ҚЎЛЛАШ БЎЙИЧА ЙЎРИҚНОМА
ЭТОДИН ФОРТЕ
ЕTODINUM FORTE
Препаратнинг савдо номи: Этодин Форте
Таъсир этувчи модда (ХПН): Этодолак
Дори шакли: Қобиқ билан қопланган таблеткалар.
Таркиби:
Фаол модда: Этодолак – 400 мг.
Ёрдамчи моддалар: лактоза моногидрати, микрокристалл целлюлоза, натрий кроскармеллоза, сувсиз коллоид кремний, поливинилпирролидон, магний стеарати.
Қобиқ: Opadry OYS-34948 Pink (титан диоксиди, темир оксиди (қизил), гидроксипропилметилцеллюлоза).
Таърифи: Оч-пушти рангли, овал шаклли, бир томони чизиқли ва бошқа томонида «NOBEL» гравировкаси бўлган қобиқ билан қопланган таблеткалар.
Фармакотерапевтик гуруҳи: Ностероид яллиғланишга қарши воситалар.
АТХ коди: М01АВ08
Фармакологик хусусиятлари
Этодолак пирано-индолецитин кислотасининг ҳосиласи бўлиб, циклооксигеназа-2 (ЦОГ-2) га танлаб таъсир кўрсатувчи ингибиторларига мансуб дори воситасидир. Яллиғланишга қарши, оғриқ қолдирувчи ва иситмани туширувчи таъсир кўрсатади. Препарат яллиғланган тўқимада арахидон кислотасидан яллиғланишга олиб келувчи простагландинлар синтезини тормозлайди. Рецепторларнинг гистамин, серотонин ва кининлар каби яллиғланиш медиаторларига бўлган сезгирлигини камайтиради. Липооксигеназага таъсир кўрсатмайди. Препарат шунингдек сийдик кислотасини организмдан чиқариш хусусиятига ҳам эга.
Фармакокинетикаси
Препарат ичга қабул қилинганда меъда-ичак йўлларидан яхши сўрилади ва плазмада чўққи концентрациясига, тахминан 1 соатдан кейин эришилади. Препаратнинг биокираолишлиги 100% бўлиб, у антацидлар ёки овқат қабул қилинишига боғлиқ эмас. Плазма оқсиллари билан боғланиши 95% ни ташкил қилади. Ўртача ярим чиқарилиш даври (Т1/2) 7 соатни ташкил қилади. Организмдан буйрак орқали, асосан (60% гача) метаболитлар кўринишида чиқарилади.
Қўлланилиши
Ревматоид артрит, анкилозловчи спондилит, ҳаракатланишни чекланиши ва оғриқ синдроми билан кечувчи артроз, остеоартрит каби ревматик касалликларни даволаш, суякларда метастазлар ривожланганда ва юмшоқ тўқималар яллиғланишидаги оғриқлар, посттравматик оғриқлар, алгодисменорея, миалгия, тиш оғриғи, стоматологик операциялардан кейинги оғриқлар, қон томир патологияси билан боғлиқ бош оғриқларида қўлланилади.
Қўллаш усули ва дозалари
Препаратни ичга 400 мг дан суткада 2 марта (эрталаб ва кечқурун) бир стакан сув билан қабул қилинади. Максимал суткалик доза 1,2 г ни ташкил қилади. Тана вазни 60 кг ва ундан камроқ бўлган пациентлар учун максимал суткалик доза 20 мг/кг дан ошмаслиги керак. Кекса пациентларга дозани ўзгартириш талаб қилинмайди.
Ножўя таъсирлари
Кам ҳолларда – диспепсик ҳолатлар, бош айланиши, терида тошма пайдо бўлиши; айрим ҳолларда бош оғриғи кузатилиши мумкин. Аллергик реакциялар (жуда кам ҳолларда оғир шакллари), ульцероген таъсир, бронхоспазм, дизурия, қон яратилишини сусайиши юз бериши мумкин.
Қўллаш мумкин бўлмаган ҳолатлар
Меъда ва ўн икки бармоқ ичак яра касаллигининг зўрайиш босқичи, меъда–ичакдан қон кетиши, ҳомиладорлик, эмизиш даври, болалик даври, этодолак ва бошқа ностероид яллиғланишга қарши воситаларга юқори сезувчанликда қўллаш мумкин эмас.
Дориларнинг ўзаро таъсири
Препарат плазма оқсиллари билан фаол боғланади, шунинг учун уни протеинлар билан боғланадиган бошқа препаратлар билан бир вақтда қўллаганда дозани тўғри танлаш лозим. У орал антикоагулянтлар ва гепариннинг, меъда шиллиқ қаватини таъсирланишини чақирувчи препаратларнинг самарасини кучайтириши ва сульфаниламидларнинг гипогликемик таъсирини кучайишини чақириши мумкин. Этодолак плазмада литийнинг концентрациясини ошишини чақириши мумкинлиги туфайли, литий препаратлари билан бир вақтда қўлланилганда плазмада литийнинг концентрациясини назорат қилиш лозим. Этодолак метотрексатнинг қонга салбий таъсирини кучайтириш мумкин. Этодолак, шунингдек, диуретиклар фаоллигини пасайтириши, бошқа ностероид яллиғланишга қарши воситаларнинг таъсирини кучайтириб, яра ҳосил бўлиши ва қон кетиш хавфини ошириши мумкин. Препарат фенитоиннинг таъсирини кучайтиради. Этодолакнинг фенолли метаболитларини сийдикда бўлиши туфайли билирубинни аниқлаш учун Эрлих реагенти қўлланилганда сохта – мусбат натижа бериши мумкин.
Махсус кўрсатмалар
Зарурати бўлганида меъда ёки ўн икки бармоқ ичакнинг яра касалликларида, анамнезида меъда–ичакдан қон кетишлари бўлганда, жигар ёки буйрак фаолиятининг оғир бузилишларида эҳтиёткорлик билан қўлланилади.
Препаратни болалар ололмайдиган жойда сақлаш ва уни яроқлилик муддати ўтгач ишлатмаслик лозим.
Дозани ошириб юборилиши
Симптомлари: дозани енгил даражада ошириб юборилиши ҳолларида уйқучанлик, кўнгил айниши, қусиш, эпигастрия соҳада оғриқ кузатилади. Кам ҳолларда гипотензия, ўткир буйрак етишмовчилиги, нафас олишни сусайиши юз беради. Дозани сезиларли даражада ошириб юборилган ҳолларда (дозани 15 марта ошишида) кома, меъда–ичакдан қон кетишлари ривожланиши мумкин.
Даволаш: препаратнинг дозаси сезиларли даражада ошириб юборилганда – тозаловчи хўқна буюрилади. Дозани ошириб юборилиши аниқланганда пациентда дарҳол қусишни чақириш ёки меъдани ювишни ўтказиш керак. Фаоллаштирилган кўмир (60 – 100 г), сурги воситалари ва умумий симптоматик даво буюрилади.
Чиқарилиш шакли
«Этодин Форте», қобиқ билан қопланган таблеткалар 400 мг дан, №7, №14.
Сақлаш шароити
Қуруқ, ёруғликдан ҳимояланган жойда, 25°С дан юқори бўлмаган ҳароратда.
Яроқлилик муддати
3 йил.
Дорихоналардан бериш тартиби
Рецепт бўйича.