📜 Инструкция по применению Левоксин
💊 Состав препарата Левоксин
✅ Применение препарата Левоксин
📅 Условия хранения Левоксин
⏳ Срок годности Левоксин

ҚЎЛЛАШ БЎЙИЧА ЙЎРИҚНОМА

ЛЕВОКСИН

LEVOXIN

 

Препаратнинг савдо номи: Левоксин

Таъсир этувчи модда (ХПН): левофлоксацин

Дори шакли: инфузия учун эритма

Таркиби

1 флакон (100 мл) қуйидагиларни сақлайди:

фаол модда: 500 мг левофлоксацинга эквивалент левофлоксацин гемигидрати;

ёрдамчи моддалар: натрий хлориди, хлорид кислотаси, инъекция учун сув.

Таърифи: кўзга кўринадиган заррачалардан деярли ҳоли бўлган, тиниқ яшилроқ сарғиш рангли эритма.

Фармакотерапевтик гуруҳи: антибактериал синтетик восита (фторхинолонлар гуруҳи).

АТХ коди: J01MA12

Фармакологик хусусиятлари

Фармакодинамикаси

Левоксин – фаол модда сифатида офлоксацинни чапга айланувчи изомери – левофлоксацин сақловчи, фторхинолонлар гуруҳига мансуб бўлган кенг таъсир доирасига эга синтетик антибактериал препаратдир.

Левофлоксацин ДНК-гиразани (топоизомераза II) ва топоизомераза IV ни блоклайди, ДНК ни суперспирилизацияси ва узилган занжирни боғланишини издан чиқаради, ДНК синтезини ингибиция қилади, цитоплазма, хужайра девори ва мембраналарида чуқур морфологик ўзгаришлар чақиради.

Левофлоксацин қуйидаги микроорганизмларга нисбатан фаол:

Аэроб граммусбат микроорганизмлар: Corynebacterium diphtheriae, Enterococcus faecalis, Enterococcus spp., Listeria monocytogenes, Staphylococcus coagulasenegative methi- S(I) [метилциллин-сезгир (метициллинга ўртача сезгир) штаммлари], Staphylococcus aureus methi-S, Staphylococcus epidermidis-methi-S, Stapylococcus spp (CNS), Streptococci C ва G гуруҳлари, Streptococcus agallactiae, Streptococcus pneumoniae peni I/S/R (пенициллинга сезгир/ ўртача сезгир/ резистент штаммлари), Streptococcus pyogenes, Viridans streptococci peni – S/R.

Аэроб грамманфий микроорганизмлар: Acinetobacter baumannil, Acinetobacter spp., Actenobacillus actinomycetem comitans, Citrobacter freundii, Eikenella corrodens, Enterobacter aerogenes, Enterobacter agglomerans, Enterobacter cloacae, Enterobacter spp., Escherichia coli, Gardnerella vaginalis, Haemophilus ducreyi, Haemophilus influenzae ampi-S/R (ампициллинга-сезгир/ резистент штаммлари), Haemophilus parainfluenzae, Helicobacter pylori, Klebsiella oxytaca, Klebsiella pneumoniae, Klebsiella spp., Moraxela catarrhalis b+b-, Morganella morganii, Neisseria gonorrhoeae non PPNG/PPNG, Neisseria meningitides, Pasteurella conis, Pasreurella dagmatis, Pasteurella multocida, Pasteurella spp., Proteus mirabilis, Proteus vulgaris, Providencia rettgeri, Providencia stuartii, Providencia spp., Pseudomonas aeruginosa, Pseudomonas spp., Salmonella spp., Serratia marcescens, Serratie spp.

Анаэроб микроорганизмлар: Bacteroides fragilis, Bifidobacterium spp., Clostridium perfringens, Fusobacterium spp., Peptostreptococcus, Propionibacterum spp., Veilonella spp.

Бошқа микроорганизмлар: Bartonella spp., Chlamydia pneumaniae, Chlamydia psittaci, Chlamydia trachomatis, Legionella pneumophila, Legionella spp., Mycobacterium spp., Mycobacterium leprae, Micopbacterium tuberculosis, Mycoplasma hominis, Mycoplasma pneumoniae, Ricketsia spp., Ureaplasma urealyticum.

Ўртача фаол:

Аэроб граммусбат микроорганизмлар: Corynebacterium urealitium, Corynebacterium xerosis, Enterococcus faecium, Staphylococcus epidermidis methi-R (метициллинга резистент штаммлари), Stapylococcus haemolyticus methi-R.

Аэроб грамманфий микроорганизмлар: Burkholderia cepacia, Campilobacter jejuni/coli.

Анаэроб микроорганизмлар: Bacteroides thetaiotaomicron, Bacteroides vulgatus, Bacteroides ovaius, Prevoitella spp., Porphyromonas spp.

Препаратга чидамли:

Аэроб граммусбат микроорганизмлар: Corynebacterium jeikeium, Staphylococcus aureus methi-R, Staphylococcus coagulase-negative methi-R.

Аэроб грамманфий микроорганизмлар: Alcaligenes xylosaxidans.

Бошқа микроорганизмлар: Mycobacterium avium

Фармакокинетикаси

Соғлом кўнгиллиларга левофлоксацин 500 мг дозада вена ичига (в/и) 60 минут давомида инфузия қилинганидан сўнг плазмадаги ўртача чўққи концентрацияси 6,2 мкг/мл ни ташкил этган. Левофлоксациннинг фармакокинетикаси тўғри пропорционал характерга эга ва препарат бир марта ва кўп марта юборилганида олдиндан айтиб берилиши мумкин. В/и юборилганидан сўнг левофлоксациннинг плазмадаги концентрацияси, таблеткалар шаклида қабул қилинганда кузатиладиган концентрацияси билан бир хил. Шунинг учун, оғиз орқали ва в/и юбориш йўллари бир-бирининг ўрнини боса олади деб ҳисоблаш мумкин.

500 мг левофлоксацин вена ичига бир марта юборилганидан кейинги фармакокинетик ҳусусиятлари мос равишда қуйидагиларни: максимал концентрация (Сmax) 6,2±1,0 мкг/мл, максимал концентрацияга эришиш вақти (Тmax) – 1,0±1,0 соат, ярим чиқарилииш даври (Т1/2) – 6,4±0,7 соатни ташкил этади.

Левофлоксацин ўзгармаган ҳолда асосан сийдик билан чиқарилади. Левофлоксациннинг ўртача якуний Т1/2 бир марта ва кўп марта юборилгандан кейин 6 соатдан 8 соатгача бўлган муддатни ташкил этади.

Буйрак етишмовчилигида препаратнинг клиренсини камайиши ва уни буйраклар орқали чиқарилиши, креатинин клиренсининг пасайиш даражасига боғлиқ.

 

Қўлланилиши

Катталарда левофлоксацинга сезгир бактериялар чақирган енгил ва ўртача оғирлик даражасидаги қуйидаги инфекцияларни даволаш:

  • касалхонадан ташқари пневмония;
  • сийдик чиқариш йўлларининг асоратланган инфекциялари (шу жумладан пиелонефрит);
  • сийдик чиқариш йўлларининг асоратланмаган инфекциялари;
  • простатит;
  • юқорида кўрсатилган касалликлар билан боғлиқ бўлган септицемия/бактериемия;
  • интраабдоминал инфекцияларда қўлланади.

Қўллаш усули ва дозалари

Препаратнинг инфузион эритмаси кунига бир ёки икки марта юборилади. Дозалар инфекциянинг характери ва оғирлигига, шунингдек тахмин қилинаётган қўзғатувчининг сезгирлигига қараб белгиланади.

Препаратнинг 500 мг инфузион эритмаси в/и аста-секин томчилаб юборилади. Препаратнинг 500 мг дозали 1 флакон эритмасини (500 мг левофлоксацин/100 мл инфузион эритма) инфузия давомийлиги 60 минутдан кам бўлмаслиги керак (“Махсус кўрсатмалар”га қаранг). Беморнинг ҳолатига қараб бир неча кун давомида даволангандан сўнг препаратни в/и томчилаб юборишдан, айнан шу дозасини ичга қабул қилиш учун мўлжалланган дори шаклини қабул қилишга ўтиш мумкин.

Препаратнинг инфузион эритмаси қуйидаги инфузион эритмалар: 0,9% ли натрий хлориди эритмаси, 5% ли декстроза эритмаси, таркибида декстроза бўлган 2,5% ли Рингер эритмаси, парентерал озиқлантириш учун мўлжалланган мажмуавий эритмалар (аминокислоталар, углеводлар, электролитлар) билан мутаносибдир.

Препаратни гепарин билан ёки ишқорий реакцияга эга бўлган эритмалар (масалан, натрий бикарбонати эритмаси) билан аралаштириш мумкин эмас. Касалликни кечишига қараб мўлжалланган даволаш давомийлиги кўпи билан 14 кунни ташкил этиши лозим. Бошқа антибиотиклар қўлланганида бўлгани каби, препарат билан даволашни тана ҳарорати нормаллашганидан кейин ёки қўзғатувчи ишончли равишда йўқотилганидан кейин камида 48-78 соат давомида давом эттириш тавсия этилади. Препарат билан даволашни шифокор кўрсатмасисиз бекор қилиш ёки муддатидан олдин тўхтатиш мумкин эмас.

Қўллаш мумкин бўлмаган ҳолатлар

  • левофлоксацинга ёки бошқа хинолонларга ёки препаратнинг компонентларидан бирортасига ўта юқори сезувчанлик;
  • тутқаноқ;
  • хинолонлар билан илгари ўтказилган даволашда пайларни шикастланиши;
  • болалар ва ўсмирлар (18 ёшгача);
  • ҳомиладорлик ва лактация даврида қўллаш мумкин эмас.

Буйрак фаолиятини мувофиқ равишда пасайиш эҳтимоли юқори бўлганлиги сабабли (глюкоза-фосфатдегидрогеназа танқислиги), кекса ёшдаги шахсларда препаратни эҳтиёткорлик билан қўллаш керак.

Ножўя таъсирлари

Тери қопламалари томонидан ва умумий ўта юқори сезувчанлик реакциялари:

Баъзида: қичишиш ва терини қизариши, эшакеми.

Кам ҳолларда: эшакеми, бронхларни торайиши ва оғир даражадаги бўғилиш эҳтимоли каби симптомлар билан кечувчи, умумий ўта юқори сезувчанлик реакциялари (анафилактик ва анафилактоид реакциялар).

Жуда кам ҳолларда: тери ва шиллиқ қаватларини шиши (масалан, юз ва ҳалқум соҳасида), артериал босимни тўсатдан тушиши ва шок; қуёш ва ультрабинафша нурланишга юқори сезувчанлик (“Махсус кўрсатмалар”га қаранг); аллергик пневмонит; васкулит.

Учраш тезлиги номаълум: терида, пуфаклар ҳосил бўлиши билан бирга, оғир тошмаларни тошиши, масалан, Стивенс-Джонсон синдроми, токсик эпидермал некролиз (Лайелл синдроми) ва кўп шаклли экссудатив эритема. Умумий ўта юқори сезувчанлик реакцияларидан олдин баъзида енгилроқ тери реакциялари билан намоён бўлиши мумкин. Юқорида номланган реакциялар препаратни биринчи дозаси юборилганидан сўнг бир неча минут ёки соат ўтган заҳоти ривожланиши мумкин.

Меъда-ичак йўллари ва моддалар алмашинуви томонидан:

Тез-тез: кўнгил айниши, диарея, қусиш.

Баъзида: иштаҳани йўқолиши, қоринда оғриқ, овқат ҳазм бўлишини бузилиши.

Кам ҳолларда: қандли диабет билан хасталанган беморлар учун муҳим аҳамиятга эга бўлган гипогликемия; гипогликемиянинг кузатилиши мумкин бўлган белгилари: булемия, асабийлик, терлаш, титраш.

Учраш тезлиги номаълум: қонли диарея, у жуда кам ҳолларда ичакни яллиғланиши ва ҳатто сохта мембраноз колитнинг белгиси ҳам бўлиши мумкин (“Махсус кўрсатмалар”га қаранг).

Бошқа хинолонларни қўллаш тажрибаси, порфирия билан хасталанган беморларда, хинолонлар порфириянинг зўрайишини чақириши мумкинлигидан далолат беради. Бундай самара препарат қўлланганида ҳам намоён бўлишини истисно қилиб бўлмайди.

Нерв тизими томонидан:

Тез-тез: бош оғриғи, бош айланиши ва/ёки қотиб қолиш, уйқучанлик, уйқуни бузилиши.

Баъзида: безовталик, қалтираш, таъм билиш сезувчанлигини бузилиши.

Кам ҳолларда: депрессия, психотик реакциялар (масалан, галлюцинациялар билан), нохуш туйғулар (масалан, қўл кафтларида парастезиялар), қалтираш, қўзғалувчанлик ҳолати, тиришишлар ва онгни чалкашиши, кўришни бузилиши.

Ураш тезлиги номаълум: сенсор ёки сенсомотор периферик невропатия, кўриш ва эшитишни бузилиши, тактил сезувчанликни пасайиши, аутоагрессив хулқ, шу жумладан суиқасдлик фикрлари ва ҳаракатлар билан кечувчи рухий реакциялар, эшитишни бузилиши.

Юрак-қон томир тизими томонидан:

Кам ҳолларда: юрак уришини кучайиши, артериал босимни пасайиши.

Жуда кам ҳолларда: қон-томирлар коллапси.

Учраш тезлиги номаълум: QT интервалини узайиши (“Махсус кўрсатмалар”даги QT интервалини узайишига қаранг).

Суяк-мушак тизими томонидан:

Баъзида: бўғим ва мушак оғриқлари.

Кам ҳолларда: пайларни шикастланиши (шу жумладан тендинит), астеник бульбар фалаж билан хасталанган беморлар учун муҳим аҳамиятга эга бўлган мушак кучсизлиги.

Учраш тезлиги номаълум: мушакларни шикастланиши (рабдомиолиз), пайларни узилиши (масалан, ахилл пайини); бу ножўя самара даволаш бошланганидан кейин 48 соат давомида кузатилиши мумкин ва икки томонлама характерга эга бўлиши мумкин (“Махсус кўрсатмалар”га қаранг).

Жигар ва буйраклар томонидан:

Тез-тез: жигар ферментларининг (масалан, аланинаминотрансфераза ва аспартатаминотрансфераза) фаоллигини ошиши.

Баъзида: қон зардобида билирубин ва креатининнинг даражасини ошиши.

Жуда кам ҳолларда: жигар реакциялари, буйрак фаолиятини, ҳатто буйрак етишмовчилигигача ёмонлашиши, масалан, аллергик реакциялар оқибатидаги (интерстициал нефрит).

Учраш тезлиги номаълум: асосан жиддий асосий касалликлари бўлган пациентларда (масалан, сепсис) жигарни оғир шикастланишлари, шу жумладан ўткир жигар етишмовчилиги ҳолатлари, левофлоксацин учун хабар берилган, гепатит.

Қон яратиш тизими томонидан:

Баъзида: эозинофиллар сонини ошиши, лейкоцитлар сонини камайиши.

Кам ҳолларда: нейтропения, тромбоцитопения, бу қон оқишини кучайиши билан кечиши мумкин.

Жуда кам ҳолларда: оғир даражадаги инфекцияларни ривожланиши (тана ҳароратини турғун ёки қайталанувчи ошиши, томоқни яллиғланиши ва беморни ўзини ҳис қилиш ҳолатни турғун ёмонлашиши).

Учраш тезлиги номаълум: гемолитик анемия; панцитопения, агранулоцитоз.

Бошқалар:

Тез-тез: юборилган жойда оғриқ, қизариш ва флебит.

Баъзида: умумий ҳолсизлик.

Жуда кам ҳолларда: иситма.

Ҳар қандай антибиотик билан даволаш одамда нормал ҳолатда бўладиган микрофлоранинг (бактериялар ва замбуруғлар) ўзгаришини чақириши мумкин. Шу сабабли қўлланаётган антибиотикка нисбатан чидамли бактериялар ва замбуруғларни кўпайишини кучайиши (иккиламчи инфекция ва суперинфекция) юз бериши мумкин, бу кам ҳолларда қўшимча даволашни талаб этиши мумкин.

Дориларнинг ўзаро таъсири

Хинолонлар ва ўз навбатида марказий нерв тизимида тиришишга тайёрлик бўсағасини пасайтириш ҳусусиятига эга бўлган моддалар бир вақтда қўлланганида, тиришишга тайёрлик бўсағасини яққол пасайиши юзасидан хабарлар бор. Бу ҳолат хинолонлар ва теофиллин, фенбуфен ёки унга ўхшаш ностероид яллиғланишга қарши воситалар (ревматик касалликларни даволаш учун қўлланадиган воситалар) ни бир вақтда қўллашга ҳам бир хил даражада тааллуқлидир.

Препаратнинг таъсири сукральфат (меъданинг шиллиқ қаватини ҳимоя қилиш учун қўлланадиган восита) билан бир вақтда қўлланганида яққол сусаяди. Бундай ҳолат шунингдек таркибида магний ёки алюминий сақловчи антацид воситалар (жиғилдон қайнаши ва гастралгияни даволаш учун қўлланадиган препаратлар), шунингдек темир тузларини сақловчи воситалар (анемияни даволаш учун қўлланадиган воситалар) бир вақтда қўлланганида ҳам кузатилади. Левоксин препаратини юқоридаги препаратларни қабул қилишдан 2 соат олдин ёки қабул қилгандан сўнг 2 соатдан кейин қабул қилиш керак. Кальций карбонати билан ўзаро таъсири аниқланмаган.

Глюкокортикостероидларни қабул қилиш пайларни узилиши хавфини оширади. К витаминининг антагонистлари бир вақтда қўлланганида қон ивиш тизимини назорат қилиш керак.

Левофлоксациннинг (буйрак клиренси) циметидин ва пробенициднинг таъсирида бироз секинлашади. Шуни таъкидлаш керакки, бу ўзаро таъсир деярли ҳеч қандай клиник аҳамиятга эга эмас. Шунга қарамасдан, организмдан маълум чиқарилиш йўлларини (найчалар секрецияси) блоклайдиган, пробеницид ва циметидин тоифасидаги дори воситалари бир вақтда қўлланганида, левофлоксацин билан даволашни эҳтиёткорлик билан ўтказиш керак. Энг аввало, бу буйраклар фаолияти чекланган беморларга тааллуқли.

Левофлоксацин циклоспориннинг Т1/2 бироз оширади.

Бошқа фторхинолонлар каби, левофлоксацинни ҳам QT интервалини узайтириши маълум бўлган дори препаратларни (масалан, IA ва III синфи аритмияга қарши препаратлар, трициклик антидепрессантлар, макролидлар) қабул қилаётган пациентларда эҳтиёткорлик билан ишлатилиши керак  (“Махсус кўрсатмалар”даги QT интервалини узайишига қаранг).

Махсус кўрсатмалар

Бўғим тоғайларини шикастланиш эҳтимоли борлиги туфайли, препаратни болалар ва ўсмирларни даволаш учун қўллаш мумкин эмас.

Кекса ёшдаги беморларни даволашда, бу гуруҳ беморларда буйрак фаолиятини бузилишлари кўпроқ кузатилишини инобатга олиш керак (“Қўллаш усули ва дозалари” бўлимига қаранг). Ўпкаларни, пневмококклар чақирган жуда оғир даражадаги яллиғланишида, Левоксин оптимал терапевтик самара бермаслиги мумкин.

Агар левофлоксацинни юбориш вақтида артериал босимни яққол пасайиши кузатилса, препаратни юбориш дарҳол тўхтатилади.

Препарат билан даволаниш вақтида, бош мияни олдиндан масалан, инсульт ёки оғир даражадаги жароҳати билан боғлиқ, шикастланиши бўлган, беморларда тиришиш хуружи ривожланиши мумкин. Левофлоксацин қўлланганида фотосенсибилизация жуда кам ҳолларда кузатилишига қарамасдан, ундан сақланиш мақсадида, беморларга жуда эҳтиёж бўлмаса, кучли қуёш нурлари ёки сунъий ультрабинафша нурланиш таъсирига дучор бўлиш тавсия этилмайди.

Сохтамембраноз колитга шубҳа қилинганида препаратни зудлик билан бекор қилиш ва мувофиқ даволашни бошлаш керак.

Тендинитга шубҳа қилинганида, препарат билан даволашни зудлик билан тўхтатиш ва шикастланган пайни мувофиқ равишда даволаш, масалан, унга ҳаракатланишни чеклашни таъминлаш керак (“Қўллаш мумкин бўлмаган ҳолатлар” ва “Ножўя таъсирлари”га қаранг).

Глюкоза-6-фосфатдегидрогеназа етишмовчилиги бўлган беморлар (модда алмашинувини наслий бузилиши) фторхинолонларга эритроцитларни парчаланиши (гемолиз) билан реакция кўрсатишлари мумкин. Шу сабабли, бундай беморларни левофлоксацин билан даволашни жуда эҳтиёткорлик билан ўтказиш керак.

Барча хинолонлар учун бўлгани каби, одатда оғиз орқали қабул қилиш учун мўлжалланган гипогликемик воситалар (масалан, глибенкламид) ёки инсулин билан мувофиқ даволанаётган, қандли диабет билан хасталанган пациентларда гипогликемия ҳолатлари кузатилган. Бундай пациентларда қондаги глюкозанинг даражасини синчиклаб кузатиш тавсия этилади.

Ҳомиладорлик ва лактация даврида қўлланиши.

Ҳомиладорлик ва лактация даврида қўллаш тавсия этилмайди.

Препарат болалар ололмайдиган жойда сақлансин ва яроқлилик муддати тугагач ишлатилмасин.

Дозани ошириб юборилиши

Симптомлари: онгни чалкашиши, бош айланиши, онгни бузилиши ва тутқаноқ хуружлари туридаги тиришиш хуружлари, галлюцинациялар ва тремор, кўнгил айниши, меъданинг шиллиқ қаватларни эрозив шикастланишлари бўлиши мумкин.

Даволаш: симптоматик даволаш. Левофлоксацин диализ (гемодиализ, перитонеал диализ ва доимий перитонеал диализ) ёрдамида чиқарилмайди. Махсус антидоти мавжуд эмас.

Чиқарилиш шакли

100 мл дан пластик флаконда. 1 пластик флакон қўллаш бўйича йўриқномаси билан бирга картон қутига жойланган.

Сақлаш шароити

25оС дан юқори бўлмаган ҳароратда, ёруғликдан ҳимояланган жойда сақлансин.

Музлатилмасин!

Яроқлилик муддати

3 йил.

Дорихоналардан бериш тартиби

Рецепт бўйича.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.