📜 Инструкция по применению Ретинол
💊 Состав препарата Ретинол
✅ Применение препарата Ретинол
📅 Условия хранения Ретинол
⏳ Срок годности Ретинол

ҚЎЛЛАШ БЎЙИЧА ЙЎРИҚНОМА

РЕТИНОЛ

RETINOLUM

Препаратнинг савдо номи: Ретинол

Таъсир этувчи модда (ХПН): ретинол

Дори шакли: капсулалар

Бир капсуланинг таркиби:

Ретинол пальмитати (А витамини) нинг ёғдаги 55% ли эритмаси      0,1 мл

Тозаланган маккажўхори мойи                                                                 0,2 г гача

Капсуланинг қобиғи:

Желатин                                                                                                      0,02230 г

Глицерин (глицерол)                                                                                 0,00720 г

Нипагин                                                                                                      0,00001 г

Сув                                                                                                               0,00049 г

Таърифи: сферик шаклга эга, оч-сариқдан тўқ-сариқ ранглигача бўлган желатин капсулалар. Капсуланинг ичидагиси-оч-сариқдан тўқ-сариқ ранглигача бўлган ёғсимон суюқлик.

Фармакотерапевтик гуруҳи: витамин

АТХ коди: А11СА01

Фармакологик хусусиятлари

А витамини умумий қувватловчи таъсир кўрсатади, тўқималар алмашинувини нормаллаштиради; оксидланиш-қайтарилиш жараёнларида (кўп миқдордаги тўйинмаган боғлари туфайли) мукополисахаридлар, оқсиллар, липидлар синтезида, минераллар алмашинувида, холестеринни ҳосил бўлиш жараёнларида қатнашади. Липаза ва трипсинни ишлаб чиқарилишини кучайтиради, миелопоэзни, ҳужайраларнинг бўлиниш жараёнларини кучайтиради. Кўз ёши, ёғ ва тер безларининг фаолиятига ижобий таъсир кўрсатади; шиллиқ қаватлар, нафас йўллари ва ичакни касалликларга бўлган чидамлилигини оширади; организмнинг инфекцияга чидамлилигини оширади. Терининг эпителиал ҳужайраларининг бўлинишини кучайтиради, ҳужайра популяциясини ёшартиради, кератинизация жараёнларини тормозлайди, глюкозаминогликанларнинг синтезини кучайтиради, иммунокомпетент ҳужайраларни ўзаро ва эпидермис ҳужайралари билан ўзаро таъсирини фаоллаштиради. Терининг регенерациясини рағбатлантиради, фоторецепция жараёнларида қатнашади (одамни қоронғуликка мослашишига ёрдам беради). Маҳаллий таъсири эпителий ҳужайраларининг юзасида специфик ретинолни боғловчи рецепторларнинг борлиги билан боғлиқ.

 

Қўлланилиши

А гиповитаминози, авитаминози.

Қуйидагиларни мажмуавий даволашда қўлланади:

  • инфекцион-яллиғланиш касалликлари (қизамиқ, дизентерия, грипп, трахеитлар, бронхитлар ва ҳоказоларни),
  • терини шикастланишлари ва касалликлари (совуқ уриши, куйишлар, жароҳатлар, эрозиялар, яралар, ёриқлар, ихтиоз, гиперкератоз, себореяли дерматит, псориаз, нейродерматит, экземанинг айрим турлари, тери туберкулёзи),
  • кўз касалликлари (пигментли ретинит, гемералопия, ксерофтальмия, кератомаляция, қовоқларни экзематоз шикастланишлари),
  • меъда-ичак касалликлари (эрозив гастродуоденит, меъда ва ўн икки бармоқ ичак яра касаллиги),
  • жигар циррозида.

Ўт ва сийдик чиқариш йўлларида тошларини ҳосил бўлишини олдини олиш учун ҳам буюрилади.

Қўллаш усули ва дозалари

Препаратни қўллаш шифокорнинг кузатуви остида ўтказилиши лозим. Препарат ичга, овқатдан сўнг эрталаб ёки кечқурун қабул қилинади.

Енгил ва ўртача даражадаги авитаминозда катталар учун даволовчи дозалари суткада 33000 ХБ гачани ташкил этади.

Кўз касалликларида катталарга – суткада – 50000-100000 ХБ ва 0,02 г рибофлавин бир вақтда буюрилади.

Тери касалликларида катталарга суткада 50000-100000 ХБ ретинол пальмитати буюрилади.

Катталар учун суткалик доза 100000 ХБ дан ошмаслиги лозим.

 

Ножўя таъсирлари

А витаминини ҳар куни узоқ муддат (болалар томонидан – 100000 ХБ, катталар томонидан – 200000 ХБ) қабул қилиш интоксикацияни, А гипервитаминозини чақириши мумкин. Катталарда А гипервитаминозининг симптомлари – бош оғриғи, уйқучанлик, ланжлик. юзнинг гиперемияси, кўнгил айниши, қусиш, оёқларнинг суякларида оғриқ, юришни бузилиши.

 

Қўллаш мумкин бўлмаган ҳолатлар

Препаратнинг компонентларига юқори сезувчанлик, А гипервитаминози, ҳомиладорлик, ўт-тош касаллиги, сурункали панкреатит, терининг ўткир яллиғланиш касалликларида қўллаш мумкин эмас.

Нефритда, II ва III даражали юрак етишмовчилигида эҳтиёткорлик билан қўлланади.

Дориларнинг ўзаро таъсири

Тетрациклинлар билан узоқ муддат даволаш вақтида А витаминини буюриш тавсия этилмайди (бош мия ички гипертензиясини ривожланиш хавфи ошади).

Салицилатлар ва глюкокортикостероидлар ножўя таъсирларини ривожланиш хавфини камайтиради.

Махсус кўрсатмалар

Ўткир ва сурункали нефритда, юрак фаолиятининг декомпенсациясида эҳтиёткорлик билан қўлланади.

Дозани ошириб юборилишига йўл қўймаслик учун бошқа поливитамин мажмуалари бир вақтда қўлланмайди.

Препарат болалар олаолмайдиган жойда сақлансин ва яроқлилик муддати ўтгач қўлланилмасин.

Чиқарилиш шакли

Капсулалар. 25 капсуладан тўқ шиша ёки полимер банкаларда. 10 та капсуладан контур уяли ўрамда. Ҳар бир банка ёки 1, 2, 3, 4, 5 контур уяли ўрам қўллаш бўйича йўриқномаси билан бирга картон қутига жойланади.

 

 

Сақлаш шароити

Қуруқ, ёруғликдан ҳимояланган жойда, 18-20°С ҳароратда.

 

Яроқлилик муддати

2 йил.

Дорихоналардан бериш тартиби

Рецептсиз.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.