ҚЎЛЛАШ БЎЙИЧА ЙЎРИҚНОМА
ГЕТЦЕТ
GETCET
Препаратнинг савдо номи: Гетцет
Таъсир этувчи модда (ХПН): левоцетиризин гидрохлориди
Дори шакли: шимиш учун таблеткалар
Таркиби:
Ҳар бир таблетка қуйидагиларни сақлайди:
фаол модда: 5 мг левоцетиризин дигидрохлориди;
ёрдамчи моддалар: юмшоқ магний оксиди, повидон К30, маннитол (перлитол 200 SD), кросповидон (поликовидон К10), аспартам, қулупнай хушбўйи (52311 АРО 551), сувсиз коллоид кремний, магний стеарати.
Таърифи: думалоқ шаклли, ясси, четлари кесилган, қобиқ билан қопланмаган, икки томони силлиқ оқдан сарғиш ранглигача бўлган таблеткалар
Фармакотерапевтик гуруҳи: Н1– гистамин рецепторларининг антагонисти.
АТХ коди: R06AE09.
Фармакологик хусусиятлари
Фармакодинамикаси
Аллергияга қарши восита. Левоцетиризин, цетиризиннинг (R)-энантиомери, периферик Н1-рецепторларнинг танлаб таъсир қилувчи антагонисти ҳисобланади. Левоцетиризиннинг Н1-гистамин рецепторларига яқинлигини (Ki=3,2 нмоль/л) цетиризиндан (Ki=6,3 нмоль/л) 2 марта юқори. Соғлом кўнгиллилардаги тадқиқотлар, тери ва бурун шиллиқ қаватига қўйилганида левоцетиризиннинг ярим дозадаги фаоллиги, тўлиқ доза цетиризиннинг фаоллиги билан бир хил.
Левоцетиризин тери ва ўпка хужайраларида эозинофилларнинг эотаксин-индукция қилган трансэндотелиал миграцияси фаоллигини сусайтиради. Фармакодинамик тадқиқотлар, гулчанги билан контактдан кейин биринчи 6 соат давомида левоцетиризинни 5 мг дозада уч асосий сусайтирувчи самарасини намойиш қилган: VCAM-1 чиқариб ташланишини сусайтириш, қон томирларнинг ўтказувчанлигини ўзгариши ва эозинофилларнинг фаоллашишини камайиши. Цетиризиндаги каби, гистамин-индкуция қилган тери реакцияларига нисбатан таъсири препаратнинг плазмадаги концентрацияларига боғлиқ эмас.
Левоцетиризин аллергик реакцияларнинг ривожланишини олдини олади ва кечишини енгиллаштиради, антиэкссудатив, қичишишга қарши таъсир кўрсатади; деярли антихолинергик ва антисератонин таъсир кўрсатмайди.
Левоцетиризин 5 мг дозада гистаминга яллиғланиш-экссудатив реакцияни, 10 мг дозадаги цетиризин даражасида сусайтирилишига ёрдам беради. ЭКГ да левоцетиризинни QT интервалига ахамиятли таъсири аниқланмаган.
Фармакокинетикаси
Левоцетиризиннинг фармакокинетик кўрсаткичлар пропорционал ўзгаради ва доза ёки қабул қилиш сонига боғлиқ эмас ва турли пациентларда бироз ўзгариши мумкин.
Ичга қабул қилинганидан кейин левоцетиризин меъда-ичак йўлларидан тез ва тўлиқ сўрилади.
Овқат қабул қилиш, гарчи унинг тезлиги пасайса-да, сўрилиш тўлиқлигига таъсир қилмайди.
Қон плазмасидаги максимал концентрациясига (Cmax) препарат қабул қилинганидан кейин 0,9 соат (54 мин) ўтгач эришилади.
5 мг левоцетиризин бир марта қабул қилинганидан кейин плазмадига Cmax 270 нг/мл ни,
5 мг доза такрор қабул қилинганидан кейин – 308 нг/мл ни ташкил қилади.
Левоцетиризин 90% га плазма оқсиллари билан боғланади. Тақсимланиш хажми (Vd)
0,4 л/кг ни ташкил қилади. Левоцетиризинни тўқималарда тақсимланиши ва уни одамда ГЭТ орқали ўтиши хақида маълумотлар йўқ.
Левоцетиризин организмда катта бўлмаган миқдорда (<14%) фармакологик фаол бўлмаган метаболитини ҳосил бўлиши билан N- ва О-деалкилизация йўли орқали (Н1-гистамин рецепторларининг бошқа антагонистларида фарқли равишда, улар жигарда цитохромлар тизими ёрдамида метаболизмга учрайди) метаболизмга учрайди.
Чекланган метаболизми ва метаболик ингибиция қилиш фаоллигини йўқлиги туфайли, левоцетиризинни метаболизми даражасида бошқа дори воситалари билан ўзаро таъсирининг эҳтимоли кам. Катталарда Т1/2 7,9±1,6 соатни ташкил қилади; ёш болаларда Т1/2 қисқа. Ўртача кузатиладиган умумий клиренси – 0,63 мл/мин/кг.
Левоцетиризин асосан ўзгармаган холда сийдик билан, қабул қилинган дозанинг ўртача, тахминан 85,4% калавадир фильтрацияси ва фаол найчалар секрецияси йўли билан чиқарилади. Ичак орқали (ахлат билан) чиқарилиши қабул қилинган дозанинг фақат 12,9% ни ташкил қилади.
Буйрак етишмовчилиги бўлган пациентлар. Левоцетиризиннинг умумий клиренси Cl клиренсига боғлиқ. Шунинг учун ўртача ёки оғир буйрак етишмовчилиги бўлган пациентларда препаратни қабу қилишлар орасидаги интервални Cl клиренсига мувофиқ ошириш тавсия этилади.
Анурияли ва буйрак етишмовчилигининг терминал босқичида бўлган пациентларда, левоцетиризиннинг умумий клиренси соғлом одамлар билан солиштирганда тахминан 80% га пасаяди.
Гемодиализнинг 4 соат давомидаги стандарт муолажасида чиқариладиган левоцетиризиннинг миқдоридан 10% дан камроқни ташкил қилади.
Қўлланилиши
Йил давомидаги ва мавсумий, аллергик ринитни (шу жумладан персистияловчи аллергик ринитни) ва аллергик конъюнктивитни симптоматик даволаш: аксириш, кўз ёшини оқиши, конъюнктиванинг гиперемияси; пичан истмаси (поллиноз); эшакеми (шу жумладан сурункали идеопатик эшакеми); қичишиш ва тошма билан бирга кечувчи бошқа аллергик дерматозлар; Квинке шишида қўлланади.
Қўллаш усули ва дозалари
Ичга, овқат қабул қилишдан қатъий назар чайнамасдан сув билан бирга қабул қилинади. Суткалик дозани бир қабулда қабул қилиш тавсия этилади.
Катталар, ўсмирлар ва 6 ёшдан ошган болалар. Тавсия этиладиган суткалик доза 5 мг ни ташкил қилади (1-жадвал).
Кекса ёшдаги пациентлар. Ўртача ва оғир буйрак етишмовчилиги бўлган кекса ёшдан пациентларда дозага тузатиш киритиш тавсия этилади (Буйрак етишмовчилиги бўлган пациентларга қаранг).
Буйрак фаолиятини бузилиши бўлган пациентлар. Препаратни қабул қилиш орасидаги интервал буйрак фаолиятини ҳисоби билан шахсий равишда белгиланади. Дозага тузатиш киритиш бўйича маълумот қуйдаги жадвалда келтирилган. Уни ишлатиш учун қуйидаги формуладан фойдаланиб зардоб креатинини концентрацияси (мг/дл) асосида, пациентда Cl клиренси мл/мин да хисобланиши керак:
Доза буйрак етишмовчилигининг даражасига қараб шахсий равишда танланади ва қуйида келтирилган жадвалга мувофиқ амалга оширилади.
Ушбу жадвал ишлатилганида креатинин клиренси (КК) мл/мин да ҳисобланади.
Креатинин клиренсини келиб чиқиб, қуйидаги формула бўйича хисоблаш мумкин:
Cl клиренси = ([140 – ёш, йиллар] х вазн, кг)/(72 х қон зардоби креатинини, мг/дл)
Аёллар учун олинган катталикни 0,85 га кўпайтириш керак.
Жадвал
Буйрак етишмовчилиги бўлган пациентлар учун дозалаш тартиби:
| Гуруҳ | Cl клиренси, мл/мин | Доза ва қабул қилиш сони |
| Нормал фаолият | > 80 | 5 мг суткада 1 марта |
| Енгил СБЕ | 50-79 | 5 мг суткада 1марта |
| Ўртача СБЕ | 30-49 | 5 мг 2 суткада1 марта |
| Оғир СБЕ | < 30 | 5 мг 3 суткада 1 марта |
| Терминал босқичдаги СБЕ
(диализдаги пациентлар) |
< 10 | Препаратни қабул қилиш мумкин эмас |
Буйрак етишмовчилиги бўлган болаларда доза Cl клиренси ва тана вазнининг ҳисоби билан шахсий белгиланади.. Буйраклар фаолиятини бузилишлари бўлган болаларда алоҳида маълумотлар йўқ.
Жигар фаолиятини бузилиши бўлган пациентлар. Жигар фаолиятини алохида бузилиши бўлган пациентларда дозага тузатиш киритиш талаб қилинмайди (Буйраклар фаолиятини бузилиши бўлган пациентларга қаранг).
Даволаш давомийлиги. Аллергик ринитни даволаш касалликнинг кечишига мувофиқ ўтказилади; симптомлар йўқолганида препаратни қабул қилишни тўхтатиш ва қайталанганида қайта бошлаш мумкин. Сурункали аллергик ринит ҳолида, аллергенларнинг таъсири даврида узоқ муддатли даволаш буюрилиши мумкин. Ҳозирги вақтда 5 мг плёнка қобиқ билан қопланган таблеткалар кўринишидаги левоцетиризиннинг қўллашни клиник тажрибаси билан чекланган.
Ножўя таъсирлари
Левоцетиризиннинг ножўя самаралари меъёрий-хуқуқий фаолият бўйича Тиббий луғат (MedDRA) таснифига мувофиқ, пайдо бўлишини тез-тезлигига қараб организм тизимлари бўйича тақсимланган: тез-тез (≥1/100 ва <1/10); тез-тез эмас (≥1/1000 ва <1/100); жуда кам ҳолларда (<1/10000).
Иммун тизими томонидан: жуда кам ҳолларда – ўта юқори сезувчанлик реакциялари, шу жумладан анафилактик реакциялар.
Нерв тизими томонидан: тез-тез – бош оғриғи; тез-тез эмас – уйқучанлик; жуда кам – агрессия, қўзғалиш, галлюцинациялар, депрессия, тиришишлар.
Кўриш аъзоси томонидан: жуда кам ҳолларда – кўришни бузилишлари.
Юрак томонидан: жуда кам ҳолларда – юрак уришини хис қилиш, тахикардия.
Нафас тизими, кўкрак қафаси ва кўкс оралиғи аъзолари томонидан: жуда кам ҳолларда – ҳансираш.
Овқат ҳазм қилиш тизими томонидан: тез-тез – оғиз бўшлиғи шиллиқ қаватини қуруқлиги; тез-тез эмас – қорин оғриқлари; жуда кам ҳолларда – кўнгил айниши, диарея.
Жигар ва сафро чиқариш йўллари томонидан: жуда кам ҳолларда – гепатит.
Тери ва тери ости тўқималари томонидан: жуда кам ҳолларда – ангионевротик шиш, қичишиш, тошма, шу жумладан дори тошмаси, эшакеми.
Скелет-мушак ва бириктирувчи тўқима томонидан: жуда кам ҳолларда – миалгия.
Умумий бузилишлар: тез-тез – чарчоқлик; тез-тез эмас – астения.
Лаборатория ва инструментал маълумотлар томонилан: жуда кам ҳолларда – жигар фаолиятининг кўрсатгичларини бузилиши, тана вазнини ошиши.
Қўллаш мумкин бўлмаган холатлар
- левоцетиризинга ёки пиперазиннинг бошқа ҳосилаларига ёки препаратнинг ҳар қандай бошқа компонентларига ўта юқори сезувчанлик;
- Cl клиренси минутига 10 мл бўлган терминал буйрак етишмовчилиги;
- галактозани туғма етишмовчилиги, лактаза танқислиги ёки глюкоза-галактоза мальабсорбцияси (препаратда лактоза бўлганлиги туфайли);
- ҳомиладорлик;
- 2 ёшгача бўлган болалар (ушбу дори шакли учун).
Эҳтиёткорлик билан: алкоголь билан бир вақтда қабул қилиш (“Дориларнинг ўзаро таъсири” бўлимига қаранг); Cl клиренси минутига 10 мл дан юқори, лекин минутига 50 мл дан кам бўлган сурункали буйрак етишмовчилиги (дозалаш тартибига тузатиш киритиш талаб қилинади); кексалар (калавалар фильтрацияси пасайиши мумкин).
Дориларнинг ўзаро таъсири
Левоцетиризинни бошқа дори препаратлари билан ўзаро таъсирини ўрганиш, CYP3A4 изоферментининг индукторлари билан шу жумладан текширишлар ўтказилмаган.
Цетиризин рацематининг сохтаэфедрин, циметидин, кетоконазол, эритромицин, азитромицин, глипизид ва диазепам билан дориларнинг ўзаро таъсирини ўрганишда, клиник ахамиятли нохуш ўзаро таъсирлари аниқламаган.
Теофиллин (суткада 400 мг) билан бир вақтда буюрилганида цетиризиннинг умумий клиренси 16% га пасаяди ( теофиллиннинг кинетикаси ўзгармайди).
Ритонавир (600 мг кунига 2 марта) ва цетиризин (кунига 10 мг) бир вақтда қабул қилинишдаги тадқиқотларда, цетиризиннинг экспозициясини 40% га ошиши, ритонавирнинг экспозициясини эса бироз ўзгариши (11%) кўрсатилган.
Сезувчан пациентларда левоцетиризин ва алкоголни ёки МНТ сусайтирувчи таъсир қилувчи бошқа воситаларни бир вақтда қабул қилиш, гарчи цетиризинни алкоголнинг таъсирини кучайтирмаслиги кўрсатилган бўлса хам, МНТ таъсирини кучайтириши мумкин.
Махсус кўрсатмалар
Буйрак фаолиятини ўртача ёки яққол бузилишлари бўлган кекса пациентларда дозага тузатиш киритиш талаб қилиниши мумкин.
Буйрак фаолиятини бузилиши бўлган пациентларда КК га қараб дозага тузатиш киритиш талаб қилиниши мумкин.
Жигар фаолиятини алохида бузилиши бўлган пациентларда, дозани бирон-бир дозага тузатиш киритиш талаб қилинмайди.
Жигар ва буйраклар фаолиятини қўшилган бузилиши бўлган пациентларда дозани аниқлаш тавсия этилади.
Левоцетиризинни қўллаш вақтида пациентлар алкогол истеъмол қилишдан сақланишлари керак.
Ҳомиладорлик ва лактацияда қўлланиши
Ҳомиладорлик вақтида препаратни қўллаш мумкин эмас
Левоцетиризин кўкрак сути билан чиқарилади, шунинг учун лактацияда препаратни қўллашнинг зарурати бўлганида, эмизишни тўхтатиш тавсия этилади.
Педиатрияда ишлатилиши
2 ёшдан ошган болаларда левоцетиризин махсус дори шаклида қўлланади.
Автотранспортни хайдаш ва механизмларни бошқариш қобилиятига таъсири
Қиёсий клиник тадқиқотларда левоцетиризиннинг тавсия этилган дозалари қабул қилинганидан кейин тетиклик даражасини, реакциялар вақтини ёки транспорт воситаларини бошқариш қобилятининг бузилишини белгилари аниқланмаган. Лекин айрим пациентларда қабул қилиш вақтида уйқучанлик, чарчоқлик ёки астения кузатилиши мумкин. Автотранспортни бошқарувчи ва психомотор реакциялар тезлигини талаб қилувчи фаолият турлари билан шуғилланувчи пациентларда эҳтиёткорлик билан қўллаш керак.
Препарат болалар ололмайдиган жойда сақлансин ва яроқлилик муддати ўтгач ишлатилмасин.
Дозани ошириб юборилиши
Симптомлари: уйқучанлик ва қўзғалиш (катталарда), шунингдек уйқучанлик билан алмашинувчи безовталик (болаларда) кузатилиши мумкин.
Даволаш: левоцетиризиннинг специфик антидоти йўқ. Доза ошириб юборилган холда тутиб турувчи ва симптоматик даволаш тавсия этилади. Агар препарат қабул қилинганидан кейин озгина вақт ўтган бўлса меъдани ювиш керак. Левоцетиризин гемодиализда деярли чиқарилмайди.
Чиқарилиш шакли
10 таблеткадан блистерларда. 10 блистердан йўриқномаси билан картон қутида.
Сақдаш шароити
25ºС дан юқори бўлмаган хона хароратида сақлансин. Ёруғликдан ҳимоялансин ва оригинал ўрамида сақлансин.
Яроқлилик муддати
3 йил.
Дорихоналардан бериш тартиби
Рецепт бўйича.