📜 Инструкция по применению Грамелл
💊 Состав препарата Грамелл
✅ Применение препарата Грамелл
📅 Условия хранения Грамелл
⏳ Срок годности Грамелл

ҚЎЛЛАШ БЎЙИЧА ЙЎРИҚНОМА

ГРАМЕЛЛ

GRAMELL

 

Препаратнинг савдо номи: Грамелл

Таъсир этувчи модда (ХПН): мелоксикам

Дори шакли: инъекция учун эритма

Таркиби:

1 ампула (1,5 мл) қуйидагиларни сақлайди:

фаол модда: мелоксикам – 15 мг;

ёрдамчи моддалар: меглумин, гликофурол, полоксамер 188, натрий хлориди, глицин, натрий гидроксиди, инъекция учун сув.

Таърифи: тиниқ, оч сариқ рангли, рангсиз шиша ампулада.

Фармакотерапевтик гуруҳи: Ностероид яллиғланишга қарши воситалар. Оксикамлар.

АТХ коди: М01АС06.

Фармакологик хусусиятлари

Грамелл ностероид яллиғланишга қарши препарати (НЯҚП) ҳисобланиб, енол кислотаси ҳосиласига мансуб ва яллиғланишга қарши, оғриқни қолдирувчи ва антипиретик таъсир кўрсатади.

Мелоксикамнинг таъсир механизми яллиғланишнинг медиаторлари бўлиш – простагландинлар синтезини ингибирлаш қобилиятидан иборат.

Мелоксикам in vivo шароитида меъда шиллиқ қавати ёки буйракка нисбатан простагландинлар синтезини яллиғланиш жойида кўпроқ даражада ингибирлайди.

Бу фарқлар циклооксигена-1 (ЦОГ-1) га нисбатан циклооксигеназа-2 (ЦОГ-2) ни кўпроқ даражада селектив ингибирлаши билан боғлиқ. ЦОГ-2 ни ингибирлаш НЯҚП ларнинг терапевтик таъсирини таъминлайди деб ҳисобланади, айни вақтда доимо мавжуд бўлган ЦОГ-1 изоферментини ингибирлаш меъда ва буйрак томонидан ножўя таъсирларга жавобгар бўлиши мумкин.

Фармакокинетикаси

Сўрилиши

Мушак ичига юборилганидан кейин мелоксикам тўлиқ сўрилади. Ичга қабул қилгандагига нисбатан нисбий биокираолиши тахминан 100% ни ташкил қилади. Шунинг учун инъекциондан перорал шаклига ўтишда дозани ташлаш талаб этилмайди. 15 мг дозада мушак ичига юборилганидан кейин Сmax 1,62 мкг/мл ни ташкил этади ва тахминан 60 минут давомида эришилади.

Тақсимланиши

Мелоксикам плазма оқсиллари, айниқса альбуминлар (99%) билан яхши боғланади. Синовиал суюқликка киради, синовиал суюқликдаги концентрацияси плазмадаги концентрациясининг тахминан 50% ни ташкил этади. Vd паст, ўртача 11 л ни ташкил этади. Индивидлар орасидаги фарқ 30-40% ташкил этади.

Метаболизми

Мелоксикам 4 фармакологик фаол бўлмаган метаболитларини ҳосил қилиб, жигарда тўлиқ метаболизмга учрайди. Асосий метаболити 5′-карбоксимелоксикам (дозанинг 60%) камроқ даражада ажралувчи (дозанинг 9%) оралиқ метаболити 5′-гидроксиметилмелоксикамни оксидланиши йўли билан ҳосил бўлади.

Чиқарилиши

Тенг миқдорда ахлат ва сийдик билан, асосан метаболитлари шаклида чиқарилади. Суткалик дозани 5% камроғи ўзгармаган ҳолда ахлат билан чиқарилади, сийдикда препарат ўзгармаган ҳолда жуда кам миқдорда аниқланади. Ўртача Т1/2 20 соатни ташкил қилади. Плазма клиренси ўртача минутига 8 мл ни ташкил қилади.

Мелоксикам мушак ичига юборишда 7,5-15 мг дозада тўғри чизиқли фармакокинетикани намоён қилади.

Алоҳида клиник ҳолатлардаги фармакокинетикаси

Жигар фаолиятини етишмовчилиги, шунингдек кучсиз ёки ўртача яққолликдаги буйрак етишмовчилиги мелоксикамнинг фармакокинетикасига аҳамиятли даражада таъсир қилмайди.

Терминал буйрак етишмовчилигида Vd ни ошиши эркин мелоксикамнинг юқори концентрацияларига олиб келиши мумкин, шунинг учун бундай пациентларда суткалик доза 7,5 мг дан ошмаслиги керак.

Кекса ёшли пациентларда ёш пациентларга нисбатан фармакокинетиканинг турғун ҳолати даврида ўртача плазма клиренси бироз пастроқ.

Қўлланилиши

  • ревматоид артрит
  • остеоартритлар
  • анкиловланувчи спондилит
  • Бехтерев касаллиги
  • ревматик иситма
  • подагранинг ўткир хуружи
  • норевматик яллиғланиш
  • операциядан кейинги давр, жароҳатдаги, тиш оғриғидаги оғриқ синдромида қўлланади.

Қўллаш усули ва дозалари

Грамеллни даволашнинг биринчи бир неча кунида мушак ичига (мушакка чуқур юборилади) юбориш мумкин.

Кейинги даволаш учун препаратнинг перорал шаклларини (таблеткалар) қўллаш керак. Оғриқ ва яллиғланиш реакциясининг оғирлик даражасига боғлиқ ҳолда препаратнинг тавсия этилган дозаси суткада 7,5 ёки 15 мг ни ташкил қилади.

Катталар учун максимал доза 15 мг ни ташкил этади.

Кекса ёшли пациентлар ва ножўя самаралар ривожланиши юқори хавфи бўлган пациентлар

Кекса ёшли пациентлар учун тавсия этилган доза кунига 7,5 мг ни ташкил этади. Ножўя самаралар ривожланиши хавфи юқори бўлган шахсларни даволаш кунига 7,5 мг (1,5 мл хажмли ампуланинг ярми) дан бошланади.

Буйрак етишмовчилигида:

Аҳамиятсиз ёки ўртача даражадаги буйрак етишмовчилигида дозани тўғрилаш талаб қилинмайди.

Болалар: Мелоксикам болалар ва 15 ёшгача бўлган ўсмирларни даволаш учун қўлланилмайди.

Ножўя таъсирлари

Препаратга ножўя реакциялар тез-тезлиги бўйича қуйидагича таърифланган: биринчи – тез-тезроқ, шундай градацияни қўллаб: жуда тез-тез (≥1/10); тез-тез (≥1/100, <1/10); тез-тез эмас (≥1/1000, <1/100); кам ҳолларда (≥1/10000, <1/1000); жуда кам ҳолларда (<1/10000), шу жумладан алоҳида хабарлар.

Овқат-ҳазм қилиш тизими томонидан бузилишлар: тез-тез – кўнгил айниши, қусиш, диарея, диспепсия, қабзият, абдоминал оғриқ, метеоризм; кам ҳолларда – гастроинтестинал қон кетишлар, меъда ёки ичак яраси (қон кетиши ёки перфорация билан ёки усиз), эзофагит, стоматит; жуда кам ҳолларда – ичак перфорацияси, гастрит, колит.

Қон яратиш тизими томонидан бузилишлар: жуда кам ҳолларда – анемия, тромбоцитопения, лейкопения, агранулоцитоз.

Нерв тизими томонидан бузилишлар: тез-тез – бош оғриғи, бош айланиши; кам – қулоқда шовқин, уйқучанлик; жуда кам ҳолларда – дезориентация, хотирани бузилиши.

Юрак томонидан бузилишлар: жуда кам ҳолларда – юрак уришини ҳис қилиш, кўкракда оғриқ.

Томир тизими томонидан бузилишлар: жуда кам ҳолларда – артериал гипертензия, юзга қонни оқиб келиши.

Руҳий бузилишлар: жуда кам ҳолларда – кайфиятни ўзгариши, уйқусизлик.

Кўриш аъзолари томонидан бузилишлар: жуда кам ҳолларда – кўришни бузилиши, кўришни ноаниқлиги.

Респиратор, торакал ва медиастинал бузилишлар: кам ҳолларда – астма, бронхоспазм.

Гепатобилиар бузилишлар: тез-тез эмас – трансаминазалар миқдорини ошиши, жигар фаолиятини бузилиши; кам – гепатит; жуда кам ҳолларда – гепатонекроз, жигар етишмовчилиги.

Тери ва тери ости тўқималари томонидан бузилишлар: тез-тез – қичишиш, тошма; кам – эшакеми; жуда кам ҳолларда – буллёз тошма, экзема, эритеманинг турли шакллари, Стивенс-Джонсон синдроми, токсик эпидермал некролиз (Лайелл синдроми), аллергик пурпура.

Буйрак ва сийдик чиқариш йўллари томонидан бузилишлар: кам ҳолларда – буйрак фаолиятининг лаборатор кўрсаткичларини ўзгариши, креатинин ёки мочевина миқдорини ошиши; жуда кам ҳолларда – ўткир буйрак етишмовчилиги.

Умумий бузилишлар ва препаратни юбориш жойидаги бузилишлар: тез-тез – инъекция жойида реакция, оғриқ, зичлашиш; кам ҳолларда – инъекция жойида шиш.

Қўллаш мумкин бўлмаган ҳолатлар

  • Мелоксикам ёки Грамелл препаратининг бошқа компонентлари ёки шунга ўхшаш фаолликка эга моддалар, масалан, НЯҚП, аспиринга юқори сезувчанлик.
  • Аспирин ёки бошқа НЯҚП ларни қўллаш фонида астма симптомлари, назал полиплари, ангионевротик шиш ёки эшакеми ривожланувчи пациентлар томонидан қўлланмаслиги керак.
  • Анамнезида пептик яра ёки пептик яра/қон кетишини қайталаниши.
  • Яққол жигар етишмовчилиги.
  • Диализ йўқлигида оғир даражали буйрак етишмовчилиги.
  • Меъда-ичак, цереброваскуляр ёки бошқа қон кетишлар.
  • Гемостазни бузилишлари, бир вақтда антикоагулянтларни қабул қилиш.
  • Жиддий назорат қилиб бўлмайдиган юрак етишмовчилиги.
  • Ҳомиладорлик ёки эмизиш даври.

 

Дориларнинг ўзаро таъсири

Мелоксикамни фармацевтик мутаносиблиги ҳақида маълумотлар йўқ, шу сабабли, инъекция учун мелоксикам эритмасини бошқа препаратлар билан бир шприцда аралаштириш мумкин эмас.

Мелоксикамни бошқа НЯҚП лар билан бир вақтда қўллаш мумкин эмас.

Мелоксикам ва диуретикларни қабул қилаётган пациентлар етарли миқдорда суюқлик истеъмол қилишлари керак. Бундай беморларда мелоксикам билан даволашни бошлашдан олдин буйрак фаолиятини текшириш керак.

Антикоагулянтлар ва тромболитиклар билан бир вақтда қўллашда тромбоцитлар фаолиятини ингибирланиши ва гастродуоденал шиллиқ қаватни шикастланиши йўли билан қон қетишлар хавфи аҳамиятли даражада ортади.

Мелоксикам бета-адреноблокаторлар, ААФ ингибиторлари, вазодилататорлар, диуретиклар, бачадон ичи контрацептивларининг самарадорлигини камайтиради.

Мелоксикам метотрексатнинг гематотоксиклигини кучайтириши мумкин, шу сабабли уларни бир вақтда қўллашда периферик қонни лаборатор назорат қилиш зарур.

Мелоксикам циклоспориннинг нефротоксиклигини кучайтиради, шунинг учун уларни бир вақтда қўллашда буйрак фаолиятини назорат қилиш керак.

Мелоксикам қонда литий миқдорини оширади.

Холестирамин мелоксикамни чиқарилишини тезлаштиради. Ушбу ўзаро таъсир клиник аҳамиятга эга.

Антацидлар, циметидин ва дигоксинни мелоксикам билан бир вақтда қўллашда клиник аҳамиятли фармакокинетик ўзаро таъсир аниқланмаган.

 

Махсус кўрсатмалар

Пептик яралар ёки меъда-ичакдан қон кетиши пайдо бўлиши, тери ва шиллиқ қаватлар томонидан ножўя самаралар ривожланишида препаратни бекор қилиш керак. Айланиб юрувчи қон ҳажми ва калавалар фильтрацияси (дегидратация, сурункали юрак етишмовчилиги, жигар циррози, нефротик синдром, клиник яққол намоён бўлган буйрак касалликлари, диуретикларни қабул қилиш, катта хирургик операциялардан кейин сувсизланиш) камайган беморларда препаратни бекор қилишдан кейин тўлиқ қайтувчан клиник яққол намоён бўлган сурункали буйрак етишмовчилиги пайдо бўлиши мумкин (бундай пациентларда даволашни бошида суткалик диурез ва буйрак фаолиятини текшириш керак). Трансаминазалар миқдорини турғун ва аҳамиятли даражада ошиши ва жигар фаолиятининг бошқа кўрсаткичларини ўзгаришида препаратни бекор қилиш ва назорат синамаларини ўтказиш керак. Ножўя самаралари хавфи юқори бўлган беморларда даволаш 7,5 мг дозадан бошланади. Диализда бўлган терминал босқичдаги сурункали буйрак етишмовчилиги бўлган пациентларда доза суткада 7,5 мг дан ошмаслиги керак.

Мелоксикам бошқа НЯҚП каби инфекцион касалликларнинг симптомларини ниқоблаши мумкин.

Препаратни бошқа НЯҚП лар билан бир вақтда қўллаш мумкин эмас.

Ҳомиладорлик ва лактация даврида қўлланиши

Ҳомиладорлик

Ҳайвонларда ўтказилган тадқиқотлар мелоксикамнинг яққол тератоген самараларини кўрсатмади, аммо ҳомилага нисбатан токсикликка эга. Мелоксикамни ҳомиладор аёлларда қўллаш бўйича етарли тажрибаси йўқ. Простагландинлар синтези ингибиторларини учинчи уч ойликда қўллаш бачадоннинг қисқарувчанлик фаоллигини бостирилиши сабабли туғруқ фаолиятини кечикиши ёки узайишига олиб келиши мумкин, шунинг учун мелоксикамни ҳомиладорликнинг учинчи уч ойлигида қўллаш мумкин эмас.

Лактация

Мелоксикам она сутида аниқланган, шунинг учун эҳтиёткорлик чораси сифатида препаратни қабул қилишда эмизиш мумкин эмас деб ҳисобланади.

Автомобилни бошқариш ва механизмларга хизмат кўрсатиш қобилиятига таъсири

НЯҚП ларни қабул қилишда кўришни бузилиши, бош айланиши, уйқучанлик, чарчоқлик ёки марказий нерв тизими томонидан бузилишлари бўлган пациентлар автомобил ёки бошқа механизмларни бошқаришдан сақланишлари керак.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Дозани ошириб юборилиши

Симптомлари

Кўнгил айниши, уйқучанлик, бош айланиши, ҳушдан кетиш, бош мия ички босимини ошиши.

Даволаш чоралари

НЯҚП билан ўткир заҳарланишни даволаш, биринчи навбатда тутиб турувчи чоралар ва симптоматик даволашдан иборат.

Тутиб турувчи чоралар ва симптоматик даволаш гипотензия, буйрак етишмовчилиги, тиришишлар, гастроинтестинал бузилишлар ва нафасни сусайиши каби асоратларни бартараф қилиш учун зарур.

Холестираминни 4 г дозада кунига уч марта перорал қабул қилишда мелоксикамни чиқарилишини тезлашишига ёрдам бериш клиник жиҳатдан тасдиқланган.

Чиқарилиш шакли

1,5 мл дан ампулаларда, 3 ампула қўллаш бўйича йўриқномаси билан бирга ўрамда.

Сақлаш шароити

Оригинал ўрамида, 25оС дан юқори бўлмаган ҳароратда, ёруғликдан ҳимояланган жойда сақлансин.

Яроқлилик муддати

5 йил.

Дорихоналардан бериш тартиби

Шифокор рецепти бўйича берилади.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.