ГЎНГХЎР ҚЎНҒИЗЛАР — ҳаёти гўнг билан боғлиқ бўлган қўнғизларнинг экологик гуруқи; Aphodinae, Geotrupinae, Scarabaeinae, Coprinae ва б. кенжа оилаларга мансуб бир қанча турларни ўз ичига олади. Кўпчилик турларининг қуртлари гўнг билан озикланади, айрим турлари, мас, ўрмон Г. қ. (Ceotrupes stercorosus)нинг личинкаси чириётган ўрмон тўшалмасида озиқланади. Aphodius авлоди вакиллари ўсимликларнинг ёш илдизларини зарарлайди, кравчиклар ўз инида қуртлари учун ўсимлик майсаларини йиғади. Кўпчилик Гўнгхўр қўнғизлар насли ҳақида ғамхўрлик қилади. Гўнгхўр қўнғизлар қ — органик моддаларни фаол парчаловчилар. Кўпчилик турлари гельминтларнинг оралиқ хўжайини ҳисобланади.