📜 Инструкция по применению АЦИКЛИНЛАБИАЛЕ
💊 Состав препарата АЦИКЛИНЛАБИАЛЕ
✅ Применение препарата АЦИКЛИНЛАБИАЛЕ
📅 Условия хранения АЦИКЛИНЛАБИАЛЕ
⏳ Срок годности АЦИКЛИНЛАБИАЛЕ

ИЛОВА-ВАРАҚА

 

ACICLINLABIALE 5%  – АЦИКЛИНЛАБИАЛЕ 5% сиртга қўллаш учун қалам

Aciclovir – ацикловир

 

НИМА БУ

ACICLINLABIALE – герпес вируси, шу жумладан herpes simplex вирусига таъсир кўрсатувчи специфик ва селектив вирусларга қарши воситадир.

ҚЎЛЛАНИЛИШИ

ACICLINLABIALE катталар ва ўсмирларда лабларнинг оддий герпес вирусли инфекцияси herpes simplex (лаблардаги қайталанувчи герпес) ни даволаш учун қўлланади.

ҚЎЛЛАШ МУМКИН БЎЛМАГАН ҲОЛАТЛАР

Ацикловир, валацикловир ёки бирон-бир тўлдирувчиларга аллергия (ўта юқори сезувчанлик) да.

12 ёшгача бўлган болаларда қўллаш мумкин эмас.

ҚЎЛЛАШДАГИ ЭҲТИЁТКОРЛИК ЧОРАЛАРИ

Препаратни фақат лабларда оддий герпес вируси herpes simplex билан шикастланган соҳаларгагина суртиш керак; оғиз, кўзлар, бурун ва қин каби шиллиқ қаватларга суртиш тавсия этилмайди, чунки бу таъсирланишни чақириши мумкин.

Дори воситасини генитал герпесни даволаш учун ишлатилмасин.

Кўзларга тўсатдан тушишидан сақланиш учун эҳтиёткорликка риоя қилиш керак.

Маҳсулотни ишлатиш, айниқса узоқ вақт ишлатиш сезувчанликка олиб келиши мумкин. Агар бу юз берса, даволашни тўхтатиш ва даволовчи шифокорга мурожаат этиш керак.

Лаблардаги қайталанувчи герпеснинг оғир шакллари бўлган шахслар шифокор билан маслаҳатлашишлари керак.

Герпеси бўлган шахсларга вирусни юқтиришдан, айниқса фаол шикастланишлар бўлганда сақланишлари тавсия этилади.

ПРЕПАРАТНИ БОШҚА ДОРИ ВОСИТАЛАРИ ВА МАҲСУЛОТЛАР БИЛАН ЎЗАРО ТАЪСИРИ

Бошқа препаратлар билан клиник аҳамиятли ўзаро таъсири аниқланмаган.

ACICLINLABIALE /АЦИКЛИНЛАБИАЛЕ ни қўллаш вақтида бошқа турдаги дерматологик маҳсулотлар (косметика, қуёшдан ҳимоя қилувчи кремлар, лаблар учун бальзамлар) ёки герпесни даволаш учун препаратларни қўллаш мумкин эмас.

Агар бошқа тиббий препаратлар, шу жумладан рецептсиз бериладиган препаратлар ишлатилаётган бўлса ёки яқинда ишлатилган бўлса, шифокор ёки фармацевт билан маслаҳатлашиш керак.

БИЛИШ МУҲИМ

Қачон препарат фақат шифокор билан маслаҳатлашгандан кейин ишлатилиши керак

Иммунитети жуда сусайган пациентларда (ОИТС бўлган беморлар ёки суяк кўмиги кўчириб ўтказилган пациентлар) ацикловирни орал препаратлар кўринишида юборишни кўриб чиқиш керак. Бундай пациентларга герпес ва ҳар қандай инфекцияни даволаш юзасидан даволовчи шифокори билан маслаҳатлашиш тавсия этилади.

 

Ҳомиладорлик ва эмизиш даврида

Ҳомиладорлик

Бирон-бир препаратни қўллашдан олдин шифокор ёки фармацевт билан маслаҳатлашиш керак.

Ҳомиладорлик ва/ёки эмизиш даврида ACICLINLABIALE ни фақат шифокор билан маслаҳатлашгандан кейин ва у томонидан ҳар бир индивидуал ҳолатда фойда/хавф нисбатини баҳолагандан кейингина ишлатиш керак.

Шунга қарамасдан, ацикловир кремини маҳаллий қўллагандан кейин ацикловирнинг тизимли таъсири жуда паст ҳисобланади.

Маҳсулотни савдога чиқарилгандан кейин ҳомиладорлик вақтида ацикловирни қўллаш юзасидан маълумотларни қайд этиш ацикловирнинг турли шаклларини қабул қилган ҳомиладор аёлларда ҳомиладорликнинг якунларини намойиш қилган.

Кузатишлар умумуй аҳолига нисбатан ацикловирнинг таъсирига дучор бўлган субъектлар орасида туғма нуқсонларнинг сонини ошмаслигини намойиш қилган, шунингдек барча туғма нуқсонларда умумий сабабни ажратиб олиш учун уларнинг махсуслиги ёки тизимлилиги аниқланмаган.

Халқаро тан олинган стандарт тестлашни ўтказилганда ацикловирни тизимли юбориш қуёнлар, каламушлар ёки сичқонларда эмбриотоксик ёки тератоген самараларга олиб келмаган.

Каламушларда ностандарт тестлашда онада токсик таъсирлар чақирган тери ости юқори дозаларини юборгандан кейин ҳомилани ривожланишидаги аномалиялар кузатилган. Бу натижаларнинг клиник аҳамияти номаълум ҳисобланади.

Эмизиш

Чекланган маълумотлар препарат тизимли таъсиридан кейин ҳақиқатдан ҳам кўкрак сутига киришини намойиш этади. Лекин она томонидан ACICLINLABIALE қабул қилингандан кейин эмизганда бола томонидан қабул қилинадиган доза жуда паст бўлади.

Агар Сиз ҳомиладорман деб гумон қилсангиз ёки ҳомиладорликни режалаштирган бўлсангиз, шифокорга мурожаат этинг.

ACICLINLABIALE нинг айрим компонентлари ҳақидаги муҳим маълумот

Дори воситаси таркибида мавжуд бўлган пропилпарагидроксибензоат аллергик реакциялар (ҳатто кечиктирилган) чақириши мумкин.

Тиббий маълумот мақсадидаги изоҳ

Лаблардаги герпес юқумли ҳисобланади, шунинг учун шикастланган жойларингизга бошқа шахсларни тегишига ёки инфекцияни юқтириши мумкин бўлган Сизнинг шахсий буюмларингиздан (масалан сочиқ) фойдаланишига йўл қўйманг.

Препарат суртилгандан кейин қўлларни ювишдан олдин тананинг бошқа соҳаларига, айниқса кўзларга тенгманг.

Кўзларга тегмасликка ҳаракат қилинг. Кўзларнинг герпетик инфекцияси шох парда ярасига олиб келиши мумкин.

Лаблар шикастланганда ўпишишдан, айниқса болаларни ўпишдан сақланинг.

Пуфакларни юзасини шикастламаслик ва яра қатронини кўчирмасликка ҳаракат қилинг. Сиз нафақат ярага бошқа микробларни олиб киришингиз, ҳатто герпес инфекциясини бармоқларингизга олиб киришингиз мумкин.

Бошқа одамлар билан битта стакан ёки анжомлардан фойдаланманг.

 

ПРЕПАРАТ ҚАНДАЙ ҚЎЛЛАНАДИ

Миқдор (катталар ва 12 ёшдан ошган ўсмирлар)

ACICLINLABIALE ни тунги вақтдан ташқари кунига тахминан 4 соатлик интервал билан кунига 5 марта қўллаш керак. Дори воситасини бевосита идишдан инфекцияланган соҳага суртиш керак.

Диққат: тавсия этилган дозани ошириш мумкин эмас.

Болалар: ACICLINLABIALE препаратини 12 ёшгача бўлган болаларда қўллаш тавсия этилмайди (“Қўллаш мумкин бўлмаган ҳолатлар” бўлимига қаранг).

Қачон қўллаш керак ва қўллаш давомийлиги

Препаратни кун давомида ҳар 4 соатда, камида беш кун кетма-кет суртиш керак. Агар соғайиш кузатилмаса, даволашни кейин 5 кунга узайтириш мумкин (максимал йўл қўйиладиган муддат – 10 кунгача).

ACICLINLABIALE препаратининг максимал самарасига уни ўз вақтида: герпес билан шикастланишнинг бошланғич даврида қўллаш орқали эришилади. Оптимал натижага эришиш учун препаратни герпеснинг биринчи симптомларида (санчиқ, қизариш, шиш ёки қичишиш) суртиш муҳим.

Агар муаммо такрорланса ёки вирусни намоён бўлишининг яқиндаги бирон-бир ўзгаришларини аниқлаган бўлсангиз, шифокорга мурожаат этинг.

Агар 10 кун даволагандан кейин симптомлар сақланса ёки ёмонлашиш кузатилса, ҳар қандай вақтда шифокорга мурожаат этинг.

Қўллаш усули

Дори воситасини қўллар билан тегмасдан бевосита шикастланган соҳаларга суртиш керак; лекин пациентларга суртгандан кейин қўлларни ювиш керак; инфекцияни ёмонлашиши ёки юқишига йўл қўймаслик учун шикастланган соҳасини ортиқча ишқалиш ёки сочиқ билан тегиш мумкин эмас.

Дори воситаси шахсан Сиз учун буюрилган; шундай қилиб, препарат очилгандан кейин яроқлилик муддати ўтгунча ишлатиш керак ва бошқа одамлар билан бирга ишлатилиши мумкин эмас.

 

ПРЕПАРАТНИНГ ДОЗАСИ ОШИРИБ ЮБОРИЛГАНДА НИМА ҚИЛИШ КЕРАК

Ҳатто 255 мг ацикловир сақловчи кремли тюбикнинг ичидагисини ҳаммаси ютиб юборилганда ҳам ножўя самараларни пайдо бўлиши кутилмайди.

ACICLINLABIALE тўсатдан ютиб юборилганда/ҳаддан ташқари дозаси қабул қилинганда дарҳол шифокорга хабар беринг ёки яқиндаги шифохонага мурожаат этинг.

АГАР БИР ЁКИ БИР НЕЧА ҚАБУЛ ҚИЛИШНИ ЎТКАЗИБ ЮБОРИЛГАН БЎЛСА НИМА ҚИЛИШ КЕРАК

Агар Сиз дори воситасини қўллаш вақтини ўтказиб юборган бўлсангиз, уни иложи борича тезроқ суртинг, сўнгра одатдаги тартибда қўллашни давом эттиринг.

Агар ACICLINLABIALE қўллаш бўйича бирон-бир гумонлар бўлса, шифокорга ёки фармацевтга мурожаат этиш керак.

 

НОЖЎЯ САМАРАЛАРИ

Барча тиббий препаратлар каби ушбу препарат ҳам, гарчи пациентларда намоён бўлмасада ножўя самараларга олиб келиши мумкин.

Ножўя самараларни таснифлаш учун қуйидаги тез-тезлик нуқтаи назардан шартли статистика ишлатилган: жуда тез-тез >1/10, тез-тез >1/100 ва <1/10, тез-тез эмас >1/1000 ва <1/100, кам ҳолларда >1/10000 ва <1/1000, жуда кам ҳолларда <1/10000.

Тери ва тери ости реакциялари

Тез-тез эмас

  • ACICLINLABIALE препарати суртилгандан кейин вақтинча ачишиш ёки оғриқ
  • терини ўртача қуриши ёк кепакланиши
  • қичишиш

 

Кам ҳолларда

  • кучли қизариш (эритема)
  • суртгандан кейин контакт дерматит. Сезувчанликка тест ўтказилган жойларда реакцияга олиб келган моддалар ацикловир эмас, крем асосининг компонентлари эканлиги аниқланган.

Иммун тизими томонидан

Жуда кам ҳолларда

  • ангионевротик шиш ва эшакеми билан кечувчи иситмани ўзи ичига олувчи дарҳол типдаги ўта юқори сезувчанлик реакциялари.

Ушбу маълумот иловасидаги йўриқномаларга амал қилиш ножўя самаралар хавфини камайтиради.

Агар ножўя самаралардан биронтаси жиддийлашса ёки агар Сиз ушбу иловада санаб ўтилмаган бирон-бир ножўя самараларни сезсангиз, илтимос шифокорингиз ёки фармацевтга хабар беринг.

 

ЯРОҚЛИЛИК МУДДАТИ ВА САҚЛАШ ШАРОИТИ

ACICLINLABIALE препаратини болалар ололмайдиган жойда сақланг.

Этикеткасида кўрсатилган яроқлилик муддати ўтгач дори воситасини ишлатиш мумкин эмас. Яроқлилик муддати кўрсатилган ойнинг сўнги кунига тўғри келади.

25°С дан юқори бўлмаган ҳароратда сақлансин. Совутгичда сақланмасин.

Дори воситаларини канализацияга ёки маиший чиқиндилар билан бирга ташлаш мумкин эмас. Керак бўлмаган дори воситаларини қандай йўқ қилиш кераклиги ҳақида фармацевтдан сўранг. Бу атроф муҳитни ҳимоя қилишга ёрдам беради.

Ҳар доим тиббий препарат ҳақида маълумотга эга бўлиш муҳим, шунинг учун ўрамни ҳам йўриқномали иловани ҳам сақланг.

ТАРКИБИ

Бир грамм қуйидагиларни сақлайди:

Таъсир этувчи модда: Ацикловир – Aciclovir 50 мг

Тўлдирувчилар: Суюқ парафин – Paraffina Liquida, оқ юмшоқ парафин – Paraffina Bianca Soffice, қаттиқ парафин г – Paraffina Solida g, асалари муми – Cera d’api, оқ церезин – Ceresina bianca, эмульгатор Arlacel 582, натрий гиалуронати – Sodio Ialuronato, аллантоин – Allantoina, D, L-альфа-токоферол ацетати – d,l-Alfa- Tocoferil-Acetato, пропил-пара-гидроксибензоат – Propil-Para-Idrossibenzoato, бутил-гидрокситолуол – Butil-Idrossitoluene, тозаланган сув – Acqua Depurata, динатрий эдетати – Edetato disodico, ванил ароматизатори, ширин ароматизатор.

ЧИҚАРИЛИШ ШАКЛИ

ACICLINLABIALE контейнерда/тубини бураш орқали дори воситасини ажратиб чиқарувчи бураладиган қопқоқли оқ пластмассали цилиндрик шаклдаги аппликаторда сақланувчи сиртга қўллаш учун қаламча (стик) кўринишида ишлаб чиқарилади. Ўрамда 2,5 г ли 1 аппликатор мавжуд.

Fabbrica, 3/A – 35031 Abano Terme (PD)

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.