ЭЙКМАН Христиан (1858.11.8, Нейкерк, Гелдерланд — 1930.5.11, Утрехт) — голландиялик бактериолог ва шифокор. Амстердам ун-тини тугатган, тиббиёт д-ри (1883). Берлинда Р. Кох билан бирга тадқиқотчи шогирд сифатида фаолият кўрсатган. 1886 йилдан Индонезияда ҳарбий шифокор бўлиб ишлаган; 1888 йилда Жакартадаги патологик лаб. директори (1888—98), Голландия Утрехт ун-ти проф. (1898—1928). Асосий илмий ишлари витаминларни ўрганишга бағишланган. Витамин танқислиги айрим касалликлар пайдо қилишини кашф этган. Нобель мукофоти лауреати (1929; Ф. Г. Хопкинс билан ҳамкорликда).