ҚЎЛЛАШ БЎЙИЧА ЙЎРИҚНОМА

ДИЦИНОН^®

DICYNON^®

Дори воситасининг савдо номи: Дицинон^®

Таъсир этувчи модда (ХПН): этамзилат/etamsylate

Дори шакли: таблеткалар

Таркиби:

ҳар бир таблетка 250 мг этамзилат сақлайди:

фаол модда: этамзилат;

ёрдамчи моддалар: сувсиз лимон кислотаси (Е 330), маккажўҳори крахмали, лактоза моногидрати, повидон, магний стеарати.

Таърифи: оқ ёки деярли оқ, думалоқ, икки ёқлама қавариқ таблеткалар.

Фармакотерапевтик гуруҳи: Гемостатик воситалар. Витамин К ва бошқа гемостатиклар.

АТХ коди: В02ВХ01

Фармакологик хусусиятлари

Фармакодинамикаси

Этамзилат гемостазнинг бошланғич босқичида таъсир этувчи (эндотелий ва тромбоцитлар ўртасида ўзаро таъсирлашуви даврида) синтетик қон тўхтатувчи ва ангиопротектор воситадир. Препарат тромбоцитларни адгезиясини ва капиллярни қаршилигини тиклаши сабабли, қон кетиш вақтини ва қон йўқотиш ҳажмини камайтиради.

Этамзилат қон томир торайтурувчи самарага эга эмас, фибринолизга ва плазмадаги қон ивишини омилларига таъсир қилмайди.

Фармакокинетикаси

Сўрилиши

Ичга қабул қилинганда этамзилат меъда-ичак йўлларидан  секин ва тўлиқ сўрилади. Мутлоқ биокираолишлиги аниқланмаган. Ичга 500 мг қабул қилингандан кейин қон плазмасидаги максимал концентрацияси 15 мг/мл га тенг бўлиб унга 4 соатдан кейин эришилади.

Тақсимланиши

Этамзилат тўқималарда яхши тақсимланади.  Плазма оқсиллари билан боғланиши тахминан 95% ни ташкил қилади. Йўлдош тўсиғи орқали ўтади. Она ва киндик  қонида препаратнинг даражаси бир ҳил.  Этамзилатни кўкрак сутига ўтиши номаълум.

Метаболизми

Этамзилат фақат чекланган даражада метаболизмга учрайди.

Чиқарилиши

Плазмадан ярим чиқарилиш даври ўртача 8 соатни ташкил қилади. Перорал қабул қилинган дозанинг тахминан 70-80% ўзгаришсиз 24 соат давомида чиқарилади. Буйрак ва/ёки жигар бузилишлари бўлган пациентларда фармакокинетикасини ўзгариши номаълум.

Ёши

Болалар ва кекса ёшдаги пациентларда препаратнинг фармакокинетикаси тўғрисида маълумотлар йўқ.

Қўлланилиши

Жарроҳликда

Ҳамма мураккаб операцияларда ёки қон билан яхши таъминлаган тўқималарда операциядан олдин ва операциядан кейинги капилляр қон кетишларни профилактика қилиш ва даволаш; отоларингологияда, гинекологияда, акушерликда, урологияда, стоматологияда, офтальмологияда ёки пластик ва тиклаш жарроҳлигида қўлланади.

Терапияда

Келиб чиқиши ва жойлашиши бўйича турлича бўлган капилляр  қон кетишини: гематурия, қонли қусиқ, мелена, бурундан қон кетишини, милкдан кон кетиши  профилактика қилиш ва даволаш учун қўлланади.

Гинекологияда

Бачадон ичи ҳомилага қарши воситаси чақирган, метроррагия, бирламчи меноррагия ёки меноррагияда органик патология бўлмаганда қўлланади.

Қўллаш усули ва дозалари

Ичга қабул қилиш учун буюрилади.

Катталар ва ўсмирлар (14 ёшдан катта)

Операциядан олдин: 250 мг Дицинонни 1-2 таблеткадан (250-500 мг) жарроҳлик аралашувидан 1 соат олдин буюрилади.

Операциядан кейин: 250 мг Дицинонни қон кетиш хавфи сақланган бутун вақт давомида
1-2 таблеткадан ҳар 4-6 соатда буюрилади.

Терапияда: 250 мг Дицинонни одатда овқат қабул қилиш вақтида оз миқдордаги суюқликни ичган ҳолда 2 таблеткадан (500 мг) суткада 2-3 марта (1000-1500 мг) буюрилади.

Гинекологияда мено-метроррагия бўлганда: 250 мг Дицинонни овқат қабул қилиш вақтида оз миқдордаги суюқликни ичган ҳолда 2 таблеткадан (500 мг) суткада 3 марта (1500 мг) буюрилади. Даволашни тахмин қилинадиган ҳайзли қон кетишлардан 5 кун олдин бошлаш керак ва 10 кун давомида  қабул қилиш лозим.

Болалар (6-14 ёшда)

Катталар учун дозанинг ярми буюрилади.

Жигар ёки буйрак етишмовчилиги бўлган пациентлар

Жигар ёки буйрак етишмовчилиги бўлган пациентларда клиник тадқиқотлар ўтказилмаган. Шунинг учун ушбу пациентларга 250 мг Дицинон таблеткаларини буюрилганда эҳтиёткорликка риоя қилиш керак.

Кекса ёшдаги пациентлар

Дозага тузатиш киритиш талаб қилинмайди.

Дори воситасини қабул қилишни ўтказиб юборилиши

Агар Сиз препаратни қабул қилишни ўтказиб юборсангиз, бу ҳақда эслаган заҳоти одатдаги дозани қабул қилинг. Агар кейинги қабул қилиш вақти яқинлашса, ўтказиб юборилган дозани қабул қилманг. Ўтказиб юборилган дозани компенсация қилиш учун ҳеч қачон дозани икки баробар оширманг.

Ножўя таъсирлари

Ножўя самараларни пайдо бўлиш тез-тезлиги ва аъзолар тизимига кўра, MedDRA Конвенциясига мувофиқ қуйидагича таснифланади:

жуда тез-тез (≥1/10), тез-тез (≥1/100, <1/10), тез-тез эмас (≥1/1000, <1/100), кам ҳолларда (≥1/10 000, <1/1000), жуда кам ҳолларда (<1/10 000), тез-тезлиги номаълум (мавжуд бўлган маълумотлар асосида аниқлаш мумкин эмас).

Меъда-ичак йўллари томонидан бузилишлар:

Тез-тез: кўнгил айниши, диарея, қорин соҳасида ёқимсиз ҳисслар.

Тери ва териости тўқималари томонидан бузилишлар:

Тез-тез: тошма.

Умумий бузилишлар ва юборилган жойида бузилишлар:

Тез-тез: астения.

Жуда кам ҳолларда: иситма.

Нерв тизими томонидан бузилишлар:

Тез-тез: бош оғриғи.

Қон томирлари томонидан бузилишлар:

Жуда кам ҳолларда: тромбоэмболия.

Қон ва лимфатик тизими томонидан бузилишлар:

Жуда кам ҳолларда: агранулоцитоз, нейтропения, тромбоцитопения.

Скелет-мушак ва бириктирувчи тўқималари томонидан бузилишлар:

Кам ҳолларда: артралгия (бўғимларда оғриқ), белда/умуртқада оғриқлар.

Иммун тизими томонидан бузилишлар:

Жуда кам ҳолларда: ўта юқори сезувчанлик, анафилактик шок.

Моддалар алмашинуви ва озиқланиш томонидан бузилишлар:

Жуда кам ҳолларда: ўткир порфирия.

Бу ножўя самаралар даволаш курси тўхтатилгандан кейин одатда қайтувчандир.

Тери реакциялари ёки ҳароратни ошиш ҳолларида даволашни тўхтатиш ва даволовчи шифокорни хабардор қилиш керак, чунки, бу ўта юқори сезувчанлик реакцияларини белгиси ҳисобланиши мумкин.

Санаб ўтилган ножўя реакциялар, шунингдек қўллаш бўйича йўриқномасида кўрсатиб ўтилмаган реакциялар пайдо бўлганида шифокорга мурожаат қилинг.

Қўллаш мумкин бўлмаган ҳолатлар

– препаратнинг таъсир этувчи ёки бошқа ёрдамчи моддаларига юқори сезувчанликда;

– ўткир порфирияда;

– 6 ёшгача бўлган болаларда (ушбу чиқарилиш шакли учун) қўллаш мумкин эмас.

Эҳтиёткорлик чоралари:

Агар препарат жуда кўп ва/ёки давомли ҳайзли қон кетишларни камайтириш учун буюрилган бўлса ва бунда кутилган самарага эришилмаса, бундай ҳолатни чақириши мумкин бўлган бошқа патологияни истисно қилиш керак.

Болалар

Болаларда препаратни тавсия қилинган дозада қўллаш мумкин.

Буйрак етишмовчилиги бўлган пациентлар

Буйрак етишмовчилиги бўлган пациентларда этамзилат билан даволашни хавфсизлиги ва самарадорлиги ўрганилмаган. Этамзилатни буйрак орқали тўлиқ чикарилиши туфайли буйрак етишмовчилигида дозани камайтириш талаб қилиниши мумкин.

Лаборатор таҳлил натижалари

Терапевтик дозаларда қабул қилинаётган этамзилат креатининни ферментатив аниқлашни натижаларини камайтириши мумкин. Препаратни лаборатор кўрсаткичларига мумкин бўлган ҳар қандай таъсирини истисно қилиш учун Дицинонни биринчи марта қўллашдан олдин даволаш вақтида талаб қилинадиган бошланғич таҳлилларини (масалан, қон таҳлили) ўтказилади.

Препарат лактоза сақлайди. Галактозани ўзлаштираолмаслик, лактаза танқислиги ёки глюкозо-галактоза сўрилишини бузилишлари каби кам учрайдиган наслий патологиялари бўлган пациентларга ушбу препаратни қабул қилиш мумкин эмас.

Дориларнинг ўзаро таъсири

Бугунги кунгача дориларнинг ўзаро таъсири бошқа препаратлар билан аниқланмаган.

Махсус кўрсатмалар

Ҳомиладорлик ва эмизиш даври

Препаратни ҳомиладор аёлларда қўлланиши тўғрисида клиник маълумотлар етарли эмас.

Ҳайвонларда ўтказилган экспериментлар репродуктив функциясига таъсир этувчи ҳар қандай бевосита ёки билвосита токсиклиги аниқланмаган. Ҳомиладорлик вақтида эҳтиёткорлик чоралари сифатида препаратни қўлламаслик афзалроқ.

Препаратни кўкрак сутига ўтиши тўғрисида маълумотлар бўлмагани туфайли, даволаш вақтида эмизиш тавсия қилинмайди. Агар эмизиш давом эттирилса у ҳолда препаратни қабул қилишни тўхтатиш керак.

Транспорт воситаларини бошқариш ва механизмлар билан ишлаш қобилиятига таъсири

Таъсир кўрсатмайди.

Препарат болалар ололмайдиган жойда сақлансин ва яроқлилик муддати ўтганидан кейин ишлатилмасин.

Дозани ошириб юборилиши

Препарат дозасини ошириб юборилиш ҳоллари қайд қилинмаган. Дозани ошириб юборилишини даволаш учун стандарт тиббий чоралар қўллаш керак.

Чиқарилиш шакли

10 та таблетка алюминий/ПВХ/ПВДХ дан блистерда. 10 та блистер қўллаш бўйича йўриқнома билан бирга картон қутида.

Сақлаш шароити

Ёруғликдан ва намликдан ҳимояланган жойда,  25ºС юқори бўлмаган ҳароратда сақлансин.

Яроқлилик муддати

5 йил. Яроқлилик муддати кўрсатилган ойнинг оҳирги куни тугайди.

Дорихоналардан бериш тартиби

Рецепти бўйича берилади.