ҚЎЛЛАШ БЎЙИЧА ЙУРИҚНОМА
ВИТАРИМ
VITARIM
Препаратнинг савдо номи: Витарим
Таъсир этувчи модда (ХПН): тиамин гидрохлориди, пиридоксин гидрохлориди, цианокобаламин.
Дори шакли: инъекция учун эритма.
Таркиби:
2 мл эритма куйидагиларни сақлайди:
фаол моддалар:
Тиамин гидрохлориди (В1 витамини) 150 мг;
Пиридоксин гидрохлориди (В6 витамини) 100 мг;
Цианокобаламин (В12 витамини) 1 мг.
ёрдамчи моддалар: бензил спирти, натрий эдетати, натрий гидроксиди, рН 3,5-4,5 гача бўлган натрий гидроксидининг 1 М эритмаси, инъекция учун сув.
Таърифи: қизил рангли тиниқ эритма.
Фармакотерапевтик гуруҳи: Витаминлар.
АТХ коди: A11А
Фармакологик хусусиятлари
Тиамин – одам организмида фосфат кислотасини қолдиғини органик моддалар молекуласига қўшилиш жараёнлари натижасида кўпчилик фермент реакцияларнинг коферменти бўлган, тиамин пирофосфатга айланади. Препарат углеводлар, оқсиллар ва ёғларнинг алмашинувида, шунингдек синапсларда нерв қўзғалишининг ўтказилиши жараёнларида муҳим рол ўйнайди. Нерв ганглияларида блокловчи таъсир кўрсатади.
Пиридоксин – моддалар алмашинувида катта рол ўйнайди. У марказий ва периферик нерв тизимининг меъёрий фаолияти учун зарур. Организмга тушгач у фосфат кислотасини қолдиғини органик моддалар молекуласига қўшилиб, пиридоксал 5-фосфатга айланади ва аминокислоталарнинг органик кислота молекуласидан карбоксил гуруҳини ажралиши ва қайтааминланишини амалга оширувчи ферментлар таркибига киради. Триптофан, метионин, цистеин, глутамин ва бошқа аминокислоталарнинг, ҳамда гистамин ва ёғларнинг алмашинувида фаол қатнашади.
Цианокобаламин – углеводлар, оқсиллар ва липидлар алмашинувини фаоллаштиради, беқарор метил гуруҳлари синтезида, холин, метионин, нуклеин кислоталари, креатин ҳосил бўлишида қатнашади, эритроцитларда сульфгидрил гуруҳлари бўлган бирикмаларни йиғилишига ёрдам кўрсатади. Суяк кўмиги фаолиятини рағбатлантиради, бу нормобластик эритропоэз учун зарур. Цианокобаламин жигар ва нерв тизими фаолиятини меъёрлаштиришга ёрдам беради, қон ивиш тизимини фаоллаштиради, юқори дозаларда тромбопластин ва протромбин фаоллигини ошишини чақиради. Атеросклерозда қонда холестерин миқдорини камайтиради. Одам ва ҳайвон организмида ичак микрофлораси томонидан синтез қилинади, аммо ушбу синтез билан организмнинг бу витаминга бўлган эҳтиёжи таъминланмайди ва унинг қўшимча миқдорини организм озиқ-овқат маҳсулотларидан олади.
Фармакокинетикаси
Мушак ичига юборилганида тиамин тез ва тўлиқ сўрилади. Барча аъзо ва тўқималар бўйлаб етарли даражада бир текис тақсимланади. Қонда концентрацияси нисбатан паст, айни вақтда плазмада асосан эркин тиамин, айланиб юради, эритроцитларда ва лейкоцитларда – унинг фосфорли эфирлари бўлади. Фосфат кислотасини қолдиғини органик моддалар молекуласига қўшилиши жигарда рўй беради. Энг фаол фосфорли эфири коэнзим фаоллигига эга бўлган тиамин дифосфатдир. Асосан жигарда, юракда, мияда, буйракларда, талоқда тўпланади. Ичак ва буйраклар орқали чиқарилади.
Пиридоксин гидрохлориди яхши сўрилади ва организмга тушиб, жигарда фармакологик фаол метаболитлари (пиридоксаль фосфат ва пиридоксаминофосфат) ни ҳосил бўлиши билан метаболизмга учрайди. Пиридоксаль фосфати плазма оқсиллари билан 90% боғланади. Барча тўқималарга яхши киради; асосан жигарда тўпланади, камроқ – мушакларда ва марказий нерв тизимида. Йўлдош орқали ўтади, кўкрак сути билан чиқади. Т1/2 – 15-20 кун ташкил қилади. Асосан буйраклар орқали, шунингдек гемодиализ давомида чиқарилади.
Цианокобаламин қон плазмаси оқсиллари билан 90% боғланади, тери остига ва мушак ичига юборилгандан сўнг – максимал концентрацияга эришиш вақти – 1 соат. Ўт ва сийдик билан чиқарилади. Йўлдош тўсиғи орқали ўтади.
Қўлланилиши
- ўткир ёки сурункали невритлар ва полиневритлар, учшохли нервнинг невралгияси, ишиалгия;
- диабетик полиневропатия;
- токсик полиневропатия (шу жумладан доривор);
- алкоголли периферик невропатия (Верника-Корсаков синдроми);
- “Бери-бери” касаллиги (қуруқ ва нам);
- ўраб олувчи герпес;
- бирмер касаллигида (пернициоз анемияси) қўлланади.
Шунингдек препарат тегишли витаминларнинг етишмовчилиги оқибатидаги гиповитаминоз ва авитаминозларда, жисмоний ва ақлий толиқишда, ланжликда, фурункулёзда ва бошқа тери касалликларида, атеросклерозда, кекса ёшдаги шахсларда бошқа касалликларда қўлланади.
Қўллаш усули ва дозалари
Ҳар куни 2 мл дан (1 ампула) мушак ичига (м/и) ёки 5-10 кун давомида кунора шифокорнинг кўрсатмасига кўра юборилади. Дозалаш тартиби патологик жараённинг тури, оғирлик даражаси ва ўткизилаётган даволашга беморнинг реакциясига қараб ўзгариши мумкин.
Ножўя таъсирлари
Аллергик реакциялар: қичишиш, эшакеми.
Бошқалар: тахикардия.
Маҳаллий реакциялар: инъекция қилинган жойда таъсирланиш ва оғриқ.
Қўллаш мумкин бўлмаган ҳолатлар
Препарат компонентларига юқори сезувчанликда қўллаш мумкин эмас. Препаратни ҳомиладорликда ва лактация даврида қўллаш бўйича маълумотлар тақдим қилинмаган.
Ҳомиладорлик ва лактация даврида қўллаш мумкин эмас, чунки болада турли характерга эга нуқсонларнинг ривожланишини чақириши мумкин.
Дориларнинг ўзаро таъсири
В1 витамини ишқорий эритмада осон парчаланади, шунинг учун витаримни ишқорий препаратлар, масалан, натрий бикарбонати ёки натрий цитрати билан ишлатиш мумкин эмас.
Махсус кўрсатмалар
Одатда препарат яхши ўзлаштирилади.
Гарчи жуда кам бўлсада, эшакеми, қичишиш, Квинке шиши пайдо бўлиши мумкин, улар кўпроқ мойил беморларда учрайди.
Препаратнинг юқори дозалари билан даволаш (унда пиридоксин сақлангани туфайли), юришни бузилиши ва товонда ачишувчи оғриқлар билан намоён бўлиши периферик невропатияни ривожланишига олиб келиши мумкин. Бу симптомлар даволаш бошланганидан кейин бир ойдан кейин бошланиб, 3 йилгача намоён бўлиши мумкин.
Препарат болалар ололмайдиган жойда сақлансин ва яроқлилик муддати ўтганидан сўнг қўлланмасин.
Дозанинг ошириб юборилиши
Жуда юқори дозаларда препарат қўзғалиш, қўрқув, тремор, уйқусизлик, бош оғриғи, тиришишларни чақириши мумкин.
Даволаш: симптоматик.
Чиқарилиш шакли
Инъекция учун эритма, 2 мл дан ампулаларда.
Сақлаш шароити
Қуруқ, ёруғликдан ҳимояланган жойда, 25°С дан юқори бўлмаган ҳароратда сақлансин.
Яроқлилик муддати
3 йил.
Дорихоналардан бериш тартиби
Рецепт бўйича.