ҚЎЛЛАШ БЎЙИЧА ЙЎРИҚНОМА

Клиника ва лабораторияларнинг мувофиқлик гувоҳномасига эга шифокорлари,

тиббий ходимлари томонидан қўллаш учун мўлжалланган

REPOITIN

Эритропоэтин инъекцияси B.P.

Тери остига ва вена ичига инъекциялар учун

ФИЗИК, КИМЁВИЙ ВА ФАРМАЦЕВТИК ХУСУСИЯТЛАРИ

REPOITIN (Эритропоэтин инъекцияси B.P.) – бу рекомбинант ДНК технологияси ёрдамида олинган таркибига 165 та аминокислота қолдиқлари кирган мономер гликопротеин бўлган гормон ҳисобланади; у худди эндоген эритропоэтин каби биологик самараларни чақиради. Препаратнинг молекуляр оғирлиги 30600 Дальтон бўлиб, уни олиш учун эса одам эритропоэтини интеграция қилинган хитой оғмахонининг тухумдон ҳужайралари линияси ишлатилади. Препарат ажратиб олинган табиий эритропоэтиндагига ўхшаш аминокислоталар кетма-кетлигини сақлайди.

ТАРКИБИ ВА ЧИҚАРИЛИШ ШАКЛИ

REPOITIN – рангсиз тиниқ суюқликдир. Препаратнинг суюқ шакли натрий фосфати, натрий хлориди, одам альбумини ва рекомбинант одам эритропоэтини (rHuEPO, ИФ/БФ/Евр. Ф.) сақловчи pH 6,6-7,4 бўлган фосфатли буфер ҳисобланади.

REPOITIN препаратининг (Эритропоэтин инъекцияси B.P. SIIL) дозаси флаконларда

1. Эритропоэтин инъекцияси B.P. 2000 ХБ / 0,5 мл

REPOITIN 2000

Препаратнинг 0,5 мл да қуйидагилар сақланади:

Эритропоэтин (Альфа Эпоэтин) нинг концентрацияланган эритмаси B.P. — 2000 ХБ

2. Эритропоэтин инъекцияси B.P. 4000 ХБ / 1,0 мл

REPOITIN 4000

Препаратнинг 1,0 мл да қуйидагилар сақланади:

Эритропоэтин (Альфа Эпоэтин) нинг концентрацияланган эритмаси B.P. — 4000 ХБ

3. Эритропоэтин инъекцияси B.P. 10000 ХБ / 1,0 мл

REPOITIN 10000

Препаратнинг 1,0 мл да қуйидагилар сақланади:

Эритропоэтин (Альфа Эпоэтин) нинг концентрацияланган эритмаси B.P. — 10000 ХБ

Фармакологик хусусиятлари

Таъсир механизми

Эритропоэтин эритроцитларни ишлаб чиқарилишини асосан кечки босқичларда назорат қилади ва рағбатлантиради. У эритроцитларнинг ўтмишдош-ҳужайраларининг пролиферацияси, яшаб қолиши ва дифференциациясини бошқаради. Эритропоэтин суяк кўмигида ўтмишдош-ҳужайраларини бўлиниши ва дифференциациялаши ҳисобига суяк кўмигида эритроид бўғинини фаоллигини оширади, эритроцитларни ҳосил бўлишини рағбатлантиради. Эритропоэтин, айни пайтда дифференциацияланиши жараёнида ҳужайралар циклини ва митозлар сонини ўзгартирмай, шунингдек ретикулоцитларни ажралиб чиқишини тезлаштиради. У шунингдек эритроцитларнинг суяк кўмигида ривожланаётган ўтмишдош-ҳужуайралари сонини оширади, бунинг натижасида эритроцитлар, гемоглобин ва гематокрит даражалари ошади. REPOITIN (Эритропоэтин инъекцияси B.P.) ажратиб олинган табиий эритропоэтин каби худди шундай аминокислоталар кетма-кетлигини сақлайди.

Фармакокинетикаси

REPOITIN (rHuEPO) соғлом одамлар ва сурункали буйрак етишмовчилиги (СБЕ) бўлган пациентларга вена ичига юборилганидан сўнг препаратнинг ярим чиқарилиш даври 4 соатдан 16 соатгача ўзгариб туради. Буйрак функциясини бузилиши бўлган пациентларда ярим чиқарилиш даври, буйрак функцияси нормал бўлган пациентларга нисбатан узоқроқ давом этади. Эритропоэтинни одатдаги терапевтик дозаларда тери остига юборилганидан сўнг зардобдаги чўққи концентрациясига 4-24 соатдан кейин эришилади, бунда концентрациянинг ушбу даражаси 2-4 кун давомида дастлабки даражадан юқорилигича қолади, препаратнинг одатдаги терапевтик дозалари вена ичига юборилганда дастлабки даражасига қайтиши учун 1-3 кун талаб этилади. REPOITIN оқсил бўлганлиги туфайли, меъда-ичак йўлларида парчаланади, айнан шунинг учун ҳам парентерал (вена ичига ёки тери остига) юборилиши керак. Вена ичига (в/и) юборилганда, тери остига (т/о) юборилганига нисбатан концентрация чўққиси анча юқорироқлигига ва уни тезроқ эришилишига қарамай, бу кўрсаткичлар камроқ барқарор бўлади ва демак, в/и юбориш йўли, пациентда қон томирларига тайёр йўл бўлган ҳолатлардан ташқари ҳолларда т/о юбориш йўли олдида ҳеч қандай клиник афзалликларга эга эмас. Эритропоэтиннинг одатдаги дозалари ҳам в/и, ҳам т/о юборилганда, плазмада аниқланадиган унинг даражалари камида 24 соат давомида сақланиб қолади. Тери остига юборилганда биокираолишлиги паст, бироқ ярим чиқарилиш даври узоқроқ давом этади

Токсикологик хусусиятлари

Гарчи тератоген, мутаген ва канцероген хусусиятларини ўрганиш юзасидан тадқиқотлар ўтказилмаган бўлса-да, REPOITIN препаратининг тегишли тадқиқотлари ҳайвонларда (препаратнинг бир марталик дозаси юборилган 4 та тадқиқот ва препаратни қуёнлар ва каламушларга 28 кун давомида юборилганда токсикликни ўрганиш юзасидан 2 та тадқиқот) ўтказилган. Бу тадқиқотларнинг ҳар бирида фосфатли буфер ёрдамида суюлтирилган ва ёхуд вена ичига, ёхуд тери остига юборилган. Қуёнлар ва каламушлар ўтказилган токсикликни ўрганиш юзасидан барча тадқиқотларда, одамдлар учун тўғри келувчи бир марталик дозани хатто 200 баробар оширилганда (6600 ХБ/кг дозада) (в/и ва т/о юбориш), шунингдек узоқ муддат қўлланганда тегишли дозани 100 баробар оширилганда (3300 ХБ/кг дозада) (т/о юбориш), REPOITIN на маҳаллий, на тизимли токсик реакцияларни чақирмаслиги кўрсатилган.

Қўлланилиши

• Сурункали буйрак етишмовчилиги бўлган пациентларда анемияни даволаш
• Химиотерапияни ўтказган онкологик пациентлардаги анемияни даволаш
• Зидовудин қабул қилаётган ОИТВ билан инфекцияланган пациентлардаги анемияни даволаш
• Жарроҳлик аралашувларини ўтказган пациентларда аллоген тарнсфузиялар сони камайганида
• Катта ёшдаги жарроҳлик пациентларида аутоген донорлик қонини олиш ҳажми ошганида қўлланилади.

Қўллаш усули ва дозалари

МУҲИМ: эритроцитар массани қуйишдан воз кечиш учун етарли бўлган гемоглобин концентрациясини минимал даражагача аста-секин ошириш имконини берувчи REPOITINнинг энг паст дозасини қўллаш муҳимдир. REPOITINни юборишни тегишли гувоҳномаси бўлган шифокорнинг кузатуви остида ва фақат айнан шу шифокор томонидан белгиланган дозада ва шу йўл билан амалга ошириш лозим. Доза ва юбориш йўли ҳар бир пациент учун индивидуал равишда белигиланади, лекин бунда тиббиёт фанининг замонавий ютуқларига таяниш ҳамда бутун дунёда қабул қилинган қўлланмаларга амал қилиш лозим.

Сурункали буйрак етишмовчилиги бўлган пациентлар

Катта пациентлар учун REPOITINнинг тавсия этилган бошланғич дозаси ҳафтада 2-3 марта, 50-100 ТБ/кг ни ташкил этади. Диализдаги СБЕ бўлган болаларда тавсия этилган бошланғич доза – ҳафтада 3 марта 50 ТБ/кг ни ташкил этади. REPOITINнинг дозасини, гемоглобин даражаси 12 г/дл га етганида ёки унинг ўсиш тезлиги 2 ҳафта ичида 1 г/дл дан ошганда, ШУНИНГДЕК агар гематокрит 30-33% га етса ёки 2 ҳафта ичида 4 бирликдан юқорига ошганда ҳам пасайтириш керак. Дозани шундай танлаш лозимки, гемоглобиннинг концентрацияси ошсин ва 10-12 г/дл даражасида ушланиб қолсин ЁКИ гематокрит кўрсаткичи 30-33% (максимал 36%) ни ташкил этсин. REPOITINни вена ичига ёки тери остига юбориш мумкин, бунда диализдаги пациентларда анча афзал ва тавсия қилинган юбориш йўли вена ичига юбориш ҳисобланади. Диализ ўтказилмайдиган СБЕ бўлган катта пациентларда REPOITINни ҳам вена ичига, ҳам тери остига юбориш мумкин. Даволаш жараёнида гематологик кўрсаткичларни мунтазам аниқлашни амалга ошириш лозим.

ИЗОҲ: иккита гуруҳ пациентлар иштирокидаги йирик кўп марказли рандомизацияланган бир томонлама яширин қиёсий базавий тадқиқотнинг III фазаси натижаларига эътибор қаратиш лозим, унда қувватлаб турувчи диализдаги СБЕ бўлган 100 дан ортиқ ҳинд пациентлари анемияни даволаш воситаси сифатида REPOITINни ҳафтада 2 марта қабул қилишган. Бундай даволаш нафақат гемоглобин ва гематокрит даражасини ошишига ёрдам беради, шунингдек эритроцитар массани қуйиш сонини камайтиришга имкон беради, балки 12 ҳафта давом этувчи мувофиқлаштириш фазасида пациентларнинг турмуш сифатини яхшилашни таъминлайди, бундай ҳолларда препарат хавфсиз бўлиб, пациентлар томонидан яхши ўзлаштирилади.

Ҳар бир ҳолатда ҳам REPOITINни ҳафтада икки ёки уч марта юбориш тўғрисдаги қарорни қайд этилган шифокор қабул қилади, бунда асосий белгиловчи кўрсаткичлар бўлиб, пациентнинг умумий аҳволи, иқтисодий мақсадга мувофиқлик, логистик шароитлар ва қулайлик ҳисобланади. NKF-DOQI и EBPG каби халқаро қўлланмаларга мувофиқ, гемодиализдаги барча пациентларга REPOITIN препаратини вена ичига юбориш керак.

Даволашни бошлашдан олдин темир даражасини баҳолаш: REPOITIN билан даволашдан олдин ва даволаш вақтида пациентларда темир заҳираларини баҳолашни, шу жумладан зардобда трансферрин ва ферритин даражасини аниқлашни ўтказиш лозим. Трансферриннинг тўйиниш даражаси 20% дан кам бўлмаслиги, ферритин даражаси эса, камида 100 нг/мл ни ташкил этиши лозим. Аслида ҳар бир пациентга трансферринни тўйиниш даражасини REPOITIN билан адекват рағбатлантирилиган эритропоэзни таъминловчи даражагача ошириш ёки ушлаб туришга имкон берувчи темирни қўшимча юбориш талаб этилади.

Дозани танлаш: ҳар бир пациент учун доза, айни пайтда гемоглобин концентрацияси
12 г/дл дан юқори бўлмаган даражасига эришиш ва шу даражада ушлаб туриш мақсадида индивидуал равишда танланиши лозим. Дозани 1 ойда кўпи билан 1 марта ошириш мумкин. Гемоглобин даражаси 12 г/дл га етганида дозани ҳафтада 3 марта тахминан
25 ТБ/кг га пасайтириш лозим. Агар гемоглобин ўсишда давом этса, препаратни бекор қилиш керак, даволашни эса фақат гемоглобин тушишни бошлагандан кейингина қайта бошлаш керак, бунда препаратнинг дозаси аввалги дозадан тахминан 25% га паст бўлиши керак. Агар гемоглобиннинг ўсиш тезлиги 2 ҳафта ичида 1 г/дл дан ортиқ бўлса, дозани ҳафтада 3 марта тахминан 25 ТБ/кг га пасайтириш лозим. Агар гемоглобиннинг ўсиш тезлиги 4 ҳафта ичида 1 г/дл дан кам бўлса ва темир заҳиралари адекват бўлса, унда REPOITINнинг дозасини ошириш (дозани ҳафтада 3 марта тахминан 25 ТБ/кг га ошириш) мумкин. Гемоглобиннинг талаб этилган даражасига эришилгунча 4 ҳафталик интервал билан кейинчалик дозани яна ошириш мумкин.

Самарани бир маромда ушлаб турувчи доза: Самарани бир маромда ушлаб турувчи доза диализдаги ҳар бир пациент учун индивидуал равишда танланади. Гемодиализдаги катта пациентларда гематокритни танланган даражада ушлаб туришга имкон берувчи ўртача самарани бир маромда ушлаб турувчи доза, ҳафтада 3 марта одатда 75 ТБ/кг ни ташкил этади, айни пайтда гемодиализдаги болаларда ва перитонеал диализдаги катталарда гематокритни 30-36% даражада ушлаб туришга имкон берувчи ўртача самарани бир маромда ушлаб турувчи доза ҳафтада тахминан 170 ни ёки 80 ТБ/кг ни ташкил қилади (мувофиқ равишда ҳафтада 2 ёки 3 марта юборилганда). Диализ ўтказилмаётган, СБЕ бўлган катталарда ҳам самарани бир маромда ушлаб турувчи доза индивидуал равишда танланади. REPOITIN ҳафтада 75-150 ТБ/кг дозаларда гематокритни 6 ой давомида 36-38% даражада ушлаб туришга имкон бериши кўрсатилган.

Даволашга жавобни етарли бўлмаслиги ёки бўлмаслиги: REPOITIN билан даволаш бошланганидан сўнг тахмина 2 ойдан кейин СБЕ бўлган 95% дан ортиқ пациентлар даволашга гематокритни анча сезиларли ошиши билан жавоб кўрсатадилар ва улардан деярли барчаси қон қуйишга муҳтож бўлмай қоладилар. Агар пациентда жавоб кузатилмаса ёки тавсия қилинган дозалар қўлланганда жавоб барқарор бўлмаса, қуйидаги сабабларнинг мавжудлиги кўриб чиқилиши лозим:

• Темир танқислиги: деярли барча пациентлар темирни қўшимча юборилишига муҳтождирлар.
• Ёндош инфекцион ва яллиғланиш касалликлари ёки ўсма жараёни.
• Яширин қон йўқотиш.
• Ёндош қон касалликлари (масалан, талассемия, рефрактер анемия ва бошқа миелодиспластик бузилишлар).
• Витаминлар танқислиги: фолат кислотаси ва B12 витамини танқислиги.
• Гемолиз.
• Алюминий билан интоксикация.
• Фиброзли-кистоз остеит.
• Ҳақиқий эритроцитар аплазия (ҲЭА).

Химиятерапияни қабул қилаётган онкологик беморлар

Плазмада REPOITINнинг даражасини аниқлашнинг иложи йўқлигига қарамай, унинг дозаси оширилганда пациентлар REPOITIN билан даволашга камроқ даражада жавоб кўрсатадилар, плазмада REPOITINнинг даражаси юқори бўлганида (масалан,
> 200 мТБ/мл бўлса) эритропоэтинни буюриш одатда тавсия этилмайди. REPOITINни қабул қилаётган пациентларда гемоглобин даражаси барқарор бўлмагунича, уни ҳар ҳафта аниқлаш керак, бунда REPOITINнинг дозасини шундай танлаш лозимки, гемоглобин концентрацияси танланган 10-12 г/дл даражада сақланиб қолсин. Катталарда REPOITINнинг икита дозалаш тартиби ишлатилиши мумкин: (i) 150 ТБ/кг т/о ҳафтада 3 марта (ҳафтада 3 марта, т/о максимал доза 300 ТБ/кг гача); ёки (ii) ҳафтада 40 000 ТБ т/о (ҳафтада, т/о максимал доза 60 000 ТБ гача).

Агар гематокрит 40% дан юқори бўлиб қолса, REPOITINни кўрсаткич 36% дан пастга тушмагунича бекор қилиш лозим, сўнгра даволаш қайтадан бошланади, лекин бунда бошланғич дозадан 25% паст бўлган доза қўлланилади, дозани танлашни эса, гематокритнинг оптимал даражасига эришилгунича ўтказилади. REPOITINнинг дозасини, гематокритни ошиши аввалдан хаддан ташқари тез юз берган ҳолларда (масалан, 1 ҳафта ичида 2 процент пунктдан ортиқ ошиши) ҳам пасайтириш керак.

Зидовудин қабул қилаётган ОИТВ-инфекцияланган пациентлар

REPOITIN ёрдамида даволашни бошлашдан олдин одатда зардобда эндоген эритропоэтиннинг даражасини (қуйишдан олдин) аниқлаш тавсия қилинади. Зидовудинни қабул қилаётган, эндоген эритропоэтин даражаси > 500 мТБ/мл бўлган пациентлар, REPOITIN билан даволашга анча кам даражада жавоб кўрсатадилар. Зидовудинни ҳафтада < 4200 мг дозада қабул қилаётган, эндоген эритропоэтин даражаси < 500 мТБ/мл бўлган катта пациентларда, REPOITINнинг тавсия қилинган бошланғич дозаси 8 ҳафта давомида, ҳафтада 3 марта, в/и ёки т/о 100 ТБ/кг ни ташкил қилади, кейинчалик ҳар 8 ҳафтада, даволашга бўлган жавобга қараб, ҳафтада 3 марта максимал доза 300 ТБ/кг га қадар, ҳафтада 3 марта 50-100 ТБ/кг гача ошириб борилади. Исталган жавобга эришилгандан сўнг (гемотрансфузияларга эҳтиёж пасайганда ёки гемоглобин ошганида) жавобни ушлаб туриш учун REPOITINнинг дозасини титрлаш лозим, бунда асос сифатида зидовудиннинг дозаси, интеркурент инфекцияларни ёки яллиғланиш реакцияларини борлиги каби омиллар олинади.

Агар гематокрит 40% дан юқори бўлиб қолса, REPOITINни кўрсаткич 36% дан пастга тушмагунича бекор қилиш лозим, сўнгра даволаш қайтадан бошланади, лекин бунда бошланғич дозадан 25% паст бўлган доза қўлланилади, дозани танлашни эса, гематокритнинг оптимал даражасига эришилгунича ўтказилади.

Аллоген гемотрансфузияга муҳтож бўлган хирургик беморлар

REPOITIN билан даволаш бошланишидан олдин гемоглобин даражасини аниқлаш лозим (у 10 г/дл дан ортиқ бўлиши, лекин 13 г/дл дан ошмаслиги керак). Одатда REPOITINнинг тавсия қилинган дозаси жарроҳлик аралашувидан 10 кун олдин ва ўтказилганидан кейин 4 кундан сўнг т/о суткада 300 ТБ/кг ни ташкил қилади. Бошқа бўлиши мумкин бўлган юбориш тартиби – бу, препаратни 600 ТБ/кг дозада т/о юбориш (операциядан 21, 14 ва 7 кун олдин), шунингдек тўртинчи дозани операция куни юборишдан иборатдир. Барча пациентлар темир препаратларининг тегишли дозаларини қўшимча равишда қабул қилишлари лозим, бундай даволаш тартиби REPOITINни юборишнинг энг бошида бошланиши ва бутун даволаш курси давомида давом этиши лозим.

Хусусий қон банкини шакллантиришда иштирок этувчи катта ёшдаги хирургик пациентлар

REPOITIN хусусий қон банкини шакллантириш дастури доирасида шахсий қонни йиғишни рағбатлантириш учун ва гематокрит кўрсаткичи 33-39% даражасида бўлган ҳамда темир танқислиги бўлмаган катта ёшдаги хирургик пациентларга, агар уларга йирик жарроҳлик операцияларини ўтказиш режалаштирилган бўлса ва REPOITINни қўлламасдан шахсий қонини йиғиш тизими ёрдамида олиш мумкин бўлганига нисбатан кўпроқ қон (аёллар учун > 4 бирлик; эркаклар учун > 5 бирлик) ёки қисқа вақт ичида талаб этилган ҳолларда, аллоген қонни қуйиш хавфини пасайтириш учун қўллаш кўрсатилган. REPOITINни ҳар гал қон олингандан кейин юбориш керак. Темир даражасини аниқлаш ва унинг танқислигини компенсация қилишни, пациентни хусусий қон банкини шакллантириш дастурига киритишдан ва REPOITIN билан даволаш бошланишидан олдин ўтказиш лозим. REPOITINни қабул қилаётган деярли барча пациентларга қўшимча равишда темир препаратларини хам (перорал равишда суткада 200 мг элементар темир) буюриш лозим; айни пайтда шахсий қон заҳирасини шакллантириш учун темир препаратини қабул қилишни иложи борича эртароқ бошлаш ва REPOITIN билан даволашнинг бутун курси давомида давом эттириш керак. > 4 бирлик қон ҳажмига эга шахсий қон банкини шакллантириш талаб этилган енгил анемияси (гематокрит
33-39 ҳажм% ва/ёки гемоглобин 10-13 г/дл) бўлган пациентлар операциядан олдин препаратни 3 ҳафта давомида ҳафтада 2 марта 600 ТБ/кг дозада қабул қилишлари лозим, анемияси бўлмаган ва камроқ қон талаб этилагн пациентлар эса, 150-300 ТБ/кг дозани ҳафтада 2 марта қабул қиладилар. REPOITINни операциядан олдин ва кейин қўллаш хавфсизлиги, антикоагулянт /антитромботик воситаларни фақат профилактика мақсадида қабул қилган пациентларда ўрганилган.

REPOITIN ПРЕПАРАТИНИ ЮБОРИШГА ТАЙЁРГАРЛИК ВА ЮБОРИШ

• Чайқатилмасин. Узоқ муддатли жадал чайқатиш гликопротеинни денатурациясига ва препаратнинг биологик фаоллигини йўқолишига олиб келиши мумкин.
• Парентерал юбориладиган воситани бевосита қўллашдан олдин ёт заррачалар борлиги ва рангини ўзгариши юзасидан кўриб чиқиш керак. Ёт заррачаларни сақлаган ёки ранги ўзгарган эритмаларни сақлаган флаконларни ишлатиш мумкин эмас.
• Асептика қоидаларига амал қилиб, стерил игнани стерил шприцга ўрнатиш керак. Флакон қопқоқчасини олиб ташлаш, тиқинни дезинфекция қилувчи восита билан ишлов бериш керак. Игнани флакон ичига киритиб, ундан эритманинг талаб этилган миқдорини тортиб олиш керак.
• Флакон консервантлар сақламайди. Флакондан фақат препаратнинг битта дозасини тортиб олиш мумкин, флаконни такрор ишлатиш мумкин эмас. Препаратнинг ишлатилмаган миқдорини утилизация қилиш лозим.

Ножўя таъсирлари

REPOITIN одам организми томонидан одатда яхши ўзлаштирилади, бироқ бошқа оқсилларни терапевтик мақсадларда ишлатилганда бўлгани каби, кам ҳолларда унинг иммуноген потенциали намоён бўлиши мумкин. REPOITIN қабул қилаётган пациентларда нейтрализация қилувчи антителалар билан боғлиқ ҲЭА ривожланиши тўғрсида бир нечта хабарлар бор. REPOITIN қўлланилганда аниқланган бошқа реакциялар гипертензия, тиришишлар ва трмбоэмболия ҳолатлари бўлган. Шунингдек шунтларни тромбоз ҳолатлари ҳам маълум.

Икки гуруҳ пациентлар иштирокида ўтказилган йирик клиник тадқиқотлар вақтида REPOITIN препаратининг хавфсизлиги ва жуда яхши ўзлаштира олиниши кўрсатилган. Аниқланган жиддий бўлмаган нохуш кўринишлар орасида лейкопения (7,8%), тромбоцитопения (2,0%), кўкракда оғриқ (5,9%), қоринда оғриқ (5,9%), перорал токсиклик (2,0%), тиш оғриғи (2,0%), қусиш (3,9%), эт увишиши (7,8%), иситма (13,7%), артериовеноз анастомозлар соҳасида қон кетишлари (2,0%), трансплантат томонидан асоратлар (2,0%), АСТ даражасини ошиши (5,9%), АЛТ даражасини ошиши (5,9%) ва жигар ферментлари даражасини ошиши (7,8%), тромбоцитлар (3,9%) ва лейкоцитлар сонини камайиши (7,8%), ўпканинг умумий ҳажмини камайиши (2,0%), темир танқислиги (2,0%), белда оғриқ (2,0%), бўйинда оғриқ (2,0%) ва қўл-оёларда оғриқ (2,0%), тиришишлар (3,9%), бош оғриғи (3,9%), кўкрак деворида оғриқлик (2,0%) йўтал (3,9%), назофарингит (2,0%) ва гипертензия (3,9%) бўлган. Тадқиқот жараёнида аниқланган жиддий нохуш кўринишлар орасида холангит (ўт-тош касаллиги фонида), сийдик чиқариш йўлларининг инфекцияси, ўткир коронар синдром, бўғилиш, гипотензия, гипокальциемия фонида тиришишлар ва S. Pneumoniae томонидан чақирилган септицемия билан кечувчи шифохонадан ташқари пневмония бўлган. Юқорида санаб ўтилган кўринишлардан биронтаси ҳам тадқиқ этилаётган препарат билан боғлиқ бўлмаган.

Эҳтиёткорлик чоралари

Ҳар қандай биологик препаратни парентерал юборилиши тегишли эҳтиёткорлик чораларига амал қилишни тақозо этади, чунки аллергик ёки бошқа нохуш реакцияларни ривожланиши билан кечиши мумкин. Тиришишлар ёки анамнезида гематологик бузилишлари (ўроқсимон ҳужайрали анемия, миелодиспластик синдромлар ва гиперкоагуляция) бўлган пациентларда REPOITIN билан даволаш хавфсизлиги ва самарадорлиги ўрганилмаган. Бу препарат билан даволашни бошлашдан олдин пациент қон босимини ошиши ва юрак касалликларидан азият чекадими, унда тиришиш/тутқаноқ ҳуружлари бўлмаганми, рак билан хасталанмаганми аниқлаш лозим. Бундай ҳолларда REPOITIN билан даволашдан воз кечиш ёки препаратнинг анча пастроқ дозаларини қўллаш ва пациентнинг ҳолатини янада синчиклаб назорат қилишни амалга ошириш лозим. Айрим аёлларда эритропоэтин билан даволанишдан сўнг ҳайз кўриш бошланиши мумкин, шу боисдан ҳомиладорликни бошланиши эҳтимоли тўғрисида суҳбат ўтказиш ва контрацепциянинг заруратини баҳолаш лозим. Ҳомиладорлик вақтида (С категорияси) препаратни қўллаш бўйича адекват яхши назорат қилинган тадқиқотлар ўтказилмаган, бироқ терапевтик шароитларда потенциал хавф минимал бўлиши лозим деб ҳисобланади. REPOITINни ҳомиладорлик вақтида, фақат бўлиши мумкин бўлган фойда ҳомила учун потенциал хавфдан устун бўлгандагина қўллаш керак. REPOITINни кўкрак сутига ўтиш-ўтмаслиги номаълум. Бироқ, кўпгина препаратларни кўкрак сутига киришини ҳисобга олиб, эритропоэтинни эмизикли аёлларга эҳтиёткорлик билан буюриш керак.

Қўллаш мумкин бўлмаган ҳолатлар

• REPOITIN билан даволашдан кейин ривожланган ҳақиқий эритроцитар аплазияси (ҲЭА) бўлган пациентлар эритропоэзни рағбатлантирувчи ҳеч қандай воситаларни қабул қилмасликлари керак.
• Назорат қилиб бўлмайдиган гипертензия.
• Сут эмизувчиларнинг ҳужайраларидан фойдаланилган ҳолда олинган препаратларга ўта юқори сезувчанликда.
• Альбуминга (одамники) ёки ҳар қандай бошқа ёрдамчи моддаларга / препаратни ишлаб чиқаришда ишлатиладиган компонентларга ўта юқори сезувчанликда.
• Антитромботик воситаларни профилактика мақсадида қўллаш мумкин бўлмаган жарроҳлик беморларига препаратни қўллаш мумикн эмас.

Дориларнинг ўзаро таъсири

Клиник синовлар жараёнида REPOITINни бошқа препаратлар билан ўзаро таъсири борлигини тасдиқловчи ҳеч қандай далиллар олинмаган. Бироқ циклоспорин эритроцитлар билан боғланиши туфайли, дориларнинг бундай ўзаро таъсир эҳтимоли мавжуд. Агар REPOITIN циклоспорин билан бир вақтда қўлланса, циклоспориннинг плазмадаги даражасини диққат билан кузатиш керак, бундан ташқари, гематокрит ошиши мумкинлиги туфайли, циклоспориннинг дозасини синчиклаб танлаш керак. Темир танқислиги ҳолатларида REPOITINнинг таъсири темир сульфати каби гематик воситани бир вақтда қўлланиши туфайли кучайиши мумкин. Эритропоэзни сусайтирувчи дори воситалари REPOITINнинг таъсирига жавобни пасайтириши мумкин. Ҳайвонларда ўтказилган тадқиқотларда, REPOITIN этопозид, цисплатин, циклофосфамид ва фторурацил каби цитостатик препаратларнинг миелотоксиклигини оширмаслиги аниқланди.

Махсус кўрсатмалар

Эритропоэзни рағбатлантирувчи бошқа воситаларни қўлланганда бўлгани каби, REPOITIN препаратини ҳам гемоглобинни 12 г/дл дан юқори кўрсаткичга эришиш мақсадида қўлланиши ўлим, жиддий юрак-қон томир касалликлари ва тромбоэмболик асоратлар хавфини ошишига, шунингдек ўсмаларни авж олиши ва қайталанишини ошишига олиб келади. Пациентларни REPOITIN билан даволашда уларнинг ҳолати устидан жиддий назорат олиб бориш керак.

REPOITIN қабул қилаётган пациентларда ўзига хос эътиборни ошган артериал босимни мониторлашга ва фаол пасайтиришга қаратиш лозим. Агар гемоглобинни ўсиш тезлиги 2 ҳафтада 1 г/дл дан юқори бўлса, унда REPOITIN нинг дозаси пасайтирилиши лозим, бу, гемоглобинни ўсиш тезлигини ошиши ва гипертензияни кучайиши ўртасидаги эҳтимол мавжуд бўлган ўзаро боғлиқлик билан боғлиқдир.

Дозани ошириб юборилиши

REPOITIN нинг терапевтик дозасининг чегаралари жуда кенг ва хатто жуда юқори концентрацияда ҳам препарат заҳарланиш симптомлари қайд этилайди. Бир марта ва кўп марта юборилганда мутлақо хавфсиз бўлиши мумкин бўлган REPOITINнинг максимал миқдори ҳали аниқлашга тўғри келади, бироқ 1500 ТБ/кг дозада ҳафтада 3 марта 3-4 ҳафта давомида қўлланганда, бевосита REPOITIN катта пациентларга токсик таъсир кўрсатмаслиги тўғрисида хабарлар мавжуд. Бундай ҳолларда агар гемоглобин даражаси назорат қилинмаса ва оптимал доза танланмаган бўлса, REPOITIN ёрдамида даволаш полицитемияни ривожланишига олиб келиши мумкин. Гемоглобиннинг танланган даражаси ошиб кетганида REPOITIN вақтинча бекор қилиниши мумкин, даволашни гемоглобин даражаси танланган даражагача етмагунича кечиктирилади; шундан сўнггина даволашни қайтадан бошлаш мумкин, бироқ REPOITINнинг анча паст дозаларини қўллаш керак. Полицитемияда гемоглобин даражасини пасайтириш усулларидан бири сифатида флеботомия қўлланиши мумкин.

Сақлаш шароити

2-8°C ҳароратда сақлансин. Препаратни пациентга юборишга қадар совуқ жойда сақланишини синчковлик билан кузатиш лозим. Музлатилмасин ва чайқатилмасин, ёруғликдан ҳимояланган жойда сақлансин.

Яроқлилик муддати

Флаконлар: ишлаб чиқарилган кундан бошлаб 24 ой (2 йил).

Чиқарилиш шакли

Эритропоэтин инъекцияси B.P. (REPOITIN) қуйидаги шаклларда чиқарилади:

2000 ХБ/0,5 мл бўлган флаконлар

4000 ХБ/1,0 мл бўлган флаконлар

10000 ХБ/1,0 мл бўлган флаконлар

Болалар ололмайдиган жойда сақлансин