ҚЎЛЛАШ БЎЙИЧА ЙЎРИҚНОМА

ЦЕФРОКС 250

CEFROX 250

ЦЕФРОКС 500

CEFROX 500

Препаратнинг савдо номи: Цефрокс 250; Цефрокс 500

Таъсир этувчи модда (ХПН): цефуроксим

Дори шакли: плёнка қобиқ билан қопланган таблеткалар.

Таркиби:

Плёнка қобиқ билан қопланган ҳар бир таблетка қуйидагиларни сақлайди:

фаол модда: 250 мг ва 500 мг цефуроксимга эквивалент бўлган цефуроксим аксетил;

ёрдамчи моддалар: микрокристалл целлюлоза PH101, натрий крахмал гликоляти (А тури), натрий кроскармеллоза, коллоид кремний диоксиди, магний стеарати, тозаланган тальк, натрий ларилсульфати, гидроксипропил метилцеллюлоза Е5, титан диоксиди, полиэтиленгликоль 6000, изопропил спирти**, метиленхлорид**.

(** тайёр маҳсулотда бўлмайди).

Таърифи:

Цефрокс 250 мг: оқ ёки деярли оқ рангли, капсула шаклли, бир томонидан “250” гравировкаси, бошқа томони силлиқ бўлган плёнка қобиқ билан қопланган таблеткалар.

Цефрокс 500 мг: оқ ёки деярли оқ рангли, капсула шаклли, бир томонидан “500” гравировкаси, бошқа томони силлиқ бўлган плёнка қобиқ билан қопланган таблеткалар.

Фармакотерапевтик гуруҳи: антибиотиклар (цефалоспоринлар гуруҳи).

АТХ коди: J01DC02

Фармакологик ҳусусиятлари

Фармакодинамикаси

Цефалоспорин антибиотикларининг II авлодига мансуб бўлиб, бактерицид таъсир қилади, бактериялардаги ҳужайра девори синтезини издан чиқаради. Кенг таъсир доирасига эга. Кўпчилик бета-лактамазаларнинг таъсирига чидамли.

Аэроб граммусбат бактериялар: Staphylococcus aureus, Staphylococcus epidermidis (шу жумладан пенициллинларга чидамли штаммлари ва кам учрайдиган метициллинга-резистент штамларидан ташқари), Streptococcus pyohenes (ва бошқа b-гемолитик стрептококклар), Streptococcus pneumonaiae, Streptococcus В гуруҳи (Streptococcus agalactiae), Streptococcus mitis (viridans гуруҳи) Bordetella pertusis; аэроб грамманфий бактериялар: Escherichia coli, Klebsiella spp., Proteus mirabilis, Providencia spp., Proteus rettgeri, Haemopilus influenzae (ампициллинга резистент штаммлар), Haemophilus patainfluenzae (ампициллинга резистент штаммлар) Moraxella (Branhamella) catarrhalis, Neisseria gonorrhoeae, (пенициллиназани ишлаб чиқарувчи ва ишлаб чиқармайдиган штаммлари), Neisseria meningitides, Salmonella spp., анаэроб грамманфий бактериялар: Bacteroides spp., Fusobacterium spp., анаэроб граммусбат бактериялар: Peptococcus spp, Peptostreptococcus spp, Clostridium spp. га нисбатан юқори фаол, шунингдек Borellia burgdorferi га нисбатан фаолликка эга.

Қуйидаги турларнинг баъзи штаммлар: Streptococcus (Enterococcus) faecalis, Morganella morganii, Ptoteus vulgaris, Enterobacter spp, Cutrobacter spp, Serratia spp., Bacterioidis fragilis цефуроксимга чидамли.

In vitro шароитларда ўтказилган тадқиқотларда, цефуроксим аминогликозид гуруҳидаги антибиотиклар билан бирга қўлланганда, аддитив самара ва қатор ҳолларда эса – синергизм кузатилиши кўрсатилган.

Фармакокинетикаси

Препарат ичга қабул қилинганида меъда-ичак йўлларида сўрилади ва қисман ичак қобиғида ва қонда носпецифик эстерезалар таъсирида цефуроксимгача гидролизланади. Овқат препаратни сўрилишини тезлаштиради. Овқат қабул қилингандан сўнг цефуроксим аксетилнинг 125 мг, 250 мг ва 500 мг ли дозалари учун қон плазмасидаги максимал концентрацияси 3 соатдан кейин мувофиқ 2,1 мкг/мл, 4,1 мкг/мл ва 7 мкг/мл ни ташкил қилган. Оқсиллар билан боғланиш даражаси 33% дан 50% гача қийматни ташкил қилади. Организмнинг тўқима ва суюқликларида тақсимланади. Орқа мия суюқлигида фақат менингитда терапевтик концентрациясига эришилади. Йўлдош орқали ўтади, кўкрак сути билан ажралиб чиқади.

Метаболизмга учрамайди, буйракда калавалар фильтрацияси ва найчалар секрецияси йўли билан ўзгармаган ҳолда чиқарилади. Ярим чиқарилиш даври тахминан 1,2 соатни ташкил қилади.

Қўлланилиши

Препаратга сезгир микроорганизмлар чақирган қуйидаги инфекцион-яллиғланиш касалликларини даволаш:

• нафас йўлларининг инфекциялари (шу жумладан ўткир ва сурункали бронхит, бактериал пневмония), ўпка абсцесси, инфекцияланган бронхоэктазлар, кўкрак қафасининг операциядан кейинги инфекцияларида;
• қулоқ, томоқ, бурун инфекцияларида (шу жумладан синусит, тонзиллит, фарингит, ўткир ўрта қулоқ отити);
• сийдик-таносил соҳасидаги инфекцияларда (шу жумладан ўткир ва сурункали пиелонефрит, цистит, уретрит, асимптоматик бактериурия);
• тери, юмшоқ тўқималарнинг инфекцияларида (шу жумладан фурункулез, пиодермия, импетиго);
• гонореяда (шу жумладан гонококкли уретрит ва цервицит);
• Лайм касаллигининг илк босқичини даволаш ва катталарда ва 12 ёшдан ошган болаларда кечки кўринишларини кейинчалик олдини олишда қўлланади.

Қўллаш усули ва дозалари

Ичга, овқатдан кейин қабул қилинади. Ёқимсиз таъми туфайли, таблеткани чайнаш тавсия этилмайди. Катталарга ва 12 ёшдан ошган болаларга тавсия қилинадиган доза ўртача
250 мг ни ташкил қилиб, суткада 2 марта қабул қилинади. Сезгирлиги кам бўлган микроорганизмлар чақирган оғир инфекцияларда суткада 500 мг дан 2 марта қабул қилинади. Лайм касаллигида катталарга ва 12 ёшдан ошган болаларга 500 мг дан суткада 2 марта, 20 кун давомида буюрилади. Сийдик-таносил тизимининг асоратланмаган инфекцияларида 125 мг дан суткада 2 марта қабул қилинади. Асоратланмаган гонореяни даволашда 1 г дан 1 марта буюрилади. Препаратни қабул қилиш давомийлиги ўртача
7 кун (5-10 кун) ни ташкил қилади. Болаларга суткасига ўртача 125 мг дан буюрилади. Максимал суткалик доза 500 мг.

Ножўя таъсирлари

Овқат ҳазм қилиш тизими томонидан: кўнгил айниши, қусиш, диарея, жигар ферментлари АЛТ, АСТ, ЛДГ нинг фаоллигини, билирубиннинг даражасини вақтинчалик ошиши, сариқлик, сохта мембраноз колит ҳоллари таърифланган.

Қон яратиш аъзолари томонидан: гемолитик анемия, эозинофилия, лейкопения, нейтропения, тромбоцитопения.

Аллергик реакциялар: тери тошмалари, қичишиш, эшакеми, иситма, кўп шаклли эритема, Стивенс-Джонсон синдроми, токсик эпидермал некролиз, якка ҳолларда анафилаксия бўлиши мумкин.

Марказий нерв тизими томонидан: бош оғриғи.

Бошқалар: Кумбснинг мусбат реакцияси бўлиши мумкин.

Қўллаш мумкин бўлмаган ҳолатлар

Цефалоспорин гуруҳи антибиотикларига юқори сезувчанликда қўлланмайди.

Ҳомиладорлик ва лактация даври. Ҳомиладорликнинг I уч ойлигида ва эмизаётган аёлларга лактация даврида эҳтиёткорлик билан қўлланади.

Дориларнинг ўзаро таъсири

Цефуроксим ичак флорасини пасайтириб, К витаминини синтезига тўсқинлик қилади, шунинг учун тромбоцитлар агрегациясини пасайтирувчи препаратлар (ностероид яллиғланишга қарши воситалар, салицилатлар, сульфинпиразон) билан бир вақтда қўлланганда қон кетишини ривожланиш хавфи ошади. Худди шу сабабли, антикоагулянтлар билан бир вақтда буюрилганда антикоагулянт таъсирини кучайиши кузатилади.

Халқали диуретиклар билан бир вақтда буюрилганда нефротоксик таъсирини ривожланиш ҳавфи ошади.

Махсус кўрсатмалар

Препарат пенициллин қатори антибиотикларга нисбатан сезувчанлиги юқори бўлган пациентларга эҳтиёткорлик билан буюрилади, чунки аллергик реакциялар учраганлиги тўғрисида хабарлар мавжуд.

Цефуроксим билан даволаш вақтида пациентлар қонида глюкозани аниқлаш учун глюкооксидаза усулини қўллаш тавсия қилинади.

Препарат узоқ вақт давомида қўлланганида чидамли микроорганизмларни (Candida, Enterococcus, Closridum difficile) тез ўсиб кетиши, даволашни тўхтатишни талаб қилиши мумкин.

Лайм касаллигини даволашда бактерицид таъсирнинг бевосита оқибати бўлган Яриш-Герцгеймер реакцияси кузатилиши мумкин. Пациентларга бу одатда тезда ва ўз-ўзидан ўтиб кетувчи ҳолат эканлигини тушунтириш зарур.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

Дозани ошириб юборилиши

Симптомлари: Марказий нерв тизими томонидан, қўзғалувчанлик ва тиришишлар билан намоён бўлувчи бузилишлар.

Даволаш: Симптоматик даволаш ўтказилади. Препарат гемодиализ ва перитонеал диализ ёрдамида чиқарилади.

Чиқарилиш шакли

10 таблеткадан блистерда. 1 ёки 2 блистер қўллаш бўйича йўриқномаси билан бирга картон қутига жойланган.

Сақлаш шароити

Қуруқ, ёруғликдан ҳимояланган жойда, 25°С дан юқори бўлмаган ҳароратда сақлансин.

Яроқлилик муддати

2 йил.

Дорихоналардан бериш тартиби

Рецепт бўйича.