ЭКСПОНОМЕТР (лот. ехропо қўрсатаман ва …метр) — фотографияда — фото ёки кино суратга олишда, ё бўлмаса, фото ёки кинонусхалар кўчиришда экспозиция (ёруғлик сезгир материалнинг ёритилганлиги билан унинг ёритилиш вақти кўпайтмаси) ни аниқлаш учун мўлжалланган қурилма. Ишлаш тарзига кўра, жадвалли, оптик (визуал) ва фотоэлектрик турларга бўлинади. Буларнинг ичида фотоэлектрик Экспонометрлар кенг ишлатилади. Бундай Экспонометр ларнинг иши фотосуратга ёки киносуратга олиш объектининг ёрқинлиги ёки ёритилганлигини ўлчашга асосланган. Кўпчилик замонавий фото ёки кино суратга олиш аппаратлари ички Экспонометр ли қилиб ишлаб чиқарилади.