📜 Инструкция по применению Баналгин
💊 Состав препарата Баналгин
✅ Применение препарата Баналгин
📅 Условия хранения Баналгин
⏳ Срок годности Баналгин

ҚЎЛЛАШ БЎЙИЧА ЙЎРИҚНОМА

БАНАЛГИН

BANALGIN

 

Препаратнинг савдо номи: Баналгин

Таъсир этувчи модда (ХПН): парацетамол ва дицикловерин гидрохлориди

Дори шакли: таблеткалар

Таркиби:

1 таблетка қуйидагиларни сақлайди:

фаол моддалар: парацетамол – 500 мг, дицикловерин гидрохлориди – 20 мг;

ёрдамчи моддалар: микрокристалл целлюлоза, кальция гидрофосфати, маккажўхори крахмали, повидон, желатин, натрий метилпарабен, натрий пропилпарабен, тозаланган сув, тозаланган тальк, магний стеарати, натрий крахмалгликолят, сувсиз коллоид кремний диоксиди.

Таърифи: оқ, ясси, думалоқ, бир томонида ўйиқчаси бор ва бошқа томони силлиқ таблеткалар.

Фармакотерапевтик гуруҳи: спазмолитик восита.

АТХ коди: А03АA07

Фармакологик хусусиятлари

Парацетамол оғриқни қолдирувчи ва иситмани туширувчи таъсирга эга. Парацетамолнинг (ноопиат, носалицилат анальгетик) оғриқни қолдирувчи ва иситмани туширувчи таъсири препаратни гипоталамуснинг терморегуляция марказига таъсири ва простагландинларнинг синтезини ингибиция қилиш қобилияти билан боғлиқ. Дицикломин гидрохлориди холинолитик, миотроп, спазмолитик таъсир кўрсатади. МИЙ нинг силлиқ мушакларининг спазмини бартараф қилади ва унга боғлиқ бўлган оғриқ синдромини камайтиради, шунингдек сўлак, тер, бронхиал ва меъда безларининг секрециясини камайишини таъминлайди. Дицикломиннинг самараси икки таъсир механизми орқали амалга ошади: 1) атропиннинг таъсирига ўхшаш ацетилхолин рецепторларига специфик антихолинергик таъсири билан (антимускарин фаоллик);
2) Силлиқ мушакларга тўғридан-тўғри таъсири билан, бу дицикловеринни брадикинин ва гистамин – индукцияланган спазмларни блокловчи қобилиятидан далолат беради.

Фармакокинетикаси

Парацетамол ичга қабул қилинганида тез ва деярли тўлиқ МИЙ да сўрилади, плазмадаги максимал концентрациясига 10-60 минут ўтгач эришилади. Плазма оқсиллари билан боғланиши тахминан 10% ташкил этади. Жигарда метаболизмга учрайди, асосан фаол бўлмаган метаболитларга – глюкуронид (60-80%) ва парацетамол сульфатига (20-30%). Кам даражада (<4%) оксидланиш йўли билан метаболизмга учрайди- цистеин ва меркаптопурат кислотаси ҳосил бўлиши билан (Р450 цитохроми иштирокида билан).

Ярим чиқарилиш даври – 2-2,5 соат. Сийдик билан асосан метаболитлари кўринишида чиқарилади. Ўзгармаган ҳолда тахминан 5% чиқарилади. Жигар етишмовчилигида парацетамолнинг метаболизми ўзгармайди.

Дицикломин гидрохлориди ичга қабул қилинганида тез сўрилади, тўқималарга тақсимланади, қон плазмасидаги максимал концентрациясига 60-90 минутдан кейин эришилади. Ярим чиқарилиш даври текширишларнинг натижаси бўйича 1,8 соатни ташкил қилади, 1 дозани қабул килинганидан кейин препарат қонда 9 соат давомида мавжуд бўлганида. Кейинги текширишлар 1 дозани қабул қилгандан кейин қон плазмасида препаратнинг концентрациясини 24 соат давомида сақланишини кўрсатади, элиминациянинг иккинчи фазаси эса аҳамиятсиз давомийликдаги ярим чиқарилиш даврига эга. Асосий миқдори (79,5%) сийдик билан ва тахминан 8,4% – аҳлат билан чиқарилади.

Қўлланилиши

Келиб чиқиши турли хил бўлган оғриқ синдроми:

  • бош оғриғи;
  • тиш оғриғи;
  • миалгия, невралгия;
  • ревматик оғриқ, радикулитлар;
  • буйрак санчиғи;
  • альгоменореяда,
  • ичакнинг функционал спазмларида қўлланилади.

 

Қўллаш усули ва дозалари

Препарат ичга, оз миқдордаги суюқлик (200 мл) билан қабул қилинади.

Катталар ва 15 ёшдан ошган болалар: 1-2 таблеткадан оғриқнинг ўткирлигига қараб суткада 1-4 марта буюрилади.

7 ёшдан 13 ёшгача болалар: 1/2 таблеткадан суткада 1-2-марта буюрилади.

13 ёшдан 15 ёшгача болалар: 1 таблеткадан суткада 1-3 марта буюрилади.

Даволашни ўтказишда катталарга қабулни суткада 4 таблеткадан бошлаш мақсадга мувофиқдир. Зарурати бўлганида ва беморнинг ҳолатига қараб, агар ножўя таъсирининг кўринишлари бўлмаса дозани суткада 8 таблеткагача ошириш мумкин. Агар 2 ҳафта давомида даволашнинг самарасига эришилмаса ёки суткада 4 таблеткадан камроқ дозада ножўя таъсирининг белгилари намоён бўлса, препаратни қабул қилишни тўхтатиш керак.

 

Қўллаш мумкин бўлмаган ҳолатлар

6 ёшгача бўлган болаларда, эмизиш даври, глаукома, тахикардия, сийдик чиқариш йўлларининг ўтказувчанлигини бузилиши, миастения, парацетамолга юқори сезувчанлик, жигар ва буйрак фаолиятини оғир бузилишларида қўллаш мумкин эмас.

 

Ножўя таъсирлари

Оғизни қуриши, ютишни қийинлашиши ва чанқоқлик, кўз қорачиғини кенгайиши аккомодацияни ва ёруғликка сезувчанликни бузилиши билан кўз ички босимини ошиши, терининг гиперемияси, қуруқлиги, тахикардия ва аритмиядан кейин юз берувчи брадикардия, сийдик чиқарилишини қийинлашиши, қабзият, кам ҳолларда иситма, онгни чалкашиши, тери тошмалари. Кам ҳолларда: тромбоцитопения, лейкопения, нейтропения, агранулоцитоз; препарат узоқ вақт юқори дозада қўллаганда гепатотоксик таъсири бўлиши мумкин.

Дориларнинг ўзаро таъсири

Амантадин, I синф антиаритмик препаратлар (хинидин), антигистаминлар, антипсихотик воситалар (фенотиазин), бензодиазепинлар, МАО ингибиторлари, наркотик анальгетиклар (меперидин), нитрат ва нитритлар, симпатомиметиклар, трициклик антидепрессантлар антихолинергик таъсирини ошириши мумкин. Глаукомада қўлланадиган препаратларга нисбатан тескари самара кўрсатади. Юқори кўз ички босими ГКС лар билан бирга қўллаш хавфли бўлиши мумкин. МИЙ моторикасига таъсир этувчи препаратлар (метоклопрамид) билан бирга қўллаганида тескари самара кўрсатиши мумкин.

Барбитуратлар, тиришишга қарши воситалар, рифампицин, алкоголь билан бир вақтда қўлланганида парацетамолнинг гепатотоксик таъсирининг хавфи ошади. Антацидлар антихолинергик воситаларининг сўрилишини бузиши мумкинлиги туфайли, уларни бирга қўллашдан сақланиш керак. Ахлоргидрияни даволашда, шунингдек меъда секрециясини тахлилини ўтказишда меъдада кислотанинг чиқарилишига антихолинергик воситаларнинг сусайтирувчи таъсирини сусайтирилишини ҳисобга олиш керак.

 

Махсус кўрсатмалар

Сийдик чиқарилиши бузилганида, простата бези катталашганида, тахикардияда, юрак етишмовчилиги, ичак тутилишида, ярали колитларда, меъданинг пилорик бўлимини стенозида, буйрак ва жигар фаолияти бузилганида, хавфсиз гипербилирубинемияда эҳтиёткорлик билан қўлланади. Гастроэзофагеал рефлюкс кучайиши мумкин. Препарат рухий ва/ёки жисмоний реакцияларни пасайтириши мумкин, бу транспорт воситаларини бошқариш ёки механизмлар билан ишлашда потенциал хавфлидир.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

 

Дозани оширилиб юборилиши

Парацетамол юқори дозаларда жигар хужайраларини цитолизини чақиради. Жигарни шикастланишини клиник ва биохимиявий белгилари (жигар трансаминазаларининг, дегидрогеназанинг фаоллигини ошиши, билирубиннинг концентрациясини ошиши ва протромбиннинг даражасини пасайиши) 12-24 соатдан кейин намоён бўлади.

Симптомлари: анорексия, кўнгил айниши, қайт қилиш, қорин оғриғи, тери қопламларини оқариши.

Даволаш: меъдани ювиш, N-ацетилцистеинни юбориш, симптоматик даволаш.

 

Чиқарилиш шакли

10 таблеткадан блистерда. 10 блистер қўллаш бўйича йўриқномаси билан картон ўрамда.

 

Сақлаш шароити

Қуруқ, салқин жойда, 25ºС дан юқори бўлмаган ҳароратда сақлансин.

 

Яроқлилик муддати

3 йил.

Дорихоналардан бериш тартиби

Рецептсиз.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.