ҚЎЛЛАШ БЎЙИЧА ЙЎРИҚНОМА
ГЕПАЦЕФ®
GEPACEF
Препаратнинг савдо номи: Гепацеф®
Таъсир этувчи модда (ХПН): цефоперазон (cefoperazone)
Дори шакли: инъекция учун эритма учун кукун
Таркиби:
1 флакон қуйидагиларни сақлайди:
фаол модда: 1,0 г цефоперазонга қайта ҳисобланганда стерил цефоперазон натрийли тузи
Таърифи: оқ ёки сарғиш тусли оқ рангли кукун, гигроскопик.
Фармакотерапевтик гуруҳи: Тизимли қўллаш учун микробларга қарши воситалар. Тизимли қўллаш учун бактерияларга қарши воситалар. Бошқа бета-лактам антибиотиклар. Цефалоспоринларнинг III авлоди. Цефоперазон.
АТХ коди: J01DD12
Фармакологик хусусиятлари
Фармакодинамикаси
Гепацеф® препаратининг бактерицид таъсири бактерияларнинг ҳужайра девори синтезини секинлашиши билан боғлиқ.
In vitro шароитда Гепацеф® препарати клиник аҳамиятли микроорганизмларнинг катта миқдорига нисбатан фаолдир. Айни вақтда у кўпчилик бета-лактамазаларнинг таъсирига нисбатан резистентликни намоён қилади.
Қуйида кўрсатилган микроорганизмлар цефоперазонга сезгирдир.
Граммусбат микроорганизмлар:
Staphylococcus aureus (пенициллиназани ишлаб чиқарадиган ва ишлаб чиқармайдиган штаммлари), Staphylococcus epidermidis, Streptococcus pneumonia (олдинги номи – Diplococcus pneumoniae), Streptococcus pyogenes (А гуруҳидан бета-гемолитик стрептококк), Streptococcus agalactiae (В гуруҳидан бета-гемолитик стрептококк), Streptococcus faecalis (энтерококк), бета-гемолитик стрептококклар.
Грамманфий микроорганизмлар:
Escherichia coli, Klebsiella турлари, Enterobacter турлари, Citrobacter турлари, Haemophilus influenzae, Proteus mirabilis, Proteus vulgaris, Morganella morganii (илгари Proteus morganii), Providencia rettgeri (илгари Proteus rettgeri), Providencia турлари, Serratia турлари (шу жумладан, S. marcescens), Salmonella ва Shigella турлари, Pseudomonas aeruginosa, Pseudomonas нинг айрим турлари, Acinetobacter calcoaceticus, Neisseria gonorrhoeae (бета-лактамазани ишлаб чиқарадиган ва ишлаб чиқармайдиган штаммлари), Neisseria meningitides, Bordetella pertussis, Yersinia enterocolitica.
Анаэроб микроорганизмлар:
Граммусбат ва грамманфий кокклар (шу жумладан, Рерtococcus, Peptostreptococcus ва Veilonella турлари), граммусбат таёқчалар (шу жумладан, Clostridium, Eubacterium ва Lactobacillus турлари), грамманфий таёқчалар (шу жумладан, Fusobacterium турлари, Bacteroides fragilis кўпчилик штаммлари, Bacteroides турларининг бошқа вакиллари).
Фармакокинетикаси
Қонда, сафрода ва сийдикда юқори даражасига препарат бир марта юборилганидан сўнг эришилади. 1-жадвалда катта ёшдаги соғлом шахсларнинг қон зардобидаги препаратнинг концентрацияси келтирилган. Ушбу маълумотлар 1 г, 2 г, 3 г, 4 г препарат вена ичига 15 минут давомида ёки 1 г ёки 2 г препарат мушак ичига бир марта юборилганидан сўнг олинган. Пробенецид цефоперазоннинг қондаги концентрацияси даражасига таъсир қилмайди.
Цефоперазоннинг қон зардобидаги концентрацияси 1-жадвал
| Қон зардобидаги ўртача концентрацияси (мкг/мл) | |||||||
| Дозаси,
юбориш усули |
0* | 30 минут | 1 соат | 2 соат | 4 соат | 8 соат | 12 соат |
| 1 г вена ичига | 153 | 114 | 73 | 38 | 16 | 4 | 0,5 |
| 2 г вена ичига | 252 | 153 | 114 | 70 | 32 | 8 | 2 |
| 3 г вена ичига | 340 | 210 | 142 | 89 | 41 | 9 | 2 |
| 4 г вена ичига | 506 | 325 | 251 | 161 | 71 | 19 | 6 |
| 1 г мушак ичига | 32** | 52 | 65 | 57 | 33 | 7 | 1 |
| 2 г мушак ичига | 40** | 69 | 93 | 97 | 58 | 14 | 4 |
*препарат юборилгандан кейин ўтган вақт (вақт ҳисоби инфузия тугаганидан сўнг дарҳол ҳисобланади).
**препарат юборилгандан сўнг 15 минутдан кейин олинган натижалар.
Гепацеф® препаратини қон зардобидан ярим чиқарилиш даври юбориш усулидан қатъий назар, тахминан 2 соатни ташкил этади.
Цефоперазон организмнинг ўрганилган барча суюқликлари ва тўқималарида терапевтик даражаларга етади. Уларнинг ичида асцитик ва цереброспинал (менингитда) суюқликлар, сийдик, сафро ва ўт пуфагининг девори, балғам ва ўпка, танглай муртаклари ва синусларнинг шиллиқ қавати, бўлмачалар, буйрак, сийдик чиқариш йўли, простата бези, уруғдонлар, бачадон ва фалопий найлари, суяклар, киндик қони ва амнион суюқлиги бор. Гепацеф® препарати сафро ва сийдик билан чиқарилади. Сафрода препаратнинг концентрацияси жуда юқори даражаларга (одатда, юборилгандан сўнг 1-3 соатдан кейин) етади ва қон зардобидаги худди шундай концентрациялардан 100 марта юқори бўлади.
Сафрода қуйидаги концентрациялар қайд этилган: ўт йўллари бекилмаган пациентларга 2 г препарат вена ичига юборилганидан сўнг 30 минутдан кейин 66 мкг/мл дан, 3 соатдан кейин 6000 мкг/мл гача етади.
Препарат турли дозаларда ва турли усуллар билан юборилгандан сўнг 12 соатдан кейин сийдикда цефоперазоннинг концентрациясини ошиши буйрак фаолияти нормал бўлган пациентларда ўртача 20% дан 30% гача етади. Препаратнинг сийдикдаги 2200 мкг/мл дан ортиқ концентрацияси 2 г цефоперазон вена ичига юборилганидан сўнг 15 минутдан кейин олинган. 2 г препарат мушак ичига юборилганидан сўнг сийдикда максимал концентрацияси тахминан 1000 мкг/мл ни ташкил этган.
Цефоперазонни такроран юбориш соғлом кўнгиллиларда препаратнинг кумуляциясини чақирмаган.
Жигар фаолиятини бузилиши бўлган пациентларда қон зардобидан ярим чиқарилиш даври ошади, аммо сийдик билан чиқарилиши ҳам ошади. Буйрак ва жигар етишмовчилиги бўлган пациентларда Гепацеф® препарати қон зардобида тўпланиши мумкин. Буйрак етишмовчилиги бўлган беморларда препаратнинг қон зардобидаги максимал концентрацияси, фармакокинетик эгри чизиғи остидаги майдон, шунингдек қон зардобидан ярим чиқарилиш даври соғлом кўнгиллилардаги каби бўлади.
Қўлланилиши
Цефоперазонга сезгир микроорганизмлар томонидан чақирилган қуйидаги инфекцияларни даволаш учун қўлланади:
- юқори ва қуйи нафас йўлларининг инфекциялари;
- сийдик чиқариш йўлларининг юқори ва қуйи бўлимларини инфекциялари;
- перитонит, холецистит, холангит ва бошқа интраабдоминал инфекциялар;
- септицемия;
- менингит;
- тери ва юмшоқ тўқималарнинг инфекциялари;
- суяк ва бўғимларнинг инфекциялари;
- чаноқ аъзоларини яллиғланиш касалликлари, эндометрит, гонорея ва жинсий йўлларини бошқа инфекциялари.
Профилактика
Гепацеф® препаратини абдоминал, гинекологик, юрак қон-томир ва ортопедик операцияларда операциядан кейинги асоратларни олдини олиш учун буюриш мумкин.
Қўллаш усули ва дозалари
Препарат вена ичига ёки мушак ичига юбориш учун мўлжалланган. Препарат билан даволашни бошлашдан олдин пациентда антибиотикка ва лидокаинга юқори сезувчанлик борлигини тери синамасини ўтказиш ёрдамида истисно қилиш керак.
Катталар
Одатда доза суткада 2-4 г ни ташкил этади, уни тенг бўлинган дозаларда ҳар 12 соатда юбориш керак. Жуда оғир даражадаги инфекцияларда дозани суткада 8 г гача ошириш мумкин, тенг бўлинган дозаларда ҳар 12 соатда юборилади. Цефоперазоннинг 12-16 г суткалик дозаси 3 тенг қисмларга бўлиб (8 соатлик интервал билан) юборилганида, ҳеч қандай асоратлар кузатилмаган. Препарат билан даволашни микроорганизмларнинг сезувчанлигини текшириш натижалари аниқлангунича бошлаш мумкин.
Асоратланмаган гонококкли уретритда тавсия этилган дозаси 500 мг ни ташкил этади, мушак ичига бир марта юборилади.
Препарат мушак ичига катта думба мушагига ёки соннинг олдинги юзасига чуқур юборилади.
Мажмуавий даволаш
Гепацеф® препаратининг кенг таъсир доираси кўпчилик инфекцияларни монотерапиясини амалга ошириш имконини беради. Бироқ Гепацеф® препаратини, агар кўрсатилган бўлса, бошқа антибиотиклар билан мажмуада ҳам қўллаш мумкин. Аминогликозидлар билан бир вақтда даволанганда буйрак фаолиятини назорат қилиш тавсия этилади.
Жигар функциясини бузилиши бўлган пациентларда қўлланиши
Ўт чиқариш йўлларини бекилиши, жигарнинг оғир даражадаги касалликлари ёки буйракни ёндош шикастланиши бўлган ҳолларда препаратнинг дозасига тузатиш киритиш талаб этилиши мумкин. Агар препаратнинг қон зардобидаги концентрациясини назорати ўтказилмаса, препаратнинг дозаси суткада 2 г дан ошмаслиги керак.
Буйрак функциясини бузилиши бўлган пациентларга қўлланиши
Буйраклар цефоперазоннинг асосий чақирилиш йўли бўлмаганлиги сабабли, буйрак шикастланиши бўлган беморларга препаратни одатдаги суткалик дозаси (2-4 г) га тузатиш киритмасдан буюриш мумкин. Калавалар фильтрациясининг тезлиги минутига 18 мл дан паст ёки зардобдаги креатининнинг даражаси 3,5 мг/100 мл дан юқори бўлган пациентлар учун препаратнинг максимал суткалик дозаси 4 г ни ташкил этади.
Цефоперазоннинг қон зардобидан ярим чиқарилиш даври гемодиализ вақтида бироз пасаяди. Препаратни диализ тугаганидан сўнг юбориш керак.
Жигар функциясини бузилиши ва буйрак функциясини ёндош бузилиши бўлган пациентларга қўлланиши.
Жигар функциясини бузилиши ва буйрак функциясини ёндош шикастланиши бўлган пациентларда қон зардобида препаратнинг концентрациясини назорат қилиш ва зарурат бўлса, дозасига тузатиш киритиш керак. Агар қон зардобидаги препаратнинг концентрациясини назорати ўтказилмаса, доза суткада 2 г дан ошмаслиги керак.
Болалар
Гўдаклар ва болаларни даволаш вақтида Гепацеф® препаратини 1 кг тана вазнига 50 мг дан 200 мг гача бўлган суткалик дозаларда буюриш керак; дозани 2 марта қабул қилишга бўлиб (ҳар 8-12 соатда) юборилади. Максимал дозаси суткада 12 г дан ошмаслиги керак. Оғир даражадаги инфекциялари бўлган болалар ва гўдаклар, шу жумладан бактериал менингит билан хасталанган, аммо асоратланмаган бир нечта пациентларни даволаш учун препаратни тана вазнига 300 мг/кг гача бўлган суткалик дозаларда қўлланганлиги юзасидан маълумотлар мавжуд.
Янги туғилган чақалоқларда қўлланиши
Янги туғилган чақалоқларга (8 кунликкача бўлган) препаратни ҳар 12 соатда юбориш керак.
Болалар ва катталарга препаратни вена ичига юбориш
Тўхтаб-тўхтаб юбориладиган инфузия учун 1 г Гепацеф® препарати (1 флакон) 20-100 мл мутаносиб стерил инъекция учун эритмада эритилади ва 15 минут – 1 соат давомида юборилади. Агар эритувчи стерил сув бўлса, у ҳолда препаратли флаконга уни кўпи билан 20 мл қўшиш керак.
Узлуксиз инфузия қилиш учун Гепацеф® препаратининг ҳар бир грамми 5 мл инъекция учун стерил сувда ёки 5 мл инъекция учун бактериостатик сувда эритилади; ушбу эритма вена ичига юбориш учун мувофиқ эритувчига қўшилади.
Вена ичига бевосита инъекция қилиш учун Гепацеф® препаратининг бир марталик максимал дозаси катта ёшдаги пациентлар учун 2 г, болалар учун – тана вазнига 50 мг/кг ни ташкил этади. Препаратнинг охирги концентрацияси 100 мг/мл бўлиши учун препарат мувофиқ эритувчида эритилади ва камида 3-5 минут давомида юборилади.
Операциядан кейинги асоратларни антибактериал профилактикаси учун препарат 1 г ёки 2 г дан операция бошланишидан 30-90 минут олдин буюрилади. Дозани ҳар 12 соатда такрорлаш мумкин, аммо кўпчилик ҳолларда кўпи билан 24 соатда такрорлаш мумкин. Инфекцияланиш ҳавфи юқори бўлган операцияларда (масалан, колоректал соҳадаги операцияларда) ва инфекцияланиш айниқса катта зарар келтириши мумкин бўлган операцияларда (масалан, юракни очиқ ҳолдаги операциялари ёки бўғимларни протезлаш операцияларида), препаратни профилактик қўллаш операция тугаганидан сўнг 72 соат давомида давом этиши мумкин.
Вена ичига юбориш
Стерил Гепацеф® кукуни дастлаб вена ичга юбориш учун тўғри келадиган ҳар қандай мувофиқ эритувчи ёрдамида (2,8 мл/г цефоперазон) эритилиши мумкин (2-жадвал). Эриши осон бўлиши учун 1 г Гепацеф® препаратига 5 мл эритувчини қўллаш тавсия этилади.
2-жадвал
Цефоперазон натрий кукунини эритиш учун тавсия этилган эритмалар
| инъекция учун 5% ли глюкоза | инъекция учун 10% ли глюкоза |
| инъекция учун 5% лиглюкоза ва 0,9% натрий хлориди | инъекция учун 0,9% ли натрий хлориди |
| инъекция учун 5% ли глюкоза ва 0,2% натрий хлориди | инъекция учун стерил сув |
Шундан сўнг олинган эритманинг бутун ҳажмини вена ичига юбориш учун стандарт эритувчиларнинг бирида суюлтириш керак (3-жадвал).
3-жадвал
Вена ичига инфузия қилиш учун эритмалар
| инъекция учун 5% ли глюкоза | инъекция учун 10% ли глюкоза |
| инъекция учун 5% ли глюкоза ва Рингер лактати эритмаси | Рингер лактати эритмаси |
| инъекция учун 5% ли глюкоза ва 0,9% ли натрий хлориди | инъекция учун 0,9% ли натрий хлориди |
| инъекция учун 5% ли глюкоза ва 0,2% ли натрий хлориди |
Мушак ичига юбориш
Мушак ичига юбориш учун мўлжалланган эритмани тайёрлаш учун инъекция учун стерил ёки бактериостатик сув ёки стерил физиологик эритмасини ишлатиш мумкин. Эритмани 250 мг/мл ёки ундан ортиқ концентрацияда юбориш кўзда тутилган ҳолларда, эритмани тайёрлаш учун лидокаин эритмасини ишлатиш мумкин. Бундай эритмани инъекция учун стерил сув ва 2% ли лидокаин эритмаси ёрдамида тайёрлаш мумкин, лидокаиннинг охирги концентрацияси 0,5% ли бўлиши керак.
2 босқичда эритиш усули тавсия этилади: дастлаб флаконга инъекция учун стерил сувнинг керакли миқдорини қўшиш ва кукун бутунлай эриб кетгунича чайқатиш керак, сўнгра эса 2% ли лидокаин эритмасининг керакли миқдорини қўшиш ва аралаштириш керак.
Лидокаин эритувчи сифатида қўлланганида лидокаинни ҳавфсизлиги бўйича маълумотларни инобатга олиш керак.
| Цефоперазоннинг охирги концентрацияси | I босқич, стерил сувни ҳажми | II босқич, 2% лидокаинни ҳажми | Юбориш учун ҳажми* | |
| Флакон 1 г | 250 мг/мл | 2,6 мл | 0,9 мл | 4 мл |
| 333 мг/мл | 1,8 мл | 0,6 мл | 3 мл |
* Қайд этилган ҳажмларни олиш ва қўллаш учун етарли бўлган ортиқча миқдори келтирилган.
Препарат мушак ичига катта думба мушаги ёки соннинг олдинги юзасига чуқур юборилади.
Эритмаларни сақланиши
Барқарорлиги
Қуйида келтирилган парентерал эритувчилар ва Гепацеф® препаратини тахминий концентрациялари, кўрсатилган ҳарорат режимлари ва вақт оралиғига риоя қилинган шароитдагина эритманинг барқарорлигини таъминлайди. Кўрсатилган вақт оралиғи тугаганида ишлатилмаган эритма йўқ қилиниши керак.
Барқарор хона ҳарорати (15-25оС), 24 соат
| Эритмалар | Тахминий концентрациялари |
| Инъекция учун бактериостатик сув | 300 мг/мл |
| Инъекция учун 5% ли глюкоза | 2 мг 50 мг/мл гача |
| Инъекция учун 5% ли глюкоза ва инъекция учун Рингер лактати эритмаси | 2 мг 50 мг/мл гача |
| Инъекция учун 5% ли глюкоза ва 0,9% натрий хлориди | 2 мг 50 мг/мл гача |
| Инъекция учун 5% ли глюкоза ва 0,2% натрий хлориди | 2 мг 50 мг/мл гача |
| Инъекция учун 10% ли глюкоза | 2 мг 50 мг/мл гача |
| Инъекция учун Рингер лактати эритмаси | 2 мг/мл |
| Инъекция учун 0,5% ли лидокаин | 300 мг/мл |
| Инъекция учун 0,9% ли натрий хлориди | 300 мг/мл гача |
| Инъекция учун стерил сув | 300 мг/мл |
Гепацеф® препаратининг тайёрланган эритмаларини парентерал эритмалар учун мўлжалланган шиша ёки эгилувчан пластмасса сиғимларда, шиша ёки пластмасса шприцларда, совутгичда (2-8оС) 5 кун давомида сақлаш мумкин.
| Эритмалар | Тахминий концентрациялари |
| Инъекция учун бактериостатик сув | 300 мг/мл |
| Инъекция учун 5% ли глюкоза | 2 мг 50 мг/мл гача |
| Инъекция учун 5% ли глюкоза ва 0,9% ли натрий хлориди | 2 мг 50 мг/мл гача |
| Инъекция учун 5% ли глюкоза ва 0,2% ли натрий хлориди | 2 мг 50 мг/мл гача |
| Инъекция учун Рингер лактати эритмаси | 2 мг/мл |
| Инъекция учун 0,5% ли лидокаин | 300 мг/мл |
| Инъекция учун 0,9% ли натрий хлориди | 2 мг 300 мг/мл гача |
| Инъекция учун стерил сув | 300 мг/мл |
Гепацеф® препаратининг тайёрланган эритмаларини парентерал эритмалар учун мўлжалланган шиша ёки эгилувчан пластмасса сиғимларда, шиша ёки пластмасса шприцларда, музлатгичда (-20оС дан -10оС хароратда) 3 ёки 5 ҳафта давомида сақлаш мумкин.
| Эритмалар | Тахминий концентрациялари |
| 3 ҳафта | |
| Инъекция учун 5% ли глюкоза | 50 мг/мл |
| Инъекция учун 5% ли глюкоза ва 0,9% ли натрий хлориди | 2 мг/мл |
| Инъекция учун 5% ли глюкоза ва 0,2% ли натрий хлориди | 2 мг/мл |
| 5 ҳафта | |
| Инъекция учун 0,9% ли натрий хлориди | 2 мг 300 мг/мл гача |
| Инъекция учун стерил сув | 300 мг/мл |
Гепацеф® препаратининг тайёрланган эритмаларини парентерал эритмалар учун мўлжалланган шиша ёки пластмасса шприцларда, шиша ёки эгилувчан пластмасса сиғимларда сақлаш мумкин.
Қўллашдан олдин препаратни хона хароратида муздан тушириш керак. Муздан туширилганидан сўнг ишлатилмаган эритма йўқ қилиниши керак. Эритмани қайтадан музлатиш мумкин эмас.
Номутаносиблиги
Гепацеф® препаратининг эритмалари ва аминогликозидларни бир вақтда юбориш мумкин эмас, чунки улар ўртасида физик номутаносиблик мавжуд. Агар Гепацеф® препарати ва аминогликозидлар билан мажмуавий даволаш ўтказиш мўлжалланган бўлса, у ҳолда вена ичига юбориш учун алоҳида системалар ёрдамида инфузияни навбатма-навбат ўтказиш мумкин. Гепацеф® препаратини аминогликозидлардан олдин юбориш тавсия этилади. Аминогликозидларни навбатдаги юборишдан олдин бутун системани тегишли эритма билан ювиш керак.
Ножўя таъсирлари
Иммун тизими томонидан. Бошқа цефалоспоринлар билан даволанганда бўлгани каби, индивидуал ўта юқори сезувчанлик билан боғлиқ бўлган реакциялар: макулопапулёз тошма, эшакеми, эозонофилия ва дори воситаси таъсиридаги иситма, аллергик реакциялар, анафилактик реакциялар (шу жумладан, анафилактик шок) ривожланиши мумкин. Гепацеф® препарати билан даволашга нисбатан бундай реакциялар, асосан, анамнезида аллергик реакцияларга мойиллиги, айниқса пенициллинга реакцияси бўлган беморларда ривожланади.
Қон ва лимфатик тизими томонидан. Препарат билан даволаш вақтида нейтрофилларнинг даражаси бироз пасайиши мумкин. Узоқ муддат даволанганда қайтувчан нейтропения ривожланиши мумкин. Цефалоспоринлар билан даволаниш вақтида баъзи пациентларда Кумбснинг билвосита антиглобулин синамасини мусбат бўлиши аниқланган. Гемоглобин ёки гематокрит пасайиши мумкин. Вақтинчалик эозонофилия ва протромбинемия ҳоллари кузатилган. Лейкопения, тромбоцитопения, анемия, қон кетиши, протромбин вақтини узайиши, гематурияни кузатилганлиги юзасидан хабарлар берилган.
Гепатобилиар тизими томонидан. АЛТ, АСТ ва ишқорий фосфатазанинг даражаси бироз ошиши мумкин.
Овқат ҳазм қилиш тизими томонидан. Кўнгил айниши, сариқлик, қонда билирубин миқдорини ошиши, сохта мембраноз колит, қусиш бўлиши мумкин. Ичак фаолиятини ўзгаришлари (ични суюқ келиши ёки диарея) юзасидан хабарлар берилган. Бу ҳолатларнинг аксарияти енгил ва ўртача оғирлик даражасида бўлган. Барча ҳолатларда бу симптомлар симптоматик даволанган ёки даволаш тугаганидан сўнг ўтиб кетган.
Маҳаллий реакциялар. Баъзида препаратни мушак ичига юбориш оғриқ билан кечади. Бошқа цефалоспоринлар билан даволанганда бўлгани каби, препарат вена ичига инфузия қилинганида баъзи беморларда юборилган жойда флебит ривожланган.
Юрак қон-томир тизими томонидан. Брадикардия, юрак уришини тўхташи, кардиоген шок, тахикардия, артериал гипотензия.
Тери томонидан. Қичишиш, Стивенс-Джонсон синдроми.
Нерв тизими томонидан. Оғиз бўшлиғи шиллиқ қавати гиперестезияси, безовталик.
Аллергик реакциялар. Эт увишиши, бронхоспазм, диспноэ, эксфолиатив дерматит, ларингоспазм, эритема.
Бошқалар. Суперинфекция.
Қўллаш мумкин бўлмаган ҳолатлар
Цефоперазонни цефалоспорин қатори антибиотикларига аллергияси бўлган пациентларга қўллаш мумкин эмас.
Дориларнинг ўзаро таъсири
Алкоголь
Цефоперазон билан даволаниш вақтида ва ҳатто охирги марта юборилгандан сўнг 5 суткадан кейин алкоголь истеъмол қилинганида, қизиб кетиш ҳисси, кучли терлаш, бош оғриғи ва тахикардия билан намоён бўлувчи дисульфирамсимон реакциялар ривожланганлиги юзасидан хабарлар берилган. Бундай реакциялар бошқа цефалоспоринлар қўлланганидан кейин ҳам ривожланган, шунинг учун цефоперазон билан даволаниш вақтида пациентлар алкоголли ичимликларни истеъмол қилишдан сақланишлари керак. Перорал ёки парентерал сунъий овқатланишга муҳтож бўлган пациентлар таркибида этанол сақловчи эритмаларни истеъмол қилишдан сақланишлари керак.
Лаборатор текширув натижаларига таъсир қилувчи ўзаро таъсирлар
Бенедикт ёки Фелинг эритмалари билан синамалар ўтказилганида сийдикда глюкозани аниқлаш реакцияси сохта мусбат бўлиши мумкин.
Номутаносблиги
Гепацеф® препаратининг эритмалари ва аминогликозидларни бир вақтда юбориш мумкин эмас, чунки улар орасида физик номутаносиблик мавжуд. Агар Гепацеф® препарати ва аминогликозидлар билан мажмуавий даволаш тахмин қилинса, буни вена ичига юбориш учун алоҳида тизимларни қўллаганда инфузияларни навбатма-навбат юбориш орқали амалга ошириш мумкин. Аминогликозидлардан олдин Гепацеф®ни юбориш тавсия этилади. Аминогликозидларни кейинчалик юборишдан олдин бутун тизимни тегишли эритма билан ювиш керак.
Махсус кўрсатмалар
Ўта юқори сезувчанлик
Цефоперазон билан даволашни буюришдан олдин, илгари беморда цефалоспоринлар, пенициллинлар ёки бошқа дори воситаларига ўта юқори сезувчанлик реакциялари ривожланганлигини аниқлаш мақсадида яхшилаб анамнез йиғиш керак. Пенициллинга сезгир пациентларга ушбу препаратни эҳтиёткорлик билан буюриш керак. Илгари аллергиянинг ҳар қандай шакли, айниқса дори воситаларига аллергия намоён бўлган ҳар бир пациентга антибиотикларни эҳтиёткорлик билан буюриш керак. Агар аллергик реакция ривожланса, препаратни бекор қилиш ва керакли даволашни буюриш керак. Жиддий анафилактик реакциялар зудлик билан шошилинч равишда адреналин юборишни талаб этади. Зарурат бўлганида кислород бериш, вена ичига кортикостероидларни юбориш, шунингдек нафас йўллари ўтказувчанлигини тутиб туриш, шу жумладан интубация ёрдамида тутиб туриш керак.
Жигар функциясини бузилиши бўлган беморларга қўлланиши
Цефоперазон аҳамиятли даражада сафро билан чиқарилади. Жигар касалликлари ва/ёки ўт чиқариш йўлларининг обструкцияси бўлган пациентларда цефоперазонни қон зардобидан ярим чиқарилиш даври узаяди ва препаратни сийдик билан экскрецияси ошади. Ҳатто жигар функциясини оғир даражадаги бузилишларида ҳам сафрода цефоперазоннинг терапевтик концентрацияларига эришилади, ярим чиқарилиш даври фақат 2-4 марта ошади.
Умумий эҳтиёткорликлар
Баъзи пациентларда цефоперазон билан даволаш, бошқа антибиотиклар билан бўлгани каби, К витаминини танқислигига олиб келади. К витамини танқислигини ривожланиш механизми, нормада ушбу витаминни синтез қилувчи ичак микрофлорасини сусайиши билан боғлиқ деб ҳисобланади. Ҳавф гуруҳига сифатсиз овқатланадиган, сўрилишни бузилишлари (масалан, муковисцидоз) бўлган пациентлар ва узоқ муддат парентерал овқатланишда бўлган пациентлар кирадилар. Бундай пациентларда протромбин вақтини назорат қилиш ва зарурат бўлганида экзоген К витаминини буюриш керак.
Бошқа антибиотиклар каби, цефоперазон узоқ муддат қўлланганида резистент микрофлорани жадал равишда ўсишига олиб келиши мумкин, шу боисдан даволаниш вақтида пациентларни яхшилаб кузатиш керак. Ҳар қандай кучли тизимли препарат билан даволанганда бўлгани каби, цефоперазон билан узоқ муддат даволанганда, организмнинг тизимлари томонидан, хусусан буйрак, жигар ва қон яратиш тизими томонидан ривожланиши мумкин бўлган функционал бузилишларни аниқлаш мақсадида, вақти-вақти билан текшириш тавсия этилади. Бундай текширишларни, янги туғилган чақалоқларда, хусусан чала туғилган чақалоқлар ва бошқа гўдакларда ўтказиш айниқса муҳимдир.
Деярли барча антибактериал препаратларни, шу жумладан цефоперазонни қўллаш вақтида Clostridium difficile [Clostridium difficile associated diarrhea] (CDAD) томонидан чақирилган диареяни ривожланганлиги юзасидан хабарлар берилган, оғирлик даражаси бўйича енгил диареядан летал колитгача бўлган. CDAD ривожланишини антибиотиклар қўлланганидан сўнг диареяни намоён бўлиши кузатилган барча пациентларда гумон қилиш керак. Анамнезни синчиклаб ўрганиш керак, чунки CDAD антибактериал препаратлар буюрилгандан сўнг 2 ойдан кўп вақтдан кейин ривожланганлиги юзасидан хабарлар берилган.
Агар пациент натрийнинг миқдори паст бўлган парҳезда бўлса, 1 г цефоперазон 34 мг натрий сақлашини инобатга олиш керак.
Ҳомиладорлик ва лактация даврида қўлланиши
Ҳомиладорлик
Ҳомиладор аёлларда адекват ва етарли даражада назорат қилинган тадқиқотлар ўтказилмаган, шунинг учун ҳомиладорлик вақтида ушбу препаратни жуда зарур бўлган ҳолдагина қўллаш мумкин.
Эмизиш даври
Цефоперазоннинг унча катта бўлмаган миқдоригина кўкрак сутига ўтади. Шунга қарамай, эмизиш даврида цефоперазонни эҳтиёткорлик билан буюриш керак.
Болалар
Цефоперазон чақалоқларга самарали қўлланади. Чала туғилган чақалоқлар ва болалар иштирокида йирик тадқиқотлар ўтказилмаган. Шунинг учун цефоперазонни чала туғилган чақалоқлар ва янги туғилган чақалоқларга буюришдан олдин ушбу препарат билан даволашдан кутилган потенциал афзалликлар ва кузатилиши мумкин бўлган ҳавфларни яхшилаб баҳолаш керак. Ядроли сариқлик бўлган янги туғилган чақалоқларда цефоперазон билирубинни плазма оқсиллари билан боғланган соҳасидан сиқиб чиқармайди.
Автомобилни ва мураккаб механизмларни бошқариш қобилиятига таъсири
Пациентнинг, транспорт воситаларини бошқариш ёки механизмлар билан ишлаш қобилиятига препаратни таъсир қилиш эҳтимоли кам.
Препарат болалар ололмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Цефоперазон натрийнинг ўткир токсиклиги юзасидан маълумотлар чекланган. Дори воситасининг дозаси ошириб юборилиши оқибатида кутилган кўринишлари бўлиб, энг аввало, препарат учун хос бўлган ножўя реакцияларни кучайиши ҳисобланади. Орқа мия суюқлигида бета-лактам антибиотикларнинг концентрацияларини юқори бўлиши неврологик самаралар ва тиришишларни чақириши мумкинлигини эътиборга олиш керак. Цефоперазон организмдан гемодиализ ёрдамида чиқарилиши мумкинлиги туфайли, агар буйрак функциясини бузилиши бўлган пациентларда дозани ошириб юборилиши кузатилса, ушбу муолажа дори воситасини организмдан чиқарилишини тезлаштириши мумкин.
Чиқарилиш шакли
Кукун 1,0 г дан флаконларда, 10 флакон қутида.
Сақлаш шароити
Оригинал ўрамда 2оС дан 8оС гача ҳароратда сақлансин.
Яроқлилик муддати
2 йил.
Дорихоналардан бериш тартиби
Рецепт бўйича.