📜 Инструкция по применению ГРАММИДИН® с анестетиком нео
💊 Состав препарата ГРАММИДИН® с анестетиком нео
✅ Применение препарата ГРАММИДИН® с анестетиком нео
📅 Условия хранения ГРАММИДИН® с анестетиком нео
⏳ Срок годности ГРАММИДИН® с анестетиком нео

ҚЎЛЛАШ БЎЙИЧА ЙЎРИҚНОМА

ГРАММИДИН® С АНЕСТЕТИКОМ НЕО

GRAMMIDIN CUM ANESTETICI NEO

 

Препаратнинг савдо номи: ГРАММИДИН® с анестетиком нео

Дори шакли: Сўриш учун таблеткалар

Таркиби:

1 таблетка сақлайди:

фаол моддалар:

грамицидин С дигидрохлориди – 3,20 мг (грамицидин С га ҳисобланганда – 3,00 мг)

цетилпиридиний хлориди моногидрати – 1,05 мг (цетилпиридиний хлоридга ҳисобланганда -1,00 мг)

оксибупрокаин гидрохлориди – 0,20 мг

ёрдамчи моддалар:

коллоид кремний диоксиди – 5,00 мг, тальк – 60,00 мг, ацесульфам калий – 15,00 мг, ялпиз ҳушбўйи – 25,00 мг, сорбитол  – 1065,55 мг, магний стеарати – 25,00 мг.

Таърифи: оқ рангли, думалоқ, иккиёқлама қабариқ, бир томонида GR ёзувли таблеткалар.

Фармакотерапевтик гуруҳи: антибиотик + антисептик восита + маҳаллий оғриқсизлантирувчи восита.

АТХ коди: R02A

 

Фармакологик хусусиятлари

Фармакодинамикаси

Томоқ ва оғиз бўшлиғининг инфекцион-яллиғланиш касалликларини даволаш учун мажмуавий препарат. Препаратнинг таркибига микробларга қарши восита грамицидин С, маҳаллий оғриқсизлантирувчи восита – оксибупрокаин ва антисептик восита – цетилпиридиний хлориди киради.

Грамицидин С нинг таъсир механизми микроб ҳужайрасининг цитоплазматик мембранасини юқори ўтказувчанлиги билан боғлиқ, бу унинг чидамлигини бузади ва ҳужайранинг нобуд бўлишини чақиради.

Грамицидин С оғиз бўшлиғи ва томоқнинг инфекцион касалликларини қўзғатувчиларига нисбатан яққол микробларга қарши таъсир кўрсатади.

Оксибупрокаин анестетики оғиз бўшлиғи ва томоқнинг шиллиқ қаватига маҳаллий оғриқсизлантирувчи таъсир кўрсатади. Нерв ҳужайралари аксонлари орқали нерв импульсларининг тарқалишини ва ўтказилишини қайтар блокадасини чақиради.

Цетилпиридиний хлориди антисептик воситаларга киради. Оғиз бўшлиғида инфекцион касалликларини қўзғатувчиларининг ўсиши ва кўпайишини бостиради.

Препарат оғриқсизлантирувчи самара кўрсатади, яллиғланишни камайтиради, микробларга қарши таъсир кўрсатади, томоқдаги ёқимсиз ҳисни юмшатади, сўрганда гиперсаливацияни чақиради, у оғиз бўшлиғи ва томоқни микроорганизмлардан механик тозаланишига ёрдам беради.

Фармакокинетикаси

Препарат маҳаллий таъсирга эга ва деярли меъда-ичак йўлларидан сўрилмайди, бу амалда тизимли самараларини бутунлай йўқлигини белгилайди.

Қўлланилиши

Оғиз бўшлиғи ва томоқнинг инфекцион-яллиғланиш касалликлари: ангина, фарингит, тонзиллит, парадонтоз, гингивит, стоматит.

 

Қўллаш усули ва дозалари

Овқатдан кейин чайнамасдан оғизда сўриш йўли билан қўлланади. Препарат бевосита қўлланганидан кейин 1-2 соат давомида овқат ва ичимликларни қабул қилишдан сақланиш лозим.

Катталар ва 12 ёшдан ошган болалар учун дозалари: 1 таблеткадан кунига 3-4 марта.

4 ёшдан 12 ёшгача бўлган болалар учун дозалари: 1 таблеткадан кунига 1-2 марта.

Препарат 7 кун давомида қабул қилинганида терапевтик самара бўлмаса шифокорга мурожаат қилиш тавсия қилинади.

 

Ножўя таъсирлари

Алоҳида ҳолларда препаратнинг компонентларига аллергик реакциялар, тилни вақтинчалик сезувчанлигини йўқолиши бўлиши мумкин.

 

Қўллаш мумкин бўлмаган ҳолатлар

– препаратнинг таркибига кирувчи компонентларга юқори сезувчанлик;

– 4 ёшгача бўлган болалар;

– ҳомиладорлик (I уч ойлик);

 

Бошқа дори препаратлари билан ўзаро таъсири

Граммидин® нео анестетик билан бошқа маҳаллий ва тизимли таъсирга эга микробларга қарши воситаларнинг самараларини кучайтиради.

 

Ҳомиладорлик ва лактация даврида қўлланиши

Препаратни ҳомиладорликнинг I уч ойлигида қўллаш тавсия қилинмайди.

Препаратни қабул қилиш вақтида эмизишни тўхтатиш керак.

Препарат болалар олoлмайдиган жойда сақлансин ва яроқлилик муддати ўтгач қўлланилмасин.

Чиқарилиш шакли

Сўриш учун таблеткалар.

9 таблеткадан поливинилхлорид ёки поливинилхлорид/поливинилиденхлорид плёнка ва чоп этилган локланган алюмин фолгали контур уяли ўрамда.

9 таблеткадан 2 контур уяли ўрам қўллаш бўйича йўриқномаси билан бирга картон қутига жойланади.

Сақлаш шароити

Ёруғликдан ҳимояланган жойда, 25°С дан юқори бўлмаган ҳароратда.

Яроқлилик муддати

2 йил.

Дорихоналардан бериш тартиби

Рецептсиз.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.