📜 Инструкция по применению Офор
💊 Состав препарата Офор
✅ Применение препарата Офор
📅 Условия хранения Офор
⏳ Срок годности Офор

ҚЎЛЛАШ БЎЙИЧА ЙЎРИҚНОМА

ОФОР

OFOR

Препаратнинг савдо номи: Офор

Таъсир этувчи моддалар (ХПН): офлоксацин ва орнидазол

Дори шакли: плёнка қобиқ билан қопланган таблеткалар.

Таркиби:

Ҳар бир плёнка қобиқ билан қопланган таблетка қуйидагиларни сақлайди:

фаол моддалар: офлоксацин − 200 мг ва орнидазол – 500 мг;

ёрдамчи моддалар: маккажўхори крахмали, повидон К29/32, магний стеарати, сувсиз коллоид кремний, натрий кроскармеллоза, Опадрай оқ, титан диоксиди, макроголь 6000, тозаланган тальк, сариқ сансет бўёвчиси, тозаланган сув, изопропил спирти, дихлометан.

Таърифи: узунчоқ шаклли, икки томонлама қавариқ, бир томони рискали, тўқ сариқ рангли плёнка қобиқ билан қопланган таблеткалар.

Фармакотерапевтик гуруҳи: антибактериал ва протозойларга қарши воситалар.

АТХ коди: J01M

Фармакологик хусусиятлари

Офор – мажмуавий дори воситадир.

Офлоксацин – кенг таъсир доирасига эга бўлган фторхинолонлар гуруҳига мансуб микробларга қарши воситадир. Бошқа фторхинолонлар каби офлоксациннинг бактерицид таъсири, унинг бактериялардаги ДНК-гираза ферментини блоклаш ҳусусияти билан боғлиқ.

Офлоксацин кенг таъсир доирасига эга: у кўпчилик грамманфий бактериялар – Escherichia coli, Klebsiella, Proteus, Salmonella, Yersinia, Providencia, Shigella, Enterobacter, Citrobacter, Providentia, Pseudomonas, Hafnia, шунингдек Staphylococcus (шу жумладан метицилинга ва бошқа антибиотикларга чидамли микрофлора) га нисбатан фаол.

Шунингдек препаратга Neisseria, Mycoplasma, Chlamydia, Campylobacter, Brucella, Vibrio, Aeromonas, Plesiomonas, Haemophilus influenzae, Versinia лар ҳам сезгир.

Препаратга: энтерококклар, стрептококклар (S.pyogenes, S.pneumoniae, S.viridans), Serratia marcescens, Pseudomonas aeruginosa, Acinetobacter, Mycoplasma (M.hominis, M.pneumoniae), туберкулез микобактериялари, шунингдек Мусоbacterium fortuitum, Gardnerella vaginalis, Ureaplasma, Bruccella доимий бўлмаган сезгирликка эга.

Анаэроб бактериялар (B. urealiticusдан ташқари), Тrероnеmа раllidum, вируслар, замбуруғлар ва содда ҳайвонлар препаратга сезгир эмас.

Орнидазол – протозойларга қарши ва антибактериал восита. Trichomonas vaginalis, Entamoeba histolytica, Giardia lamblia ларга, шунингдек Bacteroides, Clostridium spp., Fusobacterium spp. каби айрим анаэроб бактерияларга ва анаэроб коккларга нисбатан фаол.

Таъсир механизми бўйича орнидазол – нитрогуруҳни тиклаш ва ферридоксинлар гуруҳига мансуб оқсилларни нитробирикмалар билан ўзаро таъсирини тезлаштириш ҳусусияти бўлган ферментлар тизимига эга бўлган микроорганизмларга нисбатан танлаб таъсир қилувчи ДНК-троп препаратдир. Препарат микроб хужайрасига кирганидан сўнг унинг таъсир механизми микроорганизмдаги нитроредуктаза таъсири остида нитрогуруҳини тикланиши ва тикланган нитроимидазолнинг фаоллиги билан ифодаланади. Тикланиш маҳсулотлари ДНК деградациясини чақириб, у билан комплекслар ҳосил қилади, ДНК репликацияси ва транскрипцияси жараёнларини издан чиқаради. Бундан ташқари, препарат метаболизмининг маҳсулотлари цитотоксик хусусиятларига эга ва ҳужайра нафаси жараёнларини издан чиқаради.

Фармакокинетикаси

Офлоксацин ичга қабул қилинганидан сўнг меъда-ичак тизимида деярли тўлиқ сўрилади, препаратнинг биокираолишлиги 100% га етади, қон плазмасида препаратнинг дозасига боғлиқ максимал концентрацияга, қабул қилинганидан сўнг 30-60 минутдан кейин эришилади. Организмдан ўзгармаган ҳолда, асосан сийдик (90%) билан чиқарилади.

Ичга қабул қилинганидан сўнг орнидазол тез сўрилади. Максимал концентрацияга қабул қилинганидан сўнг 3 соатдан кейин эришилади. 15% дан камроқ қисми плазма оқсиллари билан боғланади.

Биокираолишлиги – 90%. Препарат гистогематик, шу жумладан гематоэнцефалик тўсиқлар орқали осон ўтади, организмнинг суюқлик ва тўқималарига яхши ўтади.

Жигарда метаболизмга учрайди.

Асосан буйраклар орқали метаболитлари кўринишида (қабул қилинган дозанинг тахминан 4% ўзгармаган ҳолда), 22% ичак орқали чиқарилади. Ярим чиқарилиш даври 12-14 соатни ташкил қилади.

Қўлланилиши

Препаратга сезгир қўзғатувчилар (микроорганизм ва бир ҳужайралилар) чақирган аралаш инфекцияларни даволашда:

  • сийдик-таносил тизимининг касалликлари: ўткир ва сурункали пиелонефрит, простатит, цистит, эпидидимит, сийдик чиқариш йўлларининг асоратли ёки қайталанувчи инфекциялари;
  • пенициллинга чидамли гонококклар, хламидиялар, трихомонадалар ва бошқа микроорганизмлар чақирган, жинсий йўл орқали юқадиган касалликлар;
  • нафас йўлларининг, Наеmophilus influenzae ёки бошқа грамманфий қўзғатувчилар, шунингдек тилларанг стафилококк, ичак таёқчаси, клебсиелла, энтеробактериялар, протей, Рseudomonas, легионела, стафилококклар чақирган ўткир, сурункали ва қайталанувчи инфекциялари (бронхитлар, пневмониялар);
  • қорин бўшлиғи аъзолари ва ўт йўлларининг инфекциялари, шунингдек амебиаз – амебали дизентерия, унинг ичакдан ташқари шакллари, айниқса амёбали жигар абсцесси; лямблиоз, қорин тифи, сальмонеллез, шигелез;
  • агар улар грамманфий қўзғатувчилар (шу жумладан Рseudomonas) ёки стафилококк томонидан чақирилган бўлса, қулоқ, томоқ ва буруннинг сурункали ва қайталувчи инфекцияларида;
  • оғиз бўшлиғининг инфекциялари, ўткир некротик ярали гингивит;
  • тери ва юмшоқ тўқималарнинг инфекциялари;
  • суяклар ва бўғимларнинг инфекциялари;
  • иммунитет танқислиги ёки нейтропенияси бўлган беморларда инфекцион асоратларни олдини олиш;
  • жарроҳлик инфекцияларини, айниқса гастроэнтерологияда, операциядан олдинги олдини олиш ёки операциядан кейинги даволаш;
  • гинекологик касалликларда қўлланади.

Қўллаш усули ва дозалари

Препаратни чайнамасдан, сув билан ичга қабул қилиш керак. Препаратни ҳам овқатдан олдин ва ҳам овқатдан кейин қабул қилишга рухсат этилади. Препаратнинг дозаси ва даволашнинг давомийлиги микроорганизмларнинг сезгирлиги ва инфекцион жараённинг оғирлиги ва турига боғлиқ. Катталар учун ўртача дозаси – даволашнинг давомийлиги 7-10 кун бўлганида 1 таблеткадан суткада 2 марта қабул қилинади; даволашни касалликнинг клиник симптомлари йўқолганидан сўнг камида 3 кун давом эттириш керак.

Ножўя таъсирлари

Меъда-ичак йўллари томонидан: оғизда металл таъми ва оғизни қуриши, кўнгил айниши, қоринда оғирлик ва оғриқ, иштаҳани йўқолиши, диарея, қусиш;

Марказий нерв тизими томонидан: уйқучанлик, бош оғриғи, бош айланиши, тремор, ригидлик, ҳаракатлар координациясини бузилиши, вақтинчалик ҳушдан кетиш, толиқиш, атаксия, тиришишлар, онгни чалкашиши, сенсор ёки аралаш периферик нейропатия белгилари;

Қон яратиш тизими томонидан: жуда кам ҳолларда лейкоцитлар, эритроцитлар ва/ёки қон пластинкалари (лейкопения, агранулоцитоз, анемия, тромбоцитопения, панцитопения) сонини камайиши кузатилади;

Юрак-қон томир тизими томонидан: гипотензия, тахикардия;

Бошқалар: қонда креатининнинг даражасини ошиши, жигар ферментлари, билирубиннинг фаоллигини ошиши, артралгия, миалгия;

Аллергик реакциялар: тери тошмаси, қичишиш, фотосенсибилизация, Квинке шиши, кўп шаклли эритема;

Бошқа ножўя таъсирлари: гипогликемик препаратларни қабул қилаётган қандли диабети билан хасталанган беморларда гипогликемия бўлиши мумкин.

Қўллаш мумкин бўлмаган ҳолатлар

Препарат ёки унинг компонентларига юқори сезувчанлик; тутқаноқ; анамнезида марказий нерв тизимини шикастланиши (хусусан, бош мия жароҳатлари, инсультдан кейин ёки марказий нерв тизимининг яллиғланиш жараёнларидан кейин) бўлганида препаратни қўллаш мумкин эмас.

Препаратни болаларга, ўсмирларга, ҳомиладор аёлларга ва эмизикли оналарга буюриш мумкин эмас, чунки препаратни ушбу пациентлар гуруҳида қўллаш хавфсизлиги бўйича маълумотлар етарли эмас.

Дориларнинг ўзаро таъсири

Антацидлар ёки таркибида темир бўлган воситалар билан бир вақтда қабул қилинганида, препаратнинг самарадорлиги пасаяди, шу сабабли препаратни юқорида келтирилган воситаларни қабул қилишдан 2 соат олдин ёки қабул қилингандан сўнг 2 соатдан кейин қабул қилинади.

Ностероид яллиғланишга қарши воситалар (НЯҚВ) билан бир вақтда қабул қилинганида, тиришишларни ривожланиш хавфи ошади.

Пробенецид, циметидин, фуросемид ва метотрексат препаратни организмдан чиқарилишини тормозлаб, заҳарлилигини ошириши мумкин. Глибенкламиднинг концентрациясини оширади. Гепарин сақлаган эритмада аралаштириш мумкин эмас (преципитация хавфи мавжуд).

Препарат кумарин қатори антикоагулянтларининг самарасини кучайтиради, векуроний бромидининг миорелаксация қилувчи таъсирини узайтиради.

Махсус кўрсатмалар

Препарат билан даволаниш вақтида фотосенсибилизацияни ривожланиш хавфи юқори бўлганлиги сабабли, қуёш нурларининг тўғридан-тўғри таъсиридан, ультрабинафша нурлари билан нурланишдан (симоб-кварц лампалари, солярий) сақланиш керак.

Офор препарати амбулатор беморларда пневмонияни даволаш учун қўлланадиган биринчи қатор дори воситаси ҳисобланмайди (пневмониянинг қўзғатувчиси кўпчилик ҳолларда – пневмококк бўлади).

Ножўя таъсирлари, айниқса марказий нерв тизими томонидан, аллергик реакциялар ривожланганида, дори воситасини бекор қилиш лозим.

Препарат билан даволаниш вақтида диареяни ривожланиши сохтамембраноз колитнинг белгилари бўлиши мумкин. Бу асоратни ривожланганлигига шубҳа туғилганида, препаратни қабул қилишни зудлик билан тўхтатиш ва шошилинч антибактериал терапияни (ичга – ванкомицин ёки метронидазол) буюриш керак. Ичак перистальтикасини сусайтирадиган препаратларни қўллаш мумкин эмас.

Буйрак фаолиятини бузилиши ёки жигарни оғир даражадаги шикастланишлари (цирроз) бўлган беморларга препаратнинг ўртача суткалик дозасини (2 таблетка) ошириш мумкин эмас.

Препарат узоқ муддат қабул қилинганида иккиламчи инфекция (препаратга резистент микроорганизмларнинг ўсиши сабабли) ривожланиши мумкин. Иккиламчи инфекция ривожланганида, мувофиқ чоралар кўрилиши лозим.

Препарат алкоголь билан номутаносибдир!

Ҳомиладорлик ва лактация даврида қўлланиши.

Препаратни ҳомиладор ва эмизикли аёлларга буюриш мумкин эмас.

Автотранспортни ҳайдаш ва механизмларни бошқариш қобилиятига таъсири.

Препаратнинг баъзи ножўя таъсирлари (бош айланиши, уйқучанлик, онгни чалкашиши, кўриш ва эшитиш қобилиятини бузилиши, ҳаракатлар координациясини бузилиши) психомотор реакциялар тезлигини секинлаштириши ва автотранспорт воситаларини бошқариш ёки потенциал хавфли механизмлар билан ишлаш қобилиятини ёмонлаштириши мумкин.

Препарат болалар олаолмайдиган жойда сақлансин ва яроқлилик муддати тугаганидан сўнг ишлатилмасин.

Дозани ошириб юборилиши

Симптомлари: марказий нерв тизими томонидан: бош айланиши, онгни чалкашиши, тиришишлар; овқат ҳазм қилиш тизими томонидан: кўнгил айниши ва қусиш, шиллиқ қаватларни эрозияси бўлиши мумкин.

Даволаш: симптоматик. Специфик антидоти йўқ.

Чиқарилиш шакли

10 таблеткадан блистерда. 1 блистер қўллаш бўйича йўриқномаси билан картон қутида.

 

Сақлаш шароити

Оригинал ўрамда, 30°С дан юқори бўлмаган ҳароратда сақлансин.

Яроқлилик муддати

3 йил.

Дорихоналардан бериш тартиби

Рецепт бўйича.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.