учун кўз томчилари) бисопрололнинг тизили таъсирини кучайтириши мумкин (артериал босим пасайиши, юрак қисқаришлари сони камайиши мумкин).
Кальций каналларининг блокаторлари (масалан, нифедипин). Артериал босим ҳаддан ташқари пасайиши мумкин.
Парасимпатомиметиклар. Бирга қўлланганда брадикардини ривожланиш хавфи ошади.
Мефлохин. Бисопролол бирга қўлланиши брадикардини ривожланиш хавфини оширади (аддитив таъсир).
Фенитоин вена ичига юборилганида, ингаляцион умумий анестезия учун дори воситалари (углеводородларнинг ҳосилалари) кардиодепрессив таъсир яққоллигини ва артериал босимни пасайиш эҳтимолини оширади.
Одновременное применение с бета-адреномиметиками (например, изопреналин добутамин) может приводить к снижению эффекта обоих препаратов.
Бисопрололни бета- ва альфа- адренорецепторларга таъсир қилувчи адреномиметиклар (масалан, норэпинефрин, эпинефрин) билан бир вақтда қўлланиши, альфа-адренорецепторларга таъсири оқибатида юз берувчи бу воситаларнинг вазоконстриктор таъсирини кучайтириб, артериал босимни ошишига олиб келади. Бундай ўзаро таъсирлар носелектив бета-адреноблокаторлар қўлланганда кузатилиши мумкин.
Бисопролол инсулин ва ичга қабул қилиш учун гипогликемик воситаларнинг самардорлигини ўзгартириши, авж олувчи гипогликемия симптомларини (тахикардия, артериал босимни ошиши) ниқоблаши мумкин.
Бисопролол лидокаин ва ксантинларнинг (дифиллиндан ташқари) клиренсини пасайтиради ва плазмада, айниқса чекиш таъсири остида теофиллиннинг олдиндан ошган клиренси бўлган пациентларда уларнинг концентрациясини оширади.
Ностероид яллиғланишга қарши препаратлар (натрий ионларини тутилиши ва буйракларда простагландинлар синтезини блокадаси туфайли), глюкокортикостероидлар ва эстрогенлар (натрий ионларини тутилиши) гипотензив самарани сусайтиради.
Диуретиклар, клонидин, симпатолитиклар, гидролазин ва бошқа гипотензив дори воситалари. Артериал босимни ҳаддан ташқари пасайиш хавфини оширади.
Қутбсизланмайдиган миорелаксантлар таъсирини ва кумаринларнинг антикоагулянт самарасини узайтиради.
Три- ва тетрациклик антидепрессантлар, антипсихотик дори воситалари (нейролептиклар), этанол, седатив ва ухлатувчи дори воситалари МНТ ни сусайишини кучайтиради.
Гидратланмаган шохкуя алкалоидлари периферик қон айланиши бузилишини ривожланиши хавфини оширади.
Эрготамин периферик қон айланиши бузилишини ривожланиш хавфини оширади. Сульфасалазин бисопрололнинг плазмадаги концентрациясини оширади.
Рифампицин бисопрололнинг ярим чиқарилиш даврини қисқартиради.
Иммун терапия учун ишлатиладиган аллергенлар ёки тери синамаси учун аллергенларнинг экстрактлари оғир тизимли аллергик реакциялар ёки бисопролол олаётган беморларда анафилаксия пайдо бўлишининг хавфини оширади.
Вена ичига юбориш учун йод сақловчи рентгеноконтраст дори воситалари анафилактик реакцияларни ривожланиш хавфини оширади.
Махсус кўрсатмалар
Препарат билан даволаш одатда узоқ муддатлидир.
Даволашни бошлашдан олдин анамнезида илгари бронх-ўпка касалликлари бўлган беморларда ташқи нафас фаолиятини текширишни ўтказиш тавсия қилинади. Бронхоспастик касалликлари бўлган пациентларда, бошқа гипотензив дори воситаларини ўзлаштираолмасликда ва/ёки самараси етарли бўлмаган ҳолларда, бисопрололни буюриш мумкин. Дозани ошириб юбориш бронхоспазмни ривожланиши билан хавфлидир.
Бипрол қабул қиладиган беморларни назорати юрак қисқаришлари сонини ва артериал босимни ўлчашни (даволанишни бошида – ҳар куни, сўнгра 3-4 ойда 1 марта), электрокардиограммани ўтказишни, қандли диабети бўлган беморларда қондаги глюкоза миқдорини аниқлашни (4-5 ойда 1 марта) ўз ичига олиши керак. Кекса пациентларда буйраклар фаолиятини (4-5 ойда 1 марта) кузатиш тавсия қилинади. Беморга юрак қисқаришлари сонини ҳисоблаш усулини ўргатиш ва у минутига 50 зарбдан кам бўлганида шифокор маслаҳати зарурлигини тушунтириш керак.
Стенокардияси бўлган беморларнинг тахминан 20% да бета-адреноблокаторлар самарасиз. Асосий сабаблари – ишемия бўсағаси паст бўлган оғир коронар атеросклероз (юрак қисқаришлари сони минутига 100 зарбдан кам) ва чап қоринчанинг субэндокардиал қон оқишини бузувчи охирги диастолик ҳажмни ошиши ҳисбланади.
«Чекувчилар»да бета- адреноблокаторларнинг самараси пастроқ.
Контакт линзалардан фойдаланадиган беморлар, даволаш фонида кўз ёши суюқлиги ҳосил бўлишини камайиши мумкинлигини ҳисобга олишлари керак.
Феохромацитомаси бўлган беморларда қўлланилганида парадоксал артериал гипертензияни ривожланиш хавфи (агар олдиндан самарали альфа-адреноблоклашга эришилмаган бўлса) бор.
Тиреотоксикозда бисопролол тиреотоксикознинг айрим клиник белгиларини (масалан, тахикардияни) ниқоблаши мумкин. Тиреотоксикози бўлган беморларда препаратни кескин бекор қилиш мумкин эмас, чунки белгиларини кучайтириши мумкин.
Қандли диабетда гипогликемия чақирган тахикардияни ниқоблаши мумкин. Носелектив бета-адреноблокаторлардан фарқли равишда, инсулин чақирган гипогликемияни амалда кучайтирмайди ва глюкозанинг қондаги концентрациясини меъёрий даражагача тикланишини кечиктирмайди.
Клонидинни бир вақтда қўлланганида уни қабул қилишни бисопрололни бекор қилинганидан бир неча кун кейин тўхтатилиши мумкин.
Юқори сезувчанлик реакцияларини яққоллигини кучайиши ва оғирлашган аллергологик анамнез фонида эпинефриннинг одатдаги дозаларидан самара бўлмаслиги мумкин.
Режали хирургик даволаш ўтказиш зарурати бўлган ҳолларда препаратни бекор қилиш умумий анестезияни бошлашдан 48 соат олдин ўтказилиши лозим. Агар бемор препаратни операциядан олдин қабул қилган бўлса, унга минимал манфий инотроп таъсирга эга умумий анестезия учун дори воситасини танлаш керак.
Адашган нервининг реципрок фаоллашувини вена ичига атропин (1-2 мг) юбориш билан бартараф қилиш мумкин.
Катехоламинлар заҳирасини пасайтирувчи дори воситалари (масалан, резерпин), бета-адреноблокаторларнинг таъсирини кучайтириш мумкин, шунинг учун бундай дори воситаларини бирга қабул қилаётган беморлар, артериал гипотензияни ёки брадикардияни аниқлаш юзасидан шифокорнинг доимий кузатуви остида бўлишлари керак.
Кекса ёшдаги беморларда авж олиб борувчи брадикардия аниқланган ҳолларда (минутига 50 зарбдан кам), артериал гипотензияда (систолик артериал босим 100 мм сим. уст. дан паст), AV блокада, бронхоспазм, юрак қоринчалари аритмиялари, жигар ва буйрак фаолиятини оғир бузилишлари пайдо бўлган ҳолларда дарҳол дозани камайтириш ёки даволашни тўхтатиш керак.
Оғир аритмия ва миокард инфарктини ривожланиш хавфи туфайли бисопролол билан даволашни кескин тўхтатиш мумкин эмас. Бекор қилиш аста-секин доза 2 ҳафта ва ундан кўпроқ вақт давомида ўтказилади (дозани 3-4 кунда 25% га пасайтирилади).
Препаратни қабул қилиш оқибатида депрессия ривожланганида даволашни (дозани аста-секин пасайтириш билан) тўхтатиш тавсия қилинади.
Қон ва сийдикда катехоламиклар, норметанефрин ва ванилинминдал кислотаси миқдорини; антинуклеар антителолар титрларини текширишдан олдин препаратни бекор қилиш керак.
Автотранспортни ҳайдаш ёки механизмларни бошқариш қобилиятига таъсири
Даволаниш даврида автотранспорт ҳайдаш ва бошқа диққатни юқори жамлашни ва психомотор реакциялар тезлигини талаб қиладиган потенциал хавфли фаолият турлари билан шуғулланишда эҳтиёткорликка риоя қилиш керак.
Чиқарилиш шакли
Қобиқ билан қопланган 5 мг ва 10 мг ли таблеткалар.
10 таблеткадан поливинилхлорид плёнкали ва алюминий фольгали контур уяли ўрамда.
3, 5 ёки 10 контур уяли ўрам қўллаш йўриқномаси билан бирга картон қутига жойланади.
Сақлаш шароити
Қуруқ, ёруқликдан ҳимояланган жойда, 25оС дан юқори бўлмаган ҳароратда сақлансин.
Болалар ололмайдиган жойда сақлансин.
Яроқлилик муддати
3 йил. Ўрамида кўрсатилган яроқлилик муддати ўтганидан сўнг қўлланилмасин.