ЭТИЛАЦЕТАТ, CH3COOC2H5 мураккаб эфир; ёқимли мева ҳидли, рангсиз учувчан суюқлик. Суюқланиш т-раси — 82,4°, қайнаш т-раси 77,1°, зичлиги 900 кг/м3; сувда эрийди, спирт ва эфир билан чексиз аралашади.
Этилацетат ацетальдегиддан ва сирка кислотани этанол билан этерификацшшЬ олинади. Этилацетат нитроцеллюлоза, целлюлоид, алкид, винил, поливинилацетат смолалари, хлоркаучук ва бошқалар учун эритувчи сифатида қўлланади; спиртли аралашмаси ацетилцеллюлоза, локлар ва бошқаларни эритишда ишлатилади. Этилацетат — наркотик модда, буғи шиллиқ пардага таъсир этади, дерматитлар ва экземага сабаб бўлади. Ҳавода Этилацетат буғи 200 мг/м3 дан кўп бўлмаслиги керак.