Илова-варақа: истеъмолчилар учун йўриқнома

Бисептол 120, 100 мг+20 мг таблеткалар

Бисептол 480, 400 мг+80 мг таблеткалар

Бисептол 960, 800 мг+160 мг таблеткалар

Sultfamethoxazolum+Trimethoprimum

Дори препаратни қўллашни бошлашдан олдин, илова-варақанинг мазмуни билан танишиб чиқиш керак, чунки унда пациент учун муҳим маълумот сақланади.

• Ушбу йўриқномани, уни зарурати бўлган ҳолда яна ўқиб чиқиш имконияти бўлиши учун сақлаб қўйиш керак.
• Кейинчалик шубҳа туғилганида шифокорга, фармацевтга ёки ҳамширага мурожаат қилиш лозим.
• Ушбу дори воситаси қатъий маълум бир шахсга буюрилган. Уни бошқа шахсларга бериб юбориш мумкин эмас. Бу препарат уларда худди шундай симптомлар бор бўлса хам, уларга зарар келтириши мумкин.
• Қандайдир ноҳуш ҳолат оғирлашган ҳолларда ёки илова-варақада эслатиб ўтилмаган ноҳуш ҳолатлар пайдо бўлганида шифокорга ёки ҳамширага мурожаат қилиш керак. 4 бўлимга қаранг.

Илова-варақанинг мазмуни:

1. Бисептол дори маҳсулоти нима ва у қандай мақсадда қўлланади?
2. Бисептол дори маҳсулотини қабул қилишдан аввал
3. Бисептол дори маҳсулотини қандай қабул қилиш керак?
4. Бўлиши мумкин бўлган ножўя таъсирлари
5. Бисептол дори маҳсулотини сақлаш шароитлари
6. Ўрами ва бошқа маълумотлар

1. Бисептол дори маҳсулоти нима ва у қандай мақсадларда қўлланади?

Бисептол ко-тримоксазол – триметоприм ва сульфаметоксазолнинг (ўртача давомийликда таъсир қилувчи сульфаниламид) аралашмасини мувофиқ пропорцияларда сақловчи мажмуавий антибактериал препаратдир.

Иккала компонент хам биокимёвий айланишларнинг айнан бир занжирига таъсир қилади, бу антибактериал таъсирни потенцияланишига ва бактериал резистентликни ривожланишини секинлашишига олиб келади.

Ко-тримоксазол Escherichia coli (шу жумладан энтеропатоген штаммлари), Proteus spp. нинг индолмусбат штаммларига (шу жумладан P. vulgaris), Morganella morganii, Klebsiella spp., Proteus mirabilis, Enterobacter spp., Haemophilus influenzae, Streptococcus pneumoniae, Shigella flexneri, S. Sonnei, Neisseria gonorrhoeae, шунингдек Pneumocystis carrinii га нисбатан фаол.

Дори препаратининг иккала компоненти меъда-ичак йўлларидан тез сўрилади; иккала компонентнинг қондаги максимал концентрациясига қабул қилинганидан сўнг 1-4 соат ўтгач эришилади. Иккала компонент ҳам организмнинг тўқима ва суюқликларида терапевтик концентрацияларда аниқланади.

Қўлланилиши

Препарат қуйидаги бактериал инфекцияларни даволашда қўлланади:

– E. coli, Klebsiella spp., Enterobacter spp., Morganella morganii, Proteus mirabilis ва Proteus vulgaris нинг сезгир штаммлари томонидан чақирилган сийдик чиқариш йўлларининг инфекцияларида;

– Streptococcus pneumoniae ёки H. influenzae нинг сезгир штаммлари томонидан чақирилган ўткир ўрта отитда;

– Streptococcus pneumoniae ёки H. Influenzae нинг сезгир штаммлари томонидан чақирилган сурункали бронхитни зўрайишида;

– Shigella таёқчалари томонидан чақирилган меъда-ичак йўлларининг инфекцияланишида;

– микробиологик текширишлар билан тасдиқланган Pneumocystis carinii томонидан чақирилган пневмония ва иммунитети пасайган беморларда бу микроорганизм билан инфекцияланишни олдини олиш (масалан, ОИТВ билан инфекцияланган пациентларда);

– E. coli нинг энтеропатоген штаммлари томонидан чақирилган саёхатчилар диареясида қўлланилади.

2. Бисептол дори препаратини қабул қилишдан аввал

Бисептол дори препаратини қачон қўллаш мумкин эмас:

• Ко-тримоксазолга (сульфаметоксазол триметопримом билан), бу препаратнинг ҳар қандай бошқа ингредиентларига (6. бўлимда келтирилган), сульфаниламидга ёки триметопримга юқори сезувчанлик;
• жигар паренхимасининг диагностика қилинган жароҳати;
• оғир буйрак етишмовчилиги, дори препаратининг қондаги концентрациясини аниқлашнинг иложи бўлмаганда;
• гематологик касалликларнинг оғир шакллари;
• фолат кислотаси танқислиги оқибатидаги мегалобласт анемия;
• глюкоза-6-фосфатдегидрогеназа танқислиги;
• 2 ойликдан кичик болаларда (ядроли сариқликни ривожланиш хавфи туфайли) қўллаш мумкин эмас.

Махсус кўрсатмалар ва эҳтиёткорлик чоралари

Қуйида Бисептол препарати қўлланган ҳолларда махсус эҳтиёткоорликка риоя қилиш лозим бўлган вазиятлар таърифланган.

Сульфаниламидларни қўллаш билан боғлиқ бўлган ҳаёт учун хавфли асоратлар, шу жумладан жигарнинг ўткир некрози, апластик анемия, агранулоцитоз, қон таркибининг бошқа бузилишлари ва нафас тизими томонидан юқори сезувчанлик реакцияларининг кам ҳоллари таърифланган.

Сульфаметоксазол билан даволаш натижасида Стивенс-Джонсон синдроми ва токсик эпидермал некролиз каби, бошида қизил доғлар ёки марказида пуфакчалари бўлган думалоқ бляшкалар кўринишида пайдо бўладиган ҳаёт учун потенциал хавфли тери тошмалари ҳоллари ҳақида хабар берилган.

Эътибор бериш лозим бўлган қўшимча симптомлар, бу оғиз бўшлиғи, томоқ, бурун, жинсий аъзоларнинг шиллиқ қаватини яраланиши ва конъюнктивит (кўзларни қизариши ва шишиши).

Ҳаётга потенциал хавф туғдирувчи тери тошмалари, кўпинча гриппга ўхшаш симптомлар билан бирга кечади. Тери тошмалари йирик пуфакларни ҳосил бўлишига ёки эпидермисни кўчишига олиб келиши мумкин.

Жиддий тери реакцияларини пайдо бўлишининг энг катта хавфи даволашнинг биринчи ҳафталарида аниқланади.

Агар Бисептол билан даволаниш вақтида пациентда Стивенс-Джонсон синдроми ёки токсик эпидермал некролиз юз берса, ушбу препарат бу пациентда қачонлардир кечажакда такроран қўлланмаслиги мумкин.

Агар тери тошмалари ёки юқорида кўрсатилган тери реакциялари пайдо бўлса, дарҳол шифокрга мурожаат қилиш ва қабул қилинаётган препарат тўғрисида хабар бериш лозим.

Ко-тримоксазол билан даволаш вақтида: тери тошмаси, томоқда оғриқ, юқори тана харорати, бўғимларда оғриқлар, йўтал, бўғилиш, сариқлик, сийишни бузилишлари, шишлар, белда ёки қоринни юқори қисмида оғриқ пайдо бўлиши мумкин; препаратни қабул қилишни дарҳол тўхтатиш ва шифокорга мурожаат қилиш керак.

Ко-тримоксазолни буйрак етишмовчилиги бўлган пациентларда, фолат кислотаси танқислигида (масалан, кексалар ёшида, тиришишга қарши дори препаратлари билан даволанган алкоголга қарамлиги бўлган шахсларда, кам сўрилиш синдроми бўлган ва овқатланиши пасайган шахсларда), оғир аллергик реакцияларининг белгилари бўлган ёки бронхиал астмаси бўлган шахсларда эҳтиёткорлик билан қўллаш керак.

Юқорида кўрсатилган ҳолатлар борлиги тўғрисида шифокорни хабардор қилиш керак. Ко-тримоксазол қўллаганидан кейин оғир нохуш самаралар (буйрак ёки жигарнинг шикастланиши, оғир тери реакциялари, кўмик фаолиятини сусайиши) кўпроқ кекса ёшдаги пациентларда намоён бўлади.

Ко-тримоксазол билан даволанган ОИТС ли беморларда кўпинча тери тошмалари, юқори тана харорати, лейкопения (қонда лейкоцитларнинг сонини камайиши), жигар ферментларининг (аминотрансферазалар) қон зардобидаги даражасини ошиши, гиперкалиемия, (калийнинг қондаги даражасини ошиши) ва гипонатриемия (натрийнинг қондаги паст даражаси) каби ножўя самаралари кузатилади.

Ко-тримоксазолни қабул қилиш вақтида (шунингдек бошқа антибактериал препаратларни қабул қилиш вақтидаги каби) сохтамемброноз энтероколит ривожланиши мумкин. Шунинг учун, агар препарат қабул қилинганидан кейин ич кетиши пайдо бўлса, дархол шифокорга мурожаат қилиш керак. Препаратни бекор қилиш ва мувофиқ даволашни буюриш (метронидазол ёки ванкомицинни ичга қабул қилиш) лозим бўлиши мумкин. Диареяга қарши воситаларини қўллаш мумкин эмас.

Агар, ҳатто кўрсатилган огоҳлантиришлар илгари бўлган ҳолатларга тааллуқли бўлса ҳам, шифокор билан маслаҳатлашиш керак.

Бисептол ва бошқа препаратларни қабул қилиш

Пациент қабул қилаётган ёки сўнгги пайтларда қабул қилган, шунингдек пациент қабул қилишни режалаштираётган барча дори воситалари тўғрисида шифокорга ёки фармацевтга хабар бериш керак.

Тиазид диуретиклари

Кекса ёшдаги пациентларда ко-тримоксазолни айрим диуретиклар, айниқса тиазидлар билан бирга қўлланганида, геморрагик диатез билан кечувчи тромбоцитопениянинг хавфи ошади.

Антикоагулянтлар

Ко-тримоксазол антикоагулянтларнинг таъсирини, дозалашни мувофиқлаштириш талаб этиладиган даражада потенциялаши мумкин.

Фенитоин

Ко-тримоксазол фенитоиннинг метаболизмини сусайтиради; иккала дори препаратини қабул қилаётган шахсларда фенитоиннинг ярим чиқарилиши даври ошади.

Метотрексат

Ко-тримоксазол метотрексатнинг таъсирини потенциялаши мумкин.

Сульфонилмочевина ҳосилалари

Ко-тримоксазол бир вақтда қабул қилинаётган гипогликемик дори препаратларининг, сульфонилмочевина ҳосилаларининг таъсирини потенциялаши мумкин ва шундай қилиб глюкозанинг қондаги даражасини камайиши хавфини ошириши мумкин.

Дигоксин

Ко-тримоксазол айрим кекса ёшдаги пациентларда плазмада дигоксин концентрациясини ошириши мумкин.

Трициклин антидепрессантлар

Ко-тримоксазол трициклик антидепрессантларнинг самарадорлигини пасайтириши мумкин.

Пириметамин

Ко-тримоксазол пириметамин билан мегалобласт анемияни чақириши мумкин.

Циклоспорин

Буйрак кўчириб ўтказилганидан кейин, ко-тримоксазол ва циклоспорин билан даволанган пациентларда креатининнинг зардобдаги даражасининг ошишини билдирувчи кўчириб ўтказилган буйрак фаолиятини транзитор бузилиши кузатилади, бу эҳтимол триметопримнинг таъсири билан боғлиқ.

Сульфаниламидлар антитиреоид препаратларга, диуретикларга (ацетазоламид ва тиазид) ва перорал гипогликемик препаратларга юқори реакцияли шахсларда ўхшаш кимёвий тузилиши туфайли аллергия чиқариши мумкин.

Лаборатория текширишларининг натижаларига таъсири

– Триметоприм зардобдаги метотрексатнинг концентрациясини энзиматик усулда аниқлаш натижаларини ўзгартириш мумкин.

– Ко-тримоксазол креатининни ишқорий Яффе пикринатини ишлатиш билан аниқлаш натижаларини ошириши мумкин (тахминан 10% га).

Бисептол дори препаратини овқат ва ичимликлар билан қўлланиши

Дори препарати ичга овқатланиш вақтида ёки овқат қабул қилинганидан кейин қабул қилинади. Дори препаратини қўллаш вақтида кўп миқдорида суюқлик истеъмол қилиш керак.

Бисептол дори препаратини буйрак фаолиятини бузилиши бўлган пациентларда қўлланиши

Препаратни буйрак фаолиятини бузилиши бўлган пациентларда эҳтиёткорлик билан қўллаш лозим. (3 бўлимга қаранг).

Бисептол дори препаратини болаларда қўлланиши

6 ёшдан кичик болаларда: таблеткани нафас йўлларига тушиб қолиши мумкинлиги туфайли препарат тавсия қилинмайди; 6 ёшдан кичик болалар учун суспензия кўринишидаги препаратлар мавжуд.

2 ойликкача бўлган эмизикли болаларда Бисептолни қўллаш мумкин эмас.

Бисептол дори препаратини кекса ёшдаги пациентларда қўлланиши

Жиддий ножўя таъсирларини пайдо бўлишининг юқори хавфи туфайли, препаратни эҳтиёткорлик билан қўллаш керак.

Ҳомиладорлик ва эмизиш

Ҳомиладорлик:

Дори препаратини қўллашдан олдин шифокорга мурожаат қилиш керак.

Дори маҳсулотини, шифокорнинг фикрига кўра, она учун бўлган фойда, ҳомила учун бўлган потенциал хавфдан устун бўлган ҳоллардагина қўллаш мумкин.

Эмизиш:

Дори препаратини қўллашдан олдин шифокорга мурожаат қилиш керак.

Триметоприм ҳам, сульфаметоксазол ҳам кўкрак билан чиқарилади. Ко-тримоксазолни лактация даврида қўллаш тавсия қилинмайди.

Автотранспортни бошқариш ва механизмларга хизмат кўрсатиш

Препарат одатда психофизик фаолликнинг бузилишларини чиқармайди ва транспорт воситаларини бошқариш ва ҳаракатланувчи механизмларга хизмат кўрсатиш қобилиятига

таъсир қилмайди.

Бироқ транспорт воситаларини бошқаришда ва ҳаракатланувчи механизмларга хизмат кўрсатишда, бош оғриғи, тиришишлар, асабийлик, чарчоқлик ҳисси каби ноҳуш симптомлар пайдо бўлган ҳолларда эҳтиёткорликка риоя қилиш керак.

Бисептол дори препарати парагидроксибензоатларни сақлайди

Дори препарати парагидроксибензоатларни сақлайди, улар аллергик реакцияларини чиқариши мумкин (кечки турдаги реакциялар бўлиши мумкин).

3. Бисептол дори препаратини қандай қабул қилиш керак?

Дори препаратини ҳар доим шифокорнинг тавсияларига мувофиқ қўллаш керак.

Шубҳа бўлган ҳолларда яна шифокорга мурожаат қилиш керак.

Таблеткаларни иккига бўлиш мумкин эмас.

Сийдик-чиқариш йўлларининг инфекциялари, меъда-ичак йўлларининг Shigella таёқчаси билан инфекцияланиши ва катталарда сурункали бронхитнинг зўрайиши:

Одатда ичга 960 мг ко-тримоксазол (8 таблетка Бисептол 120 ёки 2 таблетка Бисептол 480 ёки 1 таблетка Бисептол 960) суткада 2 марта қабул қилинади.

Сийдик чиқариш йўлларининг инфекцияланишида дори препарати одатда 10-14 кун давомида, сурункали бронхитда-14 кун давомида, меъда-ичак йўлларининг Shigella таёқчаси билан инфекцияланганида-5 кун давомида қўлланади.

Сийдик чиқариш йўлларининг инфекциялари, меъда-ичак йўлларининг Shigella таёқчаси билан инфекцияланиши ва болалардаги ўткир ўрта отит:

Одатда доза суткада 48 мг/кг тана вазнига ҳисобидан, иккита қабулга ҳар 12 соатда буюрилади. Катталарда қўлланадигандан катта дозани қўллаш мумкин эмас.

Сийдик чиқариш йўлларининг инфекцияларида ва ўткир ўрта отитда препарат, одатда 10 кун давомида, меъда-ичак йўлларининг Shigella таёқчаси билан инфекцияланиши-5 кун давомида қўлланади.

Катталарда ва болаларда Pneumocystis carinii чақирган пневмония:

Ташхисланган инфекцияли пациентлар учун тавсия қилинадиган доза суткада 90-120 мг тана вазнига, ко-тримоксазол тенг қабулларда, ҳар 6 соатда 14-21 кун давомида ташкил қилади.

Pneumocystis carinii билан инфекцияланишни олдини олиш

Катталар: 960 мг ко-тримоксазол (8 таблетка Бисептол 120 ёки 2 таблетка Бисептол 480 мг ни ёки 1 таблетка Бисептол 960) суткада 1 марта, 7 кун давомида.

Болаларга: суткада 900 мг ко-тримоксазол/м² тана юзасига, 2 тенг қабулда, ҳар 12 соатда кетма-кет ҳафтанинг 3 куни давомида.

Максимал суткалик доза 1920 мг ни (Бисептол 480 4 таблеткаси ёки Бисептол 9602 таблеткаси) ташкил қилади.

1. coli нинг энтеропатоген штаммлари томонидан чақирилган катталардаги саёхатчилар диареяси

Тавсия этиладиган доза 960 мг (8 таблетка Бисептол 120 ёки 2 таблетка Бисептол 480 ёки 1 таблетка Бисептол 960 мг) ташкил қилади ҳар 12 соатда.

Буйрак етишмовчилиги бўлган пациентларда дозалаш

Креатинин клиренси минутига 15-30 мл бўлган беморларда дозани икки марта камайтириш керак, креатинин клиренси минутига 15 мл дан кам бўлганида ко-тримоксазолни қўллаш тавсия қилинмайди.

Бисептол дори препаратини тавсия қилингандан катта дозасини қўлланганда:

Бисептол дори препаратини тавсия қилингандан катта дозасини қабул қилган ҳолларда, зудлик билан шифокорга ёки фармацевтга мурожаат қилиш керак.  

Ко-тримоксазолнинг қандай дозаси ҳаёт учун хавф туғдириши мумкинлиги номаълум.

Дозани ошириб юборилишининг эҳтимол бўлиши мумикн бўлган симптомлари иштаҳани йўқотиш, ичак санчиғи, кўнгил айниши, қусиш, бош айланиши ва бош оғриғи, тана хароратини ошиши, уйқучанлик, хушни йўқотиш, онгни чалкашиши, сийдикда қон ёки кристалларни бўлиши ҳисобланади. Кейинчалик суяк  кўмики фаолиятини сусайиши ва сариқлик аниқланиши мумкин.

Дозани ошириб юборилганидан кейин меъдани ювиш, қусишни чиқариш, агарда сийдикни чиқариш етарли даражада бўлмаса, бироқ буйраклар фаолияти меъёрда бўлса кўп миқдорда суюқлик буюриш кўрсатилган.

Триметопримни чиқарилишини пациентга сийдикнинг кислотали муҳитини оширувчи воситаларни буюриб ошириш мумкин. Сийдикнинг ишқорийлаштирувчи ва унинг чиқарилишини оширувчи воситаларни юбориш сульфаметоксазолнинг элиминациясига ёрдам беради.

Организмнинг ҳаётий муҳим фаолиятларини тутиб туриш юзасидан чора-тадбирларни ўтказиш, кўп миқдорда суюқликни юбориш ва қон морфологиясини ва электролитларнинг назоратини ўтказиш тавсия қилинади.

Бисептол дори препаратини қабул қилишни ўтказиб юбориш

Препаратнинг ўтказиб юборилган дозасини дархол қабул қилиш керак.

Ўтказиб юборилган дозани тўлдириш мақсадида икки баробар дозани қабул қилиш мумкин эмас.

Кейинчалик дори препаратини қўлланиши билан боғлиқ яна қандайдир шубҳалар туғилганда, шифокорга мурожаат қилиш керак.

4. Бўлиши мумкин бўлган ножўя таъсирлари

Ҳар қандай дори препарати каби Бисептол ҳам, гарчи улар ҳаммада кузатилмаса ҳам, ножўя самараларни чақириши мумкин.

Тавсия этилган дозаларда Бисептол одатда яхши ўзлаштирилади.

Энг кўп пайдо бўладиган ноҳуш самаралар бўлиб (10 нафар пациентдан 1 тасидан камида, лекин 100 нафар пациентдан 1 тасидан кўпида) теридаги ўзгаришлар (тошмалар, эшакеми) ва меъда-ичак йўллари томонидан симптомлар (кўнгил айниши, диарея, қусиш) ва пайдо ҳисобланади.

Кам кузатиладиган ноҳуш самаралар бўлиб (10 нафар пациентдан 1 тасидан камида, лекин 1000 нафар пациентдан 1 тасидан кўпида) қуйидагилар ҳисобланади:

– қон ва лимфатик тизим томонидан бузилишлар: лейкоцитлар сонини камайиши (лейкопения), тромбоцитлар сонини камайиши (тромбоцитопения);

– иммун тизими томонидан бузилишлар: тугунли периартериит;

– меъда-ичак йўллари томонидан бузилишлар: қоринда оғриқ, глоссит, стоматит, диарея;

– буйрак ва сийдик чиқариш йўллари томонидан бузилишлар: сийдик миқдорини ошиши;

– модда алмашинуви ва энергия бузилишлари: қон зардобида глюкоза даражасини пасайиши (гипогликемия).

Жуда кам учрайдиган ноҳуш самаралар (лекин 10000 нафар пациентдан 1 тасидан камида):

– қон ва лимфатик тизим томонидан бузилишлар: лейкоцитлар сонини анча камайиши ёки йўқлиги (агранулоцитоз), апластик, гемолитик ёки мегалобласт анемия, гипопротромбинемия, қонда метгемоглобинни бўлиши (метгемоглобинемия), эозинофилия, нейтропения.

– иммун тизими томонидан бузилишлар: зардоб касаллиги синдроми (терида реакциялар, бўғимлар ва суякларда оғриқлар, иситма), анафилактик реакциялар (шу жумладан оғир, ҳаёт учун хавф туғдирувчи реакциялар), аллергик миокардит, ангионевротик шиш (юз ва томоқни қамраб олувчи шиш, баъзан ҳаёт учун хавф туғдирувчи бўғилишни чақиради), дори иситмаси, Генох-Шенлейн пурпураси, югурик синдроми, эт увишиши, нафас тизими томонидан юқори сезувчанлик реакциялари, конъюнктива ва кўз склерасининг гиперемияси.

– модда алмашинуви ва энергия бузилишлари: зардобда калийнинг концентрациясини ошиши (гиперкалиемия), гипонатриемия, иштаҳани йўқолиши;

– руҳий бузилишлар: депрессия, галлюцинациялар;

– нерв тизими томонидан бузилишлар: бош оғриғи, бош айланиши, асептик менингит, тиришишлар, периферик неврит, атаксия (ҳаракат координациясини бузилиши), қулоқларда шовқин, апатия, асабийлик.

– нафас тизими, кўкрак қафаси ва кўкс оралиғи томонидан бузилишлар: бўғилиш ҳисси, йўтал, ўпкада инфильтрат;

– меъда-ичак йўллари томонидан бузилишлар: сохтамембраноз энтероколит, панкреатит;

– жигар ва ўт-сафро йўллари томонидан бузилишлар: аминотрансферазлар даражасини ошиши, баъзида холестатик сариқлик ёки жигар некрози билан кечувчи гепатит;

– тери ва тери ости клетчаткаси томонидан бузилишлар: Стивенс-Джонсон синдроми (инглизча SJS) ва токсик эпидермал некролиз (инглизча TEN) ҳолатлари тўғрисида хабар берилган (4.4. бўлимга қаранг).

– таянч-ҳаракат аппарати ва бириктирувчи тўқима томонидан бузилишлар: бўғимларда оғриқ, мушак оғриқлари;

– буйрак ва сийдик чиқариш йўллари томонидан бузилишлар: кристаллурия, буйрак етишмовчилиги, интерстициал нефрит, олигурия ёки анурия билан кечувчи нефротик синдром, зардобда нооқсил азот ва креатинин даражасини ошиши.

Бошқалар

Ҳолсизлик, чарчоқлик ҳисси, уйқусизлик.

Бисептол дори маҳсулотини қўллаш даврида айрим пациентларда бошқа ножўя таъсирлари кузатилиши мумкин.

5. Бисептол препаратини сақлаш шароитлари

Дори препаратини болалар олаолмайдиган ва кўраолмайдиган жойда сақлаш керак.

25°С дан паст ҳароратда сақлансин.

Бисептол дори препаратини ўрамида кўрсатилган яроқлилик муддати ўтгач қабул қилиш мумкин эмас.

Дори препаратларини канализацияга ёки чиқиндилар учун уйдаги еонтейнерларга ташлаб юбориш мумкин эмас. Ишлатилмаган препаратни қандай утилизация қилиш тўғрисида фармацевтдан билиб олиш керак. Бу чора-тадбирлар атроф-муҳитни ҳимоя қилишга ёрдам беради.

6. Ўрамнинг ичидагиси ва бошқа маълумот

Бисептол дори препаратининг таркиби

Дори препаратининг таъсир этувчи моддалари сульфаметоксазол ва триметопримдир.

Бисептол 120 1 таблеткаси 100 мг сульфаметоксазол ва 20 мг триметоприм сақлайди.

Қолган ингредиентлар: картошка крахмали, тальк, магний стеарати, поливинил спирти, метилпарагидроксибензоат, пропилпарагидроксибензоат, пропиленгликоль.

Бисептол 480 1 таблеткаси 400 мг сульфаметоксазол ва 80 мг триметоприм сақлайди.

Қолган ингредиентлар: картошка крахмали, тальк, магний стеарати, поливинил спирти, метилпарагидроксибензоат, пропилпарагидроксибензоат, пропиленгликоль.

Бисептол 960 1 таблеткаси 800 мг сульфаметоксазол ва 160 мг триметоприм сақлайди.

Қолган ингредиентлар: картошка крахмали, тальк, магний стеарати, натрий карбоксиметилцеллюлоза, поливинил спирти, метилпарагидроксибензоат, пропилпарагидроксибензоат, пропиленгликоль.

Бисептол препаратининг ташқи кўриниши ва ўрамнинг ичидагиси

Бисептол 120 – сарғиш тусли оқ рангли, думалоқ, икки томонлама ясси, фасакали, силлиқ юзали, четлари кесилмаган, бир томонида “Bs” бўртиб ёзуви бўлган таблеткалар.

Таблеткаларни 20 донадан ПВХ/Ал плёнка блистерларга ёки қопқоқ билан беркитилган шиша флаконларга жойланган. Блистер ёки флакон картон қутига жойланади.

Бисептол 480 – сарғиш тусли оқ рангли, думалоқ, икки томонлама ясси, фасакали, силлиқ юзали, четлари кесилмаган, бир томонида бўртиқ бўлиб, унинг устида “Bs” бўртиб ёзуви бўлган таблеткалар.

Таблеткаларни 20 донадан ПВХ/Ал плёнка блистерларга жойланган. Блистер картон қутига жойланади.

Бисептол 960 – сарғиш тусли оқ рангли, думалоқ, икки томонлама ясси, фасакали, силлиқ юзали, четлари кесилмаган, бир томонида “-” бўртиғи бўлган таблеткалар.

Таблеткаларни 20 донадан ПВХ/Ал плёнка блистерларга ёки қопқоқ билан беркитилган полиэтилен флаконларга жойланган. Блистер ёки полиэтилен флакон картон қутига жойланади.