ЭЙНТХОВЕН Виллем (1860.21.5, Самаранг, Ява ороли — 1927.29.9, Лейдин, Голландия) — голландиялик физиолог олим. Электронейрофизиология фанининг асосчиларидан. Утрехт ун-тини тугаттан (1885), 1885 йилдан Лейдин унтида проф. Асосий илмий ишлари электрофизиологияга оид. Эйнтховен ишлаб чиққан электрокардиограммаларнинг математик таҳлил усули юрак электрик реакциялари моҳиятини ўрганишга бирмунча аниқлик киритди. Эйнтховен кашф этган симли гальванометр (1903) клиник электрокардиографияни тиббиётда қўллашга имкон берди. Юрак электр оқимининг уч тармоқли эканлиги ҳақидаги ғоя ҳам Эйнтховен номи билан боғлиқ. Эйнтховен учбурчаги деб ном олган бу схема электрокардиограмма тишлари баландлигининг ўзгариши ва тармоқланишига қараб ҳар бир тишни ва улар оралиқларини физиологик жиҳатдан тушунтиришга имкон берди. Нобель мукофоти лауреати (1924).