ҚЎЛЛАШ БЎЙИЧА ЙЎРИҚНОМА
МАЙДА ГУЛЛИ ТОҒРАЙХОН ЎТИ
HERBA ORIGANI TYTTHANTHI
Препаратнинг савдо номи: Майда гули тоғрайхон ўти.
Дори шакли: доривор ўсимлик хом ашёси.
Таркибида: тимол ва унинг изомери карвакрол сақловчи эфир мойлари 0,1% дан кам бўлмаслиги керак, флаваноидлар ва ошловчи моддалар саклайди.
Таърифи: тешигини диаметри 7 мм бўлган элакдан ўтадиган, поя, барг ва тўпгул бўлакчалари. Ранги оч-яшил. Хушбўй хидга эга. Таъми хушбўй, аччиқ, бироз буруштирувчи.
Фармакотерапевтик гурухи: Балғам кўчирувчи.
Фармакологик хусусиятлари
Lamiaceae оиласига мансуб, ёввойи, кўп йиллик ўтсимон майда гули тоғрайхон- Origanum tytthanthum Gontsch., ўсимлигининг ёз давомида йиғилган ва қуритилган ер устки вегетатив новдалари.
Балғам кўчирувчи ва терлатувчи таъсир кўрсатади.
Қўлланилиши
Сурункали бронхит ва бошқа балғамнинг кўчишини қийинлашуви билан кечадиган яллиғланиш касалликларини даволашда қўлланади.
Қўллаш усули ва дозаси
Дамлама кўринишида қабул қилинади. Дамламани тайёрлаш учун 10 г ўтни сирланган идишга солиб, устидан 200 мл (1 стакан) хона ҳароратидаги қайнаган сув қуйилади, қопқоқ билан ёпилади ва қайнаётган сув ҳаммомида 15 минут давомида қиздирилади, кейин 45 минут давомида хона ҳароратида совутилади, дока орқали сузиб олинади ва қолган хом-ашё сиқилади ва тайёрланган дамламани хажми қайнатилган сув билан 200 мл га етказилади. Дамламани салқин жойда 2 суткагача сақлаш мумкин.
Олинган дамлама хажми қайнатилган сув билан 200 мл га етказилади.
Дамламани салқин жойда 2 суткагача сақлаш мумкин.
Илиқ холда 2 ош қошиқдан кунига 3 марта овқатдан 30 минут олдин қабул қилинади.
Ножўя таъсирлари
Препаратга юқори сезувчанликда аллергик реакциялар бўлиши мумкин.
Қўллаш мумкин бўлмаган холатлар
Препаратни шахсий ўзлаштираолмасликда кўлланмайди .
Дориларнинг ўзаро таъсири
Аниқланмаган.
Махсус кўрсатмалар
Препарат болалар ололмайдиган жойда сақлансин ва яроқлилик муддати ўтганидан кейин ишлатилмасин.
Дозани ошириб юборилиши
Кузатилмаган.
Чиқарилиш шакли
30 г, 50 г дан картон ёки полиэтилен қутиларда ва 10 кг, 15 кг, 30 кг дан қопларда.
Сақлаш шароити
Қуруқ, ёруғликдан ҳимояланган жойда, 25°С юқори бўлмаган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецептсиз.