АМИНОСОЛ–НЕО Е
дори препаратини тиббиётда қўллаш бўйича
ЙЎРИҚНОМА
Қайд этиш рақами:
Препаратнинг савдо номи: Аминосол–Нео Е
Халқаро патентланмаган ёки гуруҳлаш номи: парентерал озиқлантириш учун аминокислоталар + Бошқа препаратлар [Минераллар]&
Дори шакли: инфузия учун эритма
Таркиби:
1 л эритма сақлайди
| Таъсир этувчи моддалар | Миқдори |
| L–изолейцин | 5,00 г |
| L-лейцин | 7,40 г |
| L-валин | 6,20 г |
| L-лизин
(L-лизин моноацетати шаклида 9,13 г) |
6,60 г |
| L-метионин | 4,30 г |
| L-треонин | 4,40 г |
| L-фенилаланин | 5,10 г |
| L-аланин | 15,00 г |
| L-аргинин | 12,00 г |
| Глицин | 14,00 г |
| L-гистидин | 3,00 г |
| L-пролин | 15,00 г |
| L –триптофан | 2,00 г |
| L-олма кислотаси | 9,280 г |
| Натрий глицерофосфати | 9,4530 г |
| Кальций хлор | 0,735 г |
| Магний хлориди гексагидрати
(сувсиз 0,286 г) |
1,017 г |
| Калий гидроксиди | 1,683 г |
| Ёрдамчи моддалар: | |
| NaOH | q.s |
| Инъекция учун сув | 1000 мл гача |
| Ионли таркиб: | |
| Na+ | 60 ммоль |
| K+ | 30 ммоль |
| Ca++ | 5 ммоль |
| Mg++ | 5 ммоль |
| Cl– | 20 ммоль |
| Ацетатлар | 45 ммоль |
| Малатлар | 69,2 ммоль |
| Глицерофосфатлар | 30 ммоль |
| Энергетик қиймати: | 1900 кДж/л ёки 440 ккал/л |
| Назарий осмолярлиги: | 1137 мОсм/л |
Таърифи: рангсиздан то оч–сариқ ранглигача бўлган тиниқ эритма.
Фармакотерапевтик гуруҳи: парентерал озиқлантириш учун восита.
АТХ коди: В05ВА.
Фармакологик хусусиятлари
Фармакодинамикаси
АМИНАСОЛ–НЕО Е алмаштириб бўлмайдиган ва алмаштириладиган аминокислоталарни
мувозанатланган нисбатда (аминокислоталар жами 100,00 г/1000 мл, азот жами 16,40 г/1000 мл) сақлайдиган парентерал озиқлантириш учун мажмуавий препаратдир. Барча аминокислоталар L-шаклда бўлади, бу уларни оқсиллар биосинтезида бевосита иштирок этишини таъминлайди.
Препарат саккизта алмаштириб бўлмайдиган (инсон организмида синтезланмайдиган) аминокислоталарни сақлайди: L–изолейцин, L-лейцин, L-лизин, L–метионин, L-фенилаланин, L–треонин, L-триптофан ва L-валин. Шартли алмаштириб бўладиганлари –L–аргинин ва L–гистидин ҳисобланади.
Шартли алмаштириб бўладиган аминокислоталар организмда синтезлансада; бироқ айрим патологик ҳолатларда (масалан, буйрак ва жигар етишмовчилиги) ёки ёшга боғлиқ физиологик ўзига хос хусусиятлари туфайли (масалан, илк ёшдаги болаларда) уларнинг концентрацияси керакли қийматларга етмайди.
L-аргинин жигарда протеинлар катаболизмида ҳосил бўладиган заҳарли аммоний ионларини боғлаб, аммиакни мочевинага айланиш циклида иштирок этади.
L–изолейцин, L-лейцин ва L-валин – ён боғлари тармоқланган, алмаштириб бўлмайдиган аминокислоталар организмни энергетик эҳтиёжини қониқтиради, бу илк операциядан кейинги даврда айниқса муҳимдир. Ароматик халқаларни сақловчи аминокислоталар тўлақонли оқсилларни синтезида зарур, L-фенилаланин ва L-триптофан кўринишида намоён бўлади.
L-олма кислотаси мочевинанинг синтези учун энергия манбаи бўлиб ҳизмат қилади. Катионлар ва анионлар гомеостазни тутиб туриш элементи бўлиб, эритманинг гиперосмолярлигини таъминлайди.
Фармакокинетикаси
Парентерал юборилган аминокислоталар организмда оқсил синтезида ишлатилади. Бу жараёнда ишлатилмаган аминокислоталар дезаминланиш йўли билан мочевинани ҳосил қилади, сўнгра мочевина сийдик билан чиқарилади. Соғлом инсонларда аминокислоталарнинг ярим чиқарилиш даври 5-15 минутни ташкил қилади. Аминокислоталарнинг бир қисми биотрансформацияга учрамасдан ўзгармаган ҳолда чиқарилиши мумкин. Бундай ҳолатларда бу бирикмаларни қўллашдан кутилган самарага эришилмайди. Бу фармакокинетик ўзига хосликни, қонда аминокислоталарнинг концентрацияси кескин ошиб кетмаслигини олдини олиш учун препаратни етарли даражада секин юбориш йўли билан йўқотиш мумкин. Бундай юбориш йўли аминокислоталарни буйраклар орқали ўзгармаган ҳолда чиқарилишидан сақлайди.
Қўлланилиши
Қисман ёки тўлиқ парентерал озиқлантириш (ёғли эмульсияларни қўшиш билан), шунингдек энтерал озиқлантиришнинг иложи бўлмаган ҳолларда, оқсиллар ва суюқликни йўқотилишини олдини олиш ва даволаш учун қўлланади. Гастроинтестинал касалликларнинг оғир ҳолларида (обструкция, кам сўрилиш, ичакнинг яллиғланиш касалликлари, панкреатит, ичакнинг оқма йўллари), гиперметаболик ҳолатлар (жароҳатлар куйишлар, сепсис) ва парентерал озиқлантиришни талаб этувчи бошқа ҳолатларда (хавфли ўсма касалликларида, операцияга тайёргарликда ва жарроҳлик аралашувидан кейин) қўлланади.
Қўллаш мумкин бўлмаган ҳолатлар
Метаболик ацидоз, оғир буйрак ва жигар етишмовчилиги, шок, гипоксия, декомпенсацияланган юрак етишмовчилиги, ҳомиладорлик ва лактация даври, 18 ёшгача бўлган болалар (самарадорлиги ва хавфсизлиги аниқланмаган).
Эҳтиёткорлик билан
Сепсис, эссенциал гипертензия, кучсиз ва ўртача оғирлик даражасидаги жигар етишмовчилиги, қандли диабет.
Ҳомиладорлик ва лактация даврида қўлланилиши
Ҳомиладорлик ва лактация даврида препаратнинг самарадорлиги ва хавфсизлиги аниқланмаган.
Қўллаш усули ва дозалари
АМИНОСОЛ-НЕО Е вена ичига инфузия кўринишида, бирон бир марказий вена орқали юбориб қўлланади.
Доза метаболик бузилишларнинг оғирлиги ва организмнинг аминокислоталарга ва электролитларга бўлган эҳтиёжига мувофиқ шахсий равишда белгиланади.
Максимал рухсат этилган юбориш тезлиги соатига 1 мл /кг, максимал суткалик доза эса 20 мл/кг ни ташкил қилади.
70 кг вазнли одам учун препаратнинг максимал суткалик дозаси 1400 мл, тавсия этилган юбориш тезлиги минутига 20 – 35 томчи.
Жигар етишмовчилигида дозалаш: жигар етишмовчилиги бўлган пациентлар аминокислоталарнинг юқори миқдорини ўзлаштираолмайдилар ва шунинг учун уларнинг оқсилларга бўлган эҳтиёжи – суткада 0,8–1,1 г/кг ни ташкил қилади, бу, Аминосол Нео Е эритмасига қайта ҳисобланганда суткада 8-11 мл/кг га тўғри келади.
Ножўя таъсири
Жигар ферментлари фаоллигини ошиши, кўнгил айниши, қусиш, коринда оғриқ, толиқиш ҳисси, эшакеми, артериал босимни ошиши, кўп терлаш, нафасни бузилиши, тахикардия, тана ҳароратини ошиши, цианоз, қон таркибини ўзгариши, қонда аммиак миқдорини ошиши, препаратни юбориш жойида терини таъсирланиши, тромбофлебит.
АМИНОСОЛ НЕО Е препаратини тез юборилиши (“Қўллаш усули ва дозалари” бўлимида тавсия этилган юбориш тезлигига қаралсин) гипергидратацияни ва плазманинг электролит таркибининг бузилишини (гиперкалиемияни) чақириши мумкин.
Дозани ошириб юборилиши
Симптомлари: кўнгил айниши, қусиш, титроқ, “қон қуйилишлари”, кўп терлаш, иситма, тахикардия. Юқори тезликда юборилганида гиперволемия ва плазманинг электролит таркиби бузилиши мумкин. Юқори хавф гуруҳига мансуб пациентларда ўпка шиши ва чап қоринча етишмовчилиги, гипераммониемия ва жигар энцефалопатияси (асосан жигар ва буйрак етишмовчилиги бўлган пациентларда) ривожланиши мумкин.
Даволаш: инфузияни дарҳол тўхтатиш лозим; биокимёвий кўрсаткичлар, нафас ва юрак – қон томир тизими фаолиятини мониторингини таъминлаш керак.
Специфик антидоти йўқ. Даволаш симптоматик. Гиперкалиемияда – 200–500 мл 10% глюкоза эритмаси ҳар 3–5 г глюкозага 1–3 ТБ дозадаги инсулин билан инфузия қилинади. Қониқарсиз натижа кузатилганида, ион алмашинув қатронлари эритмаси ва гемодиализни буюриш кўрсатилган.
Дозани ошириб юборилишнинг симптомлари тўлиқ йўқолганидан кейин, қуйиш тезлигини ва дозани камайтириб инфузияни янгилаш мумкин.
Бошқа дори воситалари билан ўзаро таъсири
Бошқа дори воситаларини Аминосол-Нео Е эритмасига назоратсиз қўшиш тавсия этилмайди. Антибиотиклар амикацин, ампициллин, цефотаксим, цефтриаксон, доксициклин, эритромицин, гентамицин, хлорамфеникол, клиндамицин, нетилмицин, пенициллин, пиперациллин, тетрациклин, тобрамицин ва ваккомицин; бошқа препаратлар – аминофиллин, циклофосфамид, циметидин, цитарабин, дигоксин, допамин, фамотидин, фитометидион, фторурация, фолат кислотаси, фуросемид, гепфин, хлорпромазин, инсулин, кальций глюканати, лидокаин, метилдопа, метилпреднизолон, метаклопрамид, метотрексат, морыин, низатидин, норэпинефрин, пропранолол, ранитидин ва рибофлавин билан фармацевтик жиҳатдан мутаносиб. Аргининни тиазид диуретиклар ва аминофиллин билан бир вақтда юборилиши, қонда инсулин таркибини оширади.
Эстрогенлар ва перорал контрацептивлар, аргинин томонидан чақирилган ўсиш гармонининг концентрациясини ошишини чақириши мумкин ва аргининга бўлган глюкагон ва инсулиннинг жавобини пасайтириши мумкин.
Аргининни спиронолактон билан ўзаро таъсири оғир гиперкалиемияни чақиради.
Аргинин тиопентал натрий билан номутаносиб.
Махсус кўрсатмалар
Препарат таркибига кирувчи аргинин фосфатлар концентрациясини камайишига ва плазмада калий концентрациясини ошишига олиб келиши мумкин. Ушбу ўзгаришлар айниқса қандли диабети бўлган беморларда яққол ривожланган.
Кислота – ишқор ва электролит ҳолатини, организмда суюқлик мувозанатини ва буйраклар фаолиятининг ҳолатини доимо назорат қилиш лозим.
Гипонатриемия мавжуд бўлса, ушбу эритмани буюришда, плазмда натрий концентрациясини назорат қилиш зарур.
АМИНОСОЛ НЕО Е, айниқса қандли диабети бўлган беморларда ва стресс ҳолатидаги беморларда гиперкалиемияни чақириши мумкин. Гиперкалиемия аниқланганида “Дозани ошириб юборилиши” бўлимида таърифланган фармакологик тўғрилаш ўтказилади.
Стандарт озиқлантириш қўшиб буюрилганда, мутаносибликка эътибор бериш лозим. Шикастланмаган флакондан фақат тиниқ эритмани қўллаш лозим!
Чиқарилиш шакли
10% инфузия учун эритма.
500 мл дан эритма, резина, металл ва пластмасса, қопқоқ билан беркитилган, биринчи очиш назорати бўлган, II гидролитик гуруҳи шиша флаконда.
1 флакон пластик тутқич ва қўллаш бўйича йўриқномаси билан бирга картон қутида. 10 флакондан пластик тутқич ва тенг миқдордаги қўллаш бўйича йўриқномаси билан бирга картон қутида (стационарлар учун).
Яроқлилик муддати
2 йил. Ўрамида кўрсатилган яроқлилик муддати ўтганидан сўнг ишлатилмасин.
Сақлаш шароити
Ёруғликдан ҳимояланган, 15ºС дан 25ºС гача бўлган ҳароратда сақлансин.
Болалар ололмайдиган жойда сақлансин.
Дорихоналардан бериш тартиби
Рецепт бўйича.
Фақат стационар шароитидаги тиббиёт муассасаларда қўлланилсин.