📜 Инструкция по применению Прогаст
💊 Состав препарата Прогаст
✅ Применение препарата Прогаст
📅 Условия хранения Прогаст
⏳ Срок годности Прогаст

ҚЎЛЛАШ БЎЙИЧА ЙЎРИҚНОМА

ПРОГАСТ

PROGAST

Препаратнинг савдо номи: Прогаст

Таъсир этувчи модда (ХПН): лансопразол (lansoprazole)

Дори шакли: микропеллет капсулалар

Таркиби:

ҳар бир микропеллет бўлган капсулада қуйидагилар сақланади:

фаол модда: лансопразол 30 мг (ичакда эрувчи  қобиқли микропеллет шаклида);

ёрдамчи моддалар: натрий лаурилсульфати, метилгидроксипропилцеллюлоза, тальк, титан диоксиди, полиэтиленгликоль 6000, полисорбат 80, полиакрилат, сахароза, маккажўхори крахмали,  меглумин, маннитол.

Таърифи: қаттиқ, тиниқ бўлмаган желатинли, №1 ўлчамли, оч-сариқ корпусли ва тўқ-сариқ қопқоқли, микропеллет капсулалар, капсула ичидагиси – оқдан-оч-сариқ рангача бўлган ҳидсиз, пеллетлар.

Фармакотерапевтик гуруҳи: Н++-АТФ-аза (протон помпа) ингибитори.

ATХ коди: A02BC03

 

Фармакологик хусусиятлари

Таъсир механизми: Оғиз орқали қабул қилинганидан кейин лансопразол протон помпани (меъданинг париетал ҳужайраларини секретор юзасидаги фермент тизими – Н++-АТФ-азани) ингибиция қилиш орқали хлорид кислотасининг секрециясини блоклайди. Бу таъсири дозага боғлиқ бўлиб, рағбатлантирувчи омилнинг табиатидан қатъий назар, базал ва рағбатлантирилган секрецияни ингибиция қилиниши таъминлайди. Лансопразол пентагастрин томонидан рағбатлантирилган хлорид кислотасининг секрециясини тахминан 36 соат давомида дозага боғлиқ равишда блоклайди.

Антисекретор таъсири: Оғиз орқали қабул қилинганидан кейин лансопразол меъда ширасининг рН кўрсаткичининг ўртача суткалик қийматини аҳамиятли даражада оширади, бундан ташқари, хлорид кислотасининг базал ва пентагастрин томонидан рағбатлантирилган секрециясини аҳамиятли даражада ва тезда камайтиради, шунингдек овқат қабул қилиш оқибатида рағбатлантирилган секрет ҳажмини ва хлорид кислотасининг секрецияси тезлигини анча пасайтиради. Лансопразол секрет ҳажмига, кислотали муҳитга ва кислотани ажралиб чиқишига таъсир кўрсатади.

Энтерохромафинсимон ҳужайраларга таъсири: Клиник тадқиқотлар, лансопразолни камида 1 йил давомида қўллаганида, меъданинг хавфли ўсмасини ҳосил бўлиш хавф омили ҳисобланган энтерохромафинсимон ҳужайраларнинг гиперплазияси аниқланмаганлигини кўрсатди.

Меъда ва қизилўнгачга таъсири: Лансопразол меъданинг мотор-эвакуатор функциясини аҳамиятли даражада тормозлайди, айни пайтда қизилўнгачнинг пастки сфинктерининг моторикаси ва тонусига таъсир қилмайди; плазмада пепсиногеннинг миқдорини оширади ва пепсинни ишлаб чиқарилишини сусайтиради.

Плазмада гастриннинг даражасига таъсири: Лансопразол плазмада гастриннинг даражасига унча таъсир кўрсатмайди.

Эндокрин тизимига таъсири: Лансопразол эндокрин тизимига клиник аҳамиятли таъсир кўрсатмайди. Кунига 15-60 мг дозада 2-8 ҳафта давомида перорал қўлланганда лансопразол қалқонсимон безининг функциясига аҳамиятли таъсир кўрсатмайди.

Бошқа тизимларга таъсири: Лансопразолни марказий нерв тизимига, лимфатик, қон яратиш, юрак-томир, нафас тизимларига, шунингдек буйрак ва жигарга қандайдир тизимли таъсири кузатилмаган.

 

Фармакокинетикаси

Сўрилиши: Ичга қабул қилинганидан кейин капсулада энтерал (кислотага чидамли) қобиқли гранулалар-микропеллетлар кўринишида сақланувчи лансопразол ичакдан тез сўрилади. Перорал қабул қилинганидан кейин биокираолишлиги 80% дан ортиқни ташкил қилади. Препаратнинг максимал концентрацияси қонда 1,7 соатдан кейин аниқланади. Оч қоринга қабул қилинганидан фарқли равишда, овқат билан бир вақтда қабул қилинганида лансопразолнинг биокираолишлиги 50% га пасаяди.

Тақсимланиши: Лансопразол плазма оқсиллари билан 97% га боғланади. Плазма оқсиллари билан боғланиш даражаси лансопразолнинг 0,05-5,0 мкг/мл ни концентрациясида ўзгармаган.

Метаболизми: Лансопразол жигарда унча катта бўлмаган антисекретор фаолликка эга метаболитлари ва нофаол метаболитларини ҳосил бўлиши билан метаболизмга учрайди. Лансопразол қонда аниқланмайдиган 2 фаол метаболити ёрдамида меъданинг париетал ҳужайраларини протон насосига таъсир қилади. Препаратни узоқ вақт қўлланиши лансопразолнинг кумуляциясини чақирмайди ва унинг фармакокинетикасини ўзгартирмайди.

Чиқарилиши: Ярим чиқарилиш даври 2 соатдан камроқни ташкил қилади, бироқ бу кислотанинг секрецияси давомийлигига таъсир қилмайди, чунки секрецияни ингибиция қилиниши 24 соатдан ортиқ давом этади. Кекса ёшли пациентларда ярим чиқарилиш даври 2-3 соатни ташкил қилади. Тадқиқотларда, бир марталик доза перорал қабул қилингандан кейин, учдан бир қисми буйрак орқали, учдан икки қисми эса – ичак орқали чиқарилиши кўрсатилган.

Махсус гуруҳ беморлар билан боғлиқ бўлган қўшимча маълумотлар

Буйрак етишмовчилиги

Буйрак функциясини бузилиши бўлган пациентларга дозага тузатиш киритиш талаб қилинмайди.

Жигар етишмовчилиги

Жигар функциясининг яққол бузилишларида ярим чиқарилиш даврини ошиши туфайли, препаратнинг дозасини камайтириш керак.

Педиатрик пациентлар

1-17 ёшли болалар ва ўсмирларда лансопразолнинг фармакокинетикаси катталарникига ўхшаш.

Гериатрик пациентлар

Кекса пациентларда лансопрозолнинг клиренси бироз пасаяди, бироқ бу дозага тузатиш киритишни талаб этмайди.

Қўлланилиши

  • Меъда ва ўн икки бармоқ ичакнинг яра касаллигини даволаш
  • Рефлюкс-эзофагитни даволаш ва олдини олиш
  • Н. pylori билан боғлиқ меъда ва ўн икки бармоқ ичакнинг ярали шикастланишларини антибиотиклар билан даволаш билан бирга Нelicobacter pylori (H.pylori) эрадикацияси.
  • НЯҚВ билан даволанишни давом эттираётган пациентларда, меъда ва ўн икки бармоқ ичакнинг НЯҚВ билан боғлиқ ярали шикастланишларини  даволаш ва олдини олиш.
  • Гастроэзофагеал рефлюкс касаллигини (ГЭРК) симптоматик даволаш.

қисқа муддатли (4 ҳафта давомида) ва тутиб турувчи даволаш.

  • Патологик гиперсекретор ҳолатларни, шу жумладан Золлингер-Эллисон синдромини даволашда қўлланилади

 

Қўллаш усули ва дозалари

Прогаст микропеллет капсулани ичга, эрталаб овқатдан олдин қабул қилиш тавсия қилинади (Н.pylori эрадикацияси бундан мустасно, бунда препаратни суткада 2 марта: 1 марта эрталаб ва 1 марта кечқурун қўлланилади). Препарат овқатдан 30 минут олдин қўлланилади. Капсулани бутунлигича, очмасдан, чайнамасдан, етарли миқдордаги суюқлик билан ичиш лозим.

Ўн икки бармоқ ичакнинг яра касаллиги:

Тавсия этилган доза суткада 30 мг ни ташкил қилади, 2 ҳафта давомида .

Тўлиқ самарага эришилмаган пациентларда даволашни худди шу дозада кейинги 2 хафта давомида давом эттириш мумкин.

Меъданинг яра касаллиги:

Тавсия этилган доза суткада 30 мг ни ташкил қилади, 4 ҳафта давомида қабул қилинади.

Тўлиқ самарага эришилмаган пациентларда даволашни худди шу дозада кейинги 4 хафта давомида давом эттириш мумкин.

Рефлюкс-эзофагитни олдини олиш:

Тавсия этилган доза суткада 15 мг ни ташкил қилади. Зарурати туғилганида, дозани суткада 30 мггача ошириш мумкин.

Н.pylori эрадикацияси:

Лансопрзолнинг тавсия этилган дозаси суткада 30 мг дан 2 марта 7 кун давомида қўллашни ташкил этади ва қуйидаги мажмуалардан бирини буюрилади.

кларитромицин 250-500 мг суткада 2 марта +амоксициллин 1 г суткада 2 марта

кларитромицин 250 мг суткада 2 марта + метронидазол 400-500 мг дан суткада 2 марта.

НЯҚВ билан даволанишни давом эттираётган пациентларда, меъда ва ўникки бармоқли ичакнинг НЯҚВ билан боғлиқ ярали шикастланишларини даволаш:

Тавсия этилган доза суткада 30 мг ни ташкил қилади, 4 ҳафта давомида қўлланади.

Тўлиқ самарага эришилмаган пациентларда даволашни худди шу дозада кейинги 4 хафта давомида давом эттириш мумкин. Даволаниши қийин яралари бўлган ёки шунга ўхшаш хавфлар мавжуд бўлган пациентларда, даволаш курсини ошириш ва/ёки дозани ошириш лозим.

НЯҚВ билан даволанишни давом эттираётган  пациентларда, меъда ва ўн икки бармоқ ичакнинг НЯҚВ билан боғлиқ ярали шикастланишларини  олдини олиш:

Тавсия этилган доза суткада 15 мг ни ташкил қилади. Зарурати бўлганида, дозани суткада 30 мг гача ошириш мумкин.

Гастроэзофагеал рефлюкс касаллигини (ГЭРК) симптоматик даволаш:

Тавсия этилган доза суткада 15 мг ёки 30 мг ни ташкил қилади. Дозага индивидуал равишда тузатиш киритиш лозим. Агар препаратни суткада 30 мг дозада 4 хафта давомида қабул қилинганда пациентнинг аҳволини яхшиланиши кузатилмаса, даволаш схемасини қайта кўриб чиқиш тавсия этилади.

Патологик гиперсекретор ҳолатларни, шу жумладан Золлингер-Эллисон синдромини даволаш:

Тавсия этилган доза суткада 60 мг ни ташкил қилади. Дозага индивидуал равишда тўғрилаш киритиш лозим, зарурати бўлганида даволашни давом эттириш лозим. Лансопрозолни 180 мг гача суткалик дозада қўллаш мумкин. Агар доза суткада 120 мг дан ошса, уни 2 марта қабул қилишга бўлиш лозим.

Капсулани ютишда қийинчилик ҳис этаётган пациентларда капсулани қуйидаги усул билан қабул қилиш мумкин:

  • Капсулани очинг. Капсула ичидагисини (гранулаларни) кам миқдордаги сув, олма/томат шарбати ёки енгил овқат (йогурт, олмали бўтқа) билан аралаштиринг.
  • Капсулани очинг. Капсула ичидагисини (гранулалар) 40 мл олма шарбати билан аралаштириш ва меъдага назогастрал зонд орқали юбориш керак.
  • Суспензия ёки аралашмани тайёрлангандан сўнг дарҳол қўллаш лозим. Микропеллет капсуланинг ичидагисини юқорида кўрсатилганлардан ташқари бошқа шарбатлар билан аралаштириш мумкин эмас.

Махсус гуруҳ беморлар билан боғлиқ бўлган қўшимча маълумотлар

Буйрак етишмовчилиги

Буйрак функциясининг бузилиши бўлган пациентларга дозага тузатиш киритиш талаб қилинмайди.

Жигар етишмовчилиги

Енгил ва ўртача оғирлик даражасидаги жигар етишмовчилиги бўлган пациентларни доимий кузатувини амалга ошириш ва суткалик дозани икки марта камайтириш лозим.

Педиатрик пациентлар

Клиник маълумотларнинг чекланганлиги сабабли, болаларда препаратни қўллаш тавсия этилмайди.

Гериатрик пациентлар

Клиник зарурати бўлмаса, 30 мг суткалик дозани ошириш мумкин эмас.

Ножўя таъсирлари

Ножўя таъсирларнинг юз бериш тезлиги: жуда тез-тез (≥1/10); тез-тез ( ≥1/100 дан <1/10 гача); тез-тез эмас ( ≥1/1000 дан <1/100 гача); кам ҳолларда ( ≥1/10000 дан <1/1000 гача); жуда ка ҳолларда (<1/10000); тез-тезлиги номаълум (мавжуд маълумотлар асосида баҳолашнинг иложи йўқ).

Қон яратиш ва  лимфа тизими томонидан

Тзе-тез эмас: тромбоцитопения, эозинофилия, лейкопения;

Кам ҳолларда: анемия;

Жуда кам ҳолларда: агранулоцитоз, панцитопения.

Моддалар алмашинуви ва овқатланиш томонидан

Тез-тезлиги номаълум: гипомагнеземия.

Руҳият томонидан

Тез-тез эмас: депрессия;

Кам ҳолларда: уйқусизлик, галлюцинациялар, онгни чалкашиши.

Нерв тизими томонидан

Тез-тез эмас: бош оғриғи, бош айланиши;

Кам ҳолларда: ҳавотирлик, парестезиялар, уйқучанлик, тремор.

Кўриш аъзолари томонидан

Кам ҳолларда: кўришни бузилиши.

Овқат ҳазм қилиш тизими томонидан

Тез-тез эмас: кўнгил айниши, диарея, меъда соҳасида оғриқ, қабзият, қусиш, метеоризм, оғизни ёки томоқни қуриши;

Кам ҳолларда: глоссит, қизилўнгач кандидози, панкреатит, таъм сезишни бузилиши;

Жуда кам ҳолларда: колит, стоматит.

Гепатобилиар тизими томонидан

Тез-тез эмас: жигар ферментлари фаоллиги кўрсаткичларини ошиши;

Кам ҳолларда: гепатит, сариқлик.

Тери ва тери ости клетчаткаси томонидан

Тез-тез эмас: эшакеми, қичишиш, тошма;

Кам ҳолларда: петехия, пурпура, кўп шаклли эритема, ёруғликка сезувчанлик;

Жуда кам ҳолларда: Стивенса-Джонсон синдроми, токсик эпидермал некролиз.

Суяк-мушак тизими ва бириктирувчи тўқима томонидан

Тез-тез эмас: артралгия, миалгия;

Буйрак ва сийдик чиқариш йўллари томонидан

Кам ҳолларда: интерстициал нефрит.

Репродуктив тизими ва сут безлари томонидан

Кам ҳолларда: гинекомастия.

Умумий бузилишлар ва маҳаллий реакциялар

Тез-тез: ҳолсизлик;

Тез-тез эмас: шиш;

Кам ҳолларда: гипертермия, гипергидроз, анорексия, бепуштлик, ангиоэдема;

Жуда кам ҳолларда: анафилактик шок.

Текширувлар

Жуда кам ҳолларда: холестерол ва триглицеридлар даражасини ошиши, гипонатриемия кузатилиши мумкин.

Шубҳали ножўя реакциялар тўғрисида хабарлар

Дори препарати қайд этилгандан сўнг, шубҳали ножўя реакциялар ҳақида хабарлар муҳим аҳамиятга эга. Бу дори воситасини қабул қилишнинг фойда/хавф нисбатини узоқ муддат назоратини амалга оширишга ёрдам беради.

Нохуш самаралар пайдо бўлганида шифокор билан мулоқот қилинг.

Қўллаш мумкин бўлмаган ҳолатлар

Лансопразолга ва препаратнинг ҳар қандай бошқа компонентига юқори сезувчанлик.

Лансопрозолни атазанавир билан бирга қўллаш мумкин эмас.

Дориларнинг ўзаро таъсири

Лансопрозолнинг бошқа дори воситаларига таъсири

Лансопрозол сўрилиши рН-га бўлган дори воситалари биокираолиши рН га боғлиқ бўлган препаратларни сўрилишига тўсқинлик қилиш мумкин.

Атазанавир:

Атаназавирни лансопрозол билан бир вақтда қўллаш мумкин эмас.

Кетоконазол ва итраконазол:

Кетоконазол ва итраконазолни меъда-ичак йўлларидан сўрилиши меъда шираси иштирокида кучаяди. Лансопрозолни қабул қилиш кетоконазол ва итраконазолнинг субтерапевтик концентрациясига сабаб бўлиши мумкин; бунда мажмуани қўллашдан сақланиш лозим.

Дигоксин:

Лансопрозол билан бир вақтда қўллаш плазмада дигоксиннинг концентрациясини ошишини чақириши мумкин. Шунинг учун плазмада дигоксиннинг миқдорини назорат қилиш лозим ва зарурат туғилганида лансопрозолни қабул қилишни бошлашда ва қабул қилиш тугагач, унинг дозасига тузатиш киритиш лозим.

Цитохром Р450 фермент тизими томонидан метаболизмга учрайдиган дори воситалари: Лансопрозол СYP3A4 изоферменти томонидан метаболизмга учрайдиган препаратларнинг плазмадаги концентрациясини ошишини чақириши мумкин. Лансопрозолни бундай препаратлар билан мажмуада эхтиёткорлик билан қўллаш лозим.

Теофиллин:

Лансопрозолни теофиллин қабул қилаётган пациентларда эҳтиёткорлик билан қўллаш лозим, чунки бу препаратларнинг мажмуаси теофилиннинг плазмадаги концентрациясини камайишини чақириши мумкин.

Такролимус:

Лансопрозол билан бир вақтда қабул қилиш плазмада такролимуснинг концентрациясини ошишини чақиради. Шунинг учун такролимуснинг плазмадаги миқдорини назорат қилиш лозим ва зарурати бўлганида лансопрозолни қабул қилишни бошида ва қабул қилиш тугагач, унинг дозасига тузатиш киритиш керак.

Р-гликопротеин томонидан транспорт қилинадиган дори воситалари: лансопрозол in vitro шароитларида протеинни Р-гликопротеинни ташилиши ингибиция қилади.

Бошқа дори воситаларининг лансопрозолга таъсири:

CYP2C19  ингибиторлари:

Флувоксамин:

СYP2C19 ингибитори Флуваксамин билан бир вақтда қўлланганда дозани камайтиришнинг зарурати келиб чиқиши мумкин.

СYP2C19 ва СYP3А4 индукторлари:

Рифампицин ва далачой ўти каби СYP2C19 ва СYP3А4 нинг индукторлари билан бир вақтда қўллаганда плазмада лансопрозолнинг концентрацияси камаяди.

Бошқалар:

Сукральфат/антацидлар:

Сукральфат/антацидлар лансопрозолнинг биокираолишини камайтириши мумкин, шунинг учун уни кам миқдорда, ушбу препаратларни қабул қилгандан кейин 1 соатдан сўнг қўллаш лозим.

Махсус кўрсатмалар

Лансопрозолни қабул қилиш меъдада хавфли ўсмаларнинг симптомларини ниқоблаши мумкин, шунинг учун даволашни бошлашдан олдин бундай жараённинг мавжудлигини истисно этиш лозим. Жигар функциясини енгил ва оғир даражадаги бузилишлари бўлган пациентларда лансопрозолни эҳтиёткорлик билан қўллаш лози. Лансопрозолни қабул қилиш  Salmonella ва Campylobacter каби меъда-ичак йўлларининг инфекцияларини ривожланиш хавфини бироз ошириши мумкин. H.pylory томонидан чақирилган инфекцияларнинг мавжудлигини ҳисобга олиш лозим, гастродуоденал яралари бўлган пациентларда у экологик омил бўлиши мумкин. H.pylory эрадикацияси учун лансопрозолни антибиотиклар билан мажмуада қўлланганда, шунингдек ушбу антибиотикларни қўллаш бўйича йўриқномасини ҳам ҳисобга олиш лозим. 1 йилдан ортиқ самарани бир маромда тутиб турувчи даволашни қабул қилаётган пациентар ҳақида маълумотлар чекланганлиги сабабли, уларда ўтказилаётган даволашнинг фойда/хавф нисбатини мунтазам баҳолаб туриш керак. Лансопрозолни қабул қилаётган пациентларда, кам ҳолларда колитни ривожланиши ҳолатлари ҳақида хабар берилган. Шунинг учун оғир ва/ёки давомли диарея ҳолатларида Прогасттм препаратини қабул қилишни тўхтатиш ҳақидаги масалани қайта кўриб чиқиш лозим. НЯҚВ узоқ муддат қабул қилишга муҳтож бўлган пациентларда петик яраларни олдини олиш мақсадидаги даволашни асоратларини келиб чиқишининг юқори хавфида (масалан меъда-ичак йўлларидан қон кетишларни мавжудлиги, анамнезида перфорация ёки яраланиш бўлса, кексалик ёши, МИЙ томонидан ножўя реакцияларнинг ривожланиш хавфини ошириш хусусиятига эга дори воситаларини {масалан, кортикостероидлар ёки антикоагулянтлар} паралелл қабул қилиш, жиддий ёндош касалликларни мавжудлиги ёки НЯҚВ ни максимал тавсия этилган дозаларда узоқ муддат қўллаш) чеклаш лозим.

Суякларни синиши:

ППИ юқори дозаларини қабул қилаётган билан узоқ муддат даволашни ва (1 йил ва ундан ортиқ вақт  давомида) синишларнинг хавфи ошади.

Шу тарзда ППИ-даволашни минимал дозаларда ва кўрсатмаларга мувофиқ қисқа муддатларда ўтказиш лозим.

Гипомагнеземия:

ППИ даволашни энг камида 3 ой, кўпгина холларда пациентларда гипомагнеземиянинг ривожланишининг кам ҳоллари ҳақида хабар берилган.

Шу боисдан ППИ билан узоқ муддат даволанган холларда, дигоксин билан ёки гипомагнеземияни чақириш хусусиятига эга препаратлар (масалан, диуретиклар) билан бир вақтда қўлланган ҳолларда, ППИ ни қабул қилишни бошида ва даволаниш вақтида вақти-вақти билан магний даражасини назоратини ўтказиш лозим.

Нейроэндокрин ўсмаларни диагностика қилиш учун маркерлар билан ўзаро таъсири:

Зардобдаги хралогранин А нинг (CgA) миқдорини ошиши нейроэндокрин ўсмаларни диагностика қилишда сохтамусбат натижага сабаб бўлиши мумкин. Шу сабабли, таҳлилни ўтказишдан аввал ППИ билан – даволашни вақтинчалик тўхтатиш лозим, чунки препаратларни қабул қилиш оқибатида меъда шираси кислотасини камайиши кузатилиши мумкин.

Фруктозани ўзлаштираолмасликнинг кам учрайдиган наслий шакли, глюкоза-галактозани кам сўрилиши ёки сахараза-изомальтоз етишмовчилиги бўлган пациентларда Прогаст  буюрилмайди.

Прогаст  препаратининг хар бир капсуласи камида 1 ммол натрий (23 мг) сақлайди; бундай миқдорда натрий билан боғлиқ бўлган хеч қандай самаралар кутилмайди.

Ҳомиладорлик вақтида ва лактация даврида қўлланиши

Прогаст препаратини ҳомиладорлик вақтида қўллаш тавсия этилмайди.

Ҳомиладор аёлларда лансопрозолни кўкрак сутига ажралишига тегишли маълумотлар йўқ.

Кўпчилик препаратлар кўкрак сутига ажралиб чиқиши сабабли, препаратни лактация даврида қўллаш зарурати туғилганида, эмизишни тўхтатиш хақидаги масалани хал этиш лозим.

Транспорт воситаларини ва потенциал хавфли механизмларни бошқариш қобилиятига таъсири  

Бош айланиши, кўришни бузилиши ва уйқучанлик каби ножўя реакцияларини пайдо бўлишини ҳисобга олиш лозим.

Препарат болалар ололмайдиган жойда сақлансин ва яроқлилик муддати ўтганидан кейин ишлатилмасин.

 

Дозани ошириб юборилиши

Лансопрозолнинг дозасини ошириб юборилиши самаралари маълум эмас. Дозани ошириб юборилиши ҳолларида пациент назорат остида бўлиши керак. Лансопрозол оз миқдорда диализ ёрдамида чиқарилади. Зарурати бўлса меъдани ювиш, фаоллаштирилган кўмирни қабул қилиш ва симптоматик даволашни тавсия этилади.

 

Чиқарилиш шакли

Прогаст, микропеллет капсулалар 30 мг дан, пластик флаконларда. 1 флакон (28 микропеллет капсулалар) қўллаш бўйича йўриқномаси билан комплектда картон қутида жойланган.

Прогаст, микропеллет капсулалар 30 мг дан, пластик флаконларда. 1 флакон (14 микропеллет капсулалар) қўллаш бўйича йўриқномаси билан комплектда картон қутида жойланган.

 

 

Сақлаш шароити

30°С дан юқори бўлмаган ҳароратда, зич ёпилган қопқоқли оригинал ўрамида сақлансин. Флакон очилганидан кейин истеъмол қилишнинг максимал муддати – 1 ой.

Флаконни ҳар гал очгандан кейин қопқоғини зич ёпиш керак.

Яроқлилик муддати

3 йил.

Дорихоналардан бериш тартиби

Рецепт бўйича.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.