📜 Инструкция по применению Целебрекс®
💊 Состав препарата Целебрекс®
✅ Применение препарата Целебрекс®
📅 Условия хранения Целебрекс®
⏳ Срок годности Целебрекс®

ЦЕЛЕБРЕКС®

дори препаратини тиббиётда қўллаш бўйича

ЙЎРИҚНОМА

 

Савдо номи: Целебрекс®

Халқаро патентланмаган номи: целекоксиб

Дори шакли: капсулалар

Таркиби (1 капсулага): Фаол модда: целекоксиб – 100 мг ёки 200 мг.

Ёрдамчи моддалар:

Капсулалар 100 мг ва 200 мг

149,7 мг/49,8 мг лактоза моногидрати, 8,1 мг/8,1 мг натрий лаурилсульфати, 6,8 мг/6,7 мг повидон К30, 2,7 мг/2,7 мг кроскармеллоза натрий, 2,7 мг/2,7 мг магний стеарати; қобиғи: титан диоксиди тахминан 1,7 мг, желатин тахминан 58,3 мг. 100 мг ли капсулалар учун сиёҳ (ҳаворанг сиёҳ SB-6018) қуйидагиларни сақлайди: шеллак 22-27%, этанол 33-38%, изопропанол 0,5-4%, бутанол 4-8%, пропиленгликоль 3-6%, сувли аммиак 1-2%, индиготин бўёвчиси (Е132) асосидаги ҳаворанг алюминий лак FD& Blue #2 24-28%.

200 мг капсулалар учун сиёҳ (сариқ сиёҳ SB-3002) қуйидагиларни сақлайди: шеллак 22-27%, этанол 33-38%, изопропанол 3-7%, бутанол 4-9%, пропиленгликоль 3-6%, сувли аммиак 1-2%, темир (II) оксиди бўёвчиси (Е172) 18-22%.

ТАЪРИФИ:

100 мг ли капсулалар: тиниқ бўлмаган оқ ёки деярли оқ, хаворанг йўл-йўл белгилари билан: капсуланинг бир қисмида – ”100” ва бошқа қисмида – “7767” бўлган қаттиқ желатин капсула.

200 мг ли капсулалар: тиниқ бўлмаган оқ ёки деярли оқ, хаворанг йўл-йўл белгилари билан: капсуланинг бир қисмида – ”200” ва бошқа қисмида – “7767” бўлган қаттиқ желатин капсула.

Капсулалар ичидагиси: оқ ёки деярли оқ рангли гранулят.

ФАРМАКОТЕРАПЕВТИК ГУРУҲИ: ностероид яллиғланишга қарши препарат (НЯҚП).

АТХ коди:  М01АН01.

 

ФАРМАКОЛОГИК ХУСУСИЯТЛАРИ

Фармакодинамикаси

Целекоксиб яллиғланишга қарши, оғриқни қолдирувчи ва иситмани туширувчи таъсирга эга. Асосан циклооксигеназа-2 (ЦОГ-2) ни ингибиция қилиш ҳисобига яллиғланиш простагландинларнинг (Pg) ҳосил бўлишини блоклайди. Яллиғланишга жавобан ЦОГ-2 нинг индукцияси юз беради ва простагландинларнинг, айниқса простагландин Е2 нинг синтези ва тўпланиши юз беради, бунда яллиғланиш кўринишларининг (шиш ва оғриқ) кучайиши юз беради. Одамда терапевтик дозаларда целекоксиб циклооксигеназа 1 (ЦОГ-1) ни аҳамиятли ингибиция қилмайди ва ЦОГ-1 нинг фаоллашиши натижасида синтезланадиган простагландинларга таъсир қилмайди, шунингдек ЦОГ-1 билан боғлиқ бўлган ва тўқималарда, авваламбор меъда ва ичак тўқималарида ва тромбоцитларда кечувчи нормал физиологик жараёнларга таъсир кўрсатмайди.

Буйрак фаолиятига таъсири

Целекоксиб сийдик билан PgE2 ва 6-кето-PgF1 (простациклин метаболити) чиқарилишини камайтиради, лекин зардоб тромбоксан В2 ва сийдик билан 11-дегидротромбоксан В2, тромбоксан метаболитини (иккаласи – ЦОГ-1 маҳсулотлари) чиқарилишига таъсир қилмайди. Целекоксиб кекса пациентлар ва сурункали буйрак етишмовчилиги бўлган шахсларда калавалар фильтрацияси тезлигини (КФТ) пасайтирмайди, натрийнинг чиқарилишини транзитор пасайтиради. Артрити бўлган пациентларда кўпинча кузатиладиган периферик шишларни ривожланиши, артериал гипертензия ва юрак етишмовчилиги ЦОГ нинг носелектив ингибиторларини қабул қилиш фонидаги шундайлар билан бир хил, улар ЦОГ-1 ва ЦОГ-2 га нисбатан ингибиция қилувчи фаолликка эга бўладилар. Бу самара диуретиклар билан даволанаётган пациентларда энг яққол ифодаланади. Шунга қарамасдан, артериал босимни ошиш ҳоллари ва юрак етишмовчилигини ривожланиш тез-тезлигини ошиши аниқланган, периферик шишлар эса енгил даражали бўлган ва мустақил ўтиб кетган.

Фармакокинетикаси

Сўрилиши

Оч қоринга қабул қилинганида яхши сўрилади, қон плазмасидаги максимал концентрациясига (Сmax) тахминан 2-3 соатдан кейин эришилади. 200 мг қабул қилинганидан кейин Сmax – 705 нг/мл. Препаратнинг мутлоқ биокираолишлиги текширилмаган. Сmax ва “концентрация-вақт” фармакокинетик эгри чизиғи остидаги майдони (AUC) суткада 2 марта 200 мг гача дозалар доирасида қабул қилинган дозага тахминан пропорционал; целекоксиб юқорироқ дозаларда қўлланганида Сmax ва AUC ни ошиш даражасини пропорционаллиги камроқ бўлади.

Тақсимланиши

Қон плазмаси оқсиллари билан боғланиши концентрациясига боғлиқ эмас ва тахминан 97% ни ташкил қилади, целекоксиб қон эритроцитлари билан боғланмайли. Целекоксиб гематоэнцефалик тўсиқ орқали ўтади.

Метаболизми

Целекоксиб жигарда гидроксилизация, оксидланиш ва қисман глюкуронизация йўллари билан метаболизмга учрайди. Метаболизми асосан цитохром Р450 CYP2C9 иштироки билан ўтади (“Бошқа дори воситалари билан ўзаро таъсири” бўлимига қаранг). Қонда аниқланадиган метаболитлари ЦОГ-1 ва ЦОГ-2 га нисбатан фармакологик фаол эмас. Цитохром Р450 CYP2C9 нинг фаоллиги CYP2C9*3 полиморфизм бўйича гомозиготли каби генетик полиморфизми бўлган шахсларда пасайган, у энзимларнинг самарадорлигини камайишига олиб келади.

Чиқарилиши

Целекоксиб жигарда метаболизмга учрайди, ичак ва буйраклар орқали метаболитлари (мувофиқ 57% ва 27%), қабул қилинган дозанинг 1% дан камроғи – ўзгармаган холда чиқарилади. Такрорий қўлланганда ярим чиқарилиш даври 8-12 соатларни ташкил қилади, клиренси эса тахминан 500 мл ни ташкил қилади. Такрорий қўлланганда қон плазмасидаги мувозанат концентрациясига 5-нчи куни эришилади. Асосий фармакокинетик кўрсаткичларининг (AUC, Сmax, ярим чиқарилиш даври) ўзгарувчанлиги тахминан 30%. Ёш соғлом катта пациентларда мувозанат ҳолатидаги ўртача тақсимланиш хажми тахминан 500 л/70 кг га тенг, бу целекоксибни тўқималарда кенг тақсимланишини кўрсатади.

Овқат қабул қилишни таъсири

Целекоксибни ёғли овқат билан бирга қабул қилиш Сmax га эришиш вақтини тахминан 4 соатга оширади ва тўлиқ сўрилишини тахминан 20% га кўпайтиради.

Пациентларнинг алоҳида гуруҳлари

Кекса пациентлар

65 ёшдан ошган пациентларда целекоксибнинг Сmax ва AUC нинг ўртача қийматларини 1,5-2 марта ошиши аниқланади, бу кўпроқ даражада ёш билан эмас, балки тана вазнини ўзгариши билан боғлиқ (кекса ёшдаги пациентларда, одатда, ёшроқ шахсларга қараганда тананинг ўртача вазнини пастроқлиги кузатилади, шунинг учун бошқа барча тенг шароитларда целекоксибнинг юқорироқ концентрацияларига эришилади). Шу сабабга кўра кекса аёлларда, кекса эркакларга қараганда, одатда препаратнинг юқорироқ концентрацияси аниқланади. Кўрсатилган фармакокинетикасининг хусусиятлари, одатда, дозага тузатиш киритишни талаб қилмайди. Шунга қарамасдан, тана вазни 50 кг дан паст кекса пациентларда, даволашни минимал тавсия этилган дозадан бошлаш керак.

Ирқ

Негроид ирқ вакилларида целекоксибнинг AUC, европаликлардагига қараганда 40% га юқори. Бунинг сабаблари ва клиник аҳамияти номаълум.

Жигар фаолиятини  бузилиши

Енгил даражали жигар етишмовчилиги (Чайлд-Пью таснифи бўйича А синфи) бўлган пациентларда целекоксибнинг қон плазмасидаги концентрацияси аҳамиятсиз ўзгаради.

Оғирлиги ўртача даражали жигар етишмовчилиги (Чайлд-Пью таснифи бўйича В синфи) бўлган пациентларда целекоксибнинг қон плазмасидаги концентрацияси деярли 2 марта ошиши мумкин.

Буйрак фаолиятини бузилиши

Ёшга боғлиқ ўзгаришлар билан боғлиқ бўлган пасайган КФТ >65 мл/мин/1,73 м2 пациентларда, ва КФТ 35-60 мл/мин/1,73 м2 га тенг бўлган пациентларда целекоксибнинг фармакокинетикаси ўзгармайди. Зардоб креатининининг миқдори (ёки креатинин клиренси (КК)) ва целекоксибнинг клиренси орасида аҳамиятли боғлиқлик аниқланмайди. Оғир даражали буйрак етишмовчилигининг мавжудлиги целекоксибнинг клиренсига таъсир қилмайди, чунки унинг чиқарилишини асосий йўли – жигарда фаол бўлмаган метаболитларга айланиши ҳисобланади.

ҚЎЛЛАНИЛИШИ

Остеоартроз, ревматоид артрит ва анкилозловчи спондилитни симптоматик даволаш.

Оғриқ синдроми (белда оғриқ, оғриқнинг суяк-мушак, операциядан кейинги ва бошқа турлари).

Бирламчи дисменореяни даволашда қўлланади.

ҚЎЛЛАШ МУМКИН БЎЛМАГАН ҲОЛАТЛАР

Целекоксибга ёки препаратнинг хар қандай бошқа компонентига ўта юқори сезувчанлик.

Сульфонамидларга маълум бўлган юқори сезувчанлик.

Бронхиал астма, бурун ва бурун олди бўшлиқларнинг қайталанувчи полипози ва ацетилсалицил кислотаси ёки бошқа НЯҚП ни, шу жумладан ЦОГ-2 нинг бошқа ингибиторларини ўзлаштираолмасликни тўлиқ ёки тўлиқ бўлмаган қўшилиши (шу жумладан анамнездаги).

Меъда ёки ўн икки бармоқли ичак шиллиқ қаватининг фаол эрозив-ярали шикастланишлари ёки зўрайиш босқичидаги меъда ва ўн икки бармоқ ичак яра касаллиги ёки меъда-ичак қон кетиши.

Зўрайиш босқичидаги ичакнинг яллиғланиш касалликлари (Крон касаллиги, ярали колит).

Сурункали юрак етишмовчилиги (NYHA бўйича II-IV функционал синфи).

Клиник тасдиқланган юрак ишемик касаллиги ва яққол ифодаланган босқичдаги цереброваскуляр касалликлар.

Геморрагик инсульт.

Субарахноидал қон қуйилиши.

Ҳомиладорлик ва лактация даври (“Ҳомиладорлик ва эмизиш даврида қўллаш” бўлимига қаранг).

Оғир жигар етишмовчилиги (қўллаш тажрибаси йўқ).

Оғир буйрак етишмовчилиги (КК 30 минутига мл дан кам), буйракларнинг кучайиб борувчи касалликлари, тасдиқланган гиперкалиемия (қўллаш тажрибаси йўқ).

Лактаза танқислиги, лактозани ўзлаштираолмаслик, глюкозо-галактоза мальабсорбция.

18 ёшгача бўлган болалар (қўллаш тажрибаси йўқ).

ЭҲТИЁТКОРЛИК БИЛАН

Целебрексни қуйидаги ҳолларда эҳтиёткорлик билан қўллаш керак: меъда-ичак йўлларининг касалликлари (меъда ва ўн икки бармоқ ичак яра касаллиги, ярали колит, Крон касаллиги, анамнездаги қон кетиши), Helicobacter pylori инфекциясини мавжудлиги; антикоагулянтлар (варфарин), антиагрегантлар (ацетилсалицил кислотаси, клопидогрел), перорал глюкокортикостероидлар (преднизолон), диуретиклар, серотонинни қамраб олинишини селектив ингибиторлари (циталопрам, флуоксетин, пароксетин, сертралин), дигоксин билан бирга қўллаш; суюқликни тутилиши ва шишлар; оғирлиги ўртача даражали жигар фаолиятини бузилиши (“Махсус кўрсатмалар” бўлимига қаранг), анамнездаги жигар касалликлари, жигар порфирияси; сурункали буйрак етишмовчилиги (КК минутига 30-60 мл); айланаётган қон ҳажмини аҳамиятли пасайиши (шу жумладан жарроҳлик аралашувлардан кейин); юрак-қон томир тизимининг касалликлари, артериал гипертензия (“Махсус кўрсатмалар” бўлимига қаранг); цереброваскуляр касалликлар; дислипидемия/гиперлипидемия; қандли диабет; периферик артерияларнинг касалликлари; CYP2C9 изоферментининг ингибиторлари билан бир вақтда қўллаш; секин метаболизаторлар бўлган ёки бундай ҳолатга гумон қилинган пациентлар; НЯҚП ни узоқ муддат қўллаш; оғир соматик касалликлар; кекса пациентлар (шу жумладан диуретикларни қабул қилаётганлар, тана вазни кам бўлган кучсизланган пациентлар); чекиш; туберкулёз; алкоголизмда эҳтиёткорлик билан қўлланади.

ҲОМИЛАДОРЛИК ВА ЭМИЗИШ ДАВРИДА ҚЎЛЛАНИШИ

Целекоксибни ҳомиладор аёлларда қўллаш бўйича етарли маълумотлар йўқ. Ҳомиладорлик вақтида Целебрекс® препаратини қўллашнинг потенциал хавфи аниқланмаган, лекин истисно қилиш мумкин эмас.

Таъсир механизмига мувофиқ НЯҚП, шу жумладан целекоксиб, қўллаганда айрим аёлларда тухумдонларда ўзгаришлар ривожланиши мумкин, у ҳомиладорлик вақтидаги асоратларнинг ёки фертилликнинг издан чиқиши сабаби бўлиши мумкин. Ҳомиладорликни режалаштираётган ёки бепуштлик бўйича текширишдан ўтаётган аёлларда, НЯҚП, шу жумладан целекоксибни, қабул қилиш масаласини кўриш керак.

Простагландинлар синтезининг ингибиторлари гуруҳига кирувчи целекоксиб, ҳомиладорлик вақтида, айниқса III уч ойлигида қабул қилиш, бачадон қисқаришларини кучсизлигини ва артериал йўлини муддатидан олдин бекилишини чақириши мумкин.

Целекоксибни кўкрак сути билан чиқарилиши бўйича чекланган маълумотлар мавжуд. Тадқиқотларда целекоксибни кўкрак сути билан жуда паст концентрацияларда чиқарилиши кўрсатилган. Шунга қарамасдан, она учун Целебрекс® препаратини қабул қилишни муҳимлигини ҳисобга олиб, эмизикли болада целекоксибдан ножўя самараларни ривожланиши потенциал мумкинлигини эътиборга олиб, эмизишни ёки целекоксибни қабул қилишни бекор қилишни мақсадга мувофиқлигини баҳолаш керак.

ҚЎЛЛАШ УСУЛИ ВА ДОЗАЛАРИ

Ичга, чайнамасдан, сув билан бирга, овқат қабул қилишдан қатъий назар буюрилади.

Целебрекс® препаратининг дозаси ва қабул қилиш давомийлигини ошиши билан юрак-қон томир тизими томонидан мумкин бўлган асоратлар хавфи туфайли, уни мумкин бўлган минимал қисқа курс ва препаратни минимал самарали дозада қўллаш керак. Давомли қабул қилишда тавсия этиладиган максимал суткалик доза – 400 мг.

Остеоартрозни симптоматик даволаш: тавсия этиладиган доза 1 ёки 2 қабулда 200 мг ни ташкил қилади.

Ревматиод артритни симптоматик даволаш: целекоксибнинг тавсия этиладиган дозаси суткада 2 марта 100 ёки 200 мг ни ташкил қилади.

Анкилозловчи спондилитни симптоматик даволаш: целекоксибнинг тавсия этиладиган дозаси 1 ёки 2 қабулда суткада 200 мг ни ташкил қилади. Айрим пациентларда суткада 400 мг ни қўллашни самарадорлиги аниқланган.

Оғриқ синдромини даволаш: целекоксибнинг тавсия этиладиган бошланғич дозаси, кейинчалик, зарурати бўлганда, биринчи куни 200 мг қўшимча дозани қабул қилиш билан 400 мг ни ташкил қилади. Кейинги кунлари тавсия этиладиган доза, заруратга қараб суткада 2 марта 200 мг ни ташкил қилади.

Бирламчи дисменореяни даволаш: целекоксибнинг тавсия этиладиган бошланғич дозаси, кейинчалик, биринчи куни 200 мг қўшимча дозани қабул қилиш билан 400 мг ни ташкил қилади. Кейинги кунлари тавсия этиладиган доза, заруратга қараб суткада 2 марта 200 мг ни ташкил қилади.

Кекса пациентлар: одатда дозага тузатиш киритиш талаб қилинмайди. Лекин тана вазни 50 кг дан кам пациентларда даволашни яхшиси минимал тавсия этиладиган дозадан бошлаш керак.

Жигар фаолиятини бузилиши: оғирлиги енгил даражали жигар етишмовчилиги (Чайлд-Пью таснифи бўйича А синфи) бўлган пациентларда дозага тузатиш киритиш талаб этилмайди. Оғирлиги ўртача даражали жигар етишмовчилиги (Чайлд-Пью таснифи бўйича В синфи) бўлган пациентларда препаратнинг тавсия этилган бошланғич дозасини икки марта пасайтириш керак. Оғир даражадаги жигар етишмовчилиги (Чайлд-Пью таснифи бўйича С синфи) бўлган пациентларда препаратни қўллашнинг тажрибаси йўқ (“Қўллаш мумкин бўлмаган ҳолатлар” бўлимига қаранг).

Буйрак фаолиятини бузилиши: енгил ва ўртача даражадаги буйрак етишмовчилиги бўлган пациентларда дозага тузатиш киритиш талаб этилмайди. Оғир даражадаги буйрак етишмовчилиги бўлган пациентларда препаратни қўллаш тажрибаси йўқ (“Махсус кўрсатмалар”, “Қўллаш мумкин бўлмаган ҳолатлар” бўлимларига қаранг).

Флуконазол билан бир вақтда қўллаш: флуконазол (CYP2C9 изоферментининг ингибитори) ва Целебрекс® препарати бир вақтда қўлланганда, препаратнинг тавсия этиладиган бошланғич дозасини икки марта пасайтириш керак. CYP2C9 изоферментнинг бошқа ингибиторлари билан бир вақтда қўлланганида эҳтиёткорликка риоя қилиш керак.

Целебрекс®ни секин метаболизаторлар ёки бундай ҳолатга гумон бўлган пациентларда эҳтиёткорлик билан қўллаш керак, чунки бу қон плазмасида целекоксибнинг юқори концентрацияларини тўпланишига олиб келиши мумкин. Бундай пациентларда препаратнинг тавсия этиладиган бошланғич дозасини икки марта пасайтириш керак.

НОЖЎЯ САМАРАЛАРИ

Тез-тезлигини бахолаш мезонлари: жуда тез-тез ≥10%; тез-тез – ≥1% ва <10%; тез-тез эмас – ≥0,1% ва <1%; кам ҳолларда – ≥0,01% ва <0,1%; жуда кам ҳолларда – ≤0,01%.

Юрак-қон томир тизими томонидан: тез-тез – периферик шишлар, артериал босимни ошиши, шу жумладан артериал гипертензиянинг оғир кечиши; тез-тез эмас – “оқиб келишлар”, юрак уришини ҳис қилиш; кам ҳолларда – сурункали юрак етишмовчилигини намоён бўлиши, аритмия, тахикардия, ишемик инсульт ва миокард инфаркти.

Меъда-ичак йўллари томонидан: тез-тез – абдоминал оғриқ, диарея, диспепсия, метеоризм, қусиш; тез-тез эмас – тишларнинг касалликлари (постэкстракцион уячали альвеолит); кам ҳолларда – меъда ва ўн икки бармоқ ичак яра касаллиги, қизилўнгач яраси; жуда кам ҳолларда – ичак перфорацияси, панкреатит.

Нерв тизими томонидан: тез-тез – бош айланиши, уйқусизлик; тез-тез эмас – безовталик, мушак тонусини ошиши, уйқучанлик; кам ҳолларда – онгни чалкашиши (психоз).

Буйрак ва сийдик чиқариш тизими томонидан: тез-тез – сийдик йўлларининг инфекциялари.

Нафас тизими томонидан: тез-тез – бронхит, йўтал, синусит, юқори нафас йўлларининг инфекциялари; тез-тез эмас – фарингит, ринит.

Тери қопламалари томонидан: тез-тез – терини қичишиши (шу жумладан тарқалган), тери тошмаси; тез-тез эмас – эшакеми, экхимозлар; кам ҳолларда – алопеция.

Қон томонидан: тез-тез эмас – анемия, экхимозлар; кам ҳолларда- тромбоцитопения.

Иммун тизими томонидан: кам ҳолларда – ангионевротик шиш; жуда кам ҳолларда – буллёз тошмалар (буллёз дерматит).

Сезги аъзолари томонидан: тез-тез эмас – қулоқларда шовқин, кўришни ноаниқлиги.

Гепатобилиар тизими томонидан: тез-тез эмас – “жигар” ферментлари фаоллигини ошиши (шу жумладан аланинаминотрансфераза ва аспартатаминотрансфераза).

Умумий: тез-тез эмас – ўта юқори сезувчанлик, гриппсимон синдром, тасодифий жароҳатлар, юзни шиши.

Постмаркетинг кузатувларда аниқланган ножўя самаралар:

Бу реакциялар постмаркетинг кузатувлар давомида аниқланганлигига қарамасдан, улар тез-тезлиги бўйича қуйидаги тарзда тақсимланган: : жуда тез-тез ≥10%; тез-тез – ≥1% ва <10%; тез-тез эмас – ≥0,1% ва <1%; кам ҳолларда- ≥0,01% ва <0,1%; жуда кам ҳолларда- ≤0,01%, тез-тезлиги номаълум – бор бўлган маълумотлар асосида тез-тезлигини аниқлаш мумкин эмас.

Иммун тизими томонидан: жуда кам ҳолларда – анафилактик реакциялар.

Нерв тизими томонидан: кам ҳолларда – галлюцинациялар; жуда кам ҳолларда – бош мияга қон қуйилиши, асептик менингит, таъм сезишни йўқолиши, ҳид сезишни йўқолиши.

Кўриш аъзоси томонидан: тез-тез эмас – конъюнктивит.

Қон томирлар томонидан: жуда кам ҳолларда – васкулит.

Нафас тизими томонидан: кам ҳолларда – ўпка артериясининг тромбоэмболияси, пневмонит.

Меъда-ичак йўллари томонидан: кам ҳолларда – меъда-ичак қон кетишлари.

Гепатобилиар тизими томонидан: кам ҳолларда – гепатит; жуда кам ҳолларда – жигар етишмовчилиги, фульминант гепатит, жигар некрози (“Махсус кўрсатмалар” бўлими, “Жигар фаолиятига таъсири” кичик бўлимига қаранг), холестаз, холестатик гепатит, сариқлик.

Тери ва тери ости клетчаткаси томонидан: кам ҳоллардаи- фотосезувчанлик реакцияси; жуда кам ҳолларда – Стивенс-Джонсон синдроми, кўп шаклли эритема, токсик эпидермал некролиз, эозинофилия ва тизимли симптомлар (DRESS ёки ўта юқори сезувчанлик синдроми) билан бирга дори тошмаси, ўткир тарқалган экзантематоз пустулёз, эксфолеатив дерматит.

Буйрак ва сийдик чиқариш тизими томонидан: кам ҳолларда – ўткир буйрак етишмовчилиги (“Махсус кўрсатмалар” бўлими, “Буйрак фаолиятига таъсири” кичик бўлимига қаранг), гипонатриемия; жуда кам ҳолларда – тубулоинтерстициал нефрит, нефротик синдром, минимал ўзгаришлар касаллиги.

Репродуктив тизими томонидан: кам ҳолларда – ҳайз кўриш циклини бузилиши; тез-тезлиги номаълум1аёлларда фертилликни пасайиши (“Ҳомиладорлик ва эмизиш даврида қўлланиши” бўлимига қаранг).

Тизимли бузилишлар: тез-тез эмас – кўкрак қафасида оғриқ.

1 Ҳомиладорликни режалаштирга аёллар тадқиқотдан чиқарилган, шунинг учун реакциянинг учраш тез-тезлигини ҳисоблашда улар инобатга олинмаган.

ДОЗАНИ ОШИРИБ ЮБОРИЛИШИ

Дозани ошириб юборилишини клиник тажрибаси чекланган. 1200 мг гача бир марталик ва 1200 мг гача кўп марталик дозалари суткада 2 қабулда клиник аҳамиятли ножўя самараларсиз қўлланган. Дозани ошириб юборилишига гумон бўлганда мувофиқ тутиб турувчи даволашни таъминлаш керак. Препаратни қон плазмаси оқсиллари билан юқори даражада боғланиши туфайли, диализ препаратни қондан чиқаришни самарали усул ҳисобланмайди.

БОШҚА ДОРИ ВОСИТАЛАРИ БИЛАН ЎЗАРО ТАЪСИРИ

Целекоксибни CYP2D9 изоферментининг ингибиторлари билан бир вақтда қўллаш қон плазмасида унинг концентрациясини ошишига олиб келиши мумкин. Бундай ҳолларда целекоксибнинг дозасини пасайтириш керак бўлиши мумкин.

Целекоксибни CYP2А9 изоферментининг рифампицин, карбамазепин ва барбитуратлар каби индукторлари билан бир вақтда қўллаш, қон плазмасида унинг концентрациясини пасайишига олиб келиши мумкин. Бундай ҳолларда унинг дозасини ошириш керак бўлиши мумкин.

Фармакокинетикасини клиник тадқиқотларида ва in vitro шароитдаги текширишларда, целекоксиб гарчи CYP2D6 изоферментининг субстрати бўлмаса ҳам, лекин унинг фаоллигини ингибиция қилади. Шунинг учун метаболизми CYP2D6 изоферменти билан боғлиқ бўлган препаратлар билан in vivo шароитда дориларнинг ўзаро таъсирининг эҳтимоли мавжуд.

Варфарин ва бошқа антикоагулянтлар: бир вақтда қабул қилинганида протромбин вақтини ошиши мумкин.

Флуконазол, кетоконазол: бир вақтда 200 мг флуконазаол суткада бир марта қўлланганида, қон плазмасида целекоксибнинг концентрациясини 2 марта ошиши аниқланади. Бундай самара флуконазол томонидан CYP2С9 орқали целекоксибнинг метаболизмини сусайиши билан боғлиқ. Флуконазол қабул қилаётган пациентлар (CYP2С9 изоферментининг ингибитори), целекоксибнинг тавсия этилган дозасини икки марта пасайтириш тавсия этилади (“Қўллаш усули ва дозалари” бўлимига қаранг). Кетоконазол (CYP3А4 изоферментининг ингибитори), целекоксибнинг метаболизмига клиник аҳамиятли самара кўрсатмайди.

Декстраметорфан ва метопролол: бир вақтда целекоксиб суткада 200 мг дозада қўлланганда, декстрометорфан ва метопрололнинг (CYP2D6 изоферментининг субстратлари) концентрацияларини мувофиқ 2,6 ва 1,5 марта ошишига олиб келиши аниқланган. Концентрацияларни бундай ошиши целекоксиб томонидан CYP2D6 изоферментининг ўзини фаоллигини ингибиция қилиши орқали CYP2D6 изоферменти субстратларининг метаболизмини ингибиция қилиниши билан боғлиқ. Шунинг учун целекоксиб билан даволашни бошлаш олдидан CYP2D6 изоферментининг субстратлари бўлган препаратларнинг дозасини пасайтириш керак, целекоксиб билан даволаш тугуганидан кейин эса бу препаратларнинг дозасини ошириш керак.

Метотрексат: целекоксиб ва метотрексат орасида фармакокинетик клиник аҳамиятли ўзаро таъсирлар аниқланмаган.

Антигипертензив препаратлар, ангиотензинга айлантирувчи фермент (ААФ) ингибиторлари / ангиотензин II антагонистлари (ёки ангиотензин рецепторларининг блокаторлари), диуретиклар ва бета-адреноблокаторлар: простагландинлар синтезини ингибиция қилиниши антигипертензив препаратларнинг, шу жумладан ААФ ингибиторлари ва/ёки ангиотензин рецепторларининг блокаторлари, диуретиклар ва бета-блокаторларнинг самарасини пасайтириши мумкин. Целекоксиб ААФ ингибиторлари ва/ёки ангиотензин рецепторларининг блокаторлари, диуретиклар ва бета-блокаторлар билан бирга қўлланганида бу ўзаро таъсирни эътиборга олиш керак.

Кекса пациентларда, сувсизланган пациентларда (шу жумладан диуретиклар билан даволанаётган пациентларда) ёки буйрак фаолиятини бузилиши бўлган пациентларда НЯҚП, ЦОГ-2 ни селектив ингибиторларини, ААФ ингибиторлари билан, ангиотензин II антагонистлари ва диуретиклар билан бир вақтда қўллаш, буйрак фаолиятини, шу жумладан мумкин бўлган ўткир буйрак етишмовчилиги, ёмонлашишига олиб келиши мумкин. Одатда бу самаралар қайтувчандир. Бундай ҳолларда олдин регидратация ўтказиш, сўнгра эса Целебрекс® препарати билан даволашни бошлаш мақсадга мувофиқ бўлади. Бундан ташқари, даволашни бошида ва препаратлар бир вақтда қўлланганда вақти-вақти билан буйрак фаолиятини мониторингини ўтказиш имкониятини кўриш керак.

Циклоспорин: НЯҚП ни простагландинларнинг буйрак синтезига таъсир кўрсатишини ҳисобга олиб, циклоспорин билан бир вақтда қўлланганда улар нефротоксиклик ривожланиши хавфини оширишлари мумкин.

Диуретиклар: илгари маълум бўлган НЯҚП айрим пациентларда простагландинларнинг буйрак синтезини пасайтириши ҳисобига фуросемид ва тиазидларнинг натрийуретик самарасини пасайтириши мумкин, целекоксибни қўллашда буни назарда тутиш керак.

Перорал контрацептивлар: контрацептив мажмуанинг (1 мг норэтистерон / 35 мкг этинилэстрадиол) фармакокинетикасига клиник аҳамиятли таъсири аниқланмаган.

Литий: литий ва целекоксиб бирга қабул қилинганида қон плазмасида литийнинг концентрациясини тахминан 17% га ошиши аниқланган. Литий билан даволанаётган пациентлар, целекоксибни қабул қилишда ёки бекор қилишда синчков кузатув остида бўлишлари керак.

Бошқа НЯҚП: целекоксиб ва бошқа НЯҚП ни (ацетилсалицил кислотасини сақламайдиган) бир вақтда қўллашдан сақланиш керак.

Лизиноприлни текшириш натижалари: 1 ва 2 даражали артериал гипертензияси бўлган, шунинг учун лизиноприл қабул қилаётган пациентлардаги 28-кунлик тадқиқотда, суткада икки марта 200 мг дозада целекоксибни бир вақтда қўллаш, плацебо билан солиштирганда, ўртача систолик ёки диастолик босимни клиник аҳамиятли ошишига олиб келмаслиги аниқланган (артериал босимни 24-соатлик мониторинги натижалари бўйича аниқланган). Плацебо қабул қилган пациентлар билан солиштирганда (бу гурухда 27% пациентларда жавоб аниқланмаган), суткада икки марта 200 мг дозада целекоксиб қабул қилаётган пациентлар орасида, улар орасида 48% ида лизиноприл билан даволашга жавоб бўлмаган (жавоб мезонларига диастолик босимни 90 мм сим. уст. дан кўпроқ ёки диастолик босимни дастлабки даража билан солиштирганда 10% га ошиши қабул қилинган).

Бошқа препаратлар: целекоксиб ва антацидлар (алюминий- ва магний-сақловчи препаратлар), омепразол, глибенкламид, фенитоин ёки толбутамид орасида клиник аҳамиятли ўзаро таъсирлар аниқланмаган.

Паст дозаларда қабул қилинадиган ацетилсалицил кислотасининг антиагрегант самарасига целекоксиб таъсир қилмайди. Целекоксиб тромбоцитларнинг фаолиятига кучсиз таъсирга эга шунинг учун унга юрак-қон томир касалликларини олдини олиш учун қабул қилинадиган ацетилсалицил кислотасининг ўрнини босувчиси сифатида қараш мумкин эмас.

Соғлом кўнгиллиларда НЯҚП дигоксиннинг фармакокинетикасига таъсир қилмайди. Шунга қарамасдан, дигоксин ва индометацин ва ибупрофен бир вақтда қўлланганида, пациентларда қон плазмасида дигоксиннинг концентрациясини ошиши аниқланган. Қон плазмасида дигоксиннинг концентрациясини оширадиган бошқа препаратлар билан бир вақтда қўлланганида буни эътиборга олиш керак. Целекоксиб ва дигоксинни ўзаро таъсири хақида маълумотлар йўқ. Целекоксибни юрак-қон томир тизимига бошқа самараларини ҳисобга олиб, уни дигоксин билан бир вақтда эҳтиёткорлик билан қабул қилиш керак. Бундай ҳолларда ножўя реакцияларни синчиклаб назорат қилиш тавсия этилади.

Целекоксиб жигарда асосан CUP2C9 изоферменти томонидан метаболизмга учрайди. Барбитуратлар CUP2C9 изоферментининг индукторлари бўлганлиги учун, улар целекоксиб билан бир вақтда қўлланганида қон плазмасида целекоксибнинг концентрациясини пасайиши аниқланиши мумкин.

МАХСУС КЎРСАТМАЛАР

Целебрекс®, иситмани туширувчи таъсирини ҳисобга олиб, иситма каби симптомнинг диагностик аҳамиятини пасайтириши ва инфекцияни диагностикасига таъсир қилиши мумкин.

Юрак-қон томир тизимига таъсири

Целекоксиб, барча коксиблар каби, юрак-қон томир тизими томонидан тромб ҳосил бўлиши, миокард инфаркти ва инсульт каби жиддий асоратлар хавфини ошириши мумкин, улар ўлимга олиб келишлари мумкин. Бу реакцияларни пайдо бўлишини хавфи доза ва препаратни қабул қилиш давомийлиги билан, шунингдек юрак-қон томир тизимининг касалликлари ва бундай касалликларнинг хавф омиллари бўлган пациентларда ошиши мумкин. Целебрекс® қабул қилаётган пациентларда бу реакциялар пайдо бўлиши хавфини пасайтириш учун, уни минимал самарали дозаларда ва мумкин бўлган минимал курсда (даволовчи шифокорнинг хохишича) қўллаш керак. Даволовчи шифокор ва пациент хатто юрак-қон томир тизими фаолиятини илгари маълум бўлган симптомлари бўлмаганида ҳам, бундай асоратлар пайдо бўлиши мумкинлигини назарда тутишлари керак. Пациентлар юрак-қон томир тизимига салбий таъсирининг белгилари ва симптомлари ҳақида ва улар пайдо бўлган холда кўриладиган чоралар хақида хабардор қилинган бўлишлари керак.

Аорта-коронар шунтлаш операциясидан кейин оғриқ синдромини даволаш учун НЯҚП (ЦОГ-2 нинг селектив ингибиторлари) қўлланганида биринчи 10-14 кунларда миокард инфаркти ва бош мияда қон айланишларининг бузилишлари тез-тезлигини ошиши мумкин.

Тромбоцитлар фаолиятига целекоксибни кучсиз таъсири туфайли, у тромбоэмболияни олдини олиш учун ацетилсалицил кислотасининг ўрнини босувчи бўла олмайди. Шунинг учун тромбоэмболик асоратлар ривожланишини хавфи бўлган пациентларда антиагрегант даволашни (масалан, ацетилсалицил кислотасини) бекор қилиш мумкин эмас.

Барча НЯҚП каби целекоксиб, артериал босимни ошишига олиб келиши мумкин, бу юрак-қон томир тизими томонидан асоратларнинг сабаби ҳам бўлиши мумкин. Барча НЯҚП, шу жумладан целекоксиб, артериал гипертензияси бўлган пациентларда эҳтиёткорлик билан қўлланиши керак. Артериал босимни кузатиш целекоксиб билан даволашни бошида, шунингдек даволаш курси давомида амалга оширилиши керак.

Меъда-ичак йўлларига таъсири

Целекоксиб қабул қилган пациентларда жуда кам ҳолларда перфорация, яраланиш ва меъда-ичак йўлларидан қон кетиши кузатилган. НЯҚП билан даволашда бу асоратларнинг ривожланишини хавфи кекса одамларда, юрак-қон томир тизимининг касалликлари бўлган пациентларда, бир вақтда ацетилсалицил кислотасини қабул қилаётган пациентларда ва анамнезида яра, қон кетиши каби меъда-ичак йўлларининг касалликлари, зўрайиш босқичидаги яллиғланиш касалликлари бўлган пациентларда жуда юқори. Меъда-ичак йўлларидан қон кетиши ривожланишини бошқа хавф омиллари перорал глюкокортикоидлар ва антикоагулянтлар билан бир вақтда қўллаш, НЯҚП билан давомли даволаш, чекиш, алкоголь истеъмол қилиш ҳисобланади. Меъда-ичак йўлларидаги жиддий ножўя самаралар хақидаги кўпчилик спонтан хабарлар кекса ва кучсизланган пациентларга тааллуқли бўлган.

Перорал антикоагулянтлар билан бирга қўллаш

НЯҚП перорал антикоагулянтлар билан бир вақтда қўлланганида қон кетишлар хавфи ошади. Бу препаратлар бир вақтда қўлланганида эҳтиёткорликка риоя қилиш керак. Перорал антикоагулянтлар варфарин, кумарин қатори антикоагулянтлари ва янги перорал антикоагулянтларни (масалан, апиксабан, дабигатран ва ривароксабан) ўз ичига олади. Варфарин ёки ўхшаш воситалар билан ёндош даволанаётган пациентларда жиддий (улардан баъзилари фатал бўлган) қон кетишлар ҳақида хабар берилган. Протромбин вақтини (халқаро протромбин вақтини (ХПВ)) ошиши ҳақида хабар берилганлиги туфайли, Целебрекс® препарати билан даволаш бошланганидан ёки унинг дозаси ўзгартирилганидан кейин, бир вақтда варфарин ёки кумарин қатори антикоагулянтлари билан даволанаётган пациентларда, антикоагулянт фаоллик ва/ёки ХПВ назорат қилиниши керак.

Суюқликни тутилиши ва шишлар.

Простагландинлар синтезини тормозловчи бошқа дори воситаларини қўллашдаги каби, Целебрекс® қабул қилаётган қатор пациентларда, суюқликни тутилиши ва шишлар кузатилиши мумкин, шунинг учун мойиллиги ёки суюқликни тутилиши туфайли ёмонлашувчи ҳолатлари бўлган пациентларда бу препарат қўлланганида эҳтиёткорликка риоя қилиш керак. Анамнезида юрак-қон томир касалликлари ёки артериал гипертензияси бўлган пациентлар синчков кузатув остида бўлишлари керак.

 

Буйрак фаолиятига таъсири

НЯҚП, шу жумладан целекоксиб, буйрак фаолиятига токсик таъсир кўрсатиши мумкин. Целекоксибни бошқа НЯҚП билан солиштирганда юқори токсикликка эга эмаслиги аниқланган. Буйрак фаолиятини бузилиши, юрак етишмовчилиги, жигар фаолиятини бузилиши бўлган пациентларда ва кекса пациентларда Целебрекс®ни эҳтиёткорлик билан қўллаш керак. Бундай пациентларда буйрак фаолияти синчиклаб назорат қилиниши керак (“Қўллаш усули ва дозалари” бўлимига қаранг).

Дегидратацияси бўлган пациентларда Целебрекс® препаратини қўллашда эҳтиёткорликка риоя қилиш керак. Бундай ҳолларда олдин регидратация ўтказиш, сўнгра эса Целебрекс® препарати билан даволашни бошлаш мақсадга мувофиқ бўлади.

Жигар фаолиятига таъсири

Целебрекс® оғир даражали жигар фаолиятини бузилиши (Чайлд-Пью таснифи бўйича С синфи) бўлган пациентларда қўллаш мумкин эмас. Целебрекс®ни оғирлиги ўртача даражали жигар етишмовчилиги бўлган пациентларни даволашда эҳтиёткорлик билан қўллаш ва препаратни тавсия этилган бошланғич дозасини икки марта пасайтириш керак (“Қўллаш усули ва дозалари” бўлимига қаранг).

Айрим ҳолларда жигар томонидан оғир реакциялар, фульминант гепатит (баъзида ўлим билан якунланган), жигар некрози, жигар етишмовчилиги (баъзида ўлим билан якунланган ёки жигарни кўчириб ўтказиш зарурати бўлган) кузатилган. Бу реакцияларнинг кўпчилиги целекоксибни қабул қилиш бошланганидан кейин 1 ой ўтгач ривожланган.

Жигар фаолиятини бузилишларини симптомлари ва/ёки белгилари бўлган пациентлар ёки лаборатория усуллари билан жигар фаолиятини бузилишлари аниқланган пациентлар, Целебрекс® препарати билан даволаш вақтида жигар томонидан оғирроқ реакциялар ривожланиши мумкинлигига синчиков кузатув остида бўлишлари керак.

Анафилактик реакциялар

Целебрекс® препарати қабул қилинганда анафилактик реакциялар ҳоллари қайд қилинган (“Қўллаш мумкин бўлмаган ҳолатлар” бўлимига қаранг).

Тери қопламалари томонидан жиддий реакциялар

Целекоксиб қабул қилганда тери қопламалари томонидан жуда кам ҳолларда эксфолиатив дерматит, Стивенс-Джонсон синдроми ва токсик эпидермал некролиз каби жиддий реакциялар аниқланган, улардан айримлари фатал бўлган. Пациентларда бундай реакциялар пайдо бўлишини хавфи даволашни бошида юқорироқ, кўпчилик аниқланган ҳолларда бундай реакциялар даволашни биринчи ойида бошланган. Тери тошмаси, шиллиқ қаватларда ўзгаришлар ёки ўта юқори сезувчанликнинг бошқа белгилари пайдо бўлганда, Целебрекс® препаратини қабул қилишни тўхтатиш керак.

Глюкокортикостероидлар билан даволаш

Целебрекс® глюкокортикостероидларнинг ўрнини босаолмайди ёки глюкокортикостероид етишмовчилигини даволаш сифатида қўлланмайди.

CYP2D6 изофермент фаолиятини сусайиши

Целекоксибни CYP2D6 изоферментининг ўртача ингибитори эканлиги аниқланган. Целекоксиб билан даволашни бошлаш даврида CYP2D6 изоферменти томонидан метаболизмга учрайдиган препаратларнинг дозасини пасайтириш, целекоксиб билан даволаш тугаганидан кейин эса бу препаратларнинг дозасини ошириш керак (“Бошқа дори воситалари билан ўзаро таъсири” бўлимига қаранг).

Автомобилни ва мураккаб механизмларни бошқариш қобилиятига таъсири

Целекоксибни автомобилни ҳайдаш ва механизмларни бошқариш қобилиятига таъсири текширилмаган. Лекин фармакодинамик хусусиятлари ва хавфсизлигининг умумий профилига асосланиб, Целебрекс®ни бундай таъсир кўрсатишини эҳтимоли кам.

Транспорт воситаларини бошқариш ва диққатни юқори жамлашни ва психомотор реакциялар тезлигини талаб қилувчи бошқа потенциал хавфли фаолият турлари билан шуғулланишда эҳтиёткорликка риоя қилиш керак, чунки препарат бош айланиши ва бошқа ножўя самаралар чақириши мумкин, улар кўрсатилган фаолиятга таъсир қилиши мумкин.

ЧИҚАРИЛИШ ШАКЛИ

Капсулалар 100 мг ва 200 мг дан, 10 капсуладан АВХ/алюмин фольгали блистерда (контур уяли ўрам), 1, 2, 3, 4, 5 ёки 10 блистер қўллаш бўйича йўриқномаси билан бирга картон қутида.

 

САҚЛАШ ШАРОИТИ

Қуруқ жойда 15 оС дан 30оС гача хароратда.

Болалар ололмайдиган жойда сақлансин.

ЯРОҚЛИЛИК МУДДАТИ

3 йил.

Яроқлилик муддати ўтгач қўлланилмасин.

ДОРИХОНАЛАРДАН БЕРИШ ТАРТИБИ

Рецепт бўйича.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.