ҚЎЛЛАШ БЎЙИЧА ЙЎРИҚНОМА

КОНКОР

CONCOR

Препаратнинг савдо номи: Конкор

Таъсир этувчи модда (ХПН): бисопролол

Дори шакли: плёнка қобиқ билан қопланган таблеткалар.

Таркиби:

Плёнка қобиқ билан қопланган бир таблетка қуйидагиларни сақлайди:

Ядроси:

фаол модда:  бисопролол фумарати – 5,0 мг/10,0 мг;

ёрдамчи моддалар: сувсиз кальций гидрофосфати – 132,0 мг/127,5 мг; майда кукунли маккажўхори крахмали – 14,5 мг/14,0 мг; сувсиз коллоид кремний диоксиди –
1,5 мг/1,5 мг; микрокристалл целлюлоза – 10,0 мг/10,0 мг; кросповидон – 5,5 мг/5,5 мг; магний стеарати – 1,5 мг/1,5 мг.

Плёнка қобиғи:

гипромеллоза 2910/15 – 2,2 мг/2,2 мг; макрогол 400 – 0,53 мг/0,53 мг; диметикон 100 – 0,11 мг/0,22 мг; темир (II) оксиди бўёвчиси (Е172) – 0,02 мг/0,12 мг; титан диоксиди (Е171) – 0,97 мг/0,85 мг.

Таърифи:

Плёнка қобиқ билан қопланган 5 мг ли таблеткалар: плёнка қобиқ билан қопланган, ҳар иккала томонида рискаси бўлган, икки томонлама қавариқ, юраксимон шаклли оч-сариқ рангли таблеткалар.

Плёнка қобиқ билан қопланган 10 мг ли таблеткалар: плёнка қобиқ билан қопланган, ҳар иккала томонида рискаси бўлган, икки томонлама қавариқ, юраксимон шаклли оч-тўқ сариқ рангли таблеткалар.

Фармакотерапевтик гуруҳи: селектив бета₁ – адреноблокатор.

АТХ коди: C07AB07.

Фармакологик хусусиятлари

Фармакодинамикаси

Таъсир механизми

Бисопролол – яққол ифодаланган ички симпатомиметик ва мембранобарқарорлаштирувчи фаолликка эга бўлмаган, юқори селектив β1-адреноблокатор. Бронхлар ва томирларнинг силлиқ мушакларида жойлашган β2-адренорецепторларга, шунингдек метаболизм жараёнларида иштирок этувчи β2-адренорецепторларга нисбатан кам ўхшашликка эга. Шу сабабли, нафас йўлларининг қаршилигига ва β2-боғлиқ метаболизм жараёнларига бисопрололнинг таъсири мўлжалланмайди. β1-селективлик терапевтик диапазони доирасидан ташқарида сақланади. Бисопролол яққол ифодаланган салбий инотроп таъсирга эга эмас.

Максимал таъсирга ичга қабул қилинганидан кейин 3-4 соат ўтгач эришилади. Суткада бир марта буюрилганида ярим чиқарилиш даври 10-12 соатни ташкил этади, таъсири эса 24 соат сақланади. Умуман, бисопрололнинг максимал антигипертензив таъсирига даволаш бошланишидан 2 ҳафта ўтгач эришилади.

Сурункали юрак касаллиги бўлмаган, юрак ишемик касаллиги бўлган пациентларга шошилинч даволаш амалга оширилганида бисопролол юрак қисқаришлари тез-тезлигини ва зарбдор ҳажмни камайтиради, ва шу билан чиқарилиш фракциясини камайтиради ва миокарднинг кислородга бўлган эҳтиёжини пасайтиради. Узоқ вақт давомида даволашда аввалдан юқори бўлган умумий периферик томир қаршилиги камаяди. Булардан ташқари, β-адреноблокаторларнинг антигипертензив таъсири асосида бўлган механизм сифатида плазмада ренин фаоллигини пасайиши муҳокама қилинмоқда.

Бисопролол юракда β₁-адренорецепторларни блокада қилган ҳолда адренергик регуляцияни сусайтиради. Бу юрак қисқаришларининг секинлашишини ва қисқарувчанликнинг пасайишини келтириб чиқаради, бу эса ўз навбатида миокарднинг кислородга бўлган эҳтиёжини пасайишига олиб келади. Миокарднинг кислородга бўлган эҳтиёжини пасайиши стенокардияли ва юрак ишемик касаллиги бўлган пациентларда кутилган самара бўлиб ҳисобланади.

Фармакокинетикаси

Сўрилиши

Бисопролол ичга қабул қилинганида 90% дан ортиғи меъда-ичак йўллари орқали сўрилади. Препаратни овқатланиш вақтида қабул қилиш уни сўрилишига таъсир кўрсатмайди.

«Биринчи ўтиш» самараси ≤ 10%. Мутлақ биокираолиши тахминан 90% ни ташкил этади.

Тақсимланиши

Бисопрололни плазма оқсиллари билан боғланиши тахминан 30% ни ташкил этади. Тақсимланиш ҳажми – 3,5 л/кг.

Метаболизми ва чиқарилиши

Бисопролол организмдан иккита йўл орқали чиқарилади: 50 фоизи нофаол метаболитларни ҳосил қилган ҳолда жигарда биотрансформацияга учрайди, улар кейинчалик буйраклар орқали чиқарилади, қолган 50 фоизи сийдик билан бирга ўзгармас кўринишда чиқарилади. Дори воситаси буйраклар орқали ҳам, жигар орқали ҳам бир хил даражада чиқарилиши туфайли, енгил ёки ўртача даражада жигар ва буйрак фаолияти бузилишлари бўлган пациентларда дозага тузатиш киритиш талаб қилинмайди (шунингдек «Қўллаш усули ва дозалари» бўлимида «Жигар ва/ёки буйрак етишмовчилигида дозалаш» қисмига қаранг).

Умумий клиренс тахминан соатига 15 л ни ташкил этади. Ярим чиқарилиш даври – 10-12 соат (шунингдек «Фармакодинамикаси» бўлимига қаранг).

Тўғри пропорционаллиги

Бисопролол кинетикаси чизиқли характерга эга ва ёшга боғлиқ эмас.

Қўлланилиши

– Артериал гипертензия

– Юракнинг ишемик касаллиги (стенокардия).

Қўллаш усули ва дозалари

Дозалаш тартиби

Даволашни кўпроқ кичик дозалардан бошлаб, кейинчалик уларни аста-секин ошириб борган ҳолда амалга ошириш лозим. Барча ҳолларда дозани индивидуал равишда, пульс тез-тезлиги ва даволаш самарасига мувофиқ танлаш лозим.

Артериал гипертензия

Бисопролол фумаратининг тавсия этиладиган дозаси кунига 1 марта 5 мг ни ташкил этади.

Енгил артериал гипертензияда (диастолик АБ 105 мм сим. уст. қадар) доза суткада 1 марта 2,5 мг ни ташкил этиши мумкин.

Зарурат бўлганида, дозани суткада 10 мг гача ошириш мумкин. Дозани кейинги оширилиши фақат мутлақ ҳолларда ўзини оқлаши мумкин.

Максимал суткалик доза 20 мг.

Юракнинг ишемик касаллиги (стенокардия)

Бисопролол фумаратининг тавсия этиладиган дозаси кунига 1 марта 5 мг ни ташкил этади.

Зарурат бўлганида, дозани суткада 10 мг гача ошириш мумкин. Дозани кейинги оширилиши фақат мутлақ ҳолларда ўзини оқлаши мумкин.

Максимал суткалик доза 20 мг.

Жигар ва/ёки буйрак етишмовчилигида дозалаш

Яққол ифодаланмаган ёки ўртача даражада жигар ва/ёки буйрак фаолияти бузилишлари бўлган пациентларда дозага тузатиш киритиш талаб қилинмайди. Оғир даражада буйрак фаолияти бузилишлари (креатинин клиренси < 20 мл/мин) бўлган пациентларда ва яққол ифодаланган жигар фаолияти бузилишлари бўлган пациентларда бисопролол фумаратининг суткалик дозаси 10 мг дан ошмаслиги керак.

Диализда бўлган пациентларда бисопрололни қўллашнинг чекланган тажрибаси мавжуд. Дозалаш режимини ўзгартиришга зарурат йўқ.

Кекса ёшдаги инсонлар

Дозага тузатиш киритиш талаб қилинмайди.

Болалар

Педиатрия амалиётида бисопрололни қўллаш тажрибаси мавжуд эмас, демак уни мазкур гуруҳдаги пациентларда қўллаш учун тавсия қилиб бўлмайди.

Қўллаш усули

Плёнка қобиқ билан қопланган таблеткаларни эрталаб, овқатланишга боғлиқ бўлмаган ҳолда чайнамасдан, кичик миқдордаги сув билан бутунлигича ютиш лозим.

Даволаш давомийлиги

Даволаш давомийлиги чекланмаган ва касалликнинг табиати ва оғирлик даражасига боғлиқ. Конкор препарати билан даволаш курсини, айниқса юрак ишемик касаллиги бўлган пациентларда бирданига тўхтатиб бўлмайди, чунки бу пациент саломатлиги ҳолатини ўткир ёмонлашишига олиб келиши мумкин. Агар даволашни тўхтатиш зарур бўлса, дозани босқичма-босқич камайтириш (масалан, дозани ҳафтада икки баравар камайтириш) лозим.

Ножўя таъсирлари

Ножўя реакциялар тез-тезлигини аниқлаш учун қуйидаги тоифалардан фойдаланилади:

Тез-тез: ≥1/100 дан <1/10 гача

Тез-тез эмас: ≥1/1 000 дан <1/100 гача

Кам ҳолларда: ≥1/10 000 дан <1/1000 гача

Жуда кам ҳолларда: <1/10 000

Тез-тезлиги номаълум: мавжуд маълумотлар бўйича баҳолаш мумкин эмас.

Лаборатория ва инструментал маълумотлар

Кам ҳолларда: триглицеридлар даражасининг ошиши, жигар ферментлари (АЛТ, АСТ) фаоллигини ошиши.

Юрак томонидан бузилишлар

Тез-тез эмас: брадикардия, АВ-ўтказувчанлигини бузилиши, мавжуд юрак етишмовчилигини кучайиши.

Нерв тизими томонидан бузилишлар

Тез-тез: бош айланиши*, бош оғриғи*.

Кам ҳолларда: ҳушдан кетиш.

Кўриш аъзоси томонидан бузилишлар

Кам ҳолларда: ёш ажралишини камайиши (контакт линзаларини тақувчи пациентларда эътиборга олиш лозим).

Жуда кам ҳолларда: конъюнктивит.

Эшитиш аъзоси томонидан бузилишлар ва мувозанатни бузилиши

Кам ҳолларда: эшитиш қобилиятини бузилиши.

Нафас олиш тизими, кўкрак қафаси аъзолари ва кўкс оралиғи томонидан бузилишлар

Тез-тез эмас: бронхиал астмаси ёки анамнезда нафас йўлларининг обструктив касаллиги бўлган пациентларда бронхоспазм.

Кам ҳолларда: аллергик ринит.

Меъда-ичак йўллари томонидан бузилишлар

Тез-тез: кўнгил айниши, қусиш, диарея, қабзият каби меъда-ичак йўллари томонидан шикоятлар.

Тери ва тери ости тўқималари томонидан бузилишлар

Кам ҳолларда: юқори сезувчанлик реакциялари (қичишиш, терини қизариши, тошма).

Жуда кам ҳолларда: соч тўкилиши. β-адреноблокаторлар псориазни келтириб чиқариши ёки псориаз кечишини қийинлаштириши, шунингдек терида псориазга ўхшаш ўзгаришларни келтириб чиқариши мумкин.

Скелет-мушак ва бириктирувчи тўқималар томонидан бузилишлар

Тез-тез эмас: мушак заифлиги, мушак спазмлари.

Қон томирлар томонидан бузилишлар

Тез-тез: қўл-оёқларда совуқликни сезиш ёки уларни увишиши.

Тез-тез эмас: гипотензия.

Умумий бузилишлар ва юбориш жойида бузилишлар

Тез-тез: чарчоқ*.

Тез-тез эмас: астения.

Жигар ва сафро йўллари томонидан бузилишлар

Кам ҳолларда: гепатит

Жинсий аъзолар ва кўкрак бези томонидан бузилишлар

Кам ҳолларда: эркакларда жинсий фаолиятни бузилиши.

Руҳиятни бузилиши

Тез-тез эмас: депрессия, уйқуни бузилиши.

Кам ҳолларда: даҳшатли тушлар, галлюцинациялар.

*Ушбу симптомлар, одатда, даволашни бошида пайдо бўлиши мумкин. Кўпчилик ҳолларда улар кучсиз ифодаланган бўлади ва 1-2 ҳафта ичида йўқолади.

Қўллаш мумкин бўлмаган ҳолатлар

Мазкур препаратни қуйидаги ҳолатлардаги пациентларда қўллаш мумкин эмас:

• инотроп даволашни талаб қиладиган ўткир юрак етишмовчилиги ёки декомпенсация босқичидаги сурункали юрак етишмовчилиги;
• кардиоген шок;
• иккинчи ёки учинчи даражадаги АВ-блокада (электрокардиостимуляторсиз пациентларда);
• синус тугуни заифлиги синдроми;
• синоатриал блокада;
• симптоматик брадикардия;
• симптоматик гипотензия;
• оғир бронхиал астма;
• оёқлар артериялари облитерацияланувчи атеросклерозининг оғир шакллари ва Рейно синдроми;
• даволаш буюрилмаганида феохромоцитома («Махсус кўрсатмалар» бўлимига қаранг);
• метаболик ацидоз;
• бисопрололга ёки препаратнинг ҳар қандай ёрдамчи компонентларига («Таркиби» бўлимига қаранг) юқори сезувчанлик.

Дориларнинг ўзаро таъсири

Қуйидаги дори препаратлари билан бир вақтда қўллаш тавсия этилмайди:

Верапамил туридаги кальций антагонистлари ва, кам даражада, дилтиазем туридаги препаратлар: миокардни қисқаришига ва атриовентрикуляр ўтказувчанликка салбий таъсир кўрсатади. Верапамил туридаги кальций антагонистларини β-адреноблокаторларини қабул қилаётган пациентларда вена ичига юбориш яққол ифодаланган артериал гипотензияга ва атриовентрикуляр блокадага олиб келиши мумкин.

Клонидин туридаги ва бошқа (масалан, метилдопа, моксонидин, резерпин) марказий таъсир этувчи антигипертензив препаратлар: марказий таъсир этувчи антигипертензив препаратлардан фойдаланган ҳолда мажмуавий даволаш симпатик нерв тизими тонусини пасайиши туфайли юрак етишмовчилигини ривожланишига олиб келиши мумкин бўлиб, у юрак қисқаришлари тез-тезлигини камайиши, юракда қон чиқариб ташлашларни пасайиши, вазодилатация билан кечади. Марказий таъсир этувчи антигипертензив препарат қўлланилишини бирданига, айниқса β-адреноблокаторни қабул қилиш тўхтатилишига қадар бекор қилиш  «рикошетли» артериал гипертензияни ривожланиши хавфини ошириши мумкин.

Эҳтиёткорлик билан қўллашни талаб қиладиган комбинациялар:

I синф антиаритмик препаратлар (масалан, хинидин, дизопирамид, лидокаин, фенитоин, флекаинид, пропафенон): атриовентрикуляр ўтказувчанликни секинлашиши ва салбий инотроп таъсирни кучайиши.

Дигидропиридинлар ҳосилалари гуруҳидаги кальций антагонистлари (масалан, нифедипин): бир вақтда қўллаш артериал гипотензия ривожланиши хавфини оширади ва юрак етишмовчилиги бўлган пациентларда юрак қоринчаларининг насос фаолиятини ёмонлашиши хавфини истисно этмайди.

I синф антиаритмик препаратлар (масалан, амиодарон): атриовентрикуляр ўтказувчанликка таъсирни кучайтириши мумкин.

Парасимпатомиметиклар: бир вақтда қўллаш атриовентрикуляр ўтказувчанликни секинлаштиради ва брадикардия ривожланиши хавфини оширади.

Маҳаллий қўллаш учун β-адреноблокаторлар (масалан, глаукомани даволаш учун кўз томчилари) бисопрололнинг тизимли таъсирини кучайтириши мумкин.

Инсулин ва перорал гипогликемик воситалар: гипогликемик таъсир кучаяди. β-адренорецепторларни блокада қилиш оқибатида гипогликемия симптомлари яширин бўлиши мумкин.

Анестетиклар: рефлекторли тахикардияни сусайтирилиши ва артериал гипотензия хавфини ошиши мумкин (шунингдек «Махсус кўрсатмалар» бўлимига қаранг).

Юрак гликозидлари: юрак қисқаришлари тез-тезлиги пасайиши, атриовентрикуляр ўтказувчанлик секинлашиши мумкин.

Ностероид яллиғланишга қарши препаратлар (НЯҚП): гипотензив таъсирни кучсизланиши. β-адреномиметикларни (масалан, добутамин, орципреналин): бисопролол билан бир вақтда қўллаш ҳар иккала дори воситалари таъсирини пасайишига олиб келиши мумкин. Аллергик реакцияларни даволашда адреналиннинг юқорироқ дозалари талаб қилиниши мумкин.

α- ва β-адренорецепторларни рағбатлантирувчи воситалар (масалан, адреналин, норадреналин): артериал қон босими ошиши ва ўзгарувчан чўлоқланишнинг намоён бўлиши кучайиши мумкин. Носелектив β-адреноблокаторлар қўлланилганида бундай ўзаро таъсирларни юз бериш эҳтимоли кўпроқ.

Трициклик антидепрессантлар, барбитуратлар, фенотиазинлар, шунингдек антигипертензив таъсир кўрсатувчи бошқа воситалар: гипотензив таъсир кучаяди.

Эътиборга олиш керак бўлган комбинациялар:

Мефлохин: брадикардия ривожланишини юқори хавфи бўлиши мумкин.

Моноаминоксидаза ингибиторлари (МАО-В ингибиторлари бундан мустасно): β-адреноблокаторнинг гипотензив таъсири кучайиши мумкин, аммо айни вақтда гипертоник криз ривожланиши хавфи мавжуд.

Махсус кўрсатмалар

Конкор препарати билан, айниқса юрак ишемик касаллиги бўлган пациентларда даволашни тўсатдан тўхтатиш мумкин эмас, чунки бу ҳолатни ўткинчи ёмонлашишига олиб келиши мумкин («Қўллаш усули ва дозалари» бўлимига қаранг).

Конкорни юрак етишмовчилиги билан бирга кечувчи артериал гипертензия ёки стенокардияси бўлган пациентларда эҳтиёткорлик билан қўллаш лозим.

Конкорни қуйидаги ҳолларда ўта эҳтиёткорлик билан қўллаш лозим:

• қонда глюкоза даражасининг сезиларли ўзгаришлари бўладиган қандли диабетда; гипогликемия симптомлари (масалан, тахикардия, юракни тез уриш ҳисси ёки кўп терлаш) билинар-билинмас бўлиши мумкин;
• қатъий очлик;
• давомли десенсибилизацияловчи даволашда.

Бошқа β-адреноблокаторларни қўллашдаги каби, бисопролол аллергенларга сезувчанликни кучайтириши ва анафилактик реакцияларнинг оғир кечишини кучайтириши мумкин. Адреналин билан даволаш кутиладиган терапевтик таъсирни ҳар доим ҳам беравермайди.

• биринчи даражали АВ-блокада;
• Принцметал стенокардияси;
• оёқлардаги артерияларнинг облитерацияловчи атеросклерози (симптомларни ёмонлашиши айниқса даволашни бошланишида қайд этилиши мумкин).

Гарчанд кардиоселектив (β₁) β-адреноблокаторлар носелективларига нисбатан ўпка фаолиятига кам даражада таъсир кўрсатса-да, барча β-адреноблокаторлар сингари, агар уларни қўллаш учун ишонарли клиник асослар бўлмаса, улар ўпканинг обструктив касаллиги бўлган пациентларга буюриш мумкин эмас. Бундай асослар мавжуд бўлганида, Конкор препаратини эҳтиёткорлик билан қўллаш мумкин. Бронхиал астмада ёки клиник симптомлари бўлган ўпканинг бошқа сурункали обструктив касаллигида бронходилятаторлар билан бир вақтда даволаш буюрилиши керак. Кам ҳолларда бронхиал астмаси бўлган пациентларда нафас йўллари қаршилигининг ошиши β₂-симпатомиметикларнинг юқорироқ дозаларини қўллашни талаб қилади.

Умумий анестезия

Умумий анестезия ўтказилаётган пациентларда дастлабки кириш анестезиясида, интубацияда ва оперециядан кейинги даврда β-адреноблокаторларни қўллаш аритмия ва миокард ишемияси ривожланиши хавфини пасайтиради. Ҳозирги вақтда периоперация даврида β-адреноблокатори билан даволашни давом эттириш тавсия этилади. Анестезиолог пациент томонидан β-адреноблокаторларни қўлланилгани ҳақида хабардор бўлиши керак, чунки бу эҳтимол дориларнинг ўзаро таъсирига олиб келиши мумкин, бу эса брадиаритмия ривожланиши ва рефлекторли тахикардия сусайтирилишини, шунингдек қон йўқотилишини компенсация қилишнинг рефлектор қобилияти пасайишини келтириб чиқариши мумкин. Жарроҳлик аралашуви ўтказилишидан олдин β-адреноблокатор қўлланилишини бекор қилиш зарурати юзага келганида, буни режалаштирилган анестезияга қадар 48 соат давомида босқичма-босқич амалга ошириш лозим.

Анамнезда псориази бўлган пациентларда β-адреноблокаторлар (масалан, бисопролол) буюрилишидан олдин «фойда-хавф» нисбатини синчковлик билан баҳолаш лозим.

Феохромоцитомали пациентларда α-адренорецепторлар дастлабки блокада қилинганидан кейин бисопрололни қўллаш мумкин.

Бисопролол билан даволанганда тиреотоксикоз симптомлари яширин кечиши мумкин.

Конкор препаратини қўллаш допинг-назорат амалга оширилганида ижобий натижага олиб келиши мумкин.

Ҳомиладорлик ва лактация даврида қўлланилиши

Ҳомиладорлик

Бисопрололнинг фармакологик фаоллиги ҳомиладорликни кечишига ва/ёки ҳомилага/янги туғилган чақалоққа номақбул таъсир кўрсатиши мумкин.

Умуман, β-адреноблокаторлар йўлдошда қон оқимини бузади, бу ҳомилани она қорнида ривожланишини ушланиб қолишига, ҳомиланинг она қорнида нобуд бўлишига, бола ташлашга ёки муддатидан илгари туғруққа олиб келади. Номақбул таъсирлар (масалан, гипогликемия ва брадикардия) ҳомилада ва янги туғилган чақалоқда юзага келиши мумкин. β-адреноблокаторлар билан даволаш зарурати бўлганида β₁-адреноблокаторларни қўллаш афзалроқ бўлади.

Бисопрололни яққол зарурат бўлмаганида ҳомиладорлик даврида қўллаш тавсия этилмайди. Бисопрололни қўллаш зарурати бўлганида бачадон-йўлдош қон оқимини ва даволаш жараёнида ҳомиланинг она қорнида ривожланишини назорат қилиш талаб қилинади. Ҳомиладорликни кечишига ёки ҳомилага салбий таъсир бўлганида даволашнинг муқобил вариантларини кўриб чиқиш лозим. Янги туғилган чақалоқ ҳолатини синчковлик билан назорат қилиш лозим. Гипогликемия ва брадикардия симптомлари кўпчилик ҳолларда ҳаётнинг дастлабки 3 кунида юзага келади.

Эмизиш

Бисопрололнинг она сутига  ўтиши номаълум. Шу сабабли, лактация даврида бисопролол билан даволаш тавсия этилмайди.

Автомобилни бошқариш ва мураккаб механизмлар билан ишлаш қобилиятига таъсири

Юрак ишемик касаллиги бўлган пациентлар иштирокида ўтказилган тадқиқотда бисопролол транспорт воситаларини бошқариш қобилиятига таъсир кўрсатмаган. Бироқ, препаратга нисбатан индивидуал реакциялар ривожланганида транспорт воситаларини бошқариш ёки техник жиҳатдан мураккаб бўлган механизмлар билан ишлаш қобилияти бузилиши мумкин. Бунга даволаш бошланишида ва препарат дозаси ўзгартирилганидан кейин, шунингдек алкоголни бир вақтда қўлланилганида эътибор қаратиш лозим.

Препарат болалар ололмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши

Симптомлари

Брадикардия, артериал гипотензия, бронхоспазм, ўткир юрак етишмовчилиги ва гипогликемия β-адреноблокаторлар билан дозани ошириб юборилишининг кўп учрайдиган белгиларига тааллуқлидир. Ҳозирда артериал гипертензияли ва/ёки юрак ишемик касаллиги бўлган пациентларда бисопролол дозасини (максимал доза 2000 мг) ошириб юборилишининг бер нечта ҳоллари маълум. Мазкур пациентларда брадикардия ва артериал гипотензия ривожланиши қайд этилган бўлиб, барча пациентлар соғайган.

Бисопрололнинг юқори дозасини бир марта қабул қилишга сезувчанлик пациентларда сезиларли даражада фарқ қилади. Юрак етишмовчилиги бўлган пациентлар юқорироқ сезувчанликка эга эканлиги тўлиқ эҳтимолдан холи эмас.

Даволаш

Доза ошириб юборилганида препаратни қабул қилиш тўхтатилиши ва тутиб турувчи ҳамда симптоматик даволашни бошлаш лозим. Чекланган маълумотларга кўра, бисопролол ёмон диализланадиган моддаларга мансуб. Фармакологик таъсирни ва бошқа β-адреноблокаторлари учун қўллашга доир тавсияларни инобатга олган ҳолда клиник кўрсатмалар бўйича қуйидаги умум қабул қилинган тадбирларни ўтказиш лозим.

Брадикардия: атропинни вена ичига юборилади. Таъсир етарлича бўлмаганида орципреналинни ёки ижобий хронотроп таъсирга эга бошқа дори воситасини эҳтиёткорлик билан юбориш мумкин. Айрим ҳолларда кардиостимуляторларни ўрнатиш талаб қилиниши мумкин.

Артериал гипотензия: Инфузион даволаш ва вазопрессорларни юбориш амалга оширилади. Глюкагонни вена ичига юбориш самарали бўлиши мумкин.

АВ-блокада (II ва III даражали): пациентлар синчков кузатув остида бўлиши ва вена ичига инъекциялар кўринишида орципреналинни олишлари керак. Зарурат бўлганида кардиостимулятор ўрнатилади.

Ўткир юрак етишмовчилиги: диуретиклар, ижобий инотроп таъсирга эга препаратларни, вазодилятаторларни вена ичига юборилади.

Бронхоспазмда: орципреналин, β₂-симпатомиметиклар ва/ёки аминофиллин каби бронходилятаторларни буюрилади.

Гипогликемия: глюкозани вена ичига юборилади.

Чиқарилиш шакли

30 таблеткадан алюминийли фольга ва ПВХ блистерда; 1 блистер қўллаш бўйича йўриқнома билан бирга картон қутига жойланган.

25 таблеткадан алюминийли фольга ва ПВХ блистерда; 2 блистер қўллаш бўйича йўриқнома билан бирга картон қутига жойланган.

Сақлаш шароити

30°С дан юқори бўлмаган ҳароратда сақлансин.

Яроқлилик муддати

5 йил.

Дорихоналардан бериш тартиби

Рецепт бўйича