📜 Инструкция по применению Ципраксол
💊 Состав препарата Ципраксол
✅ Применение препарата Ципраксол
📅 Условия хранения Ципраксол
⏳ Срок годности Ципраксол

ҚЎЛЛАШ БЎЙИЧА ЙЎРИҚНОМА

ЦИПРАКСОЛ

CIPRАKSOL

 

Препаратнинг савдо номи: Ципраксол

Таъсир этувчи модда (ХПН): ципрофлоксацин

Дори шакли: инфузия учун эритма тайёрлаш учун концентрат.

Таркиби

1 ампула қуйидагиларни сақлайди:

фаол модда: ципрофлоксацин – 100 мг;

ёрдамчи моддалар: сут кислотаси, динатрий эдетати, 1 М хлорид кислотаси, инъекция учун сув.

Таърифи: тиниқ, рангсиз ёки бироз сарғиш-яшилроқ суюқлик.

Фармакотерапевтик гуруҳи: Антибактериал синтетик восита (фторхинолонлар гуруҳи).

АТХ коди J01MA02

Фармакологик хусусиятлари

Фармакодинамикаси

Фторхинолонлар гуруҳига мансуб кенг таъсир доирасига эга микробларга қарши бактерицид таъсир қилувчи препарарт. Препарат бактерияларнинг ДНК-гираза ферментини ингибиция қилади, бунинг натижасида ДНК репликацияси ва бактерияларнинг ҳужайра оқсиллари синтези бузилади. Макроорганизм ҳужайраларига нисбатан препаратни паст токсиклиги, уларда ДНК-гиразани йўқлиги билан тушунтирилади. Ципрофлоксацинни қабул қилиш фонида, гираза ингибиторлари гуруҳига мансуб бўлмаган бошқа антибиотикларга паралелл чидамлиликни ҳосил бўлиши юз бермайди, бу уни масалан, аминогликозидлар, пенициллинлар, цефалоспоринлар, тетрациклинлар ва кўпчилик бошқа антибиотикларга чидамли бўлган бактерияларга нисбатан юқори фаол бўлишига олиб келади. Ципрофлоксацин кўпаяётган микроорганизмларга ҳам, тинч ҳолатдаги микроорганизмларига ҳам таъсир қилади. Ципрофлоксацинга грамманфий аэроб бактериялар: энтеробактериялар (Escherichia coli, Salmonella spp., Shigella spp., Citrobacter spp., Klebsiella spp., Enterobacter spp., Proteus mirabilis, Proteus vulgaris, Serratia marcescens, Hafnia alvei, Edwardsiella tarda, Providencia spp., Morganella morganii, Vibrio spp., Yersinia spp.), бошқа грамманфий бактериялар (Haemophilus spp., Pseudomonas aeruginosa, Moraxella catarrhalis, Aeromonas spp., Pasteurella multocida, Plesiomonas shigelloides, Campylobacter jejuni, Nesseria spp.); айрим ҳужайра ичи қўзғатувчилари: Legionella pneumophila, Brucella spp., Chlamydia trachomatis, Listeria monocytogenes, Mycobacterium tuberculosis, Mycobacterium kansasii, Mycobacterium avium (ҳужайра ичида жойлашган) сезгир.

Ципрофлоксацинга шунингдек аэроб граммусбат бактериялар: Staphylococcus spp. (S.aureus, S.haemolyticus, S.hominis, S.saprophyticus), Streptococcus spp. (St. pyogenes, St.agalactiae) сезгир. Метициллинга чидамли бўлган кўпчилик стафилококклар, ципрофлоксацинга ҳам чидамлидир.

Streptococcus pneumoniae, Enterococcus faecalis бактерияларининг сезгирлиги ўртача. Препаратга Corynebacterium spp., Bacteroides fragilis, Pseudomonas cepacia, Pseudomonas maltophilia, Ureaplasma urealyticum, Clostridium difficile, Nocardia asterodes резистентдир. Препаратнинг Treponema pallidum га нисбатан таъсири етарли ўрганилмаган ҳам in vitro, ҳам in vivo ципрофлоксацинга Bacillus anthracis ҳам сезгирдир.

Фармакокинетикаси

Вена ичига (в/и) 200 мг ёки 400 мг инфузиядан кейин максимал концентрацияга (ТСmax) эришиш вақти – 60 минут, максимал концентрацияси (Cmax) – мувофиқ 2,1 мкг/мл ва 4,6 мкг/мл. Организмдаги тақсимланиш ҳажми 1,74 дан 5 л/кг гача ўзгариб туради, плазма оқсиллари билан боғланиши – 19-40%. Организмнинг тўқималарида яхши тақсимланади (ёғларга бой, масалан, нерв тўқимаси бундан мустасно). Тўқималардаги миқдори, плазмадагига қараганда 2-12 марта юқори бўлади.

Препаратнинг юқори концентрациялари сафрода, ўпкада, буйракда, жигарда, ўт пуфагида, бачадонда, уруғ суюқлигида, простата бези тўқимасида, бодомсимон безларда, эндометрийда, фаллопий найларида ва тухумдонларда кузатилади. Препаратнинг бу тўқималаридаги концентрацияси зардобидагига нисбатан юқори. Ципрофлоксацин шунингдек суякларга, кўз суюқлигига, бронхлар секретига, сўлакка, терига, мушакларга, плеврага, қорин пардасига, лимфага яхши ўтади. Орқа мия суюқлигига кўп бўлмаган миқдорда ўтади, унинг у ердаги концентрацияси мия пардалари яллиғланмаган ҳолларда қон зардобидаги концентрациясининг 6-10% ни, яллиғланганида эса – 14-37% ни ташкил қилади. Ципрофлоксацин шунингдек йўлдош орқали ҳам яхши ўтади.

Ципрофлоксациннинг қон нейтрофилларидаги концентрацияси зардобдагига қараганда 2-7 марта юқори.

Жигарда (15-30%) кам фаолликка эга метаболитлари (диэтилципрофлоксацин, сульфоципрофлоксацин, оксоципрофлоксацин, формилципрофлоксацин) ҳосил бўлиши билан метаболизмга учрайди.

Вена ичига юборилганида ярим чиқарилиш даври (Т½) – 3-5 соат, сурункали буйрак етишмовчилигида (СБЕ) – 12 соатгача ошади. Асосан буйрак орқали тубуляр фильтрация ва найчалар секрецияси йўли билан ўзгармаган ҳолда (в/и юборилганида – 50-70%) ва метаболитлари кўринишида (в/и юборилганида – 10%), қолган қисми – меъда-ичак йўллари орқали чиқарилади. Кўп бўлмаган миқдори кўкрак сути билан чиқарилади. В/и юборилганидан кейин сийдикдаги концентрацияси юборилганидан кейинги биринчи 2 соат давомида зардобдагига нисбатан деярли 100 марта кўп, бу сийдик чиқариш йўлларининг инфекцияларини кўпчилик қўзғатувчилари учун минимал бостирувчи концентрациясидан (МБК) анча юқори. Буйрак клиренси – минутига 3-5 мл/кг; умумий клиренс – минутига 8-10 мл/кг.

Сурункали буйрак етишмовчилигида (креатинин клиренси (КК) – минутига 20 мл дан юқори) буйрак орқали чиқариладиган препаратнинг фоизи пасаяди, бироқ препаратнинг метаболизмини ва ичак орқали чиқарилишини компенсатор ошиши оқибатида уни организмда кумуляцияси юз бермайди.

Қўлланилиши

– Ципрофлоксацинга сезгир микроорганизмлар томонидан чақирилган қуйидаги инфекцион-яллиғланиш касалликлари:

– нафас йўлларининг инфекциялари: пневмония (пневмококкли пневмониядан ташқари), ўткир бронхит ва сурункали бронхитни зўрайиши, бронхоэктатик касаллиги, муковисцидоз (агар қўзғатувчиси грамманфий бактериялар, айниқса Р.aeruginosa бўлса);

– қулоқ, томоқ ва бурун инфекциялари: ўткир ўрта отит, синусит, мастоидит;

– буйрак ва сийдик йўлларининг инфекциялари: сийдик йўлининг юқори ва пастки бўлимларининг асоратланмаган ва асоратланган инфекциялари (уретрит, цистит, пиелонефрит);

– кичик чаноқ аъзолари ва жинсий аъзоларнинг инфекциялари (эпидидимит, простатит, сальпингит, эндометрит, оофорит, най абсцесси ва пельвиоперитонит, гонорея, юмшоқ шанкр, хламидиоз);

– қорин бўшлиғи аъзоларининг: перитонит, қорин пардаси ички абсцесси; холецистит, холангит (метронидазол ёки клиндамицин билан мажмуада), инфекцион диарея: салмонеллёз, кампилобактериоз, иерсиниоз, шигеллез, вабо, қорин тифи;

– тери ва юмшоқ тўқималарнинг инфекциялари: инфекцияланган яралар, инфекцияланган жарохатлар, абсцесслар, флегмона, ташқи эшитиш йўлининг инфекциялари, инфекцияланган куйишлар;

– таянч-ҳаракат аппаратининг инфекциялари: остеомиелит, септик артрит;

  • Сепсис, иммунитети пасайган беморлардаги инфекциялар (иммунодепрессантлар билан даволаш фонидаги ёки нейтропенияли пациентларда).
  • Жарроҳлик аралашувлардаги (урологик, меъда-ичак йўлларидаги (метронидазол билан комбинацияда) ва ортопедик) инфекцияларни олдини олиш.
  • Куйдиргининг ўпка шаклини даволаш ва олдини олишда қўлланилади.

Педиатрияда қўлланиши:

Ципрофлоксацинни 18 ёшгача бўлган болаларда қуйидагилардан ташқари бошқа инфекцион касалликларни даволаш учун ишлатиш тавсия қилинмайди:

– куйдиргини даволаш ва олдини олиш (Bacillus anthracis билан тахмин қилинган ёки инсботланган инфекцияланишдан кейин);

– ўпка муковисцидози бўлган 5 ёшдан 17 ёшгача бўлган болаларда Pseudomonas aeruginosa томонидан чақирилган асоратларни даволашда қўлланилади.

Қўллаш усули ва дозалари

Вена ичига буюрилади, в/и оқим билан юбориш мумкин, лекин томчилаб 30 минут (200 мг) ва 60 минут (400 мг) давомида юбориш авзалроқ.

Қўллаш олдидан инфузиялар учун эритма тайёрлаш учун 1 ампула концентратни адекват миқдордаги инфузион эритма: 0,9% ли  натрий хлорид эритмаси, Рингер эритмаси, 5% ли ва 10% ли декстроза эритмаси, 10% ли фруктоза эритмаси, шунингдек 0,225% ёки 0,45% эритма билан 50 мл ли минимал ҳажмгача эритма билан суюлтириш керак.

Ципрофлоксациннинг дозаси касалликнинг оғирлиги, инфекциянинг тури, организмнинг ҳолати, ёши, вазни ва пациентнинг буйрак фаолиятига боғлиқ. Одатдаги тавсия этиладиган дозалар: в/и юбориш учун бир марталик доза – 200 мг (оғир инфекцияларда – 400 мг), юбориш сони – суткада 2 мартани ташкил этади.

Pseudomonas spp., стафилококклар ёки Streptococcus pneumoniae чақирган алоҳида оғир, ҳаёт учун хавфли ёки қайталанувчи инфекцияларни даволашда в/и юбориш заруратида; сепсисда, перитонитда, суяклар ва бўғимларнинг инфекцияларида доза 0,4 г гача, юборишлар сони суткада 3 мартагача оширилиши мумкин.

Ўткир асоратланмаган гонореяда – бир марта, вена ичига 100 мг.

Операциядан кейинги инфекцияларни олдини олиш учун – операциядан 30-60 минут олдин вена ичига 200-400 мг; 4 соатдан ортиқ давом этган операцияда такроран худди шу дозада юборилади.

Даволашнинг ўртача давомийлиги: 1 кун – ўткир асоратланмаган гонореяда; 7 кунгача – буйрак, сийдик чиқариш йўллари ва қорин бўшлиғининг инфекцияларида; нейтропеник босқичнинг ҳамма даври давомида – организмнинг ҳимоя кучлари сусайган беморларда, лекин – остеомиелитда ва 7-14 кун – қолган инфекцияларда 2 ойдан ошмаслиги лозим. Стрептококкли инфекцияларда кечки асоратларнинг хавфи туфайли, шунингдек хламидияли инфекцияларда даволаш камида 10 кун давом этади. Иммун танқислиги бўлган беморларда нейтропениянинг бутун даври давомида даволаш ўтказилади.

Тана ҳарорати нормаллашганидан ёки клиник белгилари йўқолганидан кейин даволашни яна камида 3 кун ўтказиш керак.

Кекса пациентларда доза 30% га пасайтирилади.

Буйрак калавалари фильтрацияси тезлиги (КК 31-60 мл/мин/1,73 кв.м ёки креатининни зардобли концентрацияси 1,4 дан 1,9 мг гача 100 мл) бўлганида максимал суткалик доза – 800 мг.

Оғир буйрак етишмовчилиги бўлган беморларга (КК минутига 30 мл/1,73 кв. м дан кам; зардобдаги креатинин концентрацияси 2 мг/100 млдан юқори) суткалик дозанинг ярмини буюриш лозим, максимал суткалик доза -400 мг. Перитонитда амбулатор перитонеал диализда бўлган пациентларда ципрофлоксацинни 1 л диализатга 50 мг дозада суткада 4 марта интраперитонеал юбориш мумкин.

Инфузия учун эритмани 0,9% ли натрий хлорид эритмаси, Рингер эритмаси, 5% ли ва 10% ли декстроза эритмаси, 10% ли фруктоза эритмаси, шунингдек 0,225% ли ёки 0,45% ли натрий хлориди эритмасили 5% ли декстроза эритмасини сақловчи эритма билан қўшиб аралаштириш мумкин. В/и қўллашдан кейин даволашни перорал давом эттириш мумкин.

Куйдиргининг ўпка шаклида (олдини олиш ва даволаш):

Катталар: 400 мг дан вена ичига  суткада 2 марта буюрилади.

Болалар (5 дан 17 ёшгача): 10 мг/кг тана вазнига кунига 2 марта. Максимал бир марталик доза – в/и 400 мг (максимал суткалик доза – 800 мг) ошириш мумкин эмас. Даволашни инфекция юққани тахмин қилингани ёки тасдиқланганидан кейин дарҳол бошлаш керак. Куйдиргининг ўпка шаклида ципрофлоксацин билан даволашнинг умумий давомийлиги 60 кунни ташкил қилади.

Ўпка муковисцидози бўлган 5 дан 17 ёшгача болаларда Pseudomonas aeruginosa томонидан чақирилган асоратларни даволашда ципрофлоксациннинг тавсия этилган дозаси ҳар 8 соатда 10 мг/кг ни ташкил қилади (ҳар 8 соатда в/и 400 мг дан кўп эмас). Даволаш давомийлиги 10-14 кунни ташкил этади.

Ножўя таъсирлари

Овқат ҳазм қилиш тизими томонидан: кўнгил айниши, қусиш, диарея, қоринда оғриқ, метеоризм, анорексия, холестатик сариқлик (айниқса жигар касалликларини ўтказган пациентларда), гепатит, гепатонекроз, сохтамембраноз колит.

Марказий ва периферик нерв тизими томонидан: бош айланиши, бош оғриғи, юқори чарчоқлик, қўзғалувчанлик, тиришишлар, хавотирлик, тремор, уйқусизлик, “даҳшатли” тушлар кўриш, периферик паралгезия (оғриқ сезгисини аномал ҳис қилиш), кўп терлаш, бош мия ички босимини ошиши, онгни чалкашиши, депрессия, галлюцинациялар, шунингдек психотик реакцияларнинг бошқа кўринишлари (камдан-кам ҳолларда пациентни ўзига ўзи зарар етказиши мумкин бўлган ҳолатгача бўлган суицидал тенденциялар), мигрень, хушдан кетиш ҳолатлари, церебрал артерияларнинг тромбози.

Сезги аъзолари томонидан: таъм ва хид сезишни бузилиши, кўришни бузилиши (диплопия, ранг сезишни ўзгариши), қулоқларни шанғиллаши, эшитишни сусайиши.

Юрак-қон томир тизими томонидан: тахикардия, юрак ритмини бузилиши, артериал босимни (АБ) пасайиши, юз терисига қонни “оқиб келиши”ни ҳисси.

Қон яратиш тишими томонидан: лейкопения, гранулоцитопения, анемия, тромбоцитопения, лейкоцитоз, тромбоцитоз, гемолитик анемия.

Сийдик чиқариш тизими томонидан: гематурия, кристаллурия (энг аввалл ишқорий сийдик ва паст диурезда), гломерулонефрит, дизурия, полиурия, сийдикни тутилиши, альбуминурия, уретрал қон кетишлар, буйракнинг азотни чиқариш функциясини пасайиши, интерстициал нефрит.

Аллергик реакциялар: терини қичишиш, эшакеми, қон кетишлар ва қора қўтир ҳосил қилувчи кичик тугунларни ҳосил бўлиши билан бирга кечувчи пўрсилдоқларни ҳосил бўлиши, дори иситмаси, нуқтали қон қуйилишлар (петехиялар), юз ва халқумни шиши, ҳансираш, эозинофилия, васкулит, экзантема, тугунли эритема, экссудатив кўп шаклли эритема, Стивенс-Джонсон синдроми (хавфли экссудатив эритема), токсик эпидермал некролиз (Лайелл синдроми), анафилактик шок.

Суяк-мушак тизими томонидан: артралгия, артрит, тендовагинит, пайларни узилиши, миалгия, бўғим соҳасида шиш.

Бошқалар: умумий ҳолсизлик, кўп терлаш, суперинфекциялар (кандидоз), ёруғликка юқори сезувчанлик.

Лаборатория кўрсаткичлари томонидан: гипопротромбинемия, “жигар” трансаминазалари ва ишқорий фосфатаза фаоллигини ошиши, гиперкреатининемия, гипербилирубинемия, гиперурикемия, гипергликемия.

Маҳаллий: юборилган жойда оғриқ ва ачишиш, флебит.

Қўллаш мумкин бўлмаган ҳолатлар

  • Ципрофлоксацинга ёки хинолонлар гуруҳига мансуб бошқа препаратларга ёки препаратнинг ҳар қандай бошқа компонентига юқори сезувчанлик.
  • Ҳомиладорлик ва лактация даври.
  • 18 ёшгача бўлган болалар ва ўсмирлар ёши (ўпка муковисцидози бўлган 5 дан 17 ёшгача бўлган болалардаги Pseudomonas aeruginosa томонидан чақирилган асоратларни даволаш; куйдиргининг ўпка шаклини олдини олиш ва даволашдан ташқари).
  • Тизанидин билан бир вақтда қўллаш (артериал босимни яққол пасайиш хавфи, уйқучанлик туфайли) мумкин эмас.

Эҳтиёткорлик билан: бош мия қон томирларининг яққол атеросклерози, бош мияда қон айланишини бузилиши, руҳий касалликлар, тутқаноқ синдроми, тутқаноқ, яққол буйрак ва/ёки жигар етишмовчилиги, кекса ёшдаги пациентлар, глюкоза-6-дегидрогеназа танқислиги, глюкокортикостероидлар билан даволашда эҳтиёткорлик билан қўлланилади.

Дориларнинг ўзаро таъсири

Гепатоцитларда микросомал оксидланиш жараёнлар фаоллигини пасайиши оқибатида, теофиллин ва/ёки кофеин (ва бошқа ксантинларнинг), перорал гипогликемик препаратлар (глибенкламидни – бу гипогликемияга олиб келиши мумкин), билвосита антикоагулянтларнинг (варфарин ва бошқ.) концентрациясини оширади, протромбин индексини пасайтириш хусусиятига эга (қон кетишларнинг хавфи).

Ципрофлоксацин тизанидиннинг Сmax ни 7 марта (4 дан 21 мартагача) ва AUC ни 10 марта (6 дан 24 мартагача) оширади, бу АБ ни яққол пасайиш хавфини ва уйқучанликни оширади.

Ностероид яллиғланишга қарши препаратлар (ацетилсалицил кислотасидан ташқари) билан бир вақтда қабул қилиш – тиришишлар ривожланиши хавфини оширади.

Ципрофлоксацин ва циклоспорин бир вақтда қўлланганида циклоспориннинг нефротоксик таъсири кучаяди (қондаги креатинин даражасини 2 ҳафтада бир марта назорат қилиш керак).

Ципрофлоксацин ва глюкокортикоидларни бир вақтда қабул қилиш пайларнинг узилишини юз бериш хавфини ошириши мумкин.

Ципрофлоксацин ва фенитоинни бир вақтда буюриш, фенитоиннинг зардобдаги концентрациясини ошишига ёки пасайишига олиб келиши мумкин.

Урикозурик препаратларни бирга буюриш ципрофлоксацинни чиқарилишини секинлашишига (50% гача) ва плазмадаги концентрациясини ошишига олиб келади.

Бошқа микробларга қарши препаратлар (бета-лактамлар, аминогликозидлар, клиндамицин, метронидазол) билан қўшилганида, одатда синергизм кузатилади: Pseudomonas spp. томонидан чақирилган инфекцияларда препарат азлоциллин ва цефтазидим билан мажмуада, мезлоциллин, азлоциллин ва бошқа бета-лактам антибиотиклар билан – стрептококкли инфекцияларда; изоксазолпенициллинлар ва ванкомицин билан – стафилококкли инфекцияларда; метронидазол ва клиндамицин билан – анаэроб инфекцияларда мувоффақиятли қўлланиши мумкин.

Инфузион эритма кислотаси муҳитда физик-кимёвий барқарор бўлган барча инфузион эритмалар ва дори воситалари билан фармацевтик номутаносиб (ципрофлоксациннинг инфузион эритмасининг рН – 3,5-4,6).

 

Махсус кўрсатмалар

Тутқаноқ билан хасталанган, анамнезида тиришиш хуружлари бўлган, қон миянинг томир касалликлари ва органик шикастланишлари бўлган беморларга марказий нерв тизими томонидан ножўя реакциялар ривожланиш хавфи туфайли, ципрофлоксацинни фақат ҳаётий зарур кўрсатмалар бўйича буюриш лозим.

Ципрофлоксацин билан даволаш вақтида ёки ундан сўнг оғир ва давомли диарея пайдо бўлганида, препаратни бекор қилишни ва тегишли даволашни буюришни талаб этувчи сохтамембраноз колит ташҳисини истисно қилиш лозим.

Пайларда оғриқ пайдо бўлганида ёки тендовагинтнинг биринчи белгилари пайдо бўлганида даволашни тўхтатиш лозим, чунки фторхинолонлар билан даволаш вақтида пайларни яллиғланиши ва хаттоки узилишининг айрим ҳоллари таърифланган (кўпроқ бир вақтда кортикостероидларни қабул қилаётган кекса пациентларда). Ципрофлоксацин билан даволаниш вақтида ҳаддан зиёд жисмоний зўриқишларидан сақланиш лозим.

Ципрофлоксацин билан даволаниш даврида, кристаллурияни ривожланишидан сақланиш мақсадида, тавсия этилган суткалик дозани ошириш мумкин эмас. Шунингдек меъёрдаги диурез ва сийдикнинг кислотали реакциясини тутиб туриш учун, етарли миқдорда суюқлик қабул қилишни таъминлаш (диурезнинг назорати остида) лозим.

Ципрофлоксацин билан даволаш даврида ультрабинафша нурланишдан (шу жумладан қуёш нурларини тўғри тушишидан) сақланиш лозим.

Даволаш вақтида протромбин индекси ошиши мумкин (хирургик аралашувларни ўтказишда қон ивиши тизими ҳолатини назорат қилиш лозим).

Ципрофлоксацин ва барбитурат кислотаси ҳосилалари гуруҳига мунсуб бўлган умумий анастезия учун дори воситалари билан бир вақтда юборилганида, юрак қисқаришлари сони (ЮҚС), АБ, ЭКГ ни доимо назорат қилиш керак.

Глюкоза-6-дегидрогеназа танқислиги бўлган пациентларда Ципраксолни буюриш гемолитик анемияни ривожланишига сабаб бўлиши мумкин.

Даволаниш вақтида пациентлар алкоголь истеъмол қилмасликлари лозим.

Автотранспорт ва бошқа механизмларни бошқариш қобилятига таъсири

Ципрофлоксацин қабул қилаётган пациентлар  автомобилни хайдаш ва психомотор реакциялар тезлигини талаб этувчи фаолиятнинг бошқа  потенциал хавфли турлари билан шуғулланишда эҳтиёткорликка риоя қилишлари лозим (айниқса бир вақтда алкоголь истеъмол қилинганида).

 

Дозани ошириб юборилиши

Симптомлари: кўнгил айниши, қусиш, диарея, бош оғриғи ва бош айланиши, оғирроқ ҳолларда эса чалкашиш, тремор, галлюцинациялар ва тишишишлар.

Даволаш: симптоматик, етарли миқдорда суюқликни киришини таъминлаш. Специфик антидоти маълум эмас. Интоксикацияда гемодиализ клиник самара кўрсатмайди.

 

Чиқарилиш шакли

Инфузия учун эритма тайёрлаш учун концентрат, 10 мг/мл.

10 мл дан ампулаларда.

5 ёки 10 поливинилхлорид пленкали контур ўрамлар, қўллаш бўйича йўриқномаси билан бирга картон қутида.

Сақлаш шароити

Қуруқ, ёруғликдан ҳимояланган жойда, 25o С дан юқори бўлмаган ҳароратда сақлансин.

Болалар ололмайдиган жойда сақлансин.

Яроқлилик муддати

2 йил.

 

Дорихоналардан бериш тартиби

Рецепт бўйича.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.