ҚЎЛЛАШ БЎЙИЧА ЙЎРИҚНОМА
ЦИПРОКС-250
ЦИПРОКС-500
CIPROX-250
CIPROX-500
Препаратнинг савдо номи: Ципрокс
Таъсир этувчи модда (ХПН): ципрофлоксацин гидрохлориди
Дори шакли: плёнка қобиқ билан қопланган таблеткалар
Таркиби:
Ҳар бир таблетки қуйидагиларни сақлайди:
фаол модда: ципрофлоксацин – 250 мг ёки 500 мг;
ёрдамчи моддалар: маккажўхори крахмали, микрокристалл целлюлоза, лактоза, метилгидроксибензоат, пропилгидроксибензоат, магний стеарати, тозаланган тальк, натрий крахмал гликоляти, сувсиз коллоид кремний, гидрокси пропилметилцеллюлоза-Е-15, титан диоксиди
Таърифи: оқдан оч-сариқ ранггача бўлган, думалоқ, плёнка қобиқ билан қопланган таблеткалар.
Фармакотерапевтик гуруҳи: фторхинолонлар гуруҳига мансуб бўлган антибактериал синтетик восита.
АТХ коди: J01MA02
Фармакологик ҳусусиятлари
Фторхинолонлар гуруҳига мансуб кенг бактерицид таъсир доирасига эга бўлган микробларга қарши восита. Микроорганизмларга ҳам кўпайиш босқичида, ҳам тинч ҳолатда бактерицид таъсир кўрсатади. Таъсир механизми бактерияларни кўпайиш вақтида хромосомаларни сегментли деспирализацияси ва спирализацияси жараёнида муҳим роль ўйнайдиган ДНК-гираза ферментни ингибиция бўлиши билан боғлиқ. Кўпчилик грамманфий ва граммусбат микроорганизмлар: кўкйиринг, гемофил ва ичак таёқчалари, шигеллалар, салмонеллалар, менингококклар, гонококклар, стафилококкларнинг кўпчилик штаммлари (пенициллиназани ишлаб чиқарадиган ва ишлаб чиқармайдиган, метициллинга резистент штаммлари), энтерококкларнинг баъзи турлари, шунингдек кампилобактерлар, микоплазмалар, легионеллалар, хламидиялар, микобактерияларга нисбатан юқори фаолдир. Бета-лактамазалар ишлаб чиқарадиган организмларга нимбатан фаолдир. Аминогликозидлар, пенициллинлар, учинчи авлод цефалоспоринлари, тетрациклинлар ва бошқа антибиотикларга нисбатан жуда самарали восита. Препаратга резистентлик аста-секин (кўп босқичли кечади) ишлаб чиқарилади. Препаратга резистент микроорганизмлар: Ureaplasma urealyticum, Clostridium difficile, Nocardia asteroides, Streptococcus faecum, Treponema pallidum,Chlamidia.
Фармакокинетикаси
Препарат меъда-ичак йўлларидан тез ва яхши сўрилади. Препарат қабул қилинган вақтдан бошлаб қонда аниқлангунигача одатда 30 минутдан кам вақт кетади. Қонда максимал концентрацияга эришиш вақти 1 соатдан 1,5 соатгача вақтни ташкил этади. Асосан буйраклар орқали, шунингдек ичак орқали ўзгармаган ҳолда чиқарилади. Ярим чиқарилиш даври 3-5 соатни ташкил этади. Буйрак фаолияти аҳамиятли даражада бузилганида ушбу кўрсаткич узайиши (12 соатгача) мумкин.
Қўлланилиши
Буйрак ва сийдик чиқариш йўлларининг инфекциялари (ўткир ва сурункали пиелонефрит, обструктив литиаз, цистит, сийдик йўлларининг асоратланган ва қайталанувчи инфекциялари, простатит, эпидидимит); нафас йўлларининг инфекциялари (пневмония, бронхопневмония, инфекцияланган плеврит, ўпка абсцесси, инфекцияланган бронхоэктазлар, сурункали бронхитни зўрайиши); юмшоқ тўқималарнинг инфекциялари (инфекцияланган яралар, жароҳат инфекциялари, абсцесслар, целлюлитлар, ташқи қулоқ отити, инфекцияланган куйишлар), меъда-ичак йўлларининг инфекциялари (қорин тифи, бактериал диарея ва бошқ.), қорин бўшлиғи инфекциялари (перитонит, қорин бўшлиғи абсцесси, холангит, холецистит, ўт пуфаги эмпиемаси), кўз, ўрта қулоқ ва ёндош бўшлиқлар, суяклар ҳамда бўғимлар, кичик чаноқ аъзоларининг инфекциялар, гонореяда қўлланади. Иммунитети паст бўлган беморларда инфекцияни олдини олиш ва даволаш учун қўлланади.
Қўллаш усули ва дозалари
Ичга қабул қилинади. Таблеткаларни бутун ҳолда оч қоринга ёки овқатдан сўнг, кўп бўлмаган миқдордаги суюқлик билан ютиш керак. Препаратнинг дозаси инфекцияни локализацияси ва оғирлиги, шунингдек микроорганизмнинг сезувчанлигига қараб индивидуал равишда аниқланади. Буйрак фаолиятини ўртача ва яққол даражада бузилиши бўлган беморларга дозалаш тартибига тузатиш киритиш талаб этилади (креатинин клиренси минутига 20 мл дан кам бўлганида бир марталик дозаси ўртача дозанинг 50% ни ташкил этиши керак, суткада 2 марта буюрилади ёки одатдаги суткалик доза суткада 1 марта юборилади). Кекса ёшдаги пациентлар учун дозани (одатда 1/3 га) камайтириш керак.
Сийдик чиқариш йўлларининг инфекцияларида 0,25-0,5 г дан суткада икки марта буюрилади; даволаш курси 7-10 кунни ташкил этади. Асоратланмаган гонореяда 0,25-0,5 г дан бир марта буюрилади; гонококкли инфекция хламидияли ва микоплазмали инфекция билан қўшилганида 0,75 г дан ҳар 12 соатда 7-9 кун давомида буюрилади. Шанкроидда 0,5 г дан суткада икки марта бир неча кун давомида қабул қилинади. Бурун ҳалқумда менингококк ташувчиларга 0,5 г ёки 0,75 г дозада бир марта буюрилади. Сальмонеллаларни сурункали ташувчиларга 0,25 г дан суткада 4 марта буюрилади. Пневмонияда, остеомиелитда 0,75 г дан суткада 2 марта 7-14 кун давомида буюрилади. Меъда-ичак йўлларининг Staphylococcus aureus чақирган инфекцияларида 0,75 г дан ҳар 12 соатда 7-28 кун давомида буюрилади.
Ножўя таъсирлари
Меъда-ичак йўллари ва жигарга таъсири: кўнгил айниши, қусиш, овқат ҳазм бўлишини бузилиши, диарея, диспепсия, қорин соҳасида оғриқ, метеоризм, иштаҳани йўқолиши, холестатик сариқлик, гепатит.
Нерв тизимига таъсири: бош айланиши, бош оғриғи, мигрень, толиқиш, ҳолсизлик, уйқусизлик, қўзғалувчанлик, тремор, периферик невралгия, парестезиялар, кучли терлаш, ҳаракатлар координациясини бузилиши, тиришишлар, безовталик ҳолати, депрессия, галлюцинациялар, тунги қўрқувлар (бу реакциялар препаратни бекор қилишни талаб этади).
Тери реакциялари: қичишиш, эшакеми, фотосенсибилизация, қизариш.
Юрак-қон томир тизимига таъсири: тахикардия, хушдан кетишлар, гипертензия, стенокардия, миокард инфаркти, церебрал тромбозлар.
Қон ва унинг компонентларига таъсири: эозонофилия, лейкоцитопения, лейкоцитоз, анемия, гемолитик анемия, тромбоцитопения, тромбоцитоз.
Сийдик чиқариш тизимига таъсири: гломерулонефрит, дизурия, полиурия, кристаллурия, альбуминурия, уретрал қон кетишлар, буйрак фаолиятини транзитор буйрак етишмовчилигигача бузилиши.
Сезги аъзоларига таъсири: таъм билиш ва ҳид билишни бузилиши, кўришни бузилиши (диплопия, хроматопсия), қулоқларни шанғиллаши, эшитишни вақтинчалик бузилиши (айниқса юқори товушларни эшитишни бузилиши).
Анафилактик ва иммунопатологик реакциялар тери тошмалари, медикаментоз иситма, кам ҳолларда – Квинке шиши, бронхоспазм, артралгия, жуда кам ҳолларда – анафилактик шок, петехиялар, геморрагик пуфакчалар, миалгиялар, васкулит, Стивенс-Джонсон синдроми, Лайелл синдроми.
Қўллаш мумкин бўлмаган ҳолатлар
Ципрофлоксацинга ёки ҳар қандай хинолон препаратларига юқори сезувчанлик, 15 ёшгача бўлган болалар (ёшроқ пациентларда тоғайларни шикастланишини чақириши мумкин), кекса ёшдагилар, ҳомиладорлик, эмизиш даврида қўллаш мумкин эмас.
Дориларнинг ўзаро таъсири
Бир вақтда қўлланганида, фторхинолонлардан ташқари, бошқа антибиотиклар ёки антибактериал воситаларнинг таъсирини сусайтириши аниқланмаган. Темир препаратлари, сукральфат, таркибида алюминий, магний ёки кальций сақловчи антацидларни бир вақтда қабул қилиш препаратнинг сўрилишини пасайтиради, шунинг учун ушбу препаратларни буюриш ўртасидаги вақт камида 4 соат бўлиши керак. Теофиллин билан бир вақтда қабул қилиш унинг ножўя таъсирини кучайтиради, бунда теофиллиннинг дозаси талаб этилиши мумкин. Варфарин билан бир вақтда қўлланганида охиргисининг таъсири кучаяди. Препаратни пробенецид билан бирга буюрилганида препаратнинг таъсири кучаяди.
Махсус кўрсатмалар
Анамнезида бош миядаги қон томирларни яққол ифодаланган атеросклерози, бош мияда қон айланишини бузилишлари, тутқаноқ, тиришиш ҳуружлари, буйрак фаолиятини яққол бузилишлари бўлган пациентларга (фақат ҳаёти кўрсатмалар бўйича) эҳтиёткорлик билан буюриш керак. Даволаниш вақтида пациентлар етарли миқдорда суюқлик олишлари керак. Препарат реакциялар тезлигини (айниқса, алкоголь билан бир вақтда қўлланганида) пасайтириши мумкин, диққат ҳамда реакциялар тезлигини талаб этадиган касбдаги шахслар (масалан, транспорт ҳайдовчилари) юқоридагини инобатга олиш керак. Оғир даражадаги ва давомли диарея ривожланганида сохта мембраноз колит ташхисини истисно қилиш керак, унинг пайдо бўлиши препаратни зудлик билан бекор қилиш ва мувофиқ даволашни буюриш талаб этилади. Препарат билан даволаниш фонида баъзи лаборатор кўрсаткичлар ўзгариши мумкин: сийдикда чўкма пайдо бўлиши, қон зардобида мочевина, креатинин, билирубин, жигар трансаминазаларининг концентрациясини вақтинчалик ошиши; айрим ҳолларда – гипергликемия, кристаллурия ёки гематурия, протромбин кўрсаткичлари ўзгариши мумкин.
Дозани ошириб юборилиши
Даволаш: специфик антидоти маълум эмас. Беморнинг аҳволини синчиклаб назорат қилиш, меъдани ювиш ва бошқа шошилинч ёрдам чораларини кўрсатиш, организмга етарли миқдорда суюқлик тушишини таъминлаш керак. Гемо- ёки перитонеал диализ ёрдамида препаратнинг аҳамиятсиз миқдоригина (10% дан кам) чиқарилиши мумкин.
Чиқарилиш шакли
10 таблеткадан блистерда; 1 ёки 10 блистер тиббиётда қўллаш бўйича йўриқномаси билан бирга картон қутига жойланган.
Сақлаш шароити
Салқин, қуруқ, ёруғликдан ҳимояланган жойда, 30оС дан юқори бўлмаган ҳароратда сақлансин.
Яроқлилик муддати
5 йил.
Дорихоналардан бериш тартиби
Рецепт бўйича.