📜 Инструкция по применению Ципролокс -500
💊 Состав препарата Ципролокс -500
✅ Применение препарата Ципролокс -500
📅 Условия хранения Ципролокс -500
⏳ Срок годности Ципролокс -500

ҚЎЛЛАШ БЎЙИЧА ЙЎРИҚНОМА

ЦИПРОЛОКС – 500

CIPROLOX – 500

 

Препаратнинг савдо номи: Ципролокс -500

Таъсир этувчи модда (ХПН): ципрофлоксацин (ципрофлоксацин гидрохлориди кўринишида).

Дори шакли: плёнка қобиқ билан қопланган таблеткалар

Таркиби:

фаол модда: 500 мг ципрофлоксацинга эквивалент ципрофолоксацин гидрохлориди – 550 мг;

ёрдамчи моддалар: крахмал, талк, магний стеарати, крахмал натрий гликоляти, титан диоксиди.

Таърифи: оқ рангли овал, бир томони текис ва бир томони рискали, плёнка қобиқ билан қопланган таблеткалар.

Фармакотерапевтик гуруҳи: синтетик антибактериал восита (фторхинолонлар гуруҳи).

АТХ коди: J01MA02

Фармакологик хусусиятлари

Фторхинолонлар гуруҳига мансуб, кенг таъсир доирасига эга микробларга қарши препарат. Ҳам кўпайиш босқичидаги, ҳам тинч ҳолатда бўлган микроорганизмларга бактерицид таъсир кўрсатади. Таъсир механизми бактерияларнинг кўпайиш давридаги хромосомаларнинг сегментар деспирализация ва спирализация жараёнида катта аҳамиятга эга бўлган ДНК-гираза ферментини ингибиция қилиши билан боғлиқ. Кўпчилик грамманфий ва граммусбат микроорганизмларга кўк йиринг, гемофил ва ичак таёқчалари, шигеллла, сальмонелла, минингококк, гонококк, кўпгина стафилакокк штаммларига (пенициллиназани ишлаб чиқарувчи ва ишлаб чиқармайдиган, метициллинга резистентлар), энтерококларнинг айрим турлари, шунингдек кампилобактер, легионелла, хламидия ва микобактерияларга нисбатан юқори фаолликка эга. Бетта-лактамазаларни ишлаб чиқарувчи организмларга нисбатан фаол. Аминогликозидларга, пенициллинга, III авлод цефалоспаринларга, тетрациклинга ва бошқа  антибиотикларга чидамли бўлган бактерияларга қарши юқори самарали воситадир. Препаратга резистентлик аста секин ривожланади (кўп поғонали хили). Препаратга Ureaplasma urealyticum, Clostridium difficile, Nocardia asteroides, Streptococcus faecum, Treponema pallidum резистентдирлар.

Фармакокинетикаси

Препарат  меъда-ичак йўлларида тез ва яхши сўрилади. Препарат қабул қилинган вақтдан то уни қонда (Сmax) аниқланишигача бўлган вақт асосан 30 минутдан кам. Қонда максимал концентрацияга (Сmax)  эришиш вақти 1 соатдан 1.5 соатгача. Препаратнинг биокираолишлиги тахминан 70-80% ни ташкил қилади. Плазма оқсиллари билан боғланиши 30-40% ни ташкил қилади. Аъзолар ва тўқималарга осон киради, гематоэнцефалик  тўсиқ орқали ўтади, жигарда қисман биотрасформацияга (15-30%) учрайди. Ярим чиқарилиш даври (Т1/2) 3-5 соат. Буйрак фаолиятини сезиларли даражада  бузилганида бу кўрсаткичлар ошиши (12 соатга қадар ошиши) мумкин.

Асосан ўзгармаган ҳолда буйрак, шунингдек ичак орқали чиқарилади.

Қўлланилиши

Буйрак ва сийдик чиқариш йўлларининг инфекциялари  (ўткир ёки сурункали пиелонефрит, обструктив литиаз, цистит, сийдик йўлларининг асоратли ва қайталанувчи инфекциялари, простатит, эпидидимит).

Нафас йўлларининг инфекциялари (пневмония, бронхопневмония, инфекцияланган плеврит, ўпка абцесси, инфекцияланган бронхоэктазалар, сурункали бронхитни зўрайиши).

Тери ва юмшоқ тўқималарнинг инфекциялари (инфекцияланган яралар, жароҳат инфекциялари, абцесслар, целлюлитлар, ташқи отитлар, инфекцияланган куйишлар).

Меъда-ичак йўлларининг инфекциялари (қорин тифи, бактериал диарея ва бошқалар).

Қорин бўшлиғининг инфекциялари (перитонит, қорин бўшлиғидаги абцесс, холангит, холецистит, ўт пуфаги эмпиемаси), кўз, ўрта қулоқ ва қўшимча бўшлиқлар, суяклар ва бўғимлар, кичик чаноқ аъзоларининг инфекциялари, гонорея (сўзак), минингит, эндокардит, бактеремия, сепсис ва бошқа йирингли-яллиғланиш жараёнларида қўлланилади.

Иммунитети пасайган беморларда инфекцияни олдини олиш ва даволашда қўлланилади.

Қўллаш усули ва дозалари

Ичга қабул қилинади. Таблеткаларни оч қоринга ёки овқатдан сўнг бутунлигича, озгина миқдордаги суюқлик билан ичилади. Доза инфекциянинг жойлашишига ва кечишининг оғирлигига, шунингдек микроорганизмнинг сезгирлигига қараб индивидуал белгиланади. Буйрак фаолиятини ўртача ва яққол бузилиши бўлган беморларда дозалаш тартибига тузатиш киритиш талаб этилади (яъни, креатинин клиренси (КК) 20 мл дан кам бўлганида бир марталик доза суткада 2 марта буюрилганида ўртача минутига дозанинг 50% ни ташкил қилиши керак ёки одатдаги бир марталик доза суткада 1 марта юборилади). Кекса беморлар учун дозани камайтириш керак (одатда 1/3 га).

Асоратланмаган буйрак касалликлари ва  сийдик чиқариш йўлларининг инфекцияларида 0.25-0.5 г дозада суткада икки марта буюрилади; асоратларда 500-750 мг дан суткада икки марта буюрилади, даволаш курси 7-10 кун. Асоратланмаган гонореяда  0.25-0.5 г бир марта, гонорея инфекциялари хламидия ва микоплазма билан бирга қўшилиб келганда 0.75 г дан ҳар 12 соатда 7-9 кун давомида буюрилади. Бурун-халқумда менингококк ташувчиларда бир марта 0.5 г ёки 0.75 г дозада буюрилади.

Сальмонеллани сурункали ташувчиларда 0.25 г дан суткада 4 марта буюрилади. Пневмонияда, остеомилмитда 0.75 г дан суткада 2 марта 7-14 кун давомида буюрилади.

Starhylococcus aureus чақирган меъда-ичак йўлларининг инфекцияларида 0.75 г дан ҳар

12 соатда 7-28 кун давомида буюрилади.

Ножўя таъсири

Меъда-ичак йўллари ва жигар томонидан: кўнгил айниши, қусиш, овқат хазм бўлишини бузилиши, диарея, қорин соҳасида оғриқ, метеоризм, иштаҳани йўқолиши, холестатик сариқлик, гепатит.

Нерв тизими томонидан: бош айланиши, мигрень, чарчоқ, холсизлик, уйқусизлик, қўзғалиш, тремор, периферик невралгия, парастезиялар, кўп терлаш, харакат координациясини бузилиши, тиришиш, безовталик ҳолатлари, депрессия, галлюцинациялар, дахшатли  тушлар кўриш (бу реакциялар препаратни бекор қилишни талаб қилади).

Тери томонидан: қичишиш, эшакеми, фотосенсибилизация, қизариш.

Юрак-қон томир тизими томонидан: тахикардия, хушдан кетиш, гипертензия, стенокардия, миокард инфаркти, церебрал тромбозлар.

Қон ва унинг  компонентлари томонидан: эозинофилия, лейкопения, лейкоцитоз, анемия, гемолитик анемия, тромбоцитопения, тромбоцитоз.

Сийдик чиқариш  тизими томонидан: гломерулонефрит, дизурия, полиурия, кристаллурия, альбуминурия, уретрал қон кетиш, транзитор буйрак етишмовчилигини ривожланишигача авж олувчи  буйрак фаолиятини бузилиши.

Сезги аъзолари томонидан: таъм ва ҳид сезишни бузилиши, кўришни бузилиши (диплопия, хроматопсия), қулоқларни шанҳиллаши, эшитишни вақтинчалик пасайиши (айниқса баланд товушларга).

Аллергик ва иммунопатологик реакциялар: терида тошмалар, дори таъсиридаги иситма, кам ҳолларда Квинке  шиши, бронхоспазм, артралгиялар,  жуда кам ҳолларда – анафилактик шок, петехиялар, геморрагик пуффакчалар, миалгиялар, васкулит, Стивенс-Джонсон синдроми,  Лайелл синдроми.

Қўллаш мумкин бўлмаган ҳолатлар

Ципрофлоксацинга ёки ҳар қандай хинонолон препаратларига ўта юқори сезувчанлик, 15 ёшгача бўлган болалар  (ёшларда  тоғайларни шикастланишини чақириши мумкин), кексаларда, ҳомиладорлик ва эмизиш  даврида қўллаш мумкин эмас.

Дориларнинг ўзаро таъсири

 Бир вақтда буюрилганда фторхинолинлардан ташқари,  бошқа антибиотиклар ва антибактериал воситаларнинг  таъсирини сусайиши аниқланмаган. Бир вақтда темир препаратлари, сукральфат, таркибида алюминий, магний  ёки кальций гидроксидини сақловчи антацидларни қабул қилиш препаратни сўрилишини пасайишини чақиради, шунинг учун бу препаратларни  бирга буюриш орасидаги вақт интервали 4 соатдан кам бўлмаслиги керак. Тиофиллин  билан бир вақтда қабул қилиш унинг  ножўя таъсирини кучайтиради, бу эса теофиллиннинг дозасини камайтириш талаб этилади.

Варфарин билан бир вақтда  қўллаганда варфариннинг таъсири кучаяди. Пробенецид билан бирга буюрилганда препаратнинг таъсири кучаяди.

Махсус кўрсатмалар

Бош мия қон томирлари яққол атеросклерозида, мияда қон айланишини бузилишлари, тутқаноқ, анамнезда тиришиш хуружлари, жигар ва буйрак фаолиятини яққол бузулишлари бўлган беморларга  (фақат ҳаётий кўрсатмалар бўйича), кекса ёшли пациентларга эхтиёткорлик билан буюриш керак. Даволаниш вақтида беморлар етарли миқдорда суюқлик қабул қилишлари керак. Препарат  реакция тезлигини пасайишини чақириши мумкин (айниқса алкагол билан бир вақтда қўллаганда), буни мутахассислиги диққат ва тезкор реакцияларни талаб қиладиган шахслар (масалан, транспорт ҳайдовчилари) ҳисобга олишлари керак. Оғир ва узоқ давом этувчи диарея юз берган ҳолларда сохтамемброноз колит ташхисини истисно қилиш керак, бунда дарҳол препаратни бекор қилиш талаб этилади ва мувофиқ даволаш буюрилади. Препарат билан даволаш даврида айрим лаборатор кўрсаткичлар ўзгариши мумкин: сийдикда чўкма пайдо бўлиши, қон зардобида креатинин, мочевина, билирубин, жигар трансаминазаларининг концентрациясини  вақтинча ошиши; айрим ҳолларда – гипергликемия, кристаллурия ёки гематурия, протромбин кўрсаткичларини ўзгариши кузатилиши мумкин.

Препарат болалар ололмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши

Симптомлар: буйракни ўткинчи шикастланиши.

Даволаш: қусишни чақириш, меъдани ювиш, меъда ширасини нейтралловчи препаратларни буюриш. Организмга етарли миқдордаги суюқлик тушишини таъминлаш зарур. Диализ ёрдамида ципрофлоксациннинг кам миқдоригина (10% кам) чиқарилиши мумкин.

Чиқарилиш шакли

10 таблетка алюмин фолга ва ПВХ плёнкали блистерда. 1 блистер қўллаш бўйича йўриқнома билан бирга картон қутида.

 

Сақлаш шароити

Қуруқ ва ёруғликдан ҳимояланган жойда, 250С дан юқори бўлмаган ҳароратда сақлансин..

Яроқлилик муддати

3 йил.  

Дорихоналардан берилиш тартиби

Рецепт бўйича.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.