ҚЎЛЛАШ БЎЙИЧА ЙЎРИҚНОМА
ОКСОЛИН
OXOLINUM
Препаратнинг савдо номи: Оксолин
Таъсир этувчи модда (ХНП): диоксотетрагидрокситетрагидронафталин
Дори шакли: назал суртма
Таркиби:
100 г суртма қуйидагиларни сақлайди:
фаол модда: диоксотетрагидрокситетрагидронафталин (оксолин) – 0,25 г.
ёрдамчи моддалар: суюқ парафин (вазелин мойи), вазелин.
Таърифи: оқдан оч-сариқ ранглигача бўлган суртма.
Изоҳ: сақланганда пушти тус пайдо бўлишига йўл қўйилади.
Фармакотерапевтик гуруҳи: вирусларга қарши восита.
АТХ коди: J05АХ
Фармакологик хусусиятлари
Вирусларга қарши фаолликка эга, грипп вирусининг ҳужайра мембранаси юзасидаги боғланиш жойларини блоклаб, ҳужайраларни уларга вирусни киришидан ҳимоя қилади.
Фармакокинетикаси
Шиллиқ қаватига суртилганида препаратнинг тахминан 20% сўрилади. Организмда тўпланмайди ва сутка давомида асосан буйраклар орқали чиқарилади.
Қўлланилиши
Вирусли ринитларни даволаш, гриппни олдини олиш учун қўлланади.
Қўллаш усули ва дозалари
Маҳаллий.
Вирусли ринитни даволаш: бурун шиллиқ қаватига суртма кунига 2-3 марта 3-4 сутка давомида суртилади.
Гриппни олдини олиш учун: грипп эпидемиясининг кўтарилган ва максимал ривожланган даврида ёки грипп билан касалланган бемор билан мулоқотда бўлганда, бурун шиллиқ қаватига ҳар куни суткада 2-3 марта 25 кун давомида суртилади.
Ножўя таъсирлари
Бурун шиллиқ қаватида тез ўтиб кетувчи ачишиш ҳисси, ринорея.
Қўллаш мумкин бўлмаган ҳолатлар
Препаратнинг компонентларига шахсий юқори сезувчанлик.
Эҳтиёткорлик билан
Ҳомиладорлик, лактация даври, 2 ёшгача бўлган болалар.
Дориларнинг ўзаро таъсири
Бошқа дори препаратлари билан бирга қўлланганида салбий кўринишлар аниқланмаган.
Махсус кўрсатмалар
Препарат кўзнинг вирусли шикастларишларида қўллаш учун мўлжалланмаган.
Препарат болалар ололмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Препаратнинг дозасини ошириб юборилиш ҳоллари таърифланмаган.
Чиқарилиш шакли
10 г дан алюмин тубада. Ҳар бир туба тиббиётда қўллаш бўйича йўриқномаси билан бирга картон қутига жойланади.
Сақлаш шароити
10оС дан юқори бўлмаган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецептсиз.