ҚЎЛЛАШ БЎЙИЧА ЙЎРИҚНОМА
ЛАФЕРОБИОН
LAFERОBIONUM
Препаратнинг савдо номи: Лаферобион
Таъсир этувчи модда (ХПН): альфа-2b интерферони (interferon alfa-2b)
Дори шакли: суппозиторийлар
Таркиби:
1 суппозиторий қуйидагиларни сақлайди:
фаол модда: 1000 000 ХБ ёки 3000 000 ХБ одам рекомбинант альфа-2b интерферони;
ёрдамчи моддалар: токоферол ацетатининг 5% ли мойли эритмаси, аскорбин кислотаси, қаттиқ ёғ.
Таърифи: сарғиш-оқ рангли, бир хил консистенцияли, ўқсимон шаклли суппозиторийлар.
Фармакотерапевтик гуруҳи: Иммуностимуляторлар. альфа-2b интерферон.
АТХ коди: L03AB05
Фармакологик хусусиятлари
Рекомбинант альфа-2b интерферон яққол антивирус, антипролифератив ва иммуномодуляция қилувчи таъсирга эга. Лаферобионнинг мажмуавий таркиби бир қатор янги самараларни намоён этади: токоферол ацетати ва аскорбин кислотаси билан бирга рекомбинант альфа-2b интерфероннинг фаоллиги 10-14 марта ошади, Т- ва В-лимфоцитларга унинг иммуномодуляция қилувчи таъсири кучаяди, Е иммуноглобулинининг миқдори нормаллашади. Рекомбинант альфа-2b интерфероннинг антивирус фаоллигини нейтралловчи антителалар, ҳатто у 2 йил давомида қўлланганида ҳам ҳосил бўлмайди, эндоген тизимнинг фаолият кўрсатиши нормаллашади.
Қўлланилиши
Катталар учун:
- папилломавирусли инфекцияларда (вульгар сўгал, ўткир учли кандилома);
- жинсий йўл орқали юқадиган аралаш урогенитал инфекцияларда;
- бактериал, вирусли ва аралаш инфекцияларда;
- бачадон бўйнини ўсмани ривожланишидан олдин кузатиладиган касалликларида қўлланади.
Қўллаш усули ва дозалари
Катталар учун:
- папилломавирус инфекцияларида (вульгар сўгал, ўткир учли кандиломалар) препарат 1500000 ХБ дан суткада 2 марта 12 соатлик танаффус билан ректал буюрилади. Даволаш курси 10 сутка. Даволаш цитологик, бактериологик текширувлар ёрдамида пациентнинг ҳолатини назорат қилиш ва клиник симптомларининг намоён бўлишини назот қилиш орқали ўтказилади.
- жинсий йўл орқали юқадиган аралаш урогенитал инфекцияларда ва бактериал, вирусли ва аралаш инфекцияларда препарат 1000000-1500000 ХБ дан суткада 2 марта 12 соатлик танаффус билан ректал буюрилади. Даволаш курси 10 сутка. Даволаш цитологик, бактериологик текширувлар ёрдамида пациентнинг ҳолатини назорат қилиш ва клиник симптомларининг намоён бўлишини назот қилиш орқали ўтказилади. Ҳар иккала жинсий шерик бир вақтда даволанади.
- бачадон бўйнини ўсмани ривожланишидан олдин кузатиладиган касалликларида 1500000 ХБ дан суткада 2 марта 12-соатлик танаффус билан ректал қўлланади. Даволаш курси 10 сутка. Кейинги даволаш клинико-лаборатор кўрсаткичлари билан аниқланади.
Ножўя таъсирлари
Лаферобионни қўллаш билан боғлиқ бўлган барча ножўя реакциялар аҳамиятсиз ёки ўртача оғирликда бўлади. Даволаш тугаганидан кейин улар одатда йўқолади.
Умумий бузилишлар. Лаферобион юборилганида гриппга ўхшаш симптомлар: эт увишиши, тана ҳароратини ошиши, толиқиш, ҳолсизлик, шунингдек бош оғриғи, мушакларда, бўғимларда оғриқ, кучли терлаш; кам ҳолларда – қусиш, бош айланиши, қизиб кетиш ҳисси бўлиши мумкин.
Препаратга ўта юқори сезувчанлик реакциялари пайдо бўлиши мумкин.
Қон яратиш тизими томонидан кузатиладиган бузилишлар: узоқ вақт қўлланганида лейкопения, тромбоцитопения, анемия, бурундан қон кетиши бўлиши мумкин.
Меъда-ичак йўллари, жигар томонидан кузатиладиган бузилишлар: АЛТ ва АСТ нинг даражасини ошиши, ИФ нинг даражасини ошиши, иштаҳани йўқолиши. Жигар фаолиятини бузилиши.
Эндокрин бузилишлар: қалқонсимон без фаолиятини бузилиши.
Марказий ва периферик нерв тизими томонидан кузатиладиган бузилишлар: узоқ муддат қўлланганида бош айланиши, уйқуни бузилиши, онгни чалкашиши, хавотирли ва депрессив ҳолатлар, юқори қўзғалувчанлик, уйқучанлик, атаксия, парестезиялар бўлиши мумкин.
Юрак-қон томир тизими томонидан кузатиладиган бузилишлар: артериал гипертензия ёки гипотензия бўлиши мумкин; кам ҳолларда – тахикардия.
Тери ва тери ости тўқималари томонидан кузатиладиган бузилишлар: аллергик реакциялар, жумладан тошма (шу жумладан герпетик), қичишиш гиперемия.
Нафас тизими томонидан кузатиладиган бузилишлар – йўтал.
Бошқалар: юборилган жойда ўзгаришлар, кўришни бузилиши, буйрак фаолиятини бузилиши, электролитлар мувозанатини бузилиши.
Қўллаш мумкин бўлмаган ҳолатлар
Препаратнинг компонентига юқори сезувчанлик; пациентда қалқонсимон безнинг дисфункцияси бўлганида; Капоши саркомаси бўлган пациентларда оғир даражадаги висцерал бузилишлар бўлганида; оғир даражадаги юрак-қон томир касалликлари; псориаз, жигар ва/ёки буйрак фаолиятини яққол бузилишлари, тутқаноқ ва МНТ нинг бошқа касалликлари (шу жумладан функционал); кучайиб бораётган ёки декомпенсацияланган жигар циррози фонидаги сурункали гепатит, иммунодепрессантларни (кортикостероидлар билан қисқа даволаш курсидан ташқари) қабул қилаётган ёки яқинда қабул қилган беморларда, анамнезида аутоиммун гепатит ёки бошқа аутоиммун касалликлар бўлганида қўллаш мумкин эмас. Қон яратилишининг миелоид ўсишини сусайишида қўллаш мумкин эмас.
Дориларнинг ўзаро таъсири
Препаратни опиоид, анальгетик, ухлатувчи ва седатив, дори воситалари билан бир вақтда эҳтиёткорлик билан қўллаш лозим (потенциал миелосупрессив самара чақиради).
Оксидланиш йўли билан метаболизмга учрайдиган препаратлар билан (шу жумладан ксантин ҳосилалари – аминофиллин ва теофиллин билан) бир вақтда қўлланганда Лаферобионни оксидланувчи метаболик жараёнларига таъсир қилиши мумкинлигини ҳисобга олиш керак. Теофиллиннинг қон зардобидаги концентрациясини назорат қилиш зарурати бўлганида – дозалаш тартибига тузатиш киритиш керак.
Препаратни химиотерапевтик препаратлар (цитарабин, доксорубицин, тенипозид, циклофосфамид) билан мажмуада қўлланганида ҳаётга хавф туғдирувчи токсик самараларини ривожланиш хавфи (уларни оғирлиги ва давомийлиги) ошади. Препарат билан зидовудин бир вақтда қўлланганида нейтропенияни ривожланиш хавфи ошади.
Махсус кўрсатмалар
Лаферобион билан даволашни шифокорнинг кузатуви остида ўтказиш керак.
Препаратни узоқ муддатга буюришдан олдин қалқонсимон безнинг фаолиятини текшириш тавсия этилади. Тиреотроп гормон (ТТГ) нинг даражаси нормал чегараларда бўлган шароитда препаратни қўллашни бошлаш керак. Агар тиреотроп гормоннинг даражасини бирорта ўзгариши аниқланса, тиреотроп гормоннинг миқдорини нормал даражада ушлаб туриш мумкин бўлган шароитдагина мувофиқ даволаш ўтказиш ва Лаферобион билан даволашни бошлаш керак. Даволаниш вақтида тиреотроп гормоннинг даражасини назорат қилиш мақсадга мувофиқ. Даволаш тўхтатилганидан сўнг препаратни юбориш натижасида қалқонсимон безнинг бузилган фаолияти тикланмайди.
Ҳамма пациентларга даволашни бошлашдан олдин ва даволаш вақтида мунтазам равишда кенгайтирилган периферик қон таҳлилини ўтказиш, бунда қон кўрсаткичларини сифатий ва миқдорий кўрсаткичларини албатта текшириш шарт, шунингдек қонни биокимёвий таҳлили, шу жумладан электролитлар, кальций, жигар ферментлари ва креатининнинг миқдорини аниқлаш тавсия этилади.
Миелома касаллигида буйрак фаолиятини вақти-вақти билан назорат қилиш керак. Препаратни қабул қилаётган ҳамма пациентларда қон зардобидаги альбуминнинг даражасини ва протромбин вақтини синчиклаб назорат қилиш тавсия этилган.
Препаратни анамнезида кетоацидоз ҳолатлари билан кечувчи қандли диабет ва ўпканинг сурункали обструктив касалликлари бўлганида, қон ивишини бузилишларида (шу жумладан ўпка артериясининг тромбофлебитида), яққол миелосупрессияда эҳтиёткорлик билан буюриш керак.
Препарат билан даволаниш вақтида организмни адекват гидратация билан таъминлаш керак; иситма пайдо бўлганида уни пайдо бўлишини бошқа сабабларини истисно қилиш керак.
Антигистамин ва иситмани туширувчи даволаш фонида препаратни қўллаш тавсия этилади. Зудлик билан авж олувчи ўта юқори сезувчанлик реакциялари (эшакеми, ангионевротик шиш, бронхоспазм, анафилаксия) ривожланганида препаратни дарҳол бекор қилиш ва тегишли чораларни кўриш керак. Оғир ва ўртача даражадаги ножўя самараларни ривожланиши дозага тузатиш киритишни, айрим ҳолларда – препарат билан даволашни бекор қилинишини талаб этади. Препаратни қўллашни қуйидаги ҳолатларда: қон ивиш вақтини узайганида (сурункали гепатити бўлган пациентларда), ўпка синдроми намоён бўлганида ва рентгенологик текширувда ўпка инфильтрати аниқланганида ёки ўпка фаолиятини бузилиши аниқлаганида, кўриш фаолиятини бузилиши пайдо бўлганида ёки ошганида, қалқонсимон бези фаолиятини бузилишида (ТТГ даражасини нормадан силжиши), қон зардобида альбумин даражаси пасайганида ва протромбин вақти қисқарганида тўхтатиш керак. Препаратнинг яроқлилик муддати тугаганидан сўнг унинг сифатини қайта назорат қилиш ва яроқлилик муддатини узайтириш мумкин эмас.
Ҳомиладорлик ёки эмизиш даврида қўлланилиши. Ҳомиладорлик ва эмизиш даврида препаратни қўллаш бўйича маълумотлар йўқ.
Болалар. Педиатрия амалиётида қўлланмайди.
Автотранспортни ёки бошқа механизмларни бошқаришда реакция тезлигига таъсир қилиш ҳусусияти. Препаратни қўлланиши билан боғлиқ бўлган МНТ томонидан кузатиладиган айрим ножўя самаралар пациентларни транспорт воситаларини бошқариш ва потенциал хавфли механизмлар билан ишлаш қобилиятига таъсир қилиши мумкин.
Препарат болалар ололмайдиган жойда сақлансин ва яроқлилик муддати ўтганидан кейин ишлатилмасин.
Дозани ошириб юборилиши
Ҳозирги вақтгача Лаферобион препаратининг дозасини ошириб юборилиши ҳолатлари таърифланмаган. Аммо ҳар қандай дори воситасининг дозаси ошириб юборилганида бўлгани каби, дозаси ошириб юборилганида ҳаётий муҳим аъзолар фаолиятини мониторинги ва пациентнинг ҳолатини синчиклаб кузатиш тавсия этилади.
Чиқарилиш шакли
3 ёки 5 суппозиторийдан контур уяли ўрамда, 1 контур уяли ўрам ёки 5 суппозиторий бўлган 2 контур уяли ўрам картон қутида.
Сақлаш шароити
Ёруғлик таъсиридан ҳимоялаш учун оригинал ўрамида, 2оС дан 8оС гача бўлган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецептсиз.