📜 Инструкция по применению ГРОПРИНОСИН®
💊 Состав препарата ГРОПРИНОСИН®
✅ Применение препарата ГРОПРИНОСИН®
📅 Условия хранения ГРОПРИНОСИН®
⏳ Срок годности ГРОПРИНОСИН®

ҚЎЛЛАШ БЎЙИЧА ЙЎРИҚНОМА

ГРОПРИНОСИН®

GROPRINOSIN®

 

Препаратнинг савдо номи: ГРОПРИНОСИН® (GROPRINOSIN®)

Гуруҳлаш номи: инозин пранобекс

Дори шакли: сироп

Таркиби:

Ҳар 5 мл сироп сақлайди:

Таъсир этувчи  модда: инозин пранобекс 250,0 мг.

Ёрдамчи моддалар: метилпарагидроксибензоат Е218, пропилпарагидроксибензоат Е216, натрий сахаринати, сахароза, глицерол Е422, этанол 96 %, малина ҳушбўйи L-144739 (компонентлари: қанд, пропиленгликоль, этанол, ҳушбўй), тозаланган сув.

Таърифи: малина таъмли ва ҳидли тиниқ суюқлик.

Фармакотерапевтик гуруҳи: бевосита таъсирга эга вирусларга қарши воситалар.

АТХ коди: J05AX05

Фармакологик хусусиятлари

Фармакодинамикаси

Инозин пранобекс иммуномодулятор ва бевосита вирусларга қарши хусусиятларга эга пуриннинг синтетик ҳосиласидир. Инозин пранобекс – инозин ва 4-ацетамидбензой кислотасининг тузини N,N–диметиламино-2-пропанол билан 1:3 моляр нисбатда сақлаган комплексидир.

Комплекснинг самарадорлиги инозинни бўлиши билан белгиланади, иккинчи компонент уни лимфоцитларга кираолишини оширади.

Клиник тадқиқотларда инозин пранобекс ҳужайралар билан билвосита етарли бўлмаган ёки бузилган иммун жавобни ThI жавобини фаолашуви ҳисобига меъёрлаштиради, у Т-лимфоцитларни етилишини тезлаштиради, шунингдек уларни дифференциясини ва митоген ва антигенлар билан фаоллаштирилган ҳужайраларда индукцияланган лимфопролифератив жавобни потенцияланишини кўрсатилган. Худди шундай тарзда, препаратни цитотоксик Т-лимфоцитларни ва NK- ҳужайраларини фаоллигига, Т8–супрессор ва Т4–хелперларнинг ҳужайра фаолиятига рағбатлантирувчи таъсир кўрсатиши, шунингдек Ig ва комплементни юза рецепторлари сонини ошириши кўрсатилган. Инозин пранобекс ИЛ-1, ИЛ-2 цитокинларни ишлаб чиқарилишини ва in vitro шароитида ИЛ-4 ни рецепторларини экспрессиясини оширади. Препарат эндоген ИФН- γ секрециясини аҳамиятли даражада оширади ва in vivo шароитида яллиғланишга қарши ИЛ-4 ва ИЛ-10 цитокинларни ишлаб чиқарилишини камайтиради. Шунингдек у нейтрофиллар, моноцитлар ва макрофагларнинг хемотаксисини потенциялаши кўрсатилган.

In vivo шароитида инозин пранобекс РНК вируси ва айрим вирусларнинг репликациясида иштирок этувчи дигидроптероатсинтетаза ферментининг синтезини  бир вақтда бостириб, лимфоцитларнинг мРНК трансляциясига ва оқсилларни синтезига нисбатан пасайган таъсир хусусиятини, оширади.

Инозин пранобекс in vivo шароитида оддий герпес (Herpes simplex) вирусига, цитомегаловирусга ва қизамиқ вирусига, одам Т-ҳужайра лимфомаси III тури вирусига, полиовирусларга, А ва В гриппи вирусига, ЕСНО-вирусига (одам энтероцитопатоген вируси), энцефаломиокардит ва от энцефалитига нисбатан вирусга қарши фаоллик намоён қилади.

Фармакокинетикаси

Ичга қабул қилингандан кейин препарат тез ва деярли тўлиқ (≥ 90 % ) сўрилади ва яхши биокираолишликка эга. 1500 мг дозада ичга қабул қилингандан кейин инозин пранобекснинг максимал концентрациясига (Cmax) 1 соатдан кейин эришилади ва
600 мкг/мл ни ташкил қилади. Қабул қилингандан 2 соатдан кейин қонда аниқланмайди.

Инозин пранобекс инозин ва р-ацетамидобензой кислотасининг N,N–диметиламино-2-пропанолли тузидан ташкил топган. Инозин пранобекснинг ҳар бир компоненти метаболизмга тез учрайди. Метаболитларнинг деярли 100 % қабул қилинган вақтдан 8 дан 24 соатгача бўлган интервалда сийдикда аниқланади. Инозин пурин нуклеотидлари учун типик бўлган цикл бўйича сийдик кислотасини ҳосил қилиб, метаболизмга учрайди, қон зардобидаги унинг концентрацияси ошиши мумин. Бунинг натижасида сийдик йўлларида сийдик кислотаси кристаллари ҳосил бўлиши мумкин. Сийдик кислотасини ошиши бир текис бўлмай, препаратни ичга қабул қилингандан кейин 1-3 соат давомида ± 10 %га ўзгариши мумкин. Р-ацетамидобензой кислотасининг метаболизми натижасида о-ацилглюкуронид ҳосил бўлади, N,N -диметиламино-2- пропанол метаболизмга учрайди ва N–оксиди ҳосил бўлади. р-ацетамидобензой кислотасининг “концентрация- вақт” эгри чизиқ остидаги майдони (AUC) ≥ 88 %, N,N -диметиламино-2-пропанолники эса, ≥ 77 % ни ташкил қилади. Организмда препаратни тўпланиб қолиши аниқланмайди.

Инозин ва унинг метаболитлари буйраклар орқали чиқарилади. Ҳар кунги 4 г дозани қабул қилинганда. тенг мувозанатли концентрацияга эришилганда р-ацетамидбензой кислотасини ва унинг метаболитларини сийдик билан суткалик экскрецияси тахминан қабул қилинган дозанинг 85% ташкил қилади; ярим чиқарилиш даври (Т1/2) – 50 минут. N,N -диметиламино-2- пропанолнинг Т1/2  3- 5 соат. Инозин пранобексни ва унинг метаболитларини организмдан  тўлиқ элиминцияси 48 соат давомида юз беради.

Қўлланилиши

ГРОПРИНОСИН® сиропи, 250 мг/5 мл,1 ёшдан ошган беморларга қуйидаги кўрсатмалар бўйича қўлланади:

  • Herpes simplex I ва II тури, шунингдек Varicella zoster вируси (сувчечак ва ўраб олувчи темиратки вируси чақирган), тери ва шиллиқ қаватлар инфекциялари;
  • вирус этиологияли бошқа инфекциялар (нимўткир склерозланувчи энцефалит);
  • иммунитетида бузилиши бўлган пациентларда қўшимча даволаш сифатида;

Таблеткани хавфсиз ютиш мумкин бўлган пациентларга ГРОПРИНОСИН® таблеткасини буюриш мақсадга мувофиқ.

 

Қўллаш усули ва дозалари

Қўллаш усули

Фақат ичга қабул учун буюрилади.

Препаратнинг дозаси пациентнинг вазни ва касалликнинг оғирлигига боғлиқ. Суткалик дозани бир неча қисмларга бўлиб, уларни кун давомида тенг вақт оралиқларида қабул қилиш лозим.

Дозалари

Доза пациентнинг вазни ва касалликни оғирлигига боғлиқ.

Умумий суткалик дозани бир нечта тенг қисмларга бўлиш керак, уларни кун давомида қабул қилиш лозим.

Даволаниш давомийлиги одатда 5-14 кунни ташкил қилади. Препаратни қабул қилишни касаллик симптомлари йўқолгандан кейин 1-2 кун давомида давом эттириш лозим.

Тўлиқ дозалаш учун берилган ўлчов стаканчасини ишлатиш лозим.

Катталар ва кекса одамлар

Тавсия қилинадиган суткалик доза тана вазнига 50 мг/кг (тана вазнига 1 мг/кг) ни ташкил қилади, одатда – суткада 3 г (яъни кунига 60 мл сироп); препаратнинг максимал суткалик дозаси 4 г ни ташкил қилади, 3-4 марта қабул қилинади (одатда 20 мл дан кунига 3-4 марта, яъни кунига 3-4 марта 20 мл ҳажмдаги 1 ўлчов стаканчадан). 1 мл Гроприносин® сиропи 50 мг инозин пранобексни сақлайди. Максимал суткалик доза 4 гни ташкил қилади.

Болалар

Тавсия қилинадиган суткалик доза тана вазнига 50 мг/кг ни ташкил қилади, одатда – тана вазнига 1 мл/кг ни 3-4 тенг қисмларга бўлиб қабул қилинади, уларни кун давомида (10 мл ни 10 кг тана вазнига, 20 кг гача, кейинчалик катталар учун дозаларда қўлланади) ёки қуйидаги жадвалга мувофиқ қабул қилинади:

Тана вазни Доза
9 – 14 кг 3-4 х 5 мл
14 – 21 кг 3-4 х 7,5 мл
21 кг дан ортиқ катталарнинг дозаси

Тўғри дозалаш учун берилган ўлчов стаканчасини ишлатиш лозим.

Даволаш давомийлиги

Ўткир инфекциялар: қисқа муддатли инфекцияларда даволаш давомийлиги одатда 5-14 кунни ташкил қилади. Даволашни симптомлар йўқолганидан кейин 1-2 сутка давомида ёки шифокорнинг қарорига кўра давом эттириш лозим.

Сурункали қайталанувчи инфекциялар: даволашни бошланиши ўткир инфекциялардаги каби олиб борилади. Самарани бир маромда ушлаб турувчи даволашда доза суткада 500-1000 мг гача пасайиши мумкин. Қайталанишларнинг биринчи симптомларида пациент ўткир инфекцияларда тавсия қилинган дозаларни қабул қилишга дарҳол қайтиш ва симптомлар йўқолганидан кейин 1-2 кун давомида давом этириш керак. Шифокор томонидан пациентнинг клиник ҳолатини баҳолаши асосида бу муолажани бир неча марта қайтариш мумкин.

Герпетик инфекциялар: даволашни касаллик симптомлари йўқолгунига қадар 5-10 кун давомида ва симптомсиз даврда – 500 мг дан суткада 2 марта (кунига 2 * 10 мл дан) қайталанишлар сонини камайтириш учун 30 кун давомида давом эттирилади.

Нимўткир склерозланувчи энцефалит: касалликнинг ўткир босқичида препаратнинг дозаси тана вазнига 2мл/кг гача (суткада 100 мг/кг, максимал суткада 4 г) оширилиши мумкин, доимий даволашда пациентнинг ҳолатини мунтазам баҳолаш лозим.

Ножўя самаралар

Ножўя самараларни тез-тезлигини таснифлаш учун қуйидаги терминология (MedDRAга мувофиқ) ишлатилади: жуда тез-тез (≥ 1/10),  тез-тез (≥ 1/100 дан <1/10 гача), тез-тез эмас (≥ 1/1000 дан <1/100 гача), кам (≥ 1/10000 дан <1/1000 гача), жуда кам (<1/10000), тез-тезлиги номаълум (мавжуд бўлган маълумотларга кўра тез-тезлигини аниқлаш мумкин эмас).

Тез-тез (≥ 1/100 дан <1/10 гача)

  • Нерв тизими томонидан бузилишлар: бош оғриғи, бош айланиши.
  • Меъда-ичак йўллари томонидан бузилишлар: қусиш билан ёки у сиз бўлган кўнгил айниши, қориннинг юқори бўлимларида оғриқ.
  • Тери ва тери ости клетчаткаси томонидан бузилишлар: қичишиш.
  • Суяк-мушак тизими ва бириктирувчи тўқималари томонидан бузилишлар: артралгия, подаграни зўрайиши.
  • Лаборатория ва инструментал текшириш натижаларига таъсири: қон зардобида трансаминазалар ва ишқорий фосфатаза фаоллигини ошиши, қонда мочевинанинг концентрациясини ошиши.
  • Юбориш жойида тизимли бузилишлар ва асоратлар: астения.

Тез-тез эмас (≥ 1/1000 дан <1/100 гача)

  • Нерв тизими томонидан бузилишлар: уйқучанлик ёки уйқусизлик.
  • Меъда-ичак йўллари томонидан бузилишлар: диарея, қабзият.
  • Буйрак ва сийдик-чиқариш йўллари томонидан бузилишлар: полиурия (сийдик ҳажмини ошиши).

 

Қўллаш мумкин бўлмаган ҳолатлар

  • Таъсир этувчи моддага ёки ёрдамчи моддларни биронтасига ўта юқори сезувчанлик.
  • Подагра хуружлари.
  • Қон зардобида сийдик кислотасининг концентрациясини ошиши.
  • Сийдик-тош касаллиги.
  • Аритмиялар.
  • Сурункали буйрак етишмовчилиги.
  • 1 ёшгача бўлган болаларда.

Дозани ошириб юборилиши

Инозин пранобекснинг дозасини ошириб юбориш ҳоллари қайд қилинмаган.

 

Ҳомиладорликда ва эмизиш даврида қўлланилиши

Ҳомилани ривожланиши ва фертилликка таъсири билан боғлиқ назоратли клиник текширишлар ўтказилмаган.

ГРОПРИНОСИН® сиропини ҳомиладорлик вақтида ва эмизиш даврида қўллаш тавсия қилинмайди, чунки қўллаш хавфсизлиги текширилмаган.

 

Транспорт воситаларни бошқариш ва механизмлар билан ишлаш қобилиятига таъсири

ГРОПРИНОСИН® сиропи автомобилни ва механизмларни бошқариш қобилиятига таъсир кўрсатмайди ёки деярли таъсир кўрсатмайди.

 

Бошқа дори воситалари билан ўзаро таъсири

ГРОПРИНОСИН® сиропини ксантиноксидаза ингибиторлари (масалан, аллопуринол), сийдик кислотасини сийдик билан чиқарилишини кучайтирувчи препаратларни, диуретикларни қўшганда (масалан, гидрохлортиазид, хлорталидон, индапамид) ва ҳалқали диуретикларни (фуросемид, торасемид, этакрин кислотаси) бир вақтда олаётган пациентларда эҳтиёткорлик билан қўллаш лозим.

ГРОПРИНОСИН® сиропини иммунодепрессанталарни қабул қилиш тўхтатилганидан кейин буюриш лозим. Бу дори воситасини иммунодепрессантлар билан бир вақтда фармакокинетик ўзаро таъсири бўлиши мумкинлиги сабабли, бир вақтда қўллаш мумкин эмас. Иммунодепрессантлар билан бирга қўллаш инозин пранобекснинг самарадорлигини пасайишига олиб келиши мумкин.

Зидовудин (азидотимидин) билан бир вақтда  қўллаш нуклеотидларни зидовудин билан турли механизмлар орқали ҳосил бўлишини кучайтиради. Бу моноцитларда ҳужайра ичидаги фосфорланишни кучайишига олиб келади. Бу ГРОПРИНОСИН® сиропини таъсири остида зидовудинни самарасини ошишига олиб келади.

Қўллашдаги эҳтиёткорлик чоралари

ГРОПРИНОСИН® сиропи одатда сийдик кислотасининг концентрациясини қон зардобида ҳам, сийдикда ҳам, айниқса эркакларда ва иккала жинсдаги кекса шахсларда меъёрий қиймат чегарасида (8 мг/дл гача, бу 420 мкмоль/лга мос келади) транзитор ошишини чақириши мумкин. Сийдик кислотасини концентрациясини ошиши ушбу препаратни ташкил қилувчи инозинни сийдик кислотасига катаболизми билан боғлиқ бўлиб, у одам организмида юз беради. Лекин бу ферментлар ёки буйраклар фаолиятининг дори таъсири остида глобал бузилиши билан боғлиқ эмас. Шундай қилиб, подаграли, гиперурикемияли, сийдик-тош касаллиги ва буйрак фаолиятини бузилишлари, шу жумладан анамнезида бўлган пациентларда ГРОПРИНОСИН® ни фақат эҳтиёткорлик билан қўллаш мумкин. Бу пациентларни даволаш вақтида сийдик кислотасининг концентрациясини синчков назорат қилиш лозим.

Узоқ даволаш вақтида ҳар бир пациентнинг қон зардобида ва сийдикда сийдик кислотасини концентрациясини, жигар фаолиятини, умумий қон таҳлилини ва буйрак фаолиятини мунтазам назорат қилиш лозим.

ГРОПРИНОСИН® сиропи метипарагидроксибензоат ва пропилпарагидроксибензоат сақлайди, улар аллергик реакцияларни (шу жумладан секинлашган тури) чақириши мумкин.

ГРОПРИНОСИН® сиропи сахароза сақлайди. Фруктозани ўзлаштираолмаслик, глюкоза-галактоза сўрилишини бузилиши ёки сахароза-изомальтоза етишмовчилиги кўринишидаги кам учрайдиган наслий бузилишлари бўлган пациентлар ГРОПРИНОСИН® сиропини қабул қилмасликлари керак.

1 мл ГРОПРИНОСИН® сиропида 650 мг сахароза сақланади. Буни қандли диабети бўлган пациентларга буюришда ҳисобга олиш лозим.

ГРОПРИНОСИН® сиропи 2,5 ҳажм фоиз этил спиртини (20 мг 96 % ҳажм/фоиз этанол
1 мл сиропда) сақлайди, яъни катта пациентларни максимал суткалик дозасида (80 мл сиропда) 1600 мг гача этанол бўлиб, бу максимал суткалик дозада 40 мл пивога, 17 мл атрофидаги винога эквивалент. Буни ҳомиладор ёки эмизикли аёлларга, болаларга, шунингдек юқори хавф гуруҳидаги, масалан жигар касаллиги ёки тутқаноғи бўлган пациентларга буюрилганда эътиборга олиш керак.

 

Ўрами

125 мл ҳажмдаги, болаларни очишидан ҳимояланган РР 28 полипропилен қалпоқчали,          2,5 мл дан 20 мл гача белгили ўлчов стаканчаси бўлган тўқ шиша флакон.

Ҳар бир картон қути бир флакон ва препаратни қўллаш бўйича йўриқномасини сақлайди.

Сақлаш шароити

Препаратни +15°С дан +25°С гача бўлган ҳароратда сақлансин.

Препаратни болалар олаолмайдиган жойда сақлансин.

 

Яроқлилик муддати

2 йил.

Флакон биринчи очилганидан кейин препаратни яроқлилик муддати 24 кунни ташкил қилади.

Ўрамда кўрсатилган яроқлик муддати ўтганидан сўнг қўлланилмасин.

 

Дорихоналардан бериш тартиби

Рецепт бўйича.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.