📜 Инструкция по применению Бактокс
💊 Состав препарата Бактокс
✅ Применение препарата Бактокс
📅 Условия хранения Бактокс
⏳ Срок годности Бактокс

БАКТОКС 125 мг/5 мл, 250 мг/5 мл, 500 мг/5 мл

ПРЕПАРАТИНИ ТИББИЁТДА ҚЎЛЛАШ БЎЙИЧА ЙЎРИҚНОМА

Ичга қабул қилиш учун суспензия тайёрлаш учун кукун

 

·      Бу препаратни ишлатиш/қабул қилишни бошлашдан олдин йўриқномани диққат билан ўқиб чиқинг.

·      Йўриқномани сақланг, у яна керак бўлиши мумкин.

·      Агар Сизда саволлар пайдо бўлса, шифокорга мурожат қилинг.

·      Бу дори шахсан Сизга буюрилган ва уни бошқа шахсларга бериш мумкин эмас, чунки уларга хатто касалликнинг белгилар Сизники билан бир хил бўлса ҳам зарар етказиши мумкин.

·      Агар даволаш даврида касалликнинг симптомлари кучайса ва аҳволингиз ёмонлашса ёки бошқа симптомлар пайдо бўлса, дарҳол шифокорга ёки фармацевтга мурожаат қилинг.

·      Агар йўриқномада кўрсатилган ҳар қандай ножўя самаралари оғирлашса ёки йўриқномада кўрсатилмаган ҳар қандай бошқа ножўя самараларни сезсангиз, бу ҳақида шифокорга хабар беринг.

 

Таркиби

Бактокс 125 мг/5 мл:

5 мл тайёрлаган суспензия (1 ўлчов қошиғи) қуйидагиларни сақлайди:

125 мг амоксициллин (тригидрат шаклида).

Бактокс 250 мг/5 мл:

5 мл тайёрлаган суспензия (1 ўлчов қошиғи) қуйидагиларни сақлайди:

250 мг амоксициллин (тригидрат шаклида).

Бактокс 500 мг/5 мл:

5 мл тайёрлаган суспензия (1 ўлчов қошиғи) қуйидагиларни сақлайди:

500 мг амоксициллин (тригидрат шаклида).

Ёрдамчи моддалар:

сувсиз лимон кислотаси, сувсиз тринатрий цитрати, натрий* бензоати, тальк, гуар камеди, лимонли, апельсинли ва шафтоли-ўрикли ароматизаторлар, аспартам*, кремний диоксиди.

* Ушбу препарат аспартам ва натрий (бир ўлчов қошиғида 6,26 мг) сақлайди.

Фармакотерапевтик гуруҳи

Аминопенициллин гуруҳи бета-лактамлар оиласига мансуб антибиотик.

АТХ коди: J01CA04

 

Қўлланилиши

Препаратга сезгир қўзғатувчилар чақирган қуйидаги инфекцион-яллиғланиш касалликларда қўлланади;

  • нафас аъзоларининг инфекциялари;
  • сийдик жинсий тизими аъзоларининг инфекциялари;
  • меъда-ичак йўллари аъзоларининг инфекциялари;
  • тери ва юмшоқ тўқималарнинг инфекциялари;
  • Лайма касаллиги (боррелиоз);
  • бошқа антимикроб препаратлари билан мажмуада Helicobacter pylori эрадикацияси;
  • эндокардит (олдини олиш).

Қўллаш мумкин бўлмаган ҳолатлар

  • Юқори сезувчанлик (шу жумладан, бошқа пенициллинлар, цефалоспоринларга).
  • Инфекцион мононуклеозда қўллаш мумкин эмас (тери характерига эга ножўя кўринишларнинг ривожланишини хавфи).

Эҳтиёткорлик билан: Аллергик реакциялар (шу жумладан анамнездаги), инфекцион мононуклеоз, анамнездаги меъда-ичак йўлларининг касалликлари (айниқса антибиотикларни қўллаш билан боғлиқ колит), буйрак етишмовчилиги, ҳомиладорлик, лактация даври, фенилкетонурия (туғилганда аниқланган наслий касаллик) аспартам борлиги сабабли.

Ҳомиладорлик ва лактация даври

Зарурати бўлганида ҳомиладорликда қўллаш мумкин.

Лактация (эмизиш) даврида эҳтиёткорлик билан қўлланади. Янги туғилган чақалоқларда даволаш вақтида диарея, тери тошмаси, кандидоз ёки бошқа симптомлар ривожланганида эмизишни тўхтатиш лозим.

 

Қўллаш усули ва дозалари

Ичга қабул қилиш учун буюрилади.

Ушбу препаратни оч қоринга, овқатдан олдин, овқатланиш вақтида ва овқатдан кейин қабул қилиш мумкин.

Дозалаш тартиби касалликнинг оғирлиги, пациентнинг ёшини ҳисобга олиб шахсий равишда белгиланади.

Катталар ва 10 ёшдан ошган (тана вазни 40 кг дан ортиқ) болаларга 500 мг дан суткада 3 марта буюрилади. Инфекция оғир кечганида – 750 мг-1 г дан суткада 3 марта.

Болаларга:

  • 5 ёшдан 10 ёшгача 250 мг дан (5 мл суспензия) суткада 3 марта;
  • 2 ёшдан 5 ёшгача – 125 мг дан (2,5 мл суспензия) суткада 3 марта;
  • 2 ёшгача – 1 кг тана вазнига 20 мг хисобида, хисобланган суткалик доза 3 қабулга бўлинади.

Чала туғилган ва янги туғилган чақалоқларда доза камайтирилади ва/ёки қабул қилиш орасида интервал оширилади.

Даволаш курси 5-12 кун.

Суспензияни тайёрлаш:

Флакон белгигача сув билан тўлдирилади ва бир хил суюқлик ҳосил бўлгунича чайқатилади. Ҳар қабул қилишдан олдин суспензияни чайқатиш керак.

Флакондаги кукуннинг миқдори 60 мл суспензия тайёрлаш учун етарли (12 доза).

Меъда-ичак йўлларининг ўткир инфекцияларида (паратиф, қорин тифи) ва ўт чиқариш йўлларининг инфекцияларида, гинекологик инфекцияларда катталарга – 1,5-2,0 г суткада 3 марта ёки 1,0-1,5 г суткада 4 марта.

Катталарда Helicobacter pylori чақирган меъда ва ўн икки бармоқ ичакнинг яра касаллигини даволашда буюрилади:

  • 1 г амоксициллин бошқа антимикроб препаратлар билан мажмуада эрталаб ва кечқурун.

Аёлларда сийдик йўлларининг асоратланмаган ўткир инфекцияларида 3 г препарат катта миқдордаги сув билан, дозани 12 соатдан кейин такрорлаш билан буюрилади.

Ўткир асоратланмаган гонореяни даволаш учун 3,0 г препарат 1,0 г пробенецид билан мажмуада бир марта буюрилади.

Оғир инфекцияларда (менингит, септицемия) суткада 6,0 г гача 3-4 қабулда буюрилади.

Кичик жарроҳлик муолажаларида, эндокардитни олдини олиш учун муолажа ўтказилишидан 1 соат олдин 3-4 г. Зарурати бўлганида 8-9 соатдан кейин такрорий доза буюрилади. Болаларга доза икки марта камайтирилади.

Буйрак функцияси бузилиши бўлган пациентларга (креатинин клиренси минутига 10 мг дан кам) препаратнинг дозаси 15-50% ги камайтирилади ёки қабуллар орасидаги интервал 24 соатгача оширилади.

Ножўя таъсири

Аллергик реакциялар: эшакеми, терини қизариши, эритематоз тошмалар, ангионевротик шиш, ринит, конъюнктивит бўлиши мумкин; кам ҳолларда – иситма, артралгия, эозинофилия, эксфолиатив дерматит, кўп шаклли экссудатив эритема (шу жумладан Стивенс-Джонсон синдроми); зардоб касаллиги билан ўхшаш реакциялар; якка ҳолларда – анафилактик шок.

Овқат ҳазм қилиш тизими томонидан: дисбактериоз, таъмнинг ўзгариши, қусиш, кўнгил айниши, диарея, стоматит, глоссит, «жигар» трансаминазалари фаоллигини ўртача ошиши, кам ҳолларда – сохтамемброноз колит.

Нерв тизими томонидан: қўзғалиш, хавотирлик, уйқусизлик, атаксия, онгни чалкашиши, хулқни ўзгариши, депрессия, периферик невропатия, бош оғриғи, бош айланиши, эпилептик тиришишлар.

Лаборатория кўрсаткичлари: лейкопения, нейропения, тромбоцитопеник пурпура, анемия.

Бошқалар: нафасни қийинлашиш, тахикардия, интерстицеал нефрит, қин кандидози, суперинфекция (айниқса сурункали касалликлари бўлган ёки организмнинг чидамлилиги пасайган беморларда).

Бошқа дори воситалари билан ўзаро таъсири

Аминогликозитлар билан фармацевтик жиҳатдан номутаносиб (ўзаро фаолсизлантиришдан сақланиш учун аралаштириш мумкин эмас).

Антацидлар, глюкозамин, сурги дори воситалари, овқат, аминогликозидлар сўрилишни пасайтиради ва секинлаштиради; аскорбин кислотаси  сўрилишни оширади.

Бактерицид антибиотиклар (шу жумладан аминогликозидлар, цефалоспоринлар, ванкомицин, рифампицин) синергик таъсир кўрсатади; бактериостатик дори воситалари (макролидлар, хлорамфеникол, линкозамидлар, терациклинлар, сульфаниламидлар) – антогонистик таъсир кўрсатади.

Бевосита антикоагулянтларнинг самарадорлигини оширади (ичак микрофлорасини бостириб, К витаминининг синтезини ва протромбин индексини пасайтиради); эстроген сақловчи перорал контрацептивларнинг самарадорлигини камайтиради; метаболизми жараёнида парааминобензой кислотаси, ҳосил қилувчи дори воситалари, этинилэтрадиол – «шиддатли» қон кетишининг ривожланишини хавфи.

Амоксициллин клиренсини пасайтиради ва мететрексатнинг токсиклигини оширади; дигоксиннинг сўрилишини кучайтиради.

Диуретиклар, аллопуринол, оксифенбутазон, фенилбутазон, ностероид яллиғланишга қарши препаратлар ва найчалар секрециясини блокловчи бошқа дори воситалари, қонда амоксициллиннинг концентрациясини оширади.

Аллопуринол тери тошмаларини ривожланиш хавфини оширади.

Дозани ошириб юборилиши

Симптомлари: кўнгил айниши, қусиш, диарея, сув-электролит мувозанатини бузилиши (қусиш ва диарея оқибати).

Даволаш: меъдани ювиш, фаоллаштирилган кўмир, тузли сурги воситалари, сув-электролит мувозанатини тутиб туриш учун дори воситалари; гемодиализ.

 

Махсус кўрсатмалар

Курсли даволашда қон яратиш аъзолари, жигар ва буйрак функциясининг ҳолатини назорат қилиш керак.

Унга сезгир бўлмаган микрофлоранинг ўсиши ҳисобига суперинфекция ривожланиши мумкин, бу антибактериал даволашни тегишли равишда ўзгатиришни талаб қилади.

Сепсиси бўлган беморларга буюрилганида бактериолиз реакцияси (Яриш–Герксгеймер реакцияси) ривожланиши мумкин (кам) ҳолларда.

Пенициллинларга юқори сезгир пациентларда бошқа бета-лактам антибиотиклар билан кесишган аллергик реациялар бўлиши мумкин.

Енгил диареяни даволашда, даволаш курси фонида ичаклар перистальтикасини пасайтирувчи диареяга қарши дори воситаларидан сақланиш керак; коалин ёки аттапульгит сақловчи диареяга қарши дори воситаларини ишлатиш мумкин. Оғир диареяда шифокорга мурожаат қилиш керак.

Касалликнинг клиник белгилари йўқолганидан сўнг даволашни яна 48-72 соат давом эттириш шарт.

Эстроген сақловчи перорал контрацептивлар ва амоксициллин бир вақтда қўлланганида имкон борича контрацепциянинг бошқа ёки қўшимча усулларини ишлатиш керак.

Чиқарилиш шакли

5,1 г (125 мг/5мл), 6,6 г (250 мг/5 мл), 12 г (500 мг/5 мл) кукун жигарранг рангли шиша флаконда. Бир флакон қўллаш бўйича йўриқномаси ва ўлчов қошиғи билан бирга картон қутида.

Сақлаш шароити

25оС дан юқори бўлмаган ҳароратда сақлансин.

Суспензия тайёрлангандан сўнг музлатгичда +2°С дан +8°С гача ҳароратда 14 кундан ортиқ сақланмасин.

Болалар ололмайдиган жойда сақлансин.

Яроқлилик муддати

3 йил.

Ўрамида кўрсатилган яроқлилик муддати ўтганидан сўнг ишлатилмасин.

Дорихоналардан бериш тартиби

Рецепт бўйича.

АНТИБИОТИКЛАР ҲАҚИДА НИМАНИ БИЛИШ КЕРАК.

Антибиотиклар бактериялар чақирган инфекциялар билан курашда самарали. Антибиотиклар вируслар чақириган инфекцияларда ёрдам бермайди.

Фақат шифокор аниқ касалликда қандай антибиотик кераклигини аниқлаши мумкин.

Антибиотикнинг дозаси ёки даволаш курсининг давомийлигини нотўғри танлаш, касалликни сурункали кечишига, бактерияларни аниқ антибиотикка чидамлилигини (сезгир эмаслиги, чидамлилиги) шаклланишига олиб келиши мумкин.

Агар Сиз:

  • дозасига
  • қабул қилиш тартибига
  • даволаш курсининг давомийлигига

риоя қилмасангиз, чидамли бактериялар пайдо бўлишига, соғайишни кечикишига ёки хатто бу препаратнинг самарадорлигини пасайишига олиб келган бўласиз.

Демак, препаратнинг самарадорлигини таъминлаш учун:

  • антибиотикларни фақат шифокорнинг кўрсатмаси бўйича қабул қилиш,
  • шифокорнинг кўрсатмасига қатъий риоя қилиш,
  • шифокорнинг кўрсатмасисиз антибиотикни такроран ишлатиш мумкин эмас, хатто белгилар сизга таниш бўлса хам.
  • антибиотикнинг бошқа шахсларга бериш қатъиян тақиқланади: уларнинг касалликларига тўғри келмаслиги мумкин.

Даволаш курсини тамомлаб, қолган препаратни тўғри ва мувофиқ йўқотиш учун барча бошланган қутиларни фармацевтга олиб келинг.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.