ҚЎЛЛАШ БЎЙИЧА ЙЎРИҚНОМА

СИМГАЛ

SIMGAL

Препаратнинг савдо номи: Симгал

Таъсир қилувчи модда (ХПН): симвастатин

Дори шакли: 10 мг; 20 мг ва 40 мг ли қобиқ билан қопланган таблеткалар.

Таркиби:

Бир таблетка қуйидагиларни сақлайди:

Фаол модда: симвастатин 10 мг, 20 мг ва 40 мг

Ёрдамчи моддалар: аскорбин кислотаси, бутилгидроксианизол, лимон кислота моногидрати, микрокристаллик целлюлоза, ўта желатинланган маккажўхори 1500, магний стеарати, лактоза моногидрати.

Қобиғининг таркиби:

Симгал 10 мг – пушти Опадри OY-B-34915 (поливинил спирти, титан диоксиди Е171, тозаланган тальк, лецитин, ксантан қатрони, темир (III) оксиди ва темир (II) оксиди Е172, индигокармин Е132).

Симгал 20 мг – пушти Опадри OY-B-34917 (темир (II, III) оксиди, темир (II) оксиди ва темир (III) оксиди Е172, лецитин, поливинил спирти, тальк, титан диоксиди Е171, ксантан қатрони).

Симгал 40 мг – фуксия Опадри АМВ 80W36564 (темир (II, III) оксиди, темир (III) оксиди, лецитин, поливинил спирти, тальк, титан диоксиди, ксантан қатрони, темир (II) оксиди).

Таърифи:

Симгал 10 мг – думалоқ, икки ёқлама қавариқ, оч пушти рангли қобиқ билан қопланган таблеткалар.

Симгал 20 мг – думалоқ, икки ёқлама қавариқ, бир томонида рискали, пушти рангли қобиқ билан қопланган таблекталар.

Симгал 40 мг – думалоқ, икки ёқлама қавариқ, бир томонида рискали, тўқ пушти рангли қобиқ билан қопланган таблеткалар.

Фармакотерапевтик гуруҳи: Гиполипидемик препаратлар. ГМГ-КоА редуктаза ингибиторлари.

АТС коди: С10АА01

Фармакологик хусусиятлари

Симгал гиполипидемик препарат бўлиб, Aspergillis terreus ни ферментация маҳсулотидан синтетик йўл билан олинади, нофаол лактон ҳисобланади, организмда гидролизга учраб, гидроксикислота ҳосилалари ҳосил бўлади. Фаол метаболити ГМГ-КоА дан мевалонат ҳосил бўлишини бошланғич реакциясини катализлайдиган фермент, 3-гидрокси-3-метил-глутарил-КоА-редуктаза (ГМГ-КоА-редуктаза) ни ингибирлайди. ГМГ-КоА ни мевалонатга айланиши холестерин синтезини эрта босқичи бўлиб, симвастатинни қўлланиши организмда потенциал токсик стеролларни тўпланишини чақирмайди. ГМГ-КоА организмда осон метаболизмга учрайди ва кўпчилик синтезланиш жараёнларида иштирок этадиган ацетил-КоА ҳосил бўлади.

Симвастатин плазмада триглицеридлар (ТГ), паст зичликдаги липопротеинлар (ПЗЛП), жуда паст зичликдаги липопротеинлар (ЖПЗЛП) ва умумий холестериннинг миқдорини пасайтиради (кам ҳолларда гиперхолестеринемиянинг гетерозигот оилавий ва оилавий бўлмаган шакллари, бунда ошган холестерин миқдори ҳавф омили ҳисобланади). Юқори зичликдаги липопротеидлар (ЮЗЛП) нинг миқдори ошади ва ПЗЛП/ЮЗЛП ва умумий холестерин/ЮЗЛП нисбатини камайтиради.

Даволаш давом эттирилганида таъсири сақланиб туради; даволаш тўхтатилганида холестериннинг миқдори дастлабки ҳолатига (даволаш бошлангунича) қайтади.

Фармакокинетикаси

Сўрилиши ва тақсимланиши

Симвастатинни сўрилиши юқори. Симвастатин ичга қабул қилинганидан сўнг плазмада С_max 1-2 соатдан кейин эришилади ва 12 соатдан кейин 90% га камаяди. Плазма оқсиллари билан боғланиши 95% ни ташкил этади.

Метаболизми ва чиқарилиши

Симвастатин жигарда метаболизмга учрайди ва жигар орқали “биринчи марта ўтиш” самарасига дучор бўлади (асосан ўзининг фаол шакли бета-гидроксикислотасига гидролизланади, бошқа фаол метаболитлари, ҳамда нофаол метаболитлари ҳам аниқланган).

Фаол метаболитларининг Т_1/2 1,9 соатни ташкил этади. Симвастатин, асосан, ахлат билан метаболитлар ҳолида чиқарилади. Тахминан 10-15% буйраклар орқали нофаол метаболитлар ҳолида чиқарилади.

Қўлланилиши

• бирламчи гиперхолестеринемия ёки аралаш дислипидемия (диетотерапия ва бошқа нофармакологик даволаш усуллари самарали бўлмаганида);
• гомозиготали оилавий гиперхолестеринемия (парҳез ва бошқа даволаш усулларига қўшимча сифатида ёки агар бундай даволаш усуллари буюрилмаганида);
• юрак қон-томир касалликларини олдини олиш (холестериннинг даражаси нормал ёки юқори бўлганида бошқа ҳавф омилларини тўғрилашга ва бошқа юракни ҳимоя қилувчи даволаш усулларига қўшимча сифатида) да қўлланади.

Қўллаш усули ва дозалари

Катталар

Одатдаги тутиб турувчи дозаси суткада 5-80 мг ни ташкил этади. Дозасини липопротеиннинг концентрациясига нисбатан кутилган самара кузатилмагунича ёки максимал суткалик дозаси – 80 мг га эришилмагунича, камида 4 ҳафталик интервал билан ошириш мумкин.

Плазмада холестериннинг концентрацияси кутилган белгиланган даражадан паст даражагача камайганида Симгал препаратининг дозасини пасайтиришни кўриб чиқиш мумкин. 80 мг ли дозаси гиперхолестеринемиянинг оғир шакли ва юрак қон-томир асоратларини юқори ҳавфи бўлган пациентларга буюриш учун тавсия этилади.

Бирламчи гиперхолестеринемия ёки аралаш дислипидемияда бошланғич дозаси суткада 10-20 мг ни ташкил этади, кечқурун бир марта қабул қилинади. Даволаш бошланишидан олдин холестеринни пасайтирувчи стандарт парҳезга риоя қилиш ва даволаниш вақтида уни давом эттириш керак. Паст зичликдаги липопротеидларнинг концентрациясини аҳамиятли даражада 45% кўп пасайтиришга муҳтож бўлган пациентлар Симгал билан даволанишни суткада 20-40 мг дозаси билан бошлашлари мумкин, кечқурун суткада бир марта қабул қиладилар. Зарурат бўлганида дозасини камида 4 ҳафтадан кейин ошириш мумкин. Максимал суткалик доза – 80 мг.

Гомозиготли оилавий гиперхолестеринемияда, Симгалнинг тавсия этилган дозаси суткада 40 мг ни ташкил этади, кечқурун қабул қилинади ёки суткада 80 мг ни ташкил этади ва кечқурун 20 мг, 20 мг ва 40 мг дан 3 марта қабул қилинади.

Симгал препаратини липидлар (масалан, ПЗЛП-афереза) нинг даражасини пасайтириш мақсадида бошқа даволаш усулига қўшимча сифатида ёки бундай даволаш имкони бўлмаган ҳолларда муқобил даво сифатида қўллаш мумкин.

Юрак қон-томир касалликларини олдини олишда ЮИК (гиперлипидемиясиз ЮИК ёки гиперлипидемия билан кечганида)ни ривожланиш ҳавфи юқори бўлган пациентларда Симгалнинг одатдаги дозаси суткада 20-40 мг ни ташкил этади, бутун дозаси кечқурун қабул қилинади. Препаратни қўллашни парҳез ва жисмоний машқлар билан бир вақтда бошлаш мумкин. Зарурат бўлганида дозасини камида 4 ҳафтадан кейин ошириш мумкин. Максимал суткалик дозаси – 80 мг.

Кекса ёшдаги пациентлар

Дозасини тўғрилашга зарурати йўқ.

Ножўя таъсирлари

Препарат одатда яхши ўзлаштирилади. Симвастатинни қабул қилиш билан боғлиқ бўлган нохуш самаралар кучсиз намоён бўлади ва вақтинчалик характерга эга бўлади.

Тез-тез эмас

• уйқуни бузилиши, жумладан уйқусизлик, тунги даҳшатлар, депрессия, хотирани йўқолиши;
• жинсий фаолиятни бузилиши.

Кам

• анемия;
• бош оғриғи, парестезия, бош айланиши, периферик невропатия, периферик полиневропатия;
• қабзият, абдоминал оғриқлар, метеоризм, диспепсия, кўнгил айниши, қусиш, диарея, панкреатит;
• гепатит/сариқлик;
• тери тошмалари, терини қичишиши, алопеция;
• миопатия (жумладан, миолиз), буйрак етишмовчилиги бўлган ёки бўлмаган рабдомиолиз, миалгия, мушаклар спазми, миозит, полимиозит;
• астения;
• Квинке шиши, югуриксимон синдром, ревматик полимиалгия, Вегнер касаллиги, васкулит, тромбоцитопения, эозонофилия, ЭЧТ нинг даражасини ошиши, артрит ва артралгия, эшакеми, ёруғликка сезувчанлик, иситма, қонни оқиб келиш ҳисси, ҳансираш ва умумий ҳолсизлик;
• трансаминазалар (аланин-аминотрансфераза, аспартат-аминотрансфераза, γ-глутамил-транспептидаза) нинг даражасини ошиши, ишқорий фосфатаза даражасини ошиши; қон плазмасида креатинфосфокиназанинг даражасини ошиши кузатилади.

Жуда кам

• ўпкани интерстициал касаллиги;
• жигар етишмовчилиги кузатилади.

Қўллаш мумкин бўлмаган

• симвастатин ёки препаратнинг ҳар қандай компонентларига юқори сезувчанлик;
• жигарнинг ўткир касалликлари, “жигар” трансаминазаларини номаълум генезли турғун ошиши;
• ҳомиладорлик ва лактация даври;
• болалар ва 18 ёшгача бўлган ўсмирлар (препаратни қўллаш ҳавфсизлиги ва самарадорлиги ўрганилмаган);
• CYP3A4 ни кучли таъсир этувчи ингибиторлари (итраконазол, кетоконазол, ОИТВ-протеаза ингибиторлари, эритромицин, кларитромицин, телитромицин ва нефазодон) билан бир вақтда қўллаш;
• галактозани ўзлаштиролмаслик, Лапп лактаза танқислиги ёки глюкоза ва галактозани сўрилишини бузилиши.

Дориларни ўзаро таъсири

Миопатия/рабдомиолиз ривожланишини юқори ҳавфи билан боғлиқ бўлган дори воситаларни ўзаро таъсири

Бошқа ўзаро таъсирлари

• колхицин ва симвастатин бирга қабул қилинганида миопатияни ривожланиши хақида чекланган маълумотлар олинган;
• рифампицин Р450 3А4 нинг индуктори ҳисобланади, шунинг учун симвастатин билан бир вақтда рифампицин билан узоқ муддат даволанаётган (масалан, туберкулёзни даволашда) пациентларда симвастатиннинг дозасини адекват равишда танлаш ва холестериннинг плазмадаги даражасини назорат қилиш керак;
• симвастатин бевосита антикоагулянтларнинг таъсирини кучайтиради ва қон кетиш ҳавфини оширади;
• симвастатин қон плазмасида дигоксиннинг концентрациясини ошишига сабабчи бўлади;
• колестирамин ва колестипол препаратнинг биокираолишлигини пасайтирадилар (симвастатинни кўрсатилган препаратларни қабул қилишдан 2 соат олдин ёки 4 соатдан кейин қўллаш мумкин).

Махсус кўрсатмалар

Даволашни бошлашдан олдин жигар фаолиятини текшириш керак. Даволаниш вақтида “жигар” трансаминазалари фаоллигини биринчи 3 ой давомида ҳар 6 ҳафтада, сўнгра қолган бир йил давомида ҳар 8 ҳафтада ва шундан сўнг ярим йилда 1 марта назорат қилиш керак. Симгал препаратини 80 мг суткалик дозада қабул қилаётган пациентларда жигар фаолиятини 3 ойда 1 марта назорат қилинади. Трансаминазаларнинг даражаси ошган (норманинг юқори чегарасидан 3 марта ошганида) ҳолларда даволаш бекор қилинади. Миалгияси, миастенияси ва/ёки креатинфосфокиназанинг фаоллиги яққол ошиши бўлган беморларни препарат билан даволаш тўхтатилади.

Оғир жароҳатларда, ўткир инфекцияларда, режали жарроҳлик операцияларидан бир неча кун олдин симвастатин билан даволанишни вақтинчалик тўхтатиш керак.

Алкоголни хаддан зиёд истеъмол қиладиган ва/ёки анамнезида жигар касаллиги бўлган беморларга; аъзолар тарнсплантациясидан сўнг иммунодепрессантлар билан даволанаётган пациентларга (рабдомиолиз ва буйрак етишмовчилигини ривожланиш хавфи юқори бўлганлиги сабабли); артериал гипотензия, оғир кечувчи ўткир инфекцион касалликлар, яққол метаболик ва эндокрин бузилишлар, электролитлар мувозанатини бузилиши каби буйраклар фаолиятини яққол етишмовчилигига олиб келиши мумкин бўлган ҳолатларда; жарроҳлик (шу жумладан, стоматологик) аралашувларида ёки жароҳатларда; скелет мушаклари тонусини номаълум этиологияли камайиши ёки ошиши бўлган пациентларга; тутқаноқда препарат эҳтиёткорлик билан буюрилади.

Даволаш курси бошланишидан олдин ва даволаш курси вақтида пациент гипохолестерин парҳезда бўлиши керак. Одатдаги дозаси ўтказиб юборилганида препаратни имкон борича тезроқ қабул қилиш керак. Агар навбатдаги дозасини қабул қилиш вақти келган бўлса, дозасини икки баробар ошириш мумкин эмас. Буйрак етишмовчилиги бўлган пациентларни даволаш буйраклар фаолиятини назорати остида ўтказилади. Мушакларда тушунтириб бўлмайдиган оғриқ, ҳолсизлиги ёки кучсизлиги, айниқса улар лоҳаслик ёки иситма билан кечганида пациентларга зудлик билан хабар бериш тавсия этилади.

Баъзи статинлар, жумладан симвастатин қабул қилинганида, айниқса узоқ муддат даволанганида ўпканинг интерстициал касаллигини ривожланганлиг ҳақида маълумотлар мавжуд. Симптомлари ҳансираш, қуруқ йўтал ва жисмоний толиқиш (чарчоқлик, тана вазнини йўқолиши ва иситма) дан иборат бўлиши мумкин. Интерстициал касаллик ривожланганлигига гумон қилинганида симвастатин билан даволашни тўхтатиш керак.

Кумарин антикоагулянтларини қабул қилаётган пациентларда протромбин вақти симвастатин билан даволашни бошлашдан олдин ва протромбин вақтида аҳамиятли ўзгаришлар йўқлигига ишонч ҳосил қилиш учун даволашни эрта босқичларида нисбатан тез-тез аниқланиши керак. Протромбин вақти барқарорлашганидан сўнг, у маълум бир интервалларда, одатда кумарин антикоагулянтларини қабул қилаётган пациентлар учун тавсия этилган интервалларда аниқланиши керак.

Транспорт воситалари ёки потенциал ҳавфли механизмларни бошқариш қобилиятига дори воситасини таъсир қилиш ҳусусияти

Симгал препарати автомобилни бошқариш ва потенциал ҳавфли механизмлар билан ишлаш қобилиятига салбий таъсир кўрсатмайди.

Препарат болалар олаолмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши

Доза ошириб юборилганида қусишни чақириш, фаоллаштирилган кўмир қабул қилиш керак.

Даволаш – симптоматик. Жигар ва буйраклар фаолиятини, қон зардобидаги креатинфосфокиназанинг даражасини назорат қилиш керак.

Чиқарилиш шакли

14 таблеткадан ПВХ плёнка ва алюмин фольгали контур уяли ўрамга жойланади. 2 контур уяли ўрам давлат ва рус тилларидаги қўллаш бўйича йўриқномаси билан бирга картон қутига жойланади.

Сақлаш шароити

10^оС дан 25^оС гача бўлган ҳароратда, ёруғликдан ҳимояланган жойда сақлансин.

Яроқлилик муддати

4 йил.

Дорихоналардан бериш тартиби

Рецепт бўйича.