ҚЎЛЛАШ БЎЙИЧА ЙЎРИҚНОМА

ЛАЦИДОФИЛ^®–WM

LACIDOFIL^®–WM

Препаратнинг савдо номи: Лацидофил^®-WM

Дори шакли: капсулалар

Таркиби:

1 капсула қуйидагиларни сақлайди:

фаол моддалар: 2 млрд тирик лиофилизатланган бактериялар:

Lactobacillus rhamnosus Rosell-11 – 1,9 млрд.;

Lactobacillus acidophilus Rosell-52 – 0,1 млрд.;

ёрдамчи моддалар: мальтодекстрин, магний стеарати, аскорбин кислотаси;

капсула қобиғининг таркиби: желатин.

Таърифи: майда оч-жигарранг доғлари бўлган, майда дисперсли оқ кукундан таркиб топган, №2 ўлчамли, тиниқ, қаттиқ желатин капсула.

Фармакотерапевтик гуруҳи: пробиотик

АТХ коди: A07FA01

Фармакологик хусусиятлари

Лактобактериялар – граммусбат ҳаракатсиз спора ҳосил қилмайдиган анаэроб лактобациллаларни бирлаштирувчи, углеводларни сут кислотасигача парчалайдиган Lactobacillaceae оиласи бактериялар туридир. Улар томонидан яратилувчи кислотали муҳит ичак биоценози ва одам организмининг бошқа нормал микрофлорасининг 85-95% ни ташкил этувчи бифидобактерияларни ривожланишига ёрдам беради.

Нормал метаболизм жараёнида лактобактериялар сут кислотасини ҳосил қилиши, лизоцим ва антибиотик фаолликка эга бўлган бошқа моддалар: реутерин, плантарицин, лактоцидин, лактолин ишлаб чиқариш хусусиятига эга. Органик кислоталар, бактериоцинларни ишлаб чиқарилиши туфайли, лактобактерияларнинг кўпчилик штаммлари патоген ва шартли-патоген микроорганизмларга нисбатан яққол антагонистик фаолликни кўрсатиб, МИЙ нинг резистентлигини таъминлайди. Улар E. coli, H. influenzae, Campilobacter jejuni, Salmonella, Shigella, Streptococcus, Stapylococcus aureus, Helicobacter pylori каби патоген микроорганизмларга нисбатан, уларни ўсишини ва энтероцитларга адгезиясини бостириши ҳисобига антимикроб таъсир кўрсатади.

Лактобактериялар оқсиллар, ёғлар ва мураккаб углеводларни парчаланиш жараёнида, ўт кислоталарини метаболизмида, шунингдек К ва В гуруҳи витаминларининг синтезида иштирок этиши мумкин.

Лактобактериялар хужайра иммунитетини ва иммуноглобулинларни ишлаб чиқарилишини фаоллаштириш хусусиятига эга. Лактобактерияларнинг иммуностимулятор хусусиятини, уларнинг хужайра деворида, иммуномодулятор таъсирга эга бўлган пептидогликанлар ва тейхой кислоталарини мавжудлиги билан боғлайдилар.

Лактобактерияларнинг ушбу штаммларини афзаллиги бўлиб, меъда шираси ва ўт кислоталарининг таъсирига юқори резистентлиги хизмат қилади, хусусан, меъданинг кислотали муҳитида 30 минут давомида бўлганидан кейин иккала микроорганизмнинг тахминан 80% тирик қолган. Лацидофил^®-WM да сақланадиган бактериялар ичак деворининг рецепторларига бирикиш ва 7-15 кунгача тирик ҳолда сақланиб қолиш хусусиятига эга.

Қўлланилиши

• ичак микрофлорасини тиклаш ва нормаллаштириш, овқатни ҳазм бўлишини яхшилаш;
• гастроэнтеритни, диспепсияни даволаш;
• кўпчилик антибиотиклар, айниқса линкомицин, клиндамицин, ампициллин, амоксициклин ва цефалоспоринларни қўллаш билан боғлиқ бўлган диареяни олдини олиш ва даволаш. Препарат Clostridium difficile – инфекциясини олдини олиш учун специфик ҳисобланади.
• овқат рационини ўзгариши, сафарлар ва бошқа сабаблар билан боғлиқ бўлган ичакнинг транзитор дисфункцияларини (ҳам диарея, ҳам қабзият) даволаш;
• сутдаги лактозага толерантликни ошириш;
• сурункали толиқиш синдромида ҳолатни яхшилаш. Иммунитетни ва организмнинг касалликларга нисбатан қаршилигини ошириш учун қўлланади.

Қўллаш усули ва дозалари

Лацидофил^®-WM овқат вақтида, оз миқдордаги сув билан қабул қилинади.

3 ёшгача бўлган болалар учун капсулани очиш ва унинг ичидагисини сув билан ёки олдиндан совутилган овқат билан аралаштириш мумкин.

Олдини олиш мақсадида ичакнинг нормал микрофлорасини бир маромда сақлаб туриш учун: болаларга 6 ойликдан бошлаб 1 капсуладан кунора, 3 ёш ва ундан ошган болаларга 1 капсуладан кунига 1 марта, катталарга кунига 1-2 капсуладан буюрилади. Қабул қилишнинг давомийлиги 20 кунни ташкил этади.

Антибиотикларни қўллаш билан боғлиқ бўлган (шу жумладан Clostridium difficile таёқчаси чақирган) диареяни олдини олиш ва даволаш мақсадида: Лацидофил^®-WM ни антибиотикларни қабул қилишдан алоҳида, антибиотикни қабул қилишдан 2 соат олдин ёки кейин қабул қилиш керак. 6-12 ойлик болаларга кунига 1 капсуладан, 1 ёшдан 3 ёшгача бўлган болаларга 1 капсуладан кунига 2 марта, 3 ёшдан 12 ёшгача бўлган болаларга 1 капсуладан кунига 2-3 марта, 12 ёшдан ошган болалар ва катталарга 1-2 капсуладан кунига 3 марта қабул қилиш тавсия этилади. Қабул қилиш давомийлиги антибиотикларни буюриш муддатига қараб белгиланади. Антибиотикларни қабул қилиш билан боғлиқ бўлган диареяни даволашда – касалликнинг симптомлари йўқолгунича давом эттирилади. Кейинчалик профилактик қўллашга ўтиш мумкин.

Овқат рационини ўзгариши, сафарлар ва бошқа сабаблар билан боғлиқ бўлган ичакнинг транзитор дисфункцияларини (ҳам диарея, ҳам қабзиятни) даволаш учун: 6-12 ойлик болаларга 1 капсуладан кунига 1 марта, 1-3 ёшли болаларга 1 капсуладан кунига 2 марта, 3 ёшдан ошган болаларга 1 капсуладан кунига 3 марта симптомлар йўқолгунича, катталарга 1-2 капсуладан кунига 3 марта симптомлар йўқолгунича давом эттирилади. Сўнгра ичакнинг нормал микрофлорасини тутиб туриш тартиби қўлланиши мумкин.

Ножўя таъсирлари

Ножўя таъсирлари аниқланмаган.

Қўллаш мумкин бўлмаган ҳолатлар

Лацидофил^®-WM нинг салбий таъсири қайд этилмаган.

Дориларнинг ўзаро таъсири

Антибиотикларни (per os) Лацидофил^®-WM билан бир вақтда буюрилиши унинг самарадорлигини пасайтиради, шунинг учун препаратни антибиотикларни қўллашдан 2 соат олдин ёки кейин қабул қилиш керак.

Махсус кўрсатмалар

Қуйидаги пациентлар гуруҳи учун пробиотик даволаш фақат шифокорнинг кузатувчи остида ўтказилади:

• иммун тизими бузилган ёки сусайган пациентлар, айниқса ОИТС нинг сўнгги босқичларидаги пациентлар ёки аллотрансплантантлари бўлган, шунингдек кимётерапия олаётган пациентлар;
• эндо- ёки миокардит билан касалланган, йўғон ичакда ёки оғиз бўшлиғида ва тишларда операция ўтказган пациентлар;
• меъда ости бези фаолиятининг ўткир бузилиши бўлган пациентлар, шу жумладан инсулинга қарам диабетиклар. Пробиотиклар қандни ўзлаштириш жараёнини яхшилаши ва шу йўл билан пациентларда инсулин шокини чақириш хусусиятига эга. Пробиотикларни қабул қилганда қондаги глюкоза миқдори доимо ўлчаб турилиши, ва инсулиннинг дозаси мувофиқ равишда камайтирилиши керак.
• калта ичак синдроми бўлган, D-лактат ацидози билан хасталанган болалар. Штаммлар томонидан D-лактатни ишлаб чиқарилишини олдини олиш учун чоралар кўриш керак.
• қонли диарея билан хасталанган пациентлар.

Юқорида санаб ўтилган барча ҳолатларда пробиотикларнинг ижобий таъсири кузатилиши мумкин бўлган хавфдан устундир.

Ҳомиладорлик ва эмизиш даврида қўлланиши

Препаратни қўллашдан олдин ҳомиладор аёллар шифокор билан маслаҳатлашишлари керак.

Препаратни болалар ололмайдиган жойда сақлаш керак ва яроқлилик муддати тугаганидан сўнг ишлатиш мумкин эмас.

Чиқарилиш шакли

Ичга қабул қилиш учун қаттиқ желатин капсулалар. 10 капсула блистерда. 2 блистер қўллаш бўйича йўриқномаси билан бирга картон қутида.

Сақлаш шароити

Совутгичда +2°С дан +8°С гача бўлган ҳароратда сақлансин.

Яроқлилик муддати

3 йил.

Дорихоналардан бериш тартиби

Рецептсиз берилади.