ҚЎЛЛАШ БЎЙИЧА ЙЎРИҚНОМА

ТЫКВЫ СЕМЕНА

SEMINA CUCURBITAE

Препаратнинг савдо номи: Тыквы семена.

Дори шакли: Доривор ўсимлик хомашёси (уруғлар).

Таркибида: Cucurbitaceae оиласига мансуб, бир йиллик, маданий оддий қовоқ – Cucurbita pepo L, пишган, юмшоқ, уруғли эти қолдиқларидан тозаланган ва қиздирмасдан қуритилган уруғлари.

Фармакотерапевтик гуруҳи: Антигельминт восита.

Фармакологик хусусиятлари

Қовоқ уруғи гижжаларга қарши таъсир кўрсатади. Қовоқ уруғи таркибида ёғли мойлар (40-50%), фитостерин, қатронсимон моддалар, аскорбин кислотаси, В1 витаминини сақлайди.

Қўлланилиши

Гижжаларни ҳайдовчи восита сифатида турли лентасимон гижжалар: буқа, чўчқа ва пакана гижжалари, кенг лентасимон чувалчангларга қарши қўлланади.

Қўллаш усули ва дозалари

Ҳавода қуритилган қовоқ уруғлари ички яшил пўстини қолдириб, қаттиқ пўстлоғидан, тозаланади. Катталар 300 г тозаланган уруғларни 1 соат давомида оч қоринга қабул қиладилар. 3 соатдан кейин сурги воситаси берилади, сўнг 30 минутдан кейин ичакнинг фаолиятидан қатъий назар, клизма қилинади. Болаларга кундузи қабул қилишга: 3-4 ёшли болаларга – 75 г, 5-7 ёшлиларга 100 г, 8-9 ёшлиларга – 150 г, 10-15 ёшлиларга 200-250 г миқдорда буюрилади.

Ножўя таъсирлари

Аниқланмаган.

Қўллаш мумкин бўлмаган ҳолатлар

Препаратга юқори сезувчанлик. 

Чиқарилиш шакли

Қутилар ва пакетлар; қутиларга жойлаштирилган пакетларда 50, 100,130, 150, 200 г дан .

Махсус кўрсатмалар

Препарат болалар олаолмайдиган жойда сақлансин ва уни яроқлилик муддати ўтгач ишлатилмасин.

Сақлаш шароити

Қуруқ ва ёруғликдан ҳимояланган жойда, 250 С дан юқори бўлмаган ҳароратда сақлансин.

Яроқлилик муддати

3 йил.

Дорихоналардан бериш тартиби

Рецептсиз.