📜 Инструкция по применению Нитроспрей
💊 Состав препарата Нитроспрей
✅ Применение препарата Нитроспрей
📅 Условия хранения Нитроспрей
⏳ Срок годности Нитроспрей

ҚЎЛЛАШ БЎЙИЧА ЙЎРИҚНОМА

НИТРОСПРЕЙ

NITROSPREY

 

Препаратнинг савдо номи: Нитроспрей

Таъсир этувчи модда (ХПН): Нитроглицерин

Дори шакли: Тил остига сепиш учун дозаланган спрей.

Таркиби:

Нитроглицерин-1 г, 96% этил спирти- 100 мл гача.

Фармакотерапевтик гуруҳи. Антиангинал воситалар.

 

Фармакологик хусусиятлари

Антиангинал восита. Асосан вена томирларига таъсир қилувчи периферик вазодилататор. Таъсир механизми қон томирларнинг силлиқ мушакларида фаол модда азот оксидини ажралиб чиқарилиши билан боғлиқ. Азот оксиди гуанилатциклазани фаоллашувини чақиради ва цГМФ даражасини оширади, бу охир-оқибатда силлиқ мушакларни бўшашишига олиб келади. Нитроглицериннинг таъсири остида артериолалар ва капиллярлар олди сфинктерлар, йирик артериолалар ва веналарга нисбатан қараганда камроқ даражада бўшашади. Бу қисман рефлектор реакциялар билан, шунингдек артериолаларнинг деворларида фаол молекуладан азот оксидини секинроқ ҳосил бўлиши билан боғлиқ. Нитроглицериннинг таъсири асосан миокардни кислородга бўлган эҳтиёжини, юракка бўлган олд юкламани (периферик веналарни кенгайиши ва ўнг бўлмачага қонни оқиб киришини камайиши) ва кейинги юкламани (томирларни умумий периферик қаршилигини камайиши) камайиши билан боғлиқ. Миокарднинг ишемияга учраган субэндокардиал соҳаларида коронар қон оқимимни қайта тақсимланишига ёрдам беради.

Фармакокинетикаси

Нитроглицерин сублингвал қўлланганда оғиз бўшлиғидан тизимли қон оқимига тез ва тўлиқ сўрилади. Сублингвал қабул қилинганда биокираолишлиги 100% ташкил қилади, чунки препаратнинг “бирламчи” деградацияси инкор этилади. Қон плазмасидаги максимал концентрациясига (Cmax) 4 минутдан кейин эришилади. Қон плазмаси оқсиллари билан боғланиши 60% ни ташкил қилади. Нитратредуктаза иштирокида, ди- ва мононитратларни (булардан фақат изосорбид 5-мононитрати фаол) ҳосил қилиб, тез метаболизмга учрайди, охирги метаболит-глицерин. Буйраклар орқали метаболитлар кўринишида чиқарилади. Умумий клиренси минутига 25-30 л ни ташкил қилади. Препаратни тил остига қабул қилинганда қон плазмасидан ярим чиқарилиш даври (Т1/2) 2,5-4,4 минутни ташкил қилади. Самарасининг давомийлиги 20-30 минут. Қонда айланиб юрувчи нитроглицерин эритроцитлар билан кучли боғланган бўлиб, у томирларни деворларида тўпланади. Нитроглицерини асосий чиқарилиш йўли–метаболитлар ҳолида сийдик билан чиқарилади. 15% дан камроғи ўзгармаган ҳолда чиқарилади.

 

Қўлланилиши

– препаратни жисмоний юкламдан олдин профилактик қўллаш йўли орқали стенокардия хуружларини олдини олиш учун;

– стенокардия хуружларини бартараф қилиш учун;

– ўткир чап қоринча етишмовчилиги (шу жумладан ўткир миокард инфарктида)да қўлланади.

 

 

Қўллаш усули ва дозалари

Стенокардиянинг биринчи хуружида 1 ёки 2 дозани тил остига қўллаш керак. Зарурат бўлганда 1 дозани 5 минутлик интервал билан қайта қўллаш мумкин. Агар 3 дозани 15 минут давомида қўллангандан кейин хуружлар бартараф бўлмаса, дарҳол шифокорга мурожаат қилиш керак. 1 доза профилактика мақсадида тахмин қилинадиган юкламадан 5-10 минут олдин қўлланади. Таблеткаларни қўллаш тез-тезлиги стенокардия хуружларини тез-тезлигига ва жадаллигига боғлиқдир. Юқори бир марталик доза 4 доза. Юқори суткалик доза 16 дозани ташкил қилади.

Препаратни қабул қилиш қоидаси:

  • иложи бўлса, ўтиринг;
  • баллондан ҳимоя қалполқчасини ечинг, баллонни вертикал ушланг;
  • оғизни очинг ва нафасни бир неча секунд ушлаб туринг;
  • препарат оқимини тил остига йўналтириб баллонни бир марта босинг;
  • оғизни ёпинг ва препаратни ютиб юбормасликка ҳаракат қилинг.

Биринчи марта ишлатилганда ёки узоқ ишлатилмаганда бевосита қўллашдан олдин бир дозани аэрозол камерани тўлдириши учун ҳавога чиқазиб юбориш тавсия қилинади.

 

Ножўя таъсирлари

Юрак-томир тизими томонидан: бош айланиши, бош оғриғи, тахикардия, қизиб кетиш ҳисси, артериал гипотензия, кам (айниқса дозани ошириб юборилишида) ортостатик коллапс, цианоз.

Овқат-ҳазм қилиш тизими томонидан: оғизни қуриши, кам ҳоллда – кўнгил айниши, қусиш, абдоминал оғриқ.

Марказий нерв тизими томонидан: ҳолсизлик, кам ҳолларда – хавотирланиш, психотик реакциялар, тормозланиб қолиш, дезориентация.

Аллергик реакциялар: кам ҳолларда – тери тошмаси, қичишиш.

Маҳаллий реакциялар: терини қизариши, тил остида ачишиш.

Бошқалар: кам ҳолларда – кўришни ноаниқлиги, гипотермия, метгемоглобинемия.

 

Қўллаш мумкин бўлмаган ҳолатлар

– органик нитратларга юқори сезувчанлик;

– глаукомани ёпиқ бурчакли шакли;

– яққол артериал гипотензия;

– мияга қон қуйилиши ёки жароҳат билан боғлиқ бош мия ички босимини ошиши;

– фосфодиэстераза ингибиторларини бир вақтда қабул қилиш;

– 18 ёшгача бўлганлар (клиник материалларни етарли эмаслиги туфайли).

Эҳтиёткорлик билан: яққол церебрал атеросклероз, мияда қон айланишини бузилишлари, ортостатик гипотензия, чап қоринчани тўлиш босими паст бўлган ўткир миокард инфаркти (артериал босимини пасайиш ва тахикардия хавфи, улар ишемияни кучайтириши мумкин), чап қоринчани тўлиш босими паст бўлган сурункали юрак етишмовчилиги, оғир анемия, тиретоксикоз, гипертрофик кардиомиопатия (стенокардия хуружлари тезлашиши мумкин), оғир буйрак етишмовчилиги, жигар етишмовчилиги (метгемоглобинемияни ривожланиш хавфи), кекса ёшдаги пациентларда эҳтиёткорлик билан қўллаш керак.

Дориларнинг ўзаро таъсири

Вазодилататорлар, ААФ ингибиторлари, “ секин” кальций каналларининг блокаторлари, бета-адреноблокаторлар, диуретиклар, нейролептиклар, трициклик антидепрессантлар, МАО ингибиторлари, прокаин, этанол ва этанол сақловчи препаратлар билан бир вақтда қўлланганда нитроглицериннинг гипотензив таъсири кучаяди.

Нитроглицерин дигидроэрготаминнинг самарасини кучайтиради ва гепариннинг самарадорлигини пасайтиради.

Нитроглицеринни хинидин ёки новокаинамиднинг таъсири фонида қўллаш ортостатик коллапсни чақириши мумкин.

Фосфодиэстеразани 5(ФДЭ%) тури ингибиторларини – силденафил, тадалафил, варденафилни бир вақтда қўллаш препаратнинг артериал босимини пасайтириш қобилиятини кучайтириши мумкин.

Махсус кўрсатмалар

Нитроглицерин катехоламин ва ванилинминдал кислотасини сийдик билан чиқарилишини кучайтиради.

Нитроглицеринни кўкрак сутига кириши тўғрисида маълумотлар йўқ. Ҳомиладорликда ва эмизиш вақтида қўллаш хавф ва фойдани синчков таққослашни талаб қилади ва у қатъий тиббий кузатув остида ўтказилиши керак.

Даволаш даврида алкоголни истеъмол қилишга йўл қўйилмайди.

Нитроглицерин психомотор реакциялар тезлигини камайтириши мумкин, буни транспорт воситаларини ҳайдашда ва юқори диққат ва тезкор реакцияларни талаб қиладиган фаолият турлари билан шуғулланишда ҳисобга олиш лозим.

Препарат болалар олаолмайдиган жойда сақлансин ва яроқлилик муддати ўтганидан кейин ишлатилмасин.

 

Дозани ошириб юборилиши

Симптомлари: бош оғриғи, артериал босимини пасайиши, ортостатик гипотензия, рефлектор тахикардия, бош айланиши, юзни қизариши, қусиш, диарея, астения, юқори уйқучанлик, қизиб кетиш ҳисси. Ҳаддан ташқари юқори дозалар (20 мг дан кўп) метгемоглобинемияга, цианозга, диспноэга ва тахипоноэга, ортостатик коллапсга олиб келади.

Даволаш: енгил ҳолларда – пациентни оёқларни кўтарган ҳолатда ётқизиш керак. Дозани ошириб юборилишини оғир ҳолатларида интоксикация ва шок билан умумий даволаш усулларини (айланиб юрувчи қон ҳажмини тўлдириш, норэпинефрин ва/ёки дофамин ва бошқалар) қўллаш лозим. Эпинефринни (адреналинни) қўллаш мумкин эмас.

Метгемоглобинемия ривожланганида қуйидаги антидотларни ва даволаш усулларини қўллаш мумкин:

  1. Витамин С натрийли тузи кўринишида – 1 г дан вена ичига.
  2. Метилен кўкини 1% эритмасини вена ичига 50 мл дозада.
  3. Толуидин кўкини вена ичига , биринчи доза 2-4 мг/кг, кейин кўп марта 2 мг/кг дан.
  4. Оксигенотерапия, гемодиализ, қон қуйиш (алмашинув).

Чиқарилиш шакли

Тил остига сепиш учун дозаланган спрей.

10 мл дан ва 15 мл дан механик дозалайдиган насос-учдон ва ҳимоя қалпоқчаси билан таъминланган полиэтилен флаконда.

Флаконни қўллаш бўйича йўриқнома билан бирга картон қутига жойланади.

 

Сақлаш шароити

Ёруғликдан ҳимояланган жойда, 25ºСдан юқори бўлмаган ҳароратда, олвдан узоқда сақлансин.

 

Яроқлилик муддати

2 йил.

 

Дорихоналардан бериш тартиби

Рецепт бўйича.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.