ЭЙФЕЛЬ Александр Гюстав (1832.15.12, Дижон 1923.28.12, Париж) — француз қурувчимуҳандиси. Париждаги Санъат ва ҳунармандчилик марказий мактабини тугатган (1855). Металл конструкциялардан фойдаланиб, кўприклар, виадук ва бошқалар иншоотларни лойиҳалаган ва ўзи бошчилигида қурдирган [мас, Портуда (Португалия) Дору дарёсига қурилган кўприк, Бордо, Тараби, Будапешт вокзалидаги кўприклар]. Панама канали қурилишида фаол иштирок этган. Унинг лойиҳаси бўйича асосан металлдан қурилган Эйфель минораси уни жаҳонга машҳур қидди. Эйфель 1900 йилдан асосан аэродинамика бўйича тадқиқот ишлари билан шуғулланган.