📜 Инструкция по применению Энцефабол®
💊 Состав препарата Энцефабол®
✅ Применение препарата Энцефабол®
📅 Условия хранения Энцефабол®
⏳ Срок годности Энцефабол®

ҚЎЛЛАШ БЎЙИЧА ЙЎРИҚНОМА

ЭНЦЕФАБОЛ®

ENCEPHABOL

 

Препаратнинг савдо номи:  Энцефабол®

Таъсир этувчи модда (ХПН): пиритинол

Дори шакли: ичга қабул қилиш учун суспензия

Таркиби:

5 мл (1 чой қошиқ) суспензия қуйидагиларни сақлайди:

Фаол модда: пиритинол – 80,5 мг*;

Ёрдамчи моддалар: натрий сахаринати дигидрати – 1,1 мг, пропилпарагидроксибензоат – 1,75 мг, метилпарагидроксибензоат – 3,25 мг, лимон кислотаси моногидрати – 5,0 мг, калий сорбати – 6,75 мг, ҳушбўй контрамарум – 2,65 мг, повидон – 50,0 мг, коллоид кремний диоксиди – 50,0 мг, гиэтеллоза – 36,805 мг, глицерол 85% – 250,0 мг, сорбитол эритмаси – 750,0 мг, тозаланган сув – 4062,165 мг.

* 100 мг пиритинол дигидрохлориди моногидрати миқдорига мос келади

Таърифи: сутдек оқ рангдан то оч жигарранг ранггача, қовушқоқ ҳушбўй ҳидли суспензия.

Фармакотерапевтик гуруҳи: ноотроп восита.

АТХ коди: N06BX02

 

Фармакологик хусусиятлари

Пиритинол глюкозани қамраб олиш ва утилизациясини ошириши ёрдамида бош мияда патологик сусайган метаболизмни оширади, нуклеин кислоталарининг метаболизмини ва нерв хужайраларининг сипапсларида ацетилхолинни ажралиб чиқишини оширади. Лизосомаларнинг ферментларини ингибирлаш ёрдамида нерв хужайраларининг тузилмалари ва фаолиятини турғунлашишига ёрдам беради, шу тариқа эркин радикалларни ҳосил бўлишини олдини олади.

Пиритинол қоннинг реологик хусусиятларини яхшилайди, эритроцитлар мембранасида АТФ миқдорини ошириш ёрдамида уларнинг пластиклигини оширади, бу қоннинг қовушқоқлигини пасайишига ва қон айланишини яхшиланишига олиб келади. Пиритинол бош миянинг ишемияга учраган соҳаларида қон айланишини яхшилаб, уни кислород билан таъминланишини оширади; глюкоза алмашинувини оширади. Натижада хотира кўрсаткичлари яхшиланади ва нерв тўқимасида бузилган алмашинув жараёнлари тикланади, бу унинг хужайралари тўлиқ фаолият кўрсатишига ёрдам беради.

 

Фармакокинетикаси

Пиритинол ичга қабул қилинганида тез сўрилади. Биокираолишлилиги ўртача 85% ни ташкил қилади. Плазмадаги максимал концентрациясига, 100 мг пиритинол дигидрохлориди моногидратини ичга қабул қилинганидан 30-60 минутдан кейин эришилади. Ярим чиқарилиш даври тахминан 2,5 соат.

Пиритинол тез метаболизмга учрайди. Модданинг 20-40% плазма оқсиллари билан қайтувчан боғланади. Асосий метаболитлари сифатида қуйидаги моддалар аниқланган: 2-метил-3-гидрокси-4-гидроксиметил-5-метилмеркаптометилпиридин ва 2-метил-3-гидрок-си-4-гидроксиметил-5-метилсульфинилметилпиридин. Конъюгациялашган метаболитлари асосан буйраклар орқали чиқарилади. 24 соат давомида йиғинди экскрецияси 72,4-74,2% ни ташкил қилади. Қабул қилинган дозанинг энг кўп миқдори қабул қилингандан кейин биринчи 4 соат давомида чиқарилади. Аҳлат билан фақат дозанинг 5% чиқарилади.

Такрор перорал буюрилганида тўпланиши кузатилмайди. Токсик концентрациялари ҳатто буйраклар фаолияти бузилишида ҳам ривожланмайди.

Гематоэнцефалик тўсиқ орқали ўтади, метаболитлари асосан бош миянинг кулранг моддасида тўпланади.

Пиритинол йўлдош тўсиғи орқали ўтади. Ўтказилган тадқиқотлар пиритинолнинг тератоген ёки эмбриотоксик фаоллигини аниқламади.

 

Қўлланилиши

Қуйидаги асосий симптомлар мавжудлигида бош мия фаолиятининг сурункали бузилишларини симптоматик даволашда қўлланади:

  • хотира, диққатни жамлаш ва фикрлашни бузилиши;
  • мотивацияни пасайиши;
  • тез толиқиш;
  • цереброваскуляр касалликлар ёки бузилишлардаги бошқа симптомлар.

Педиатрияда: нерв-руҳий ривожланишни бузилиши.

Қўллаш усули ва дозалари

Катталар: 2 чой қошиқ суспензиядан кунига 3 марта (кунига 600 мг пиритинол дигидрохлориди моногидрати).

Янги туғилган чақалоқлар: туғилганидан кейин 3-кунидан бошлаб, кунига 1 мл суспензиядан бир ой давомида, доза эрталаб қабул қилинади. Туғилгандан кейин 2-ойидан бошлаб, бу доза суткалик доза 5 мл (1 чой қошиқ) га етгунигача ҳар ҳафта 1 мл га оширилади.

1 ёшдан ошган болалар: ½-1 чой қошиқ суспензиядан кунига 1-3 марта (кўрсатмаларга боғлиқ ҳолда кунига 50-300 мг пиритинол дигидрохлориди моногидрати).

7 ёшдан ошган болалар: ½-2 чой қошиқ суспензиядан кунига 1-3 марта (кўрсатмаларга боғлиқ ҳолда кунига 50-600 мг пиритинол дигидрохлориди моногидрати). Препаратни овқатланиш вақтида ёки овқатдан кейин қабул қилиш керак. Уйқуни бузилишида кундузги дозанинг сўнггисини кечқурун ёки кечасига қабул қилиш мумкин эмас.

Даволаш давомийлиги касалликнинг клиник манзарасига боғлиқ. Одатда, терапевтик самарага даволашнинг 3-4 ҳафтасидан кейин эришилади. Оптимал самарага одатда 6-12 ҳафтадан кейин эришилади. Марказий нерв тизимининг перинатал патологиясини юқори ривожланиши хавфи бўлган янги туғилган чақалоқларда даволашнинг ўртача давомийлиги ўртача 6 ойни ташкил қилади.

Уч ойдан кейин даволашни давом эттиришга кўрсатмаларни текшириш керак.

 

Ножўя таъсирлари

Препаратнинг ножўя самараларининг тез-тезлиги қуйидагича баҳоланади:

Жуда тез-тез: >1/10

Тез-тез: >1/100, <1/10

Тез-тез эмас: >1/1000, <1/100

Кам: >1/10000, <1/1000

Жуда кам: <1/10000

Қон ва лимфа тизими томонидан бузилишлар (*)

Тез-тез эмас: Эозинофилия, тромбоцитопения;

Жуда кам: Лейкопения, агранулоцитоз;

Меъда-ичак йўллари томонидан бузилишлар

Тез-тез: Кўнгил айниши, қусиш, стоматит, диарея;

 

 

Умумий бузилишлар ва юбориш жойидаги бузилишлар

Тез-тез эмас: Бош оғриғи, бош айланиши, таъм билишни бузилиши*, совуқ қотиш ҳисси, чарчоқлик;

Жигар ва ўт чиқарувчи йўллари томонидан бузилишлар

Тез-тез эмас: Жигар етишмовчилиги*;

Жуда кам: Гепатит*, холестаз*, холестатик гепатит*, сариқлик;

Иммун тизими томонидан томонидан (*)

Тез-тез: Асосан тери ёки шиллиқ қаватларда тошмалар, қичишиш, тана ҳароратини ошиши кўринишида турли оғирлик даражаларида ўта юқори сезувчанлик реакциялари;

Жуда кам: Аутоиммун инсулин синдроми;

Моддалар алмашинуви ва озиқланиш томонидан бузилишлар

Тез-тез эмас: Иштаҳани пасайиши;

Скелет-мушак ва бириктирувчи тўқима томонидан бузилишлар

Жуда кам: Миалгия, артралгия, миастения, полимиозит*;

Нерв тизими томонидан бузилишлар

Тез-тез: Уйқуни бузилиши;

Тез-тез эмас: Юқори қўзғалувчанлик;

Жуда кам: Парестезия*;

Буйрак ва сийдик чиқариш йўллар томонидан бузилишлар

Тез-тез: Протеинурия;

Жуда кам: Нефротик синдром, гематурия*;

Нафас тизими, кўкрак қафаси ва кўкс оралиғи аъзолари томонидан бузилишлар

Жуда кам: Ҳансираш;

Тери ва тери ости тўқималари томонидан бузилишлар

Тез-тез: Тошма*, қичишиш;

Жуда кам: Ясси темиратки*, эшакеми*, терининг буллез пемфигиоид реакцияси*, алопеция*, онихолизис*;

Лаборатор ва инструментал маълумотлар (*)

Тез-тез эмас: Трансаминазалар фаоллигини ошиши, антинуклеар антителоларни пайдо бўлиши;

Жуда кам: LE-хужайраларни пайдо бўлиши, антиинсулин антителоларни пайдо бўлиши.

* Юқорида кўрсатилган ножўя таъсирлар пайдо бўлганида даволаш дарҳол тўхтатилиши ва зарурати бўлганида симптоматик даволаш буюрилиши керак.

Қўллаш мумкин бўлмаган ҳолатлар

  • пиритинол ва ёрдамчи моддаларга юқори сезувчанлик;
  • сурункали ревматоид артрит қуйидаги йўлдош касалликлар билан мажмуада: оғир даражали буйрак ёки жигар етишмовчилиги; оғир даражали қон касалликлари; аутоиммун касалликлар; тизимли қизил югирик, миастения, пуфакли яра (ўткир ёки анамнезида).

Препарат сорбитол сақлаши туфайли, уни фруктозани ўзлаштираолмаслик билан боғлиқ кам учрайдиган наслий касалликлари бўлган пациентларга буюриш тавсия қилинмайди. Препарат парагидроксибензоат сақлаши туфайли, айрим ҳолларда уни тутиб қолиниши билан намоён бўлиши мумкин бўлган, мойиллиги бўлган пациентларда аллергик реакциялар бўлиши мумкин.

Дориларнинг ўзаро таъсири

Пиритинол пеницилламин, олтин препаратлари, сульфасалазин, левамизолнинг ножўя реакцияларини потенциялаши мумкин.

 

 

 

Махсус кўрсатмалар

Эҳтимол, ревматоид артрити бўлган пациентларда тиол гуруҳини (SН-гуруҳи) сақловчи бирикмаларга (шу жумладан пиритинолга) юқори сезувчанлик кузатилади, бу асосий касаллик билан боғлиқ. Шу сабабли ревматоид артрити бўлган пациентларда антиревматик дори воситаларига характерли ножўя реакциялар, шу жумладан лейкопения, агранулоцитоз, эозинофилия, тромбоцитопения, жигар фаолиятини бузилиши, трансаминазалар фаоллигини ошиши, холестаз, тошма, қичишиш, алопеция, ясси темиратки, терининг буллёз пемфигиоид реакцияси, антинуклеар антителоларни пайдо бўлиши, LE-хужайраларни пайдо бўлиши, антиинсулин антителоларни пайдо бўлиши, парестезиялар тез-тез пайдо бўлиши мумкин.

Ревматоид артрити бўлган пациентларга мунтазам тиббий кўриклардан ўтиш ва лаборатор синамаларни ўтказиш тавсия қилинади.

Б-пеницилламинга ўта юқори сезувчанлиги маълум пациентларда пиритинол билан кимёвий тузилиши жиҳатидан ўхшашликка эгалиги сабабли (тиол гуруҳлари), ўхшаш ножўя самаралар кузатилиши мумкин.

Оғир даражали буйрак ёки жигар етишмовчилиги, оғир даражали қон касаллиги, ревматоид артрити, О-пеницилламинга ўта юқори сезувчанлик, аутоиммун касалликлар: тизимли қизил югирик, миастения, пуфакли яра (ўткир ёки анамнезида) бўлган пациентларга препаратни эҳтиёткорлик билан буюриш керак.

Ҳомиладорлик ва эмизиш даврида қўлланиши

Ушбу препаратни қўллаган чекланган сонли ҳомиладорлардан олинган маълумотлар пиритинолни ҳомиладорлик ёки ҳомила/янги туғилган чақалоқнинг соғлиғига бирон-бир нохуш таъсирлар йўқлигидан далолат беради. Ҳозирги вақтда аҳамиятга эга бўлган бошқа эпидемиологик маълумотлар йўқ. Ҳайвонларда ўтказилган тадқиқотлар пиритинолни ҳомиладорлик, эмбрионал ривожланиш, туғруқ ёки постнатал ривожланишга бирон-бир бевосита ёки билвосита нохуш таъсирини аниқламаган.

Пиритинол йўлдош тўсиғи орқали ўтади ва унинг кам миқдори (макс. 0,4%) она сутига ажралади. Бола учун хавфи йўқ. Препаратни фақат она учун кутилаётган фойда ҳомила ва бола учун бўлиши мумкин бўлган хавфдан юқори бўлгандагина қўллаш мумкин.

Транспорт воситалари ёки механизмларни бошқариш қобилиятига таъсири

Айрим пациентларда бош айланиши ва чарчоқлик каби нохуш реакциялар пайдо бўлиши мумкинлиги сабабли, даволаш даврида транспорт воситаларини бошқариш ва диққатни юқори жамлаш ва психомотор реакцияларнинг тезлигини талаб қилувчи бошқа потенциал хавфли фаолият турлари билан шуғулланишда эҳтиёткорликка риоя қилиш керак.

Препарат болалар олаолмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши

Дозани ошириб юборилиши ҳолларида ножўя кўринишларни намоён бўлиши кучаяди. Шифокорга мурожаат қилиш керак. Биринчи ёрдам – меъдани ювиш, фаоллаштирилган кўмирни қабул қилишдан иборат.

Чиқарилиш шакли

200 мл дан биринчи очиш назорати бўлган бураладиган алюмин қопқоқли тўқ рангли шиша флаконда. Флакон қўллаш бўйича йўриқномаси билан картон қутига жойланади.

 

Сақлаш шароити

20-25оС ҳароратда сақлансин.

Яроқлилик муддати

5 йил.

Дорихоналардан бериш тартиби

Рецепт бўйича.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.