ГАРДЕН (Харден) Артур (1865. 12.10, Манчестер — 1940. 17.6, Борн-Энд, Бакингемшир) — инглиз биокимёгари. Лондон тиббиёт профилактикаси ин-ти директори (1907 й. дан) ҳамда Лондон ун-ти проф. (1912 й. дан). Асосий ишлари биокимё ва энзимологияга бағишланган. Кофермент никотинамидадениндинуклеотид (НАД)ни кашф қилган. Қанднинг фосфорли эфири — гексозомонофосфатни топган (1914). Бижғиш жараёнини тезлаштирувчи қатор ферментлар — карбоксилаза, каталаза, пероксидазаларни текширган. Нобель мукофоти лауреата (1929, Г. К. А. С. Эйлер-Хельпин билан ҳамкорликда).