ҚЎЛЛАШ БЎЙИЧА ЙЎРИҚНОМА
ФЛЮ КУИТ
FLU QUIT
Препаратнинг савдо номи: Флю Куит
Дори шакли: назал томчилар
Таркиби:
1 мл қуйидагиларни сақлайди:
фаол моддалар: 3 мг рух глюконати; 0,5 мл атиргул суви (Rosa damascena)
Ёрдамчи моддалар: тозаланган сув.
Таърифи: тиниқ, рангсиз ўзига хос ҳидли эритма.
Фармакотерапевтик гуруҳи: ЛОР-аъзолари касалликларини даволаш учун восита.
АТХ коди: А12СВ02
Фармакологик хусусиятлари
Флю Куит юқори нафас йўлларининг инфекцияларида қўлланади, шунингдек ушбу касалликларда профилактик восита сифатида қўлланиши мумкин. Иммунитетни рағбатлантирувчи хусусиятларга эга. Рух глюконати – шиллиқ қаватнинг барер функциясини яхшиловчи минерал туздир. Иммунитетни рағбатлантирувчи, тинчлантирувчи ва яллиғланишга қарши хусусиятларга эга, бурун бўшлиғи шиллиқ қавати секрециясини бошқаради, микробларга қарши хусусиятларга эга, ярани битказишга ёрдам беради, хужайраларнинг ҳаёт энергиясини қайта тузади ва тиклайди.
Атиргул суви яллиғланишга қарши, тинчлантирувчи ва кучсиз антисептик ва ошловчи хусусиятларга эга.
Қўлланилиши
- Шамоллаш касалликлари ва гриппда юқори нафас йўлларининг яллиғланишли касалликлари (ринит, синусит, тонзиллит, фарингит)
- Маҳаллий иммунитетни ошириш учун профилактик восита сифатида қўлланади.
Қўллаш усули ва дозалари
Даволаш учун: ҳар бир бурун йўлига ва/ёки томоқнинг ҳар бир томонига ҳар тўрт соатда 7-8 томчидан буюрилади.
Профилактика учун: ҳар бир бурун йўлига ва/ёки томоқнинг ҳар бир томонига кунига уч марта 7-8 томчидан буюрилади.
12 ёшгача бўлган болаларда даволаш учун: ҳар бир бурун йўлига ва/ёки томоқнинг ҳар бир томонига ҳар тўрт соатда 3-4 томчидан буюрилади.
12 ёшгача бўлган болаларда профилактика учун: ҳар бир бурун йўлига ва/ёки томоқнинг ҳар бир томонига кунига уч марта 3-4 томчидан буюрилади.
Ёки шифокор кўрсатмасига мувофиқ буюрилади.
Ножўя таъсирлари
Кучсиз сурги самарага эга бўлиши мумкин.
Қўллаш мумкин бўлмаган ҳолатлар
Препаратнинг компонентларига юқори сезувчанлик кузатилиши мумкин.
Дориларнинг ўзаро таъсири
Тетрациклин ҳосилалари: рух тетрациклинларнинг самарадорлигини камайтириши мумкин, бир вақтда қўлланилганда тетрациклин ва Флю Куитни қабул қилиш орасида камида 3 соатлик интервалга риоя қилиш керак.
Хинолон ҳосилалари: рух хинолонларнинг: ципрофлоксацин, левофлоксацин, моксифлоксацин, норфлоксацин ва офлоксациннинг сўрилишини камайтириши мумкин.
Кальций тузлари: кальций тузлари Флю Куитни ўзлаштирилишини камайтиради.
Темир препаратлари: перорал темирни истеъмол қилганда рухни ўзлаштирилиши камайиши мумкин.
Пеницилламин: пеницилламинни истеъмол қилганда рухни ўзлаштирилиши камайиши мумкин ва рух қўлланилганда пеницилламинни ўзлаштирилиши камайиши мумкин.
Махсус кщрсатмалар
Ҳомиладорлик ва лактация даврида қўлланиши
Ҳомиладорлик ва лактация даврида препаратнинг хавфсизлиги аниқланмаган.
Механизмлар ва автотранспорт воситаларини бошқариш қобилиятига таъсири
Таъсир кўрсатмайди.
Препаратни болалар ололмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Кузатилмаган.
Чиқарилиш шакли
25 мл эритма томчилагичли ПЭТ флаконда, қўллаш бўйича йўриқномаси билан картон қутида.
Сақлаш шароити
Қуруқ, ёруғликдан ҳимояланган жойда, 30°С дан юқори бўлмаган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецептсиз.