ҚЎЛЛАШ БЎЙИЧА ЙЎРИҚНОМА

РЕАЦИН

REACIN

Препаратнинг савдо номи: Реацин

Таъсир этувчи модда (ХПН): амикацин

Дори шакли: инъекция учун эритма

Таркиби:

фаол модда: амикацин сульфати амикацинка қайта ҳисобланганда – 100 мг ва 500 мг;

ёрдамчи моддалар: натрий цитрат дигидрат, натрий метабисульфит, олтингугурт кислотаси 35%, инъекция учун сув.

Таърифи: тиниқ, рангсиз ёки бироз сарғиш суюқлик.

Фармакотерапевтик гуруҳи: Аминоглкозидлар.

АТХ коди: J01G106

Фармакологик ҳусусиятлари

Кенг таъсир доирасига эга антибиотик. Тўқима мембранасига фаол равишда кириб, рибасомалар 30S суббирлиги билан қайтмас бирикма ҳосил килади. Матрица РНК ва рибасома 30S суббирлик билан комплекс хосил бўлишиа тўсқинлик қилади.

Яримрибасомалар оқсил синтезида иштирок этаолмайди ва оқибатда микроб ҳужайраларининг ўлимига олиб келади.

Граммусбат ва айрим грамманфий микрорганизмларга нисбатан фаол: гентамицин, тобрамицин, сизомицин ва нетилмицинга нисбатан чидамли; Pseudomonas aeruginosa, пенициллин метилциллин ва айрим цефалоспоринларга нисбатан чидамли; Enterobacter spp.,Salmonella spp., Shigella spp., Streptococcus spp., Staphylococcus spp. Стрептомицин, изониазид, ПАСК ва бошка сил касаллигига қарши дори воситаларига чидали Mycobacterium tuberculosis га нисбатан бактериостатик таъсир кўрсатади. Оддий ва анаэроб спораҳосил қилмайдиган грамманфий бактерияларга нисбатан фаол эмас

Фармакокинетикаси

Препарат меъда-ичак йулларида сўрилмайди. М/и ва В/и юборилади. С_max м/и ва в/и 7,5 мг/кг юборилгандан 1 ва 0.5 с. ўтгандан сўнг эришилади ва мос равишда 21 ва 38 мкг/мг ташкил қилади. Терапевтик концентрацияси (15-25 мкг/мл) м/и ва в/и юборилганда 10-12 с. сақланади. плазма оқсиллари билан 4-11%и боғланади. Тақсимланиш ҳажми 0.2-0.4 л/кг, янги туғилган чақалоқларда 0.68 л/кг гача.

Гистогематик барьердан осон ўтиб, суяк тўқимаси, талоқ, жигар, миокард, ўпка тўқималарига кириб боради, буйрак пўстлоқ қаватида йиғилади, ҳужайра ташқарисидаги суюқликларда, жумладан, асбцесс суюқлиги, синовиаль суюқлик, плевра, юрак ва қорин бўшлиғидаги экссудатларда, лимфа, қон плазмасида тарқалади. Кам концентрацияларда мушак ва ёғ тўқималарида, бронхларда, ўт қопида аниқланади. Метаболизмга учрамайди. Ярим чиқарилиш даври Т_1/2 катталарда -2-4 соат, янги туғилганларда -5-8 соат. Буйрак клиренси 79-100 мл/дақ., буйрак фаолияти етишмовчилигида Т_1/2  70-100 с.гача ошиши мумкин. Сийдикда юқори концентрацияда, узгармаган холатда асосан буйраклар орқали (65-94%) , кам миқдорда ўт суюқлиги билан чиқарилади.

Қўлланилиши

• Урогенитал йўлларининг инфекциялари (простатит, пиелонефрит, уретрит, цистит, гонорея);
• Нафас олиш органлари инфекцияларида (ўпка абсцеси, ўпка шамоллаши, плевралар ва ўпка эпиемаси, бронхит);
• Тери, суяк ва юмшоқ тўқималар инфекциясида (фурункулез, остиемиелит, трофик язва, пролеж, куйиш);
• Менингит;
• Сепсис (янги туғилганлар сепсиси хам);
• Перитонит;
• Эндокардит;
• Операциядан кейинги бактериал зарарланиш.

Қўллаш усули ва дозалари

М/и ва в/и (оқимли, 2 минут давомида, ёки томчилатиб, 60 томчи минут ичида тезлик билан).

Катталар ва болаларга: 5 мг/кг дан хар 8 с ёки 7,5 мг/кг дан  хар 12 с; максимал доза – 15 мг/кг/кун, курслик доза 15 г.дан ошмаслиги керак. Чала туғилган чақалоқларда: бошланғич доза – 10 мг/кг, кейинчалик 7,5 мг/кг дан хар 18-24 с; янги туғилган чақалоқларга бошланғич доза – 10 мг/кг, кейин 7,5 мг/кг дан хар 12 с. Даволаш давомийлиги в/и юборилганда – 3-7 кун, м/и – 7-10 кун. Буйрак етишмовчилиги бўлган беморларда креатинин клиренсини ҳисобга олган ҳолда доза режимини ихчамлаштириш мумкин.

Ножўя таъсирлари

Меъдан-ичак системаси томонидан: жигар трансаминазаларининг юқори сезувчанлиги, гипербилерубинемия, кўнгил айнаши, қайд қилиш.

Аллергик реакциялар: тошма, эшакеми, ҳароратни ошиши, баъзан-Квинке шиши.

Қон айланиш тизими томонидан: анемия, лейкопения, гранулоцитопения, тромбоцитопения.

Марказий ва периферик нерв системаси томонидан: бош оғриши, уйқучанлик, нерв-мушак ўтказилишини бузилиши, эшитиш қобилятини бузилиши, қайтмайдиган карликка олиб бориши, вестибуляр бузилишлар.

Сийдик ажратиш системаси томонидан: олигурия, протеинурия, микрогематурия, баъзан-буйрак етишмовчилиги.

Қўллаш мумкин бўлмаган ҳолатлар

• Буйрак етишмовчилиги;
• Юз соҳаси неврити;
• Ҳомиладорлик ва лактация даври;
• Препарат таркибига юқори сезувчанлик;
• Паркинсонизм;
• Миастения;\
• Чала туғилган болалар (хаётий кўрсаткичлари бўйича жуда хам зарур бўлган ҳолатда қўллаш мумкин);

Дориларнинг ўзаро таъсири

Амикацинни полимиксин, цисплатин, циклоспорин, цефалотин, рентгеноконтраст моддалар, НЯҚВ, эфлуран, метоксифлуран, ванкомицин, амфотерицин В моддалари билан бир вақтда қўлланганда нефротоксик таъсир хавфи ошади.

Бир вақтда диуретиклар (фуросемид, этакрин кислота), цисплатин бирга қўлланилганда ототоксик таъсири ошади.

Пенициллин билан бир вақтда қўлланилганда (буйрак етишмовчилигида) микробларга қарши таъсирини камайтиради.

Этил эфири ва нерв-мушак блокаторлари билан бирга қўлланилганда нафас сиқилиши хавфи ошади.

Пенициллин, цефалоспорин, амфотерицин В хлортиазид, эритромицин, гепарин, нитрофурантоин, теопентан, булардан ташқари эритманинг таркиби ва концентрациясига боғлиқ равишда, тетрациклин, В гуруҳ витаминлари, С витамин ва калий хлоридлар билан бирга эритмада қўллаш мумкин эмас.

Махсус кўрсатмалар

Қўллашдан аввл микроорганизмларга сезувчанлик текшириб куриш лозим.

Инъекция ва инфузия учун эритма қўллашдан аввал тайёрланиши керак.

Ҳомиладорликда қўлланиши.

Ҳаётий кўрсаткичларни ҳисобга олган ҳолатда қўлланилиши мумкин. Плацента орқали ўтади, ҳомила қони плазмасида 16% миқдор ва амниотик суюқликда аниқлаш мумкин.

Ҳомила буйракларида йиғилиб нефротоксик ва ототоксик таъсир кўрсатиши мумкин.

Кам миқдорда она сути таркибига ўтади. Даволаш вақтида кқкрак орқали озиқлантиришни тўҳтатиб туриш керак.

Препарат болалар ололмайдиган жойда сақлансин ва яроқлилик муддати ўтганидан сўнг ишлатилмасин.

Дозани ошириб юборилиши

Симптомлари: токсик реакциялар, нерв-мушак блокадалари нафас олишни тўхтаб қолиши, эмизикли болаларда – МНС томонидан (кома, чуқур нафас сиқилиши, ҳолсизлик).

Даволаш: Кальций хлорид в/в, антихолинэстераз моддалар (неостигмин), м-холиноблокаторлар (атропин), симптоматик даволаш. Гемодиализ, буйрак фаолияти бузилганда перитонеаль диализ, янги туғилган чақалоқларда қон қуйиш олиб борилади.

Чиқарили шакли

Инъекция учун эритма 100 мг/2 мл; 500 мг/2 мл 2 мл дан ампулаларда.

Сақлаш шароити

Қуруқ, ёруғликдан ҳимояланган жойда, 25⁰С дан юқори бўлмаган ҳароратда сақлансин.

Яроқлилик муддати

2 йил.

Дорихоналардан бериш тартиби

Рецепт бўйича.